دار الايتام

دار الايتام البارت السابع والثلاثون

لبس..ليل هدومه بسرعه....ونزل...خد معاه جزء من الجارد بتوعه..وراح علي جاسر...بعد فتره بسيطه... وصل ليل شقه خاصه بجاسر... شقه خاصه بجاسر محدش يعرف عنها حاجه ولا يعرف مكانها غير ليل وادم ونوح....
خبط...ليل...
ثواني وفتح جاسر....واول ما شافه وقف باصصله وساكت.
ليل...ايه جيت في وقت مش مناسب ولا ايه. مالك باصصلي كده ليه...
جاسر....ادخل..
ودخل جاسر وسابه...
دخل ليل وراه وقفل الباب.. وراح اعد جمبه عالكنبه....
كانت ادامه الترابيزه محطوطه عليها طفايه مليانه سجاير... وازازتين خمره...واحده منهم فاضيه والتانيه فيها نصها..
ليل.... ايه المنظر المعفن اللي انت اعد فيه ده وايه اللي انت شاربه ده كله...
جاسر...احطلك كاس..
ليل...لا مش عايز شكرا...قوللي بقي في ايه وايه العبط اللي انت فيه ده
جاسر....وهو بيشرب كاس ماللي مانا تمام اهو
ليل...انت شايف انك تمام..بمنظرك ده وكمل بصوت عاللي وبعدين سيب الارف ده وانا بكلمك..
جاسر...في ايه ياليل. متفصلنيش
ليل... سايب البيت وامك هتتجنن عليك...كل ده عشان شادد معاهم من امته وانت بتسيب البيت عشان شديت معاهم..
جاسر...مفيش ياليل عادي يعني
ليا... بتتلكك مثلا عشان تسيب البيت
جاسر....عادي احسبها زي ما تحسبها..
ليل... احسبها زي ما احسبها طب عايز تسافر ليه يا جاسر ولا دي كمان احسبها زي ما احسبها..
بصله جاسر..بصدمه... انت عرفت ازاي... تمارا كلمتك.
ليل... يعني كلامها صح وكنت ناوي تسافر وعايز تتجوزها وتاخدها معاك...
جاسر... يعني بلغتك.
ليل...اه بلغتني عشان خايفه عليك عشان بعد رفضها انها تيجي معاك مش عايزه تخسرك وعيزاك تفضل معاها...تصدق بالله البت دي طلعت اجدع منك طلعت بميت راجل مرضيتش تسيب اخواتها وانت بسهوله بتبيعنا وعايز تسافر ومترجعش ومفكرتش في حد فينا...
جاسر...انا مش ببعكم يا ليل...بس انا مش هينفع اعد هنا انا لازم اسافر..
ليل... اولا تشيل فكره السفر دي من دماغك خالص عشان مش هتحصل.. ثانيا فكرة سفرك دي مش بمزاجك..
جاسر....مفيش وقت للكلام يا ليل انا خلاص قررت ومسافر الصبح...انا حضرت كل حاجتي...
ليل... انا مش جاي اتناقش معاك في فكرة السفر دي خالص.  والكلام منتهي...
كلمتين ملهمش تالت... تفوق كده من الارف الانت فيه وايآ كان انت شادد مع ابوك وامك في ايه  مش عايز اعرف بس سفرك ده تشيله من دماغك.... وبكره الكل هيجي عندي الڤيلا كل حاجه بكره هتتعرف وفي كلام لازم الكل يسمعه ويعرفه... وانت هتكون اول الموجودين. هتسمع كل اللي هيتقال  عايز بعد كده تمشي امشي براحتك سافر ومحدش هيمنعك مفهوم .
جاسر...مش هينفع اعد ياليل
ليل...اظن كلامي اتفهم ووصلك.... ولو عاندت انت عارف قلبتي يا جاسر..
قام ليل... وقف.  انا ممكن ادخل اخد الباسبور والتذكره بس مش هعمل كده يا جاسر... وعايزك تجرب تسافر.  وساعتها متزعلش من اللي هعمله....انا هروح عشان منمتش بقالي يومين.
وسابه ليل وفتح الباب ونزل....
ليل....للبودي جارد...
عنيكم متغفلش عن جاسر... والصبح لو نزل. تمنعوه حتي لو بالقوه...مفهوم... واول ما اديكم اشاره تركبو معاه فالعربيه وتجيبوه ميغفلش عن عينكم ابدا...
الجارد...مفهوم ياليل باشا...
روح.  ليل...واول ما وصل طلع علي اوضته غير هدومه وقبل ما ينام مسك موبايله كلم تمارا...
تمارا...اول ما شافت رقم ليل ردت بسرعه...الووووو
ليل... ايوه ياتمارا..
تمارا....ليل.  روحت لجاسر.
ليل...روحتله ياتمارا ولسه راجع من عنده اطمني.  مش هيسافر.
تمارا...جاسر...كان باين من كلامه انه بيتكلم جد اكيد بيقولك كده عشان يريحك.
ليل....واكيد انا مش عبيط انا سبت الجارد تحت بيته وفهمتهم انه لو حاول ينزل الصبح يمنعوه حتي لو بالقوه وهيفضلو واقفين هناك...لحد مايجيبوه بليل علي هنا....
تمارا....شكرا ياليل قلقتك وصحيتك من النوم بس مكنتش عارفه اتصرف ولا كان في اي حاجه في ايدي.
ليل...بتشكريني علي ايه يا تمارا...انا اللي المفروض اشكرك
لولا انك عرفتيني كان جاسر سافر وكل حاجه انا كنت مخطكلها كانت باظت....المهم عايزك الوقت تنامي وترتاحي...ومتفكريش في اي حاجه خالص مفهوم.
تمارا...حاضر...تصبح علي خير
ليل...وانتي من اهل الخير..
...........
عدت.  الساعات بسرعه.... صحي جاسر ..علي صوت المنبه... قام بسرعه خد شاور ولبس...
وخد شنطته. وحاجته... ونزل من البيت.  واول ما قرب من. الباب. بتاع البيت. كان الجارد واقفنله....
الجارد....صباح الخير جاسر باشا..
جاسر...باستغراب انتو بتعملو ايه هنا..ايه اللي موقفكم كده
الجارد...اوامر ليل باشا
جاسر...بهدوء ما قبل العاصفه...وليل باشا امركم بايه ان شاء الله...
الجارد....اننا نمنع جنابك من الخروج..
جاسر....بغضب مسكه من ياقه قميصه..نعممممم تمنع مين يالا انت نسيت نفسك ولا ايه..
الجارد...اسف. ياجاسر باشا بس دي اوامر واحنا هنا بنفزهة.
جاسر...ابعدو عن وشي وإلا قسما بالله هرتكب فيكم جريمه.
الحارد...جاسر باشا من غير عصبيه وشوشره ياريت حضرتك تطلع علي فوق لحد ما ليل باشا يدينا إشاره ونروح مع حضرتك عالڤيلا...
فاللحظه...دي غضب جاسر كان وصل لمنتهاه.   الاوامر دي تمشي عليكم انتو وسحب من حزامه المسدس...ابعد من ادامي انت وهو بدل ما واحد فيكم يقع.  ميت حالا انتو سامعييييين..
وبحركه سريعه كان الجارد التاني مسك ايد جاسر وخد منه المسدس....
جاسر...انت اتجنننت.
الجارد...جاسر باشا احنا مش حابين كل ده يحصل حضرتك عارف احنا بنحبك ونحترمك ازاي بس دي اوامر ليل باشا احنا ملناش ذنب احنا بنشوف شغلنا.  ياريت حضرتك تطلع فوق.  الوقت....
