وَ نسيتُ أَنني حُرَّةَ ♨️🔞♥️

بارت 34

- سليمان : شباقي بيها صايره شبه ثريا ، وجها مخطوف وتعبان ، لبسها مبهذل وين ذيج الانيقة !! اقتربت منها ، شلونج

- ثريا : مو زينة

- سليمان : عيونها حزن وعتب وملامة ، درت عيوني على سيارتي ما اريد اشوف هذا العتب وكلت امشي عندي حجي وياج

- ثريا : يتهرب من عيوني ، اخ يالدنيا ، ويريدني اصعد حتى يقشمرني ، كلت تندل بيتنا عود تعال هناك نحجي عندي دوام هسه

- سليمان : اني هم عندي دوام بس كلت نحجي بهدوء وحدنا

- ثريا : قصدك تقشمرني بكم كلمة حتى اصدكك

- سليمان : هاي شبيج كمتي تخربطين بالحجي جاي اكلج نحجي وحدنا ، منطول امشي

- ثريا : اخذ اجازة واجي ، دخلت اخذت اجازة مرضيه ، وطلعت شفته بالسيارة ، فتحت الباب وصعدت ، مشى بينا وصل مطعم دخلنا شبه فارغ كعدنا يم الشباك طلب قهوة ☕️ ووافل يعرفني احبه

- سليمان : اني اعتذر

- ثريا : عن شنو

- سليمان : اتزوجت وما انطيتج خبر

- ثريا : وهسه شتريد اباركلك مثلا

- سليمان : لا اريدج ترجعين وياي انتي بيتج وحد وهي ويه اهلي

- ثريا : واذا كلت ما اقبل

- سليمان : شنو متقبلين

- ثريا : واضحة لو بعد متشوف استاذ

- سليمان : احجي بدون الغاز

- ثريا : تختار لو اني لو هي

- سليمان : شنو ليش لعب جهال هو

- ثريا : ليش اتزوجت شناقصني ؟؟

- سليمان : علمود الاطفال ، انتي مو ناقصج شي

- ثريا : واذا حملت اطلكها

- سلمان : لا طبعا ثريا شبيج

- ثريا : ( هنا قررت ما اكله على الحمل واحرك قلبه مثل ميسوي بيه ) لعد شنو تكول علمود الاطفال ، افرض اني حامل ، شتسوي !!

- سليمان : ما اسوي شي ثريا كتلج بيتج وحد راح استلمه بداية الشهر وبيتها وحد مراح تنجمعين وياها

- ثريا : طلكني اني ما اريدك

- سليمان : ماكو طلاك ولتجيبين بعد هذا الشي على لسانج ، كولي غير حل اذا عندج

- ثريا : كامت من مكانها بعصبيه منيه هاي الي اخذتها وشوكت تعرفت عليها حتى تبدلني بيها تحجي بهستريا

- سليمان : كام يتلفت يمين ويسار على الناس الي تباوع عليهم ، لزمها من ايدها وكال كعدي شبيج لو امشي نطلع ، لتصيحين وتخلين الناس تتفرج

- ثريا : سحبت ايدها بقوة وكالت خليها تفيدك مرتك ، وطلعت

- سليمان : حطيت الفلوس على الطبلة جوا الكهوة وطلعت امشي وراها ، لزمتها من ايدها ودرتها عليه ولج ليش هيج تتصرفين تمشين واني احجي وياج