သူတို့နှစ်ယောက်လုံး တစ်ယောက်ကိုတစ်ယောက် ပြုံးပြမိလိုက်ကြသည် ။
" မာမီ ..? "
အနောက်ကနေ Violetက ထွက်လာပြီး ဒီအချိန်ကြီး သူ့အမေကို မြင်တော့ အံ့ဩဟန် အသံပြုသည် ။
" Sweetheart "
သူ့ရှေ့မှာ ဖက်ထားသည့် သားအမိကို ကြည့်ပြီး Jenoက ပြုံးမိပြန်သည် ။
" Uncle Jက ဇာတ်လမ်းပြောပြနေတာ ။ အခု အဆုံးပိုင်းနား ရောက်နေပြီ "
" ဟုတ်လား .. မာမီက ဘွားဘွားနည်းနည်းနေမကောင်း ဖြစ်နေတယ် ဆိုပြီး ဖုန်းဆက်လာလို့ အဲ့တာ ဘွားဘွားဆီ သွားရအောင် လာခေါ်တာ ။ ဒယ်ဒီက ဟိုမှာ စောင့်နှင့်နေလိမ့်မယ် "
" ဇာတ်သိမ်းပိုင်းကို နောက်မှ နားထောင်ရမှာလား.. "
Violetက မဆိုစလောက်လေး နှုတ်ခမ်းဆူလာတော့ Aliceက ရယ်သည် ။
" အဲ့ဒီလိုလား .. ဘာအကြောင်း ပြောပြနေတာလဲ Jen "
Violetရဲ့ ကလေးဆန်နေပုံကြောင့် သူ့ဘက်ကို Aliceက လှည့်လာပြီး မေးသည် ။
ဒါပေမယ့် သူက ပြန်မဖြေမိဘဲ Violet ဘေးကိုသာ ထသွားပြီး ကလေးမ ခေါင်းကို ဖွဖွပုတ်မိသည် ။
" ဇာတ်လမ်းအကြောင်းကို ပြောပြပြီး .. ဇာတ်သိမ်းပိုင်းကိုက မာမီ့ကို မေးလိုက်လို့ရတယ် ။
မာမီ သိတဲ့ ဇာတ်လမ်းမို့ "
Violetက အဲ့ဒီလို ဆိုတော့ သူ့မာမီကို စောင်းကြည့်သည် ။
ဆက်စပ်မိသွားဟန်ပြသည့် Aliceက သူ့ကို ခပ်ဖျော့ဖျော့ပြုံးပြရင်း သူတို့သားအမိက အိမ်ထဲက ထွက်သွားတော့သည် ။
ဒီနေ့တော့ ရာသီဥတုက အုံ့မှိုင်းမှိုင်းနှင့် ။
မိုးမရွာဘဲ တိမ်တွေထူတော့ နေလို့ ကောင်းလောက်သည့် အနေအထားမှာပင် ။
မြင်ကွင်းကနေ Aliceတို့နှစ်ယောက် ပျောက်သွားတဲ့အထိ နှုတ်ဆက်ပြီး Jenoက ဘယ်သူမှ မရှိတဲ့ သူ့အိမ်ထဲကို ပြန်၀င်လာခဲ့တော့သည် ။
ဒီညနေ ပစ္စည်းတချို့ သွား၀ယ်စရာရှိတာကိုလည်း စာရင်းလုပ်ဖို့ လိုသည်လေ ..။
.............................
Hyuckkieက စာပို့လာတော့ အပြင်သွားဖို့ ပြင်နေရင်း သူက ဖုန်းကို ဖွင့်ကြည့်မိသည် ။
Selenophile ( 𝓯𝓲𝓷𝓪𝓵 )
Start from the beginning