جاسر....وديني لاوريكم انتو واللي مشغلكم وانا حسابي مع ليل...
سابهم جاسر وطلع والغضب عاميه.  فتح باب الشقه ورمي من ايده الشنطه بغضب وطلع موبايله وكلم ليل...
ليل.  بصوت نايم...الووووو
جاسر....انت بتمنعني انا يا ليل من اني انزل حابسني ياليل..بتخلي شويه عيال متسواش تمنعني انا ..
ليل....  كان باعد الموبايل عن ودنه من صوت جاسر..
ليل...الله يخربيتك طرشت امي...
جاسر....ليل متعصبنيش اتصل بيهم هليهم يبعدو عن طريقي بدل وديني اصورلكم قتيل..
ليل... اعد عالسرير اهدي يالا واتكلم علي ادك انا حذرتك امبارح وعشان عارف انك هتعمل اللي في دماغك خلتهم عندك ملكش دعوه بحد فيهم وبلاش جنانك ده عالصبح هما بيشوفو شغلهم مش اكتر....وكمل بضحك وصراحه لازم اصرفلهم مكفأءه عشان العيال دي طلعت كفاءه وقدرت تمنع جاسر باشا بجلاله قدره. من السفر..
جاسر...بغضب... انت بتضحك. كمان ليك عين تهزر..
ليل...اصل شكلك حلو وانت متعصب..
جاسر....يا اخي ينعل.   ام استظرافك عالصبح ليل انا عفاريت الدنيا بتتنطت ادامي.
ليل....بيحاول يداري ضحكه...طب بقولك ايه اهدي كده عشان مجيلكش  انا قولتلك بعد اعدت انهرده دي لو حابب بعد كده تسافر انت حر.   واي حد فيكم حابب يعمل اي حاجه بعد اجتماع انهرده ده يعمله بس بمزاجك غصب عنك هتكون موجود ..
جاسر...ده اخر كلام عندك.
ليل...اييييوه ومعنديش كلام غيره..
جاسر...ماشي ياليل انا هشوف اخرتها بس وديني يا ليل لا هتزعل علي الحركه دي ومن غير سلام...قفل في وش ليل..
وفضل ليل يضحك علي جاسر....وقام خد شاور ولبس ونزل عشان بروح عالشركه...
ادم...صباح الخير. نازل بدري يعني انا قولت هتتقتل من النوم.
ليل...امال لو تعرف اني نزلت عالفجر روحت لجاسر
ادم...ليه في حاجه ولا ايه..
سهام...ماله جاسر.
حكالهم ليل كل حاجه حصلت..
سهام...طيب ايه اللي حصل لده كله...
ليل.... هعرفكم كل حاجه بليل يا امي...المهم متنسيش ان كلهم جايين انهرده..
سهام...ان شاء الله...
نور...صباح الخير.
سهام...صباح الخير يا حبيبتي..
ادم...صباح النور يا نور..
ليل.....نور.... تفطري وتذاكري شويه...ومتنسيش معادنا بليل
نور....انا مش عارفه ليه قلقانه من اجتماع بليل ده.
بص ادم لليل.
ليل...ولا تقلقي ولا حاجه مفيش اي حاجه متشغليش بالك ومتتسرعيش كل حاجه بليل هتتكشف... هقوم انا بقي عشان في شغل كتير انهرده يادوب نخلصه قبل معاد بليل.
يلا يا ادم.
ادم...يلا...
مشي ادم وليل ..
نور...سرحت..
سهام...مالك يانور
نور...معرفش بس حاسه اني قلقانه اوي...في حاجه غريبه
سهام...قلقانه ليه بس.
نور...مش عارفه بس حاسه ان في حاجه تخص نوح...وخايفه يكون انهرده ليل هيخلص كل حاجه
سهام...لا طبعا وبعدين لو الموضوع يخص نوح مكنش ليل هيقول للكل انه يجي...
نور...يعني نوح جاي.
سهام...والله ما اعرف يا نور ليل مقالش اي حاجه بس متشغليش بالك ومتفضليش متوتره كده متستعجليش هنعرف كل حاجه بليل.
نور....ان شاء الله...انا هطلع اذاكر شويه
سهام...مش هتفطري طيب.
نور...لا مليش نفس انا هاخد بس النسكافيه.
سهام...ماشي ياحبيبتي لو عوزتي اي حاجه قوليلي.
نور...حاضر يا طنط.  بعد اذن حضرتك....
سهام...اتفضلي يا حبيبتي...
.............
عشق....كل ده حصل يا تمارا ومتقوليليش
تمارا...مرضتش اصحيكم يا عشق...
زهره...طيب وايه اللي حصل لكل ده... يعني خلاف بينه هو واهله يخلوه يسيب البلد كلها..
تمارا....مش خلاف يا زهره.  ده الكلام اللي قاله ليل لمامت جاسر ..انه هيقوله كده عشان ميعرفوش انه عارف...
في حاجه اكبر من كل ده...بس ايه هي الله اعلم.
عشق...انا مبقتش فاهمه اي حاجه حاسه بكميه الغاز وغموض رهيبه...في حاجه مش طبيعيه.
تمارا...فعلا في حاجه اكبر من تفكيرنا جاسر مش عقله صغير لدرجه انه يقرر فجأه يسافر عشان مجرد خلاف.
عشق...كمان كلام ليل وتأكيده اننا كلنا نكون موجودين.  ده يقلق.
زهره...فعلا انا قلقانه اوي
عشق...خير اكيد خير كله هيعدي.  يلا السواق واقف تحت بقاله خمس دقايق....
نزلو البنات وراحو عالشركه....
اليوم كان ماشي عادي جدا... بس كان في قلق.  في قلب البنات من المجهول...
تمارا...كانت اعده فالمكتب بحزن.   حاسه انها مفتقده جاسر....مش قادره تركز فالشغل حتي لو دقيقه...ولا قادره تظبطت الجدول بتاع الاسبوع اللي هتأعد فيه. عشان امتحانتها...كانت حاسه انها مش مظبوطه...
..............
ليل.... مسك موبايله واتصل علي ريما...
ريما...الووووو
ليل... صباح الخير.
ريما... صباح النور
ليل...القمر عامل ايه..
ريما...بخير. انت عامل ايه
ليل...انا تمام الحمد لله...انتي فين
ريما...بخلص شويه حجات وورق بخصوص المشروع..
ليل....طيب ياستي انا مش هعطلك كتير..بس كنت حابب اعرف ايه ظروفك بليل...
ريما...ظروفي ازاي...
ليل...يعني فاضيه او لا..
ريما...عشانك اكيد طبعا فاضيه..
ليل...خلاص بليل... هعدي عليكي عالساعه 9كويس..
ريما...كويس بس انت قولتلي ان العيله كلها متجمعه عندكم ايه لغيت المعاد ولا ايه...
ابتسم...ليل...وسكت ثواني... لا ياقلبي ملغتش حاجه بس يمكن يكون انا عايزك عشان كده
ريما...مش فاهمه.
ليل...مش فاهمه ايه العيله متجمعه وعايزك معاهم هيكون ليه...اكيد عشان يعرفو الخطوه اللي جايه.  معاكي...
ريما...بابتسامه... تمام بس انا قلقانه
ليل... بزمتك ينفع تقلقي وانا معاكي...
ريما...طبعا لا...
ليل... خلاص يبقي تجهزي عشان بليل هكون عندك.
ريما...ماشي ياحبيبي..
ليل...هسيبك الوقت تخلصي اللي وراكي...
ريما...اوك باي ياقلبي..
ليل...باي يا حبيبي...
قفل ليل...وهو مبتسم ومكنش واخد باله من اللي واقفه جمبه... مصدومه...
