لكنها طفلتي❤️

26

ولكنها_طفلتي 🔮
____
الحلقة 26 🌈✨
_ كملو العرس .. قضاو ليلة هذيك شطحو ... طلعت مرام غنات " بحكم صوتها شباب " .. بردت قلبها فرحتها ماشي سايعتها .. جاست شادة فجسور و معنقين بعضاهم ناسيين الناس غارقين فعالمهم الخاص ... جسور & مرام كملو لعرس و كل شخص راح لدارو .. ودعوهم .. سوزان عنقتها بقوة لمرام و خرجت ...
***
ناضت صبح باستو من خدو و لفت لغطا دخلت لدوش دوشت ... وجدت روحها لبست حوايجها خرجت لقاتو ناض شافت فيه
مرام : صباح خير
جسور : صباح نور يا روح جسور
باسها من خدها و دخل دوش .. بدات تسوطي و تسفق لضوك ماشي مأمنة واش راهي عايشة زواج حب حياة سعيدة .. مشطت شعرها و هبطت .. وجدت لفطور ... تبسمت حطتلو .. سمعت الباب صونا .. ناضت .. تجري فتحت الباب.. تصدمت كي شافتها
مرام : ههه ريان ! كيفاه عرفتي وين نسكن !
محست غير بجسور لي هبط شاد سربيتة فيدو ينشف فشعرو ...

جسور : شكون جا ..
زاد لحق ميران .. دخلو بين زوج .. ميران مشوكي .. جسور زير على سربيتة .. يشوف فيها .. وجهو مزير ... محس غير كيفاه جرات تلاحت عليه عنقاتو .. مرام تشوكات تشوف في حبقلبها راجلها بين احضان اخرى معنقاتو ! مزيرة عليك .. مرام جبدتها من شعرها بعدتهاا عليه
مرام : ايي ايي نتي واش واش ! ضوك يا تخرجي يا نخسرلك وجهك .. قربت ليها عين فالعين
مرام : نلقى يدك محطوطة على راجلي نكسرهالك و راني حذرتك
ريان : جسور شوف فيا انا ريان حبيبتك .. روحك توحشتك .. فهم هذي طفلة بلي نتا تاعي
مع هاذ لكلمة جات تسوطي عليها حكمها جسور من كرشها تزغد بين يديه
مرام : جسووور اطلقنيي اطلقنييييي ارواحي نوريلك واش توحش و شكون نتي ! و ليمن هووو يا حمارة ... ارواحي جسووور اطلقننننييي
جسور : ميران طلع ### لشمبرة تاعها و غلقها ..
ميران طلع ريان لغرفتها
ريان : بعقلك نعرف شمبرتي
ميران : متحرڨيليش راصي امشي و بلعي

جسور حط مرام فالرض .. مع حطها جات تجري طالعة رجع حكمها رفدها
كرشها فصدرو و يدو في فخضها و ثانية على خصرها كي لبيبي لوجه فالوجه ..
مرام : اطلقني نخسرلها وجها
جسور : تبقاي هنا هاكا حتى تهداي
مرام : راني هديت طلقني
جسور : قلت ل### منطلقكش
مرام : شكونها هذي
جسور : ريان
مرام : راك تتهرب من سؤال تتمهبل بيا ياك .. !
جسور : شفتي الغرفة هذيك لي دخلتيها و هجت عليك ... !
مرام شافت فيه ستغربة
مرام : ايه ..!
جسور : تاعها
_شافت فيه بعدم الفهم .. شوية و نصدمت .. شوف فيه بنظرات كي الجمر .و كأنها تتحرق من داخلها
مرام : ي يعني ه هي !
جسور : ممم

____