مالك القمر

الجزء التاسع

ذهبت سيرين لقمر والتى رحبت بها ريماس بشده
دخلت الفتاتان لحجرة قمر وبالطبع قصت قمر كل شئ لسيرين بالتفصيل والتى ظهر الغضب على ملامح وجهها ووبخت قمر
سيرين.هى انتى اتجننتى ولا كنتى شاربه حاجه
قمر.بتقولى كدا ليه
سيرين.اولا واحد متعرفهوش تتكلمى معاه وتركبى معاه عربيته ولا كأنك تعرفيه انتى اتجننتى على فكره وخصوصا أنه كان ممكن يعمل فيكى مصيبه لا وايه دخلت الشاليه بتاعه انتى ايه لو مكنتيش صحبتى كنت قلتى انك مش متربيه
قمر.ما تهدى شويه عليا انتى عارفه ربايتى كويس بس انتى مش حاسه بيا انا لقيت فيه اللى ملقتهوش فى اى حد تانى
سيرين.لاقيتى ايه بقى لاقيتى واحد متجوز ومعاه عيلين وسايب مراته ورايح يعيش حياته مع واحده ميعرفهاش
قمر .انتى ليه بتهاجمى كدا ماانا حكيتلك أنه مش بيحبها
سيرين .طيب اتجوزها ليه علشان حلوى وعلشان ينسي حبيبته دا واحد هوائي و مش حكيم ودلوقتى عايز يطلقها بعد ست سنين لانها مش بتلبس فساتين ولأنها خنيقه ياسلام انتى سامعه اللى انتى بتقوليه ولا هو سحر لك ولا ايه
قمر .لا هو لمس قلبى
سيرين. وادهم مكنش لمس قلبك
قمر. لمس قلبى بس اكتشفت أنه مش مناسب
تكلمت سيرين بحزم وغضب ناتج عن خوفها على صديقتها
سيرين .ولا دا ينفع لك ولا مناسب ليكى وتبقى لا صحبتى ولا اعرفك لو مفوقتيش لنفسك
وأخذت حقيبتها وهمت أن تغادر
قمر. استنى انتى مش هتبطلى جنانك وعصبيتك دى شويه
سيرين.عايزه ايه ياقمر انتى عايزه ايه
قالت قمر بتشتت وهى تلقى بنفسها على مقعدها باستسلام
قمر .عايزه اعرف المفروض اعمل ايه
سيرين.انسى خالص يوسف دا
قمر .بس احنا اتفقنا نبقى اصدقاء
سيرين.لو اصدقاء بس يبقى فى حدود فى التعامل يبقى تمام
قالت قمر بأستسلام فسيرين هى الوحيده التى تقتنع قمر برأيها دائما
قمر.ماشى
سيرين.وادى فرصه لقاسم
قمر.ياربى ارحمنى انتم ايه كلكم بتفكروا فى قاسم على أساس أنه حد مناسب مع انى انا مش شايفه كدا
سيرين.انا بقولك أدى له فرصه
قمر .هحاول
سيرين.ماشى ياقمر يلا هسيبك علشان عندى تمرين باى
قمر .باى
جلست قمر تفكر فى كلام سيرين قررت أن ترتاح قليلا
وبمجرد أن وضعت راسها على خداديتها نامت بعمق...
استيقظت بعد عدة ساعات على مكالمه هاتفيه من رقم غريب غير مسجل لا تعلم لما لم تحبذ ان ترد على هاتفها
ردت اخيرا بتردد لتسمع صوت يوسف والتى تعرفت عليه بمجرد أن سمعته
يوسف.ازيك ياقمر
ردت قمر بتوتر فهى تعرفت عليه
قمر.ازيك يايوسف
يوسف.وصلتى بالسلامه
قمر.من بادرى
يوسف.وانا كمان وصلت عايز احكى لك حاجه
قص يوسف عليها ما فعلته نور لا تعلم سببا واضحا لشعورها بالحقد على نور فمن المفترض أنها هى و يوسف اتفقوا على أن يكونوا اصدقاء
قمر.وهتعمل ايه دلوقتى
يوسف.هديها فرصه طبعاً وخصوصا أن كلامها فوقنى انا فعلا كتير كنت بقارنها بشهد يمكن علشان كدا كنت رافض اختلافها
قمر.بتحبها
يكن يوسف لا يعلم بما يرد فلقد حركت نور باهتمامها مشاعر قد طغى عليها المقارنات الحمقاء التى كان يضعها بها دوما تنهد اخيرا وقال
يوسف.مش عارف
قمر.ربنا يسعدك يا يوسف
يوسف.قولى لى فكرتى فى موضوع قاسم
قمر .تانى قاسم انا زهقت كل الناس بتكلمنى عنه كان مفيش غيره فى العالم
ضحك يوسف
يوسف طب ماتيجى نشوف
ضحكت هى الأخرى
قمر.ياسيدى يارب ينسانى ولا اشوف ولا هو يشوف
يوسف .طيب انا هسيبك دلوقتى يلا باى
واغلق معها سريعاً
دخلت نور لتجد يوسف يضحك لتبتسم وتجلس بجانبه
نور.انا هروح اجيب مريم وعمرو من عند مامى هيفرحوا اوى برجوعك
انتبه لما ترتدى ماهذا منذ متى وهى ترتدى مثل تلك الملابس من المؤكد سيتأملها الجميع وخاصتا أنها فى العادى ملابسها محتشمه
لاحظت نور أنه يتفحص ملابسها
نور. مالك يايوسف
يوسف.ولا حاجه استنى انا جاى معاكى
ابتسمت نور بسعاده وهزت رأسها بالموافقه

