و"الدكـتور" و "الضابـط" واقفين
قرب رأسي بخوف و قلق علية
أنـتبه عـلية گعدت، گـال بأهتمام:
الضابـط: شلون صرتي عيني ؟
مـا رديت أكـتفيتُ بالسكوت ما عـندي طاقـة أجـاوب بيها،بقيت متمددة بحدود الساعة
كرهت روحي و قرفت من حالتي،مو أني الي أكون ضعـيفة،هذا مـوو مكاني ، ولا رح أسمح لنـفسي أكـون هُـنا مرة الثانيـة!!
طلعت رغم "الدكـتور" ما قبل ابدًا، بـس گلت ألهم صرت أحسن ماكو داعي ابـقئ أكثر
ما أعرف شگـد چنت نايمة ؟ الدنيا صبح
و الشمس طالعة، گـلت الئ أختي:
- يـلا نرجع
ردت: " وين نرجع ؟
وبـيت ما عدنـة وماتـوا أهـلنة!!"
كلماتها وقـفن سكين ببلـعومي عصرت أيدي وجريت نفس بصعوبة مُتنهده
- لازم نروح ندفنهم بعدين أندبر روحنا لا تخافين دام أختچ موجودة لو الكُل يتركنا لو الكُل يموت أني رح أبقئ يمچ سندچ أبدًا لاتخافين أني يمچ دائمًا
سكتت بأطمئنآن طلعنة متوجهين للمقبرة
دفنوهم و عرفتُ كُل مراسيم الـدفن صارت
علئ حساب "الضـابـط" هـو إلي دفع!!
الكُـل راحو بعد الدفن، أخـتي سرسحت روحها علئ قبورهم گعدت ويـاها ما حچيت شيء خليتها علئ راحتها اطلع قـهرها و آلم گلبها
لأن بعد ما رح تشوفهم ولا رح نزورهم
٤ سـاعـات متواصلة حاضنة قبرهم
بسكوت دائم تحچي بهمس
خفت عليها و علئ گلبها، أحاول أصبرها علئ فقدانهم بس !! أني بنفسي ما مستوعبة إلي صار ليلة أمس و الجريمة الي ارتكبت اسوء ليلة بعد الـ ٣ ليالي الماضية إلي عشتهم"
الشمس رح تغرب و يصير الليل، بالقـوة
قدرت أوقفها و أكسر سكوتها
الـضابط بعدهُ واقف و صافـن بالسماء متكئ
علئ سيارتة و أيدية حاضنات بعض بحيره
أستغربـت منهُ ومن صفنته!!
تالي لزمت أيدها و گمنه سويًا
شافنه دانمشي گــال:
- لحظـة لا ترحون أنـا اوصلكم
رديت :" ويـن توصـلنة ؟
- لبيتكم ؟
- أحتـرگ الئ رماد و بقئ بس هيكل!
- ما عندچ أقارب ؟
- لا
- معقولة !! حـتئ أهل أبوچ او أمچ ما اجو
أو سألو عنـكم ولا حظرو مراسيم الدفن
رديت بشد و حزم: "أعتقد هذا الشيء يخصني ياريت إذا مُمكن ما تتدخل بأشياء ما تعنيك
ŞİMDİ OKUDUĞUN
شخوص داخلة
Aksiyonفتاةٌ مسيحيةٌ، تشهدُ عَلَى عِدّة جَرائِم، فَتكبر ثلاثُ عقود فِيْ ليلةٍ مشؤمةٍ، ثُمَّ تفر هاربة إلى تُركيا، لَا تعرف شيءً عن القاتل المَجهول سِوى الحرف -F- الَّذي يَخطهُ بالدمِ، يا تُرى مَن هوَ؟ وماذا يُريد؟ ألغازٌ مُحيَّرةٌ عِنوانُهَا -حُبّ أم إنتق...
part 2
En başından başla
