STIGMA

chapter 2

Ji- Hyun pov

Ka mut hnu ah tho leh in ka room light chu ka on  leh a, ka tukverh lam ka pan vat, curtain chu hlím in pawn lam ka en a, mahse a reh thap tho si.
Nichin khan ka hre sual nge min zui tu kha an awm ngei khan ka hria ani.
Nge keihi ka rilru hah vangin thil ni lo pui pui ka ngaihtuah zawk.

Ka pawisa khawlsa leh ka purse a pawisa awm zawng zawng chu ka la chhuak a.
Engtin nge ka tih ang, ka neih zawng zawng pawh pe mah ila a chanve pawh a tling silo.

Tlem tlem in ka dah hrang a
hei chu tunkar  a ei tur leina tur, Jae- hae school fee tur.... Tui bill, electric bill.... tiin ka sem rual a.

Ka  kawr a ka lehkha àh,  kan misualpa in min pek chu ka phawrh a, $10000, engtin nge ka tih ang, engtin nge kar1 chhung in he tiang pawisa zozai hi ka rulh theih tak ang!!? Ka lu chu dawm in thawk ka'n la leh hawk a.
Kawng ka hre ngang lo, engtin nge pawisa ka neih ang, vàwin ah ka hna atang in min ban bawk si, "Lalpa khawngaih in min pui hram teh"  tia phun sep in ka mit ka chhing vang vang a.

Choka lam pan a tui in tur a ka kal chu Jae-hae room la eng ut ka hmuh vang  chuan ka hawng dek dek a,  Jae-hae chuan lehkha alo la zir, ka nui suk a.
A tha e, ka beidawng tur a nilo, Jae hae tan ka bei ang, ka nau in tha tak a lehkha a zir theih nan ka bei ang, naktuk atang in hna ka zawng ang....
"Jae hae ka lawm e chakna min pek leh avang in  chuan ka tih palh i noona hian nuam sa takin a awm tir thei silo che a" keima hriat tawk leh a ka phun hnu chuan tui in tur in ka kal a.
.
.
.
.
.
.
.
"Manager khawngaih in he hna hi min thawh tir leh hram rawh" thingthi chunga kutsuih chung chuan ka dil a.

"A theih loh ka thawh tir thei tawh lo ang che khang misual kha rawn kal leh se, i thawh atang hian kan dawr bungrua hi a chhe hnem tawh lutuk khang misual ho lah kha tun kar ah pawh vawi engzat nge an rawn kal tawh" manager chu thinrim fe chuan a ang piap piap  a.

"Khawngaih in manager  vawi khat chiah, hei bak hi chu ka dil tawh lo ang che, kha hna kha ka mamawh tak zet ani" ka ti leh a,
Kan piah ah chuan Min Jung in min khawngaih hmel zet a min lo en bawk.

"Nilo ka thawh tir thei tawh lo che min hrethiam dawnia, hei hi la rawh  i tunthla chhung  hlawh anih hi" tiin ka kut chu la in pawisa chu a rawn hmeh bel a. Rilru na trûn in ka en a, ka tah a chhuak ngawih ngawih.

"Khawngaih in min chhuahsan rawh, customer an rawn kal tan ania" a ti a, kawngka lam a kawk nghal zat bawk.

"Manager khawngaih in"

"Chhuak rawh" ram hmak chuan a ti vín leh hrawk a.
A àwki a rin that em avang in ka phu zawk thei.

A rum thei ang ber chuan ka melh ve hrawk a, ni e, awm zia a nei tawh chuang hleinem duh tawk in ka melh ve thei.

"A tha e, ka chhuak ang, hre rawh in dawr hi a tluang ngai lovang" tiin ka chhuah dawn chuan ka ti ve pap pap a.

Dawr ka chhuah san chiah chu dawr chu ka melh leh nghek a.

"Ji-hyun" titu lam chu ka en a, Min Jung ani.

"Pawi ka ti luluk Ji-hyun, manager kha ka bia a mahse a thu tlukna a sawhsawn duh chuang lo a" ka kut chu vuan in a tia.

"A pawilo Min Jung, kan manager chu kan hriat kha, a thil tih tawh a thulh ngai loh tih chu, ka lawm lutuk ka chung a i that avang in" ka nui suk a.

Chhunglam atanga vîn fe a manager in Min Jung a rawn koh hnu chuan lainat hmel fe in min en a, hlim hmel pu hram in lut tur a ka tih hnu in Min Jung chu a lut ve ta.
Thian min hmangaih tu ka nei ve tal a ka lawm ani, kan thawh chhung zawng in ka tan a fel em em a,harsatna ka tawh pawh a min hnem a min thlamuan reng tu ani.
.
.
.
.
Cafe dawr hrang hrang ah leh a rem lai ang ang ah chuan hna thawh tur an neih leh neih loh chu ka zawt zel a mahse enghna mah a awmlo, a lo ruak ve thin ah lah ka tlai chiah chiah thu hlir in min hrilh a.
Heng aia hna sang ka dil thei silo, lehkha ka zir sanglo a, thiam na ka nei silo.