Hello there!~ ㅋㅋㅋㅋ
Just so you know i feel like coming back for you today hehehe ^^ but i’m not guaranteed that I won't be disappeared again ㅋㅋㅋㅋ
______________
“ យប់មិញមកមុនមិនប្រាប់គ្នាផងទេឯងនេះ ! ” Hyemi សម្លក់ Mirae បែបខ្ជីខ្ជូត។
“ គឺម៉ាក់ call ហៅ ប្រញាប់ក៏មិនបានប្រាប់ ”
“ លើកក្រោយផ្ញើរសារមួយម៉ាត់ក៏បានដែរយើងបារម្ភ ! ”
“ okay ”
ស្នាមញញឹមដែលមាននៅលើផ្ទៃមុខ Mirae សាបរលាបទៅវិញភ្លាមៗគ្រាដែលមិត្តបែរក្រសែភ្នែកចេញពីខ្លួន។ អារម្មណ៍មួយនេះនៅតែនៅទីនេះមិនព្រមទៅណា... វានៅតែឈឺក្តុកៗគួរឲ្យរំខាន។ មាលតីផ្កាប់មុខលើតុទាំងបេះដូងកំពុងលោតជាមួយសម្ពាធស្របជាមួយទឹកភ្នែកដែលត្រៀមខ្លួនបម្រុងនឹងហូរចុះមកគ្រប់ពេល។ នាងមិនចង់ឃើញមុខរបស់គេ មិនចង់សូម្បីតែឮឈ្មោះ នាងចង់ដកឃ្លាឈប់មួយជំហានព្រោះគ្រប់ជំហាននីមួយៗដែលនាងក្រមុំបោះទៅបេះដូងក៏ឈឺកាន់តែខ្លាំង។
“ ចាំបងបណ្ដើរកង់ឲ្យ ” សម្លេងទន់ភ្លន់របស់មនុស្សប្រុសតែម្នាក់ដែលជាសង្សារពេញមុខមាត់របស់ Hyemi និងជាសង្សារលួចលាក់ជាច្រើនឆ្នាំមកហើយរបស់មិត្តភក្ដិនាង; Mirae ។ អ្នកកម្លោះបណ្ដើរកង់ជំនួសឲ្យ Hyemi ស្របពេលដែលអ្នកម្នាក់ទៀតបណ្ដើរតិចៗពីក្រោយពួកគេព្រោះមិនចង់ក្លាយជាចំណែកលើស។
“ Mirae ថ្ងៃនេះចង់ញ៉ាំអី ?? ” Hyemi ងាកក្រោយសួរ។
“ អត់ទេ យើងមានការនៅផ្ទះ ”
ចម្លើយនាងក្រមុំធ្វើឲ្យ Hoseok ភ្ញាក់បន្តិច គេប្រញាប់និយាយឡើង។
“ ទៅមួយភ្លែតក៏បានដែរ Mirae បងធ្វើម្ហូបលឿនតើប្រហែលជាមិនយូរទេ ! ”
“ ទេ ខ្ញុំមានការសំខាន់ ”
“ ចឹងនៅចាំយកទៅញ៉ាំនៅផ្ទះទៅយ៉ាងម៉េចដែរ ? ” Hoseok ព្យាយាមសើចបន្លប់ស្របពេលដែលអ្នកមិនដឹងរឿងអីងក់ក្បាលយល់ស្រប។
“ មិនអីទេ អរគុណហើយ ! ”
“ Mirae-yah ឯងមិនស្រួលខ្លួនមែនទេ ? ថ្ងៃនេះឯងមើលទៅខុសពីសព្វមួយដង ” Hyemi ដាច់ចិត្តសួរនៅទីបំផុត នាងសង្កេតឃើញអាការៈប្លែកៗយូរហើយប៉ុន្តែមិនហ៊ានសួរនាំ។
YOU ARE READING
Blooms Into You
FanfictionThe hardest thing to do is to watch someone you loved, loving someone else. Based on someone's true story.
