#رواية_سلاطين_العشق
#بقلم_يارا_محمد
الفصل الرابع
ـــــــــــــــــــــــــــــــــــــــــــــــــــــــــــــــ
بغرفة صخر وعشق
عشق بتفتح عينيها بتلاقي نفسها نايمه علي الركنه
بتبلع ريقها وتبص علي السرير بتلاقي صخر لسه نايم في نفس وضعه من امبارح
وبتفتكر امبارح لما كان لسه هيقرب منها وفقد الوعي
بتحط ايدها علي راسها وتقول بغضب لنفسها :أن إيه اللي خلاني انام طب افرض قام من النوم ونفذ العقاب اللي مش عارفه إيه هوا اللي كان عايز يعمله امبارح
بتنفخ بضيق وتبص علي صخر مره تانيه لكن المره دي بقلق وتقول :هوا ماله نايم كده ..يلهوي ليكون مات
بتقوم وتقرب منه بخوف وتبلع ريقها مره تانيه وتحط ايدها علي كتفه وهيا متوتره وتهزه وتقول :أنت ..أنت قوووم ..قوووم يخربيتك أنت موت ولا إيه ..صخررر
بتخرس فجأه عن الكلام لما تلاقي ايده بتسحبها وتقع في حضنه
بيفتح عينه الرماديه ببطئ وبطريقه جذابه جداً
خلتها ترمش بعيونها متعرفش من توترها ولا من خوفها ولا من وسامته وهوا بشكله ده وبخصلاته اللي نازله علي وشه بشكل جذاب جداً
صخر وهوا بيبص ليها بتدقيق :كنتي بتعملي إيه
عشق بتنفجر فيه بغضب :اسأل نفسك أنت اللي كنت عايز تعمل إيه امبارح ..أنا عارفه إنك زباله وحيوان بس مش اتوقع أنها توصل بيك لكده
صخر عينيه بتحمر علطول بالغضب وبيلف ايديه حوالين رقبتها ويقول بغضب :اخرسي ..اخرسي بقا
عشق بتفتح عينيها وبتحس أن روحها خلاص بتطلع تحت ايده وتقول بصوت مش واضح :آآ بب عد ..ابعد عني
صخر بيسيبها ويقوم ويرميها علي السرير وهوا بيبص ليها بغضب كبير
عشق بتفضل تكح (تسعُل) وعينيها دمعت وبتبص ليه بخوف بس بتقول بغضب :أنت مجنون ..أكيد مجنون ..آآ أنت كنت هتقتلني
صخر بيفضل يبص ليها بغضب وبينطق جمله واحده :هفضل اكرهكو لأخر عمري
وبيخرج بره الاوضه
عشق بتهز راسها بخوف وتقول :دا مجنون ..أكيد مجنون
أنت تقرأ
سلاطين العشق .. للكاتبه يارا محمد
Romanceثلاثة شباب وثلاثة فتيات هم ورثة عائلة الهواري ولكلٍ منهم شخصيته الخاصه ومختلفة تماماً عن الآخر كانو يعيشون وغير مباليين بأي شئ آخر ويمقدون الزواج لأبعد الحدودو ولكن يدور بهم القدر ويصبحو كلٍ منهم متزوج من ابنة عمه... كيف تسير الامور بينهم..؟؟ وكي...