ليل...عشق...انتي واقفه هنا من امته..
عشق.... متجاهله كلامه....الورق خلص ياليل... تقدر توقع عليه عشان نتمم الصفقه..وحطت الورق علي المكتب.  وقبل ما تلف وتمشي مسك ليل ايدها...
ليل...عشق....استني..
وقام وقف ادامها ومسك ايدها...عشق... احنا اتفقنا قبل كده انك هتستحمليني وان اي حاجه بتحصل الوقت غصب عني...واتفقنا اني اعترفتلك بحبي عشان مقدرتش اشوفك تعبانه اكتر من كده... بس انتي عارفه ان لسه كل حاجه مخلصتش..صح
عشق....بجمود...تمام ياليل..
ليل....بحبك يا عشق.  والله العظيم بحبك..
عشق...بابتسامه..خوف وانا كمان بحبك يا ليل...
مسك ليل ايدها قربها من شفايفه وباسها..
ليل... كل حاجه هتخلص انهرده..ياعشق... كان في حاجات هتتأجل بس خلاص انا تعبت.  وقررت اخلص من كل حاجه انهرده...
عشق....انا قلقانه اوي ياليل...حاسه بخوف اول مره احس بيه قلبي مقبوض اوي...حاسه ان في حاجه اكبر من اي حاجه بفكر فيها هتحصل..خايفه عليك اوي..
ليل... وهو بياخد نفسه بقلق بيحاول يداريه...
بلاش تحسي بحاجه وحشه عشان خاطري...لاني بصدق احساسك اوي...ومش عايز اب حاجه. تحصل لاي حد فيكم...خليكي اقوي من كده يا عشق... عشان انا بقوي بيكي..
عشق....مش عارفه ياليل.  انا اللي بقوي بيك..وعشان القلق والتوتر اللي حساه في عينك ده مش قادره اكون قويه..مش قادره احس باي حاجه كويسه..
ليل... طيب هنتفق اتفاق..
عشق...ايه هو..
ليل...نقوي بعض ياعشق.  عشان اقدر اقف علي رجلي خصوصا انهرده.  لانه اصعب يوم هيمر عليا في حياتي..ومعنديش استعداد اقع واللي حواليا يقعو... معنديش استعداد اخسر حد فيكم...يحصل اللي يحصل فيا بس انتو لا..
عشق...متقولش كده عشان خاطري متقلقنيش اكتر ما انا قلقانه..
ليل...لا خلاص مفيش قلق...احنا اتفقنا نقوي بعض صح.
عشق...صح....
ليل...طيب يلا روحي خلصي اللي وراكي..عشان عندي كام تليفون مهم..لازم اخلصهم
عشق...حاضر...
مشيت عشق. وخوفها بعد كلامها مع ليل تضاعف.  وبقت حاسه بتوتر فظيع قلبها كل لحظه يتقبض قررت تفضل تقرا قرأن عشان تهدا شويه....
انا ليل....فاكان طول الوقت بيخلص تليفونات مهمه...
..................
الوقت.  كان بيمر.  بسرعه جدا وكل ما الوقت يعدي الكل يخاف ويتوتر اكتر....حتي ليل اللي كان بيحاول يجمع نفسه ويمسك اعصابه...كان القلق.  مصاحبه طول الوقت.
................
زهره....تمام.  كده يا ادم الورق كله مظبوط...
ادم...كان مش مظبوط خالص وحاله ميقلش عن حال ليل..
ادم...تمام يازهره...
زهره...انت كويس.
ادم....لا يازهره..
زهره...مالك...
ادم...متوتر شويه
زهره...عشان اجتماع بليل صح
ادم...يمكن.
زهره...انا كمان متوتره جدا..ومش مرتاحه.
ادم...ربنا يستر...بس متقلقيش كله هيعدي..
زهره... يارب...الساعه الوقت 7.  هنمشي امته..
ادم...لسه شويه احنا معادنا.   الساعه 9. هناك...بس انا هقوم الوقت عشان في كذا حاجه هجهزها لاجتماع بليل
زهره....طيب.  ممكن تخلي بالك من نفسك..
ابتسم...ادم... حاضر...وانتي كمان...علي فكره انتو هتمشو مع السواق
زهره... مش مع ليل يعني
ادم...لا ليل كمان عنده مشوار. مهم...لازم يعمله.  بسرعه.
زهره...طيب..
ادم...زهره..
زهره..نعمم
ادم...متخافيش.  كل القلق اللي كنا عايشين فيه هيخلص انهرده...وانا معاكي اطمني.
زهره... يارب ...ادم
ادم...ايوه...
زهره....باحراج...بصت فالارض... وسكتت شويه تجمع نفسها عشان تقدر تتكلم...رفعت عينها لادم...
انا...فكرت. فاللي قولتلي عليه..
ادم...فضل باصصلها بترقب من ردها.....ووصلتي لايه..
زهره... خدت نفس طويل.... موافقه يا ادم...
ادم... مسك أيدها بفرحه وباسها....كنت عارف انك هتوافقي. يا زهره..
ابتسم زهره بخجل..
ادم....بس غريبه انك تقولي الوقت.  وهنا فالشركه..
زهره....انا فعلا مكنتش مقرره اني اقول... بس حسيت اني لازم اقول الوقت يا ادم......انا متوتره جدا من اجتماع انهرده وخايفه يحصل اي حاجه مش حلوه حبيت اقولك ردي عشان اللي جاي انا مش عرفاه ومفيش داعي اني أجل ردي عليك اكتر من كده...
ادم... بصي هو ان شاء الله مفيش اي حاجه وحشه هتحصل... بس يمكن اكون كنت متوتر وقلقان جدا بس بعد ردك ده انا مبسوط واسعد واحد فالدنيا ومرتاح جدا والقلق راح...
زهره... ابتسمت بخجل وسكتت.
ادم... انا مضطر اسيبك الوقت بس هشوف فالڤيلا ...وطبعا كلامنا مخلصش...اكيد لسه لينا اعده طويله مع بعض..
زهره... ماشي... خلي بالك بالك من نفسك يا ادم..
ادم... حاضر.  انتي كمان خلي بالك من نفسك...
زهره...حاضر...
خرج ادم.   وعدي علي ليل...
ليل...ادخل
ادم....ايه يا بوص
ليل...تعالي يا ادم.
ادم...انا هطير انا بقي.
ليل...تمام..خد معاك الرجاله وزي ما فهمتك هتعمل ايه...
ادم...تمام متقلقش...كل حاجه هتمشي زي ما احنا عايزين.
ليل...خلي بالك من نفسك.
ادم...خليها علي الله...يلا سلام.
ليل....سلام...
نزل ادم.... وعدت حوالي ساعه بقت الساعه 8..قام ليل من مكتبه بعد ما جهز نفسه...
ليل...عشششق
عشق....ايوه
ليل...انا لازم امشي الوقت..
عشق...بقلق... طيب.
ليل... مسك وشها بين ايده وكأنه حاضن وشها بين ايديه...
عشق...حبيبتي متقلقيش انا ساعه وهكون فالڤيلا يعني جاي وراكم علي طول تمام..
عشق...تمام ياليل
ليل... يلا ياحبيبي جهزي نفسك انتي وتمارا وزهره عشان تنزلو للسواق هو منتظركم..
عشق...حاضر..
ليل... باسها من راسها..بوسه طويييييله وبصلها بحبك يا عشق
عشق...بحبك ياليل..
خرج. عشق... من مكتبه... وراح لريما...
بعدها نزل البنات ركبو مع السواق... ومشيو عالڤيلا...
عدي وقت...
