Chasing the Forbidden (SERIE FEROCI 3)

Chapter Thirty-Six

"Lah, gaga ka? Tumataob ang pagiging in denial ni Xanthos kapag lasing. Lagpas dalawang dekada ko ng kaibigan 'yon kaya alam ko. Kaya nga namin nalaman nina Zak na mahal ka n'ya five years ago pa, e. Nalasing siya no'n tapos halos pinagsigawan sa bar ko na mahal ka n'ya. Nakakahiyang moment talaga 'yon, tangina," napapailing na sabi ni Cad.

"OMG talaga teh, akala ko forever ng hindi kikilos si Sir. Hay, sana man lang nakita ko ang confession moment ni Sir Xanthos. Deserve ko 'yon bilang number one supporter n'yo since day one," paghihimutok ni Denise.

Napabuntonghininga na lang ako at napayakap sa sarili ko... Kung gano'n, ibig sabihin totoong mahal ako ni Xanthos at matagal na n'ya 'kong mahal. Kung alam ko lang...

Napailing na lang ako. Bakit ko ba iniisip 'yon? Balewala ang pag-amin n'ya kung hindi n'ya naman ako haharapin. Saka isa pa, lasing siya noong umamin siya. Posibleng nakalimutan na n'ya ang tungkol do'n.

Wala naman akong lakas ng loob na ipaalala sa kanya 'yon kung sakali... saka bakit ko naman ipapaalala? Hindi pa naman ako nahihibang para gawin 'yon.

Hindi ko na lang hinayaan ang sarili ko na magmukmok. Napagdesisyunan kong magpunta sa mall para mamili kasama ang kambal. Ngayon na lang ulit ako nakalabas kasama sila. Bibilhan ko na lang sila ng mga gusto nila at hahayaan silang maglaro sa arcade.

"Mama, saan po nagpunta si Papa?" tanong ni Xiana habang nakain ng ice cream.

"May inasikaso lang ang Papa n'yo, uuwi rin siya... Bakit? Nami-miss n'yo na ba siya?" tanong ko saka pinunasan ang labi n'ya na medyo makalat na dahil sa ice cream.

Napanguso si Xiana. "Opo, Mama... Kailan po tayo makakalabas together as a family?"

Natigilan ako sa tanong n'ya. Hindi ko siya masagot dahil hindi ko alam kung kailan mangyayari 'yon.

Nagtungo na kami sa department store pagkatapos nilang kumain ng ice cream. Ibibili ko sila ng mga bagong damit. Medyo lumiliit na sa kanila ang mga damit nila.

"Mama, pwede po ba maghiwalay na kami ng room ni Kuya Xevan? Gusto ko po ng princess theme na room, ayaw po ni Xevan ng gano'n," sabi ni Xiana habang nakahawak sa kamay ko.

"Sige, sasabihin natin sa Papa mo. May isa pa namang extra room sa tabi ng room n'yo ni Xevan," sabi ko saka bahagyang kinurot ang pisngi n'ya.

"Mama, I want a batman theme room," sabi naman ni Xevan saka yumakap sa hita ko.

"Okay, sasabihin natin sa Papa n'yo 'yan," sabi ko na lang.

Natigilan ako nang mapatingin sa home appliances section. Napatigil ako sa pamimili ng damit ng kambal nang makita si Mom na nakatingin sa direksyon ko. Kagaya ko, bakas din ang pagkagulat sa mukha n'ya.

"Mama, is there a problem po?" tanong ni Xiana saka yumakap din sa hita ko.

Napatingin si Mom sa mga anak ko na nakayakap sa magkabilang hita ko. Hindi ko alam kung bakit hindi agad ako nakakilos nang maglakad siya papalapit sa 'kin. Nanatili akong nakatitig sa kanya. Nararamdaman ko rin na nanlalamig ang mga kamay ko ngayon.

"Kiara... is that you, sweetie?" she asked and gave me a faint smile.

Akira North... No, Akira Montreal is still beautiful as ever. Her age really didn't do justice to her beauty. I just sighed and avoided her gaze. This is so awkward. I never expect to see her again like this... Hindi pa naman naging maganda ang huling pagkikita namin noon.

"Sila na ba ang mga anak mo?" tanong n'ya habang hindi maalis ang tingin sa kambal.

Hindi ako nagsalita at tumango na lang. Hindi ko alam kung paano siya tatratuhin o pakikisamahan ngayon matapos ang mga nangyari... Sinabi n'ya na hindi siya ang tunay na nanay ko, wala naman sigurong dahilan para pakisamahan ko siya nang ayos... pero dahil siya pa rin ang kinilala kong nanay, hindi ko magawang mainis o magalit sa kanya.