بينما عند قاسم فلقد قرر أن يتكلم اولا مع ريماس ويتفق معها ثم يكسب بطريقته قلب قمر
مر اليوم على الجميع بهدوء
استيقظت قمر فى الساعه الثانيه عشر ظهراً لا تعلم كيف استطاعت أن تنام حتى الظهيره ابتسمت عندما تذكرت تعليق يوسف على استيقاظها متأخرا ورائيه بانه من المؤكد أنها لا تعلم ولكن سرعان ما انقبض قلبها عندما تذكرت سبب تركها للعمل ،لقد انقبض قلبها أتذكرها لقاسم ذلك اليوم الذى كان ثأثر به فقط لكلامها مع احمد....
ابتسمت بسخرية فهو يبدو من المؤكد يغار كما تقول والدتها ولكن منذ متى وهو يغار أو بمعنى أدق متى احبها حتى يغار عليها....
قطع حبل افكارها مكالمه هاتفيه من سيرين تطلب منها أن تأتى لها المركز الرياضى لتقابلها فى بادئ الأمر رفضت قمر ولكن الحاح سيرين على غير العاده جعلها ترضخ فى النهايه
فى حقيقة الأمر أن قمر لا تحبذ الذهاب لهذا المركز الرياضى الخاص بتدريب السيدات والرجال والذى ملكا لسيرين ....
ارتدت ملابسها وذهبت لصديقتها لقد كانت سيرين فى تدريباتها العنيفه ،شعرت بالضجر من قبل حتى أن تنتظر ....
لمحتها سيرين لتوقف التدريب وتجلس بجانبها
سيرين.اوعى تكونى زعلانه منى ياقمر
قمر.لا طبعا مش زعلانه ،بس انتى اصريتى انى اجى لك علشان تقولى لى كدا
سيرين.بصراحه اه
لا تعلم قمر لما لا تستشعر الصدق فى كلمات صديقتها ولكنها حاولت أن تصدقها
قمر.طيب على فكره هو كلمنى
سيرين.تانى وعايز ايه
قصت قمر لسيرين أن يوسف سيعطى فرصه اخرى لزوجته
سيرين.عين العقل كدا يعجبنى
تنهدت قمر
قمر.ربنا يسعده
سيرين.تعالى نروح نأكل سوا
وبالفعل ذهبت الفتاتان لمطعم قريب من المركز الرياضى وتناولوا الطعام سويا ويعد انتهائه عادت سيرين للمركز الرياضى بينما قمر قررت العوده لمنزلها.
وعند اقترابها من منزلها رأت سياره تعرفها جيدا أنها سيارة قاسم ما الذى أتى به إلى هنا مجدداً توقعت أن يشاكسها أو يقطع الطريق عليها كما فعل قبلا ولكنه مر بسيارته بجانب سيارتها سريعا فى اتجاه معاكس لسيارتها وغمز لها بمشاكسه
تعجبت من أمره ولكنها حاولت أن تنفض وجوده من افكارها
فى حقيقة الأمر لا تعلم بالمفاجئه التى يعدها قاسم لقمر
تتبع