وصل البنات الڤيلا....
سهام...اهلا حبايبي وحشتوني...
سلم عليها البنات بحب...
عشق...امال فين نور...
سهام...نور. فوق بتجهز اطلعولها لحد ما الكل يجي..
عشق...تمام بعد اذن حضرتك...
طلعو البنات...خبطو علي الباب.
نور...ادخل..
فتحت. عشق.. الباب. واول ما نور شافتهم جريت عليهم حضنتهم وسلمت عليهم دخلو اعدو معاها جوه..
وثواني وكان البنات كلهم ساكتين. كل واحده فيهم سرحانه...
نور...مالكم ساكتين ليه..
عشق...مفيش ياحبيبتي
نور...انتو قلقانين انتو كمان صح
عشق....جداااا...اول مره احس ان في حاجه غريبه بتحصل اول مره القلق يسيطر عليا كده
نور...انا كمان مش عارفه ليه حاسه ان في كارثه او حاجه كبيره.
زهره...بعد الشر متقوليش كده وبعدين احنا قالقين نفسنا ليه اكيد ليل هيقولنا اللي كان بيحصل الفتره اللي فاتت ده ايه بالظبط ومين اللي وراه انتو ناسيين انو قال قبل كده اننا ملناش دعوه باللي بيحصل مجرد بس اننا اتحطينا معاهم فاللعبه..يعني اللي بيحصل احنا بعيد عنه. مفيش دلعي للقلق اهدو شويه.
تمارا...بعد سكوت طال ..مين قالك كده يازهره... مظنش خالص ان احنا بعيد عن اللي بيحصل..انا قلبي مقبوض اوي.حاسه ان في حاجه كبيره هتحصل.
عشق...بشرود...تمارا... عندها حق..في حاجه كببره هتحصل لايمكن احساسي يخوني  ابدا... انا حاسه اني هتوجع اوي انهرده... احساس. وحش ويخنق لدرجه اني حاسه انه اخر يوم ليا فالدنيا انهرده...
نور...ايه اللي انتي بتقوليه ده يا عشق بعد الشر عنك بلاش تجيبي السيره دي والنبي .
زهره.. ليه كده ياعشق توجعي قلبي بكلامك انا بحاول اهديكم وانا متوتره بتوتريني انتي زياده..٠وبلاش احساسك انتي والنبي في يوم زي ده...
عشق....طيب خلاص متقلقوش انا اسفه عموما كله هيعدي خير هيعدي شر هيعدي...كل اللي يجيبه ربنا كويس..يلا بقي يانور لفي طرحتك دي خلينا ننزل لطنط.
نور... حاضر...
لفت نور طرحتها ونزلت هي والبنات...
واول ما نزلو.  كانت مني مامت جاسر وسراج. وصلو..
سلمو عليهم البنات واعدو اتكلمو معاهم وسراج بقي يهزر ويكلمهم ويضحكو مع بعض.  لاكن كان توترهم زي ما هو...
الساعه بقت 9 وربع ولسه محدش تاني وصل...
دخل ادم... بعد ما ركن عربيته... مساء الخير عليكم جميعا.
الجميع مساء الخير.
ادم..اذيك ياطنط مني.
مني...بخير يا حبيبي
ادم...اذيك ياعمي.
سراج...الحمد لله يا ادم...امال فين ليل
ادم...كلمته من شويه قال قرب عالڤيلا.
ادم...باس ايد سهام.. اذيك يا امي
سهام...الحمد لله بخير يا حبيبي...
اعد ادم.. معاهم. ورجعو تاني يتكلمو في حجات مختلفه
وصل ليل ادام الڤيلا..
ليل... نورتي الڤيلا ياقلبي.
ريما... زي ما هي متغيرتش..
ليل... يلا بينا
ريما...بتوتر... انا قلقانه اوي ياليل.
ليل...ليه بس يا حبيبي مفيش حاجه تقلق.
ريما...خايفه من رد فعلهم لما يعرفو خصوصا مامتك.
ليل... متقلقيش ايآ كان رد فعلهم ايه... المهم اني انا معاكي وهفضل معاكي. ياريما...يلا بقي
ريما... خدت نفس حاضر يا حبيبي..
نزلت ريما وليل... مسك ليل كف اديها بين ايده.  وضغط عليها جامد عشان تطمن...
دخلو الڤيلا وسط الكل...
صدمه....وقعت علي عشق اول ما شافته ماسك ايدها...
صدمه وقعت علي سهام اول ما شافت ريما..
حتي مني وسراج صدمتهم مكنتش تقل عنهم.
ليل... مساء الخير عليكم جميعا...
سهام.....بغضب... ليللل مين اللي جاب دي هنا...
ليل...بصوت غاضب.. امييييي لو سمحت...
سهام...هو ابه اللي لو سمحت انت ازاي تتجرأ وتجيب دي هنا.في بيتي.
ليل... البيت ده بيتي يا امي.. واستقبل فيه اي حد
الكل كان في حاله زهول من رد ليل😳😳😳
سهام... بيتك ياليل.  يعني انا هنا مليش لازمه وعشان مين عشان دي..
ليل.... اميبيي قولتلك بعد اذنك بلاش كده
سهام... تمام يا ليل يبقي انا مليش وجود فالبيت ده وهمشي منه حالا..
سراج...استني ياسهام
مني...اهدي عشان خاطري.
ليل... محدش هيخرج من هنا غير لما اقول اللي انا عايزه الاول...
سهام... تمام يا ابن عمري هاعد وهسمعك بس من بعد ما اسمعك انا مليش مكان معاك يحرم عليا اي مكان معاك ياليل..
ليل...بجمود... اقول اللي عندي. بعد كده كل واحد يعمل اللي هو عايزه..
سهام... وانا سمعاك اتفضل..
ليل... مش الوقت لسه لما الكل يحضر...
سراج... ماتقول في ايه يا ابني كلنا موجودين..
ليل... فين كلنا ده يا عمي لسه الكل مش حاضر اتفضلو اعدو استنيتو كتير مجتش عالحبه دول..
اعد الجميع واعد ليل وجمبه ريما ولسه ماسك ايدها
فضلت عشق واقفه تبص علي ليل بصدمه وكأنه اتحول مش هو ده ليل ده شخص تاني... شخص يخوف.  حتي امه جه عليها..ادام الكل... اما ليل فاكان متجاهلها ولا مديها اي اهتمام...
شدتها تمارا من كتفها عشان تاعد
اعدت..عشق وهي عينها عليهم عنيها هتخرج من مكانها من زهولها ماللي بيحصل....جسمها تلج...
الكل كان اعد باصص علي ليل اللي ماسك ايد ريما وهو ولا هنا...
ثواني.. وسمعو صوت دخل جاسر وهو شايط...بصوت عاللي..وبغضب عاميه لدرجه انه محسش بكل اللي اعدين
انا ياليل انا تعمل معايا انا كده تخلي الجارد يمنعوني اني اسافر ويمنعوني من النزول وكمان يجيبوني هنا غصب عني...احمد ربنا انهم خدو من المسدس وإلا وديني كنت صورتلك قتيل...
ليل... بببرود... شاورله بأيده يأعد..
ليل...ششششش وطي صوتك ده شويه واعد.
جاسر... ماشي ياليل لما اشوف اخرتها...
تمارا... من اول ما دخل وهي باصه عليه.  وقلبها هيخرج من مكانه من خوفها .
انتبه... جاسر عاللي اعدين كلهم ..اسف مساء الخير
مني...حضنها.   وحشتني
جاسر..خضنها...وانتي كمان يا امي..
مني بدموع هونت عليك يا جاسر عايز تسبني وتمشي..
جاسر...باس ايدها حقك عليا.يا امي..
.سراج....لليل ايه مش يالله ولا ايه..اهو جه اللي كنت مستنيه...
ليل... لسه ياعمي..
مسك...الموبايل ليل..واتصل...فينك...
.............
ليل...طيب تمام..
وقفل....وفضل ساكت... ثواني ودخل عليهم نوح.
نوح...مساء الخير...
اتصدم الكل من وجود نوح بعد اختفاء دام قرب الاسبوع...
وقفت نور... بعيون كلها دموع اول ما شافته...🥺🥺
جريت عليه سهام....حضنته.
سهام...نوح...ابني وحشتني يانور عيني. كده برده يانوح متطمنيش عليك حتي بمكالمه..
نوح...وهو واخدها في حضنه...وحشتيني يا امي ووحشني حضنك..
فضلت سهام تبوس فيه...
مني... وحشتني يانوح..
سلم عليها نوح وباسها.. انتي كمان وحشتيني يا حبيبتي ...
فصل الكل يسلم عليه...وليل اعد بعظمه حاطط رجل علي رجل. وبيشرب سيجارته...
وصل نوح...ادام نور...اللي كان قلبها هيخرج من الفرحه عشان شافته..
نوح...اذيك يانور.
نور...فضلت تهز دماغها وكأن صوتها. اتقطع...
اعد نوح... جمب سهام...اللي ماسكه فيه ومصدقت شافته
الكل اعد وقطعو الكلام وبصو علي ليل...
وبحركه... سريعه اربكت الكل..
قام. ليل من عالكرسي..
ليل.. طيب كده تقريبا الكل موجود..
ضربات القلب بتزيد الادريناليين بيعلي اكتر توتر اصاب الجميع منهم اللي مرتاح عشان عارف ومنهم اللي يعرف جزء بسيط ومنهم اللي ميعرفش حاجه خالص ولا سبب التجمع ده... وهيموت من الرعب.... 
اقسم ليل في داخله ان كان قادر يسمع دقات قلوبهم جميعا من شدتها....
ليل.... طبعا فالبدايه احب اقول...
اني مبسوط اوي اننا كلنا متجمعين.  من زمان متجمعناش كا عيله...وطبعا منورني جميعا... يمكن انهرده نكون زايدين شويه.... البنات منوريني..واحب اقول طبعا انكم بقيتو جزء من عيلتنا وجزء مهم جدا
وريما... كنتي زمان معانافي عيلتنا.  يعني انتي مش غريبه اه غبتي شويه بس رجعتي نورتينا تاني....
ابتسمت ريما...بحب لليل..
طبعا...كل واحد فيكم بيسأل من جواه ليل مجمعنا ليه...
انا مش هطول عليكم كتير لان واضح ان في كذا حد حابب يعمل حاجه..امي عايزه تسيب البيت
جاسر..عايز يسافر
نوح...يمكن يكون حابب يرجع زي ما كان.
يعني باختصار كل واحد فيكم حابب
يعمل حاجه مهمه...
اولا انا جمعتكم انهرده عشان اخد قرار مهم في حياتي يهمني انكم تعرفوه... واتمنيتوه كتير خصوصا.  انتي يا امي...
انا قررت اني اتجوز...
الجميع😳
ليل... اه اتجوز زي ما سمعتو كده وبما انكم عيلتي فا اكيد الخبر ده هيفرحكم جدا...
سهام...بتحذير...لو اللي وصلني ده صح يا ليل يبقي علي جثتي وانا هقفلك فيها يا ليل...
ليل.... بس خبر زي ده اكيد هيفرحك يا امي..
سهام.... مش من دي ياليل...
ريما...بغضب.... ليل انا همشي.
ليل...اعدددي. انا قولت محدش هيمشي هنا. غير لما اخلص كلامي..
ريما...انت مش شايف ياليل
ليل....اظن اني قولتلك اي رد فعل هتسمعيه اعتبري انك مسمعتيهوش...
بصتله سهام بغضب...
سراج...واضح.  انك مقرر يا ليل.  مش بتاخد رأينا..
ليل... طبعا ياعمي هو انا لما احب اتجوز المفروض اخد رأيكم في عروستي بيتهيألي كفايه اوي... اني.  افرحكم بالخبر....
ليل.... بس انا شايف انكم معترضين علي فكره جوازي من قبل ما حتي تعرفو العروسه...
سهام....بغضب.... مش محتاجه سؤال ما الجواب باين من عنوانه...
بص ليل لريما... بابتسامه.  وطلع من جيبه علبه فتحها كان فيها خاتم الماظ شكله يجنن....
الكل باصص بترقب... عشق كان فاضلها اقل من ثانيه وتقع وسطهم..
ليل....   ابتسم لريما... وبصت ريما لسهام بشماته...
ليل.... الخاتم ده ياريما كنت ناوي البسهولك يوم فرحنا بس للاسف كل حاجه كنت مخططلها ممشيتش زي ما كنت عايز..كل حاجه راحت بس فضلت محتفظ بالخاتم..
يمكن يكون الخاتم ده غالي عندي اوي عشان يوم ما اشتريته اشتريته بحب وعشان الخاتم ده غالي علي قلبي. يبقي لازم اللي تلبسه تكون تستحقه...
وبص لريما.وابتسم.  واكيد الحد ده مش انتي ياريما..
ريما😳
ليل....فضل يقرب علي عشق.لحد ما وقف ادامها ...هكون اسعد حد فالدنيا لو قبلتي تلبسي الخاتم ده...وسكت ثواني..تتجوزيني ياعشق .❣️
صدمه حلت علي الجميع..
ابتسم البنات وفضلت تمارا وزهره يهزو دماغهم لعشق عشان توافق..
ابتسمت عشق..وهزت دماغها بفرح وعيون مليانه دموع
مسك ليل ايدها...وباسها بحبك وندمان علي اي وقت عدي وانتي مش معايا ندمان علي وقت كنت فاكر فيه اني حبيت بس لو هقارن احساسي الوقت بزمان. عمري ما هقول اني كنت بحب...اللي يعرفك يا عشق يعرف معني الحب بجد مسح دموعها..وسابها وراح لسهام اللي كانت من جواها مبسوطه بس لسه مش فاهمه حاجه وغضبانه من ليل..
اعد ليل علي ركبته
ومسك ايد سهام باسها.اسف يا امي اظن الوقت انتي ابتديتي تفهمي.عايز بس اقولك ان احنا هنا كلنا ضيوف عندك البيت ده بيتك انتي... وهتفضلي طول عمرك تاج علي راسي.اسف.  لو زعلتي مني..
سهام...بدموع مقدرش ازعل منك ياليل...
قام ليل... وبص لريماوهو مبتسم
ريما... بغضب... مممكن افهم ايه اللي بيحصل ده انت جايبني هنا عشان تعمل الشو ده...طب لما انت مبتحبنيش جبتني هنا ليه يا ليل لما انت مبتحبنيش اول ما شوفتني ضعفت ليه عايز تقنعني انك كنت بتمثل عليا عشان تجبني هنا وتعلن جوازك عالاموره دي....فاكر انك كده هتزلني عشان اللي حصل زمان. تبقي غلطان ياليل فوق يمكن زمان اكون غلطت بس كنت عيله لاكن اللي واقفه ادامك دي.بقت خطر عليك يا ليل والشو اللي حصل الوقت ده ميفرقش معايا وصدقني ياليل هتندم عليه وتدفع تمنه كمان...
ليل... كان واقف حاطت ايده في جيبه وباصصلها وهو مبتسم.اول ما خلصت كلامها سقف ليل
..براڤوووو براڤوووو.كان بيتحرك ادامها...
واول ما وقف ادامها....مسكها بعنف من شعرها... صرخت ريما....
ليل...طلعتي غبيه فكراني لسه بحبك السيوفي.انتي غلطه ندمان عليها من قلبي بجد ليل مبيضعفش ليل مبيمثلش.ولا بيعمل شووو والاهم من ده كله ان ليل السيوفي يوم ما بيخرج حد من حياته بيدوس عليه بأوسخ جزمه  خصوصا لو واحده زباله ورخيصه وملهاش اي لازمه.
بس حابب اقولك حاجه بسيطه.ورماها عالكرسي.
لو انتي فاكره اني جبتك هنا عشان اعمل شووو واعرفك اني هتجوز عشق واردهالك تبقي غبيه وخانك ذكائك المرادي.لان انتي مش في حساباتي عشان افكر انتقم منك
انا جايبك هنا عشان عندي حساب محتاج اصفيه معاكي ومع كذا حد
رعب.دب في قلب ريما.
ليل.... بعلووووو حسه...ااااااادم.....اتحررررك.
ادم...وقف تمام ياليل..الكل كان مراقب في صمت اللعبه ابتدت ومحدش فاهم حاجه غير الشباب.
خرج...ادم... وثواني....ودخل معاه حد متغطي راسه.  بقماش اسود...
ادم... تمام ياليل..
ليل... ارفع..
ادم...رفع القماش. عنها..
الجميع...هايدي...
هايدي...بانهيار...جاسر. جاسر الحقني ياجاسر... انا عارفه انك زعلان مني بس انت عارف اني بحبك صح...
جاسر...وهو اعد حاطت رجل علي رجل....وباصصلها بأرف...
انتي اللي ذيك ميعرفش يحب. انتي اقذر بني ادمه شوفتها
هايدي ابوس ايدك يا جاسر....
ليل.....بصوت جهوري... مش عاااااايز صوت..
وبص لريما.  اللي حالها بقي يصعب. علي اي حد...
ليل.... ايه شايفك يعني اتصدمتي..  حسيتي الوقت انا جبتك هنا ليه صح... بس لسه بدري معايا كذا حد بره هتتفاجئي اكتر...
ليل... اهي الزباله دي متفرقش عنك كتير يا ريما...
كنت ديما شاكك في هايدي قبل ما عرف مين اللي وراها يمكن اكون شكيت في ناس كتير بس للاسف مع انك زباله بس مجيتيش في بالي خالص ياريما...
هايدي...ليل ليل والله انا معملتش حاجه..
ليل...متجبيش سيره ربنا علي لسانك ومبحبش اللي يحلفكتير.اتقلي وهنعرف عملتي ولا لا...اصل انهرده عندنا غلطات بالكوم
ليل....طب اغلبكم مش فاهم حاجه بس انا هفهمكم....
ريما...رجعت من سفرها ولما رجعت فكرت انها ممكن تلعب عليا عشان تدخل حياتي من تاني...فكراني برياله ممكن اريل علي واحده  زيها....فا اتفقت مع هايدي..عشان ترجعلي... بس فالتوقيت ده كان ظهر البنات في حياتنا...
طبعا عشان يوصلهم كل اخبارنا كان لازم يكون في حد بيساعدهم ...ادددددددم.
ادم...تمام...وخرج جاب شاهي... اللي ميته في رعبها....ودموعها مبتوقفش.
ليل... فا بمساعدت الزباله التالته دي.  كانت كل اخبارنا بتوصلهم...وعلي الاساس ده...كانو بيخططو وينفذو...
طبعا تحبو تسمعو الكوارث اللي التلاته دول اشتركو فيها
الكل باصص في صمت وترقب لكل حاجه بتتقال
وليل بيلف حواليهم وهما واقفين جمب بعض التلاته برعب
ليل... بعلو صوته....اول تخطيييييط
كان...حاجه كده عدت الفجر بمراحل....وكان تخطيط هايدي هانم المحترمه...
واللي اعرفه اني لما احط حد في دماغي ياهايدي... اضايقه.. ارخم عليه ابوظ حياته باي طريقه....
وابتسم...لاكن اني من اول مره اخطط لقتله يبقي انا فااااااجر..والشيطان لازم يقف ويصقفلك
اول مقابله لهايدي بتمارا خبطتها بالعربيه.ودتها المستشفي وطبعاهايدي شدت مع تمارا.
وبعدها كل واحد راح لحاله...تتفاجئ هايدي ان تمارا اشتغلت معانا فالشركه.ومع جاسر بالاخص...
هايدي.ولعت وحست ان تمارا حطت عليها.تقوم هايدي تسكت طبعا لا متجيش..
تعملي ايه يا هايدي تعملي ايه يا هايدي بس اقتلها...
ونخبطها بعربيه ادام الشركه.اول مره كان غصب عني المرادي بمزاجي.
وهووب واحنا واقفين ادام الشركه.تيجي عربيه بعزم مافيها.تحاول تخبط تمارا بس ربنا مكانش رايد يفرحك وللاسف
وقفت نور فاللحظه.دي.ودموعها نازله.يعني هي اللي قتلت بابا....
قربت منها.  نور.انتي كنتي السبب في ان بابا يموت وفضلت نور تصرخ وتضرب فيها ليه ليه تعملي كده حرام عليكي ضيعتيني وخدتي روحي مني انا كنت حاسه ان بابا مماتش قضاء وقدر
جري.نوح علي نور وهي منهاره شدها لحضنه.
وبعدها بعيد...
ليل. وللاسف مات عم محمد ...
الكل في صدمه تاااامه.
اعدها نوح...جمب البنات  فضلت عشق حضناها....
هايدي كدب كدب... محصلش انا مموتش حد..
ليل...اددددم
ادم....تمام يا بوص..
خرج ادم جاب السواق اللي كان سايق العربيه ووشه كان مفيهوش مكان سليم...
ابوس ايدك يا ليل باشا انا مليش ذنب انا امي كانت بتموت ومحتاجه عمليه وهايدي هانم استغلت ده ودفعتلي 100 الف جنيه مقابل اني اخبط الانسه تمارا بعد ماورتني صورتها انا نفذت بس اللي حصل ان حد شد الانسه تمارا... وخبطت الراجل الكبير...
ليل... وهو مبتسم ايه سمعتي
ليل...وياريتك اكتفيتي بده لا كنتي بتدبري انتي وهي ازاي تبوظولي شغلي عرفت ان بعلاقاتك الزباله يا ريما اتعرض عليا شغل من شركه محترمه. واللي وصلني انك كنتي بتلعبي لعبه زباله ياريما عشان تدمريني وعايز اقولك اني كنت هوافق عادي الانسان سعات بيتخدع بس عشق كان ليها رأي تاني واقنعتني اني ممضيش علي الصفقه دي.واخر حاجه عملتوها اللي حصل في نور ونوح
رفعت نور وشها من علي عشق.بصدمه..
ليل مكنتوش عارفين ازاي تدمرو سمعه عيلتي وتوقعو اسمي وطبعا كلكم عارفين اللي حصل
شاور علي هايدي الزباله دي واخوها هما اللي خططو ونفذو.
ادددددم
ادم...تمااام
خرج ادم ودخل ومعاه  سامر اخو هايدي ومفيهوش حته سليمه والبنت اللي عملت نفسها تعبانه مع نور  فالعربيه...ومجموعه كبيره من البودي جارد.حاوطو الموجودييين كلهم.
نور.بصدمه هي دي هي دي اللي كانت تعبانه
نوح...مسكها ومرضيش يخليها تتحرك اه‍دي
انهارت...نور في حضنه....
ليل... الصوره وضحت كده هايدي اتفقت مع سامر انه يعمل اللي عمله ده منها ياخد حقه من نور اللي علمت عليه ادام الجامعه وعلمت علي وشه بالقلم ويوقع نور ونوح في بعض  ومن ناحيه تانيه صور تنتشر فالجامعه وفالجرايد وعالسوشيال ميديا وفالشركه.وطبعا يا استاذه هايدي كل ده باعتراف اخوكي.يعني مش ظالمك في حاجه اهو
وبص لريما.طبعا مقدرش اظلمك واقول ان الفكره دي كانت فكرتك يا ريما بس هي جاتلك علي طبق من دهب.  ما انتي من البدايه جايه تضربيني في شغلي عشان توقعيني لييييه بقي..
اقولك...عشان زمان لما اعترفتيلي انك مش بنت وحلفتي وقولتي ابن خالتي وغصب عني.من كتر ما كنت بحبك وافقت اساعدك. لكن مش اسامحك انا قررت اتجوزك بس عشان متتفضحيش بس كنت هسيبك...ومع ذلك انتي طلعتي اوسخ بني ادمه فالدنيا وقبل فرحنا بيومين كنت نازله مع عشيقك من فندق.يعني مكنش ابن خالتك.لكن وقتها انا سبتك.وانتي اتفضحتي وعيلتك ساعتها اتبرت منك. طبعا ده مخلصكيش رجعتي عشان تنتقمي مني. عشان تأذيني وتعاقبيني علي غلطه انتي اللي غلطتيها مش انا
و مش بس كده.انتي رجعتي من تاني كنتي فاكره يا ريما اني هوافق ارجعلك واتجوزك.كنتي مستنياني اني اتجوزك عشان تقتليني.
ريما.كل اللي بتقوله ده كدب.
ليل.... يمكن.وطلع موبايله.بس مش ده صوتك تقريبا ياريما...
وشغلها صوتها وهي بتتكلم مع شاهي...المكالمه اللي عشق خدتها..
شاهي....طيب انتي مقولتليش..انتي عايزه ايه من كل ده انتي بتحبي مستر ليل.
ريما...خليكي في حالك يا شاهي وكلي عيش.
شاهي...علي فكره مش قصدي ده مجرد فضول...
ريما...مع اني مبحبش البني ادم الفضولي بس هقولك.انا ناويه اتجوز ليل مش عشان بحبه عشان ادمره زي ما دمرني زمان عشان اقتله واورثه واحرق قلب عيلته كلهم وارميهم بره رميه الكلاب عشان هما السبب في انه يسبني خصوصا امه وادم ابن خالته.اللي هخليه يحصله..
ليل.. يافجرك ناويه تتجوزيني مقرره كمان عايزه تدمريني زي ما دمرتك قوليلي انا دمرتك ازاي .سبتك عشان كنت بحبك بجد وخونتيني مرتين لا مليش حق كان المفروض اسامحك تالت مره ..
ريما...ليل ارجوك اسمعني..
ليل...بابتسامه.  للاسف فات وقت السمع ياريما انهرده وقت الحساب
ريما...بغضب بلاش يا ليل. تعمل كده انا مكنتش لوحدي...
ابتسم ليل عارف.عارف يا ريما....
ليل...عارفه عارف بأماره ايه.... باماره ما كلمتك وقولتلك اني هعدي عليكيوقولتيلي طيب مش انت قولتلي امبارح ان انت جامع عيلتك كلهم فالبيت.
وضحك...ليل بصوت عاللي.
غبيه...انا مكلمتكيش امبارح اصلا انا بعتلك عالواتس وقبلها كنت معاكي في الموقع بتاع شغلك انا وعشق
ليل...من كذا شهر لما ابتديت احس ان في لعبه بتحصل عليا وعلي عيلتنا وعلي شغلنا يمكن تفكيري يكون راح لحجات كتير ابتديت اشك في ناس كتير بس مكنش عندي اي شك في اي حد من عيلتنا لان ده بالنسبالي كان صعب ومستحيل ابتديت امسك طرف طرف وكان بدايت الطرف موت عم محمد.
لما راجعنا الكاميرات انا عرفت الكل اني موصلتش لاي حاجه عشان اللي عملها يديني الامان ويفكر اني خلاص مبدورش بس في يومها انا وصلت للكلب اللي ادامكم ده وشاور عالسواق.. وقاللي عاللي حصل.
مرضتش اتكلم لحد ما اعرف ايه اخر هايدي ماهو بديهي يعني هايدي مش هتكون لوحدها لان معندهاش دافع حتي لو كان غيره لاني من البدايه عارف انها مبتحبش جاسر..يمكن مكنتش بقوله عشان ميزعلش لاكن هو واقف ادامكم اهو ممكن تسألوه هو عارف اني عمري مارتحتالها
بس بعد ما عرفنا اللي حصل لعم محمد كان مين وراه جاسر دخل معايا فاللعبه عشان نوقع الزباله دي
وشويه شويه كنت بكتشف حد ولما اكتشفت ريما وعرفت لعبتها اللي كانت ورا الصفقه فالحقيقه الاول اتصدمت لاني عارف انها مش في مصر ومفيش مره شغلت نفسي عشان اعرف اخبارهاهي بالنسبالي بقت اقل بكتير من اني اشغل دماغي بيها.بس بعدها عرفت ان اللعبه بتزيد والكل بيتفق ازاي يدمرني انا وعيلتي
بس صدمه عمري.لما عرفت ان حد من عيلتي كان محرك كل دول
فاللحظه دي وقف جاسر....وهو باصص لليل..
وكلهم بقو يبصو لبعض...حطو البنات ايدهم علي قلبهم بيسألو نفسهم ياتري مين اللي كان معاهم...
ليل..عمييييييي منور الدنيا.سراج باشا كبيري وكبير عيلتي...ابويا التاني...
وقف سراج وكان تقريبا من اول ما ابتدي ليل وكشف الحقيقه كان مش علي بعضه..ابتسم ابتسامه ارتباك وخوف
اما جاسر... فا وقف مش قادر ينطق..وعرف ان اللي كان خايف منه حصل وان ليل عرف ان سراج اللي ورا كل اللي بيحصل
ليل.... طول عمري بشوفك قدوه ليا من بعد ما ابويا مات عمري ما حسيت اني لوحدي كنت ديما واقف جمبي...وانا انا يا عمي...
عمري ما قصرت في معاملتي معاك.عمري ما حسستك ان نصيبي فالمجموعه هو الاكبر. عمري ما قولت ان ده مجهودي لما كنت بشتغل واجتهد وأكبر فالمجموعه كنت بكبرها بأسم عيله السيوفي مش بأسم ليل السيوفي بس..
كنت اكتر حد فيكم كلكم بيتعب عشان مشوفش حد فيكم تعبان كنت بأمن مستقبل كل فرد في عيله السيوفي قبل ما أمن نفسي خليت اسم عيله السيوفي يعلي اكتر ما كان عالي خليت اي حد فيكم يدب رجله في مكان الكل يقفله ويضربله تعظيم سلام.والكل كان بيعمل لكل فرد في عيله السيوفي ميت حساب ...بعد ده كله يوم ما اعرف ان في لعبه وسخه بتتلعب عليا وعلي عيلتي يطلع واحد من عيلتي اللي وراها مش بس كده ده كمان يطلع الحد ده انت ..انت ياعمي....
وقف...الجميع....واعد جاسر عالكرسي بحزن وكل اللي كان مخوفه ان ليل يشك فيه.
سراج....بارتباك وتوتر  انت انت ايه اللي انت بتقوله ده...انت اتجننت.
ليل...يارتني اتجننت...يارتني ما عشت لليوم ده بس قوللي ده مش صوتك ...
وفتح الريكورد.....
ريما.... يعني احنا كده هدفنا واحد...لازم ندمر ليل...
سراج....انتي هدفك الانتقام يا ريما... بس انا مش زيك...انا هدفي ان كل حاجه تبقي بتاعتي.
ريما...انت عايز تقنعني ان لما توافق علي موت.ليل يبقي مش عشان تنتقم...
سراج...انا هدفي الاول هو الفلوس والمجموعه يمكن اكون مبحبش ليل.ويمكن اكون موافق علي موته.بس ده لازم يحصل ليل بسببك اتغير واتحول الاول كان سايب كل حاجه في ايدي كنت انا المتحكم الاول والاخير فالمجموعه كلها.بعد اللي انتي عملتيه معاه.ليل اتحول ورجع فاق بس لما فاق بقي شخص تاني خالص.
مسك المجموعه كلها ورمالي فرع صغير من فروعها وعشان بس يحسسني انه مظلمنيش سابهولي انا اللي اديره لوحدي...وخد معاه الشباب كلهم...
وفي خلال ال3 سنين من بعد ما سابك مش هكدب ليل لما اتحول متحولش لوحده ده حول المجموعه كلها بالكامل..وخلاها من اكبر شركات الحديد والصلب فالشرق الاوسط.واسم السيوفي بقي مسمع في كل مكان..
وليل بقي هو اللي ظاهر فالصوره..وبقي هو كبير العيله مش انا وفالاخر بقيت عالهامش.ومليش لازمه.بس لا والف لا كل ده هيبقي بتاعي.انا وجاسر بس
ريما. تمام يبقي انا مغلطتش لما قولت ان الحوار مش طمع بس انت شايل من زمان بقي
قفل ليل.  الريكورد....اظن كده كفايه. سمعت المضمون كله..
سهام....بصدمه...انت ياسراج انت.طب هتصدقني لو قولتلك اني حتي وانا سامعه صوتك بكدب وداني.
بتكره ليل يا سراج لدرجه انك عايز تموت ابن اخوك اد كده الطمع عماك
سراج....ايوه انا انا اللي عملت كده....وكان عندي استعداد اعمل اكتر من كده.عشان كل حاجه ترجعلي انا اللي كان من حقي ادير المجموعه بعد ما اخويا مات.انا اللي المفروض كنت فضلت كبير العيله
ليل اتحكم في كل حاجه وانا اتركنت عالرف
ومش هسكت.وادام اللعب بقي عالمكشوف يبقي لازم تعرف اني مش هسكت وهعمل اي حاجه عشان كل حاجه تبقي بتاعتي.
ليل.ياخساره ياعمي الطمع عماك
جاسر..بصوت حزين ومهزوز ليل ليل انا انا مليش دعوه انا مش معاه.ولا ليا علاقه باللي هو عمله والله العظيم.انا مكنتش اعرف كل ده...انا كنت معاك من البدايه ياليل...انا كنت بكتشفهم معاك كنت بوقعهم معاك يا ليل.انت عارف
انت عندي ايه. انا وانت وادم ونوح كنا ديما مع بعض انتو بالنسبالي مكنتوش مجرد قرايب ولا اصحاب انتو اخواتي اخواتي ياليل بس انت بالذات ياليل عارف غلاوتك عندي..
عارف كل حاجه عني انا عرفت يا ليل...عرفت ان ابويا معاهم بس اول ما اعرفت سبت البيت. وكنت ناوي اسيب البلد كلها.مكنتش هقدر افضح ابويا ولا كنت هقدر اواجهك او اسيبك علي عماك...فقررت اني اسيب كل حاجه.وامشي لاني كنت واثق انك هتكتشف ده بنفسك مكنش عندي مشكله انك تعرف بس مش مني ولا كنت عايز اعد عشان مكنتش هقدر احط عيني في عينك..بس صدقني ياليل انا مش معاه انا عمري ما عرفت حاجه عن اللي بيخططله انا سمعتو سمعتو بالصدفه وانا نازل رايح الشركه كانت امي بتتخانق معاه وبتهدده لو مشالكش من دماغه وبطل يتفق عليك مع ريما هتقولك.
ولما سمعته وواجهته.مأنكرش شديت معاه وسبت الڤيلا ومرجعتهاش لحد الوقت بس مقدرتش اجي الشركه.عشان كنت هتعرف من غير ما اقولك كنت هتحس اني فيا حاجه يا صاحبي.
صدقني ياليل ده اللي حصل اسأل امي يا ليل  هتعرفك
وهتقولك اني مستحملتش اعرف ان اللي سمعته ده كان عليك..بس. انا يمكن اكون الوقت عرفت انت منعتني من السفر ليه...عشان فاكرني معاه صح..
البنات كلهم كانو واقفين مصدومين ومن الموقف دموعهم نازله خصوصا تمارا اللي شايفه حاله جاسر..وامه ووسهام
ليل....ومين قالك اني اقدر اصدق حاجه عليك يا جاسر...
بس لا يا جاسر انا ممنعتكش من السفر عشان كده ولا حتي عشان شاكك فيك يا اخويا..انا استحاله اشك فيك ابدا...حتي لو شوفتك بعيني...انا منعتك عشان عارف انك عايز تمشي عشان فاكرني شاكك فيك وكان استحاله اخليك تسافر وتلعد وتشيل ذنب مش ذنبك ولا كنت قادر اتخيل اني ممكن اشوفك بعيد عننا
.انا عرفت انك عرفت وشديت معاه ومشيت وسبت الڤيلا بس مرضتش اعرفك اني عرفت او كنت عارف قبلك اصلا.
طنط.مني بلغتني بكل حاجه وكانت عيزاني. الحقك..
بصلها...سراج...بغضب... انتي انتي تعملي كده..وخنقها بأيده...ياواطيه..عملتي كده ليه عملتي كده ليه
جري عليه جاسر وليل...مسكه ليل بعنف من ايده يبعده...وشد جاسر امه في حضنه...
مني وهي بتاخد نفسها بصعوبه. عشان احميهم منك عشان ابني كنت خايفه عليه من الصدمه....عشان ليل عشان العبله دي متستحقش منك كده عشان عمر ما حد فيهم أثر معاك. كنت بحميهم منك بحمي عيلتك اللي هي عيلتي وعيله ابني منك..ومن شيطانك اللي ركبك.. كنت ظاهر ملاك ومحدش عارف حاجه كنت بسكت وبعدي وبقول ده شيطان ومسيره يخرج من دماغه بس لما سمعتك بتتفق علي قتل ليل مقدرش اسكت اكتر من كده انت شيطان شيطان يا سراج..والعيله دي خساره فيك الطمع عماك وخلاك طايح فالكل كل همك الفلوس... قوللي ناقصك ايه عشان تفكر تورث ابن اخوك بالحيا.
سراج....بغضب...وبعلوووووو صوته...
ناقصني حاجات كتير اوي... مش بعد كل ده يجي ليل ويكوش علي كل حاجه...
سهام....وليل أثر معاك في ايه يا سراج امته حسسك انك مش كبيرنا وكبير عيلتنا... انت المفروض اللي ذيك كان يبقي مبسوط انت مكنش عندك ابن واحد انت كان عندك اربعه كلهم كانو بيعاملوك بحب ..حتي ادم. انت مش عمه بس كان بيحبك وبيحترمك وبيعاملك علي انك كبيره مكنش في حد فينا وحش عشان ده يبقي ردك علي حبنا واحترامنا ليك...فضحت نوح ابني اللي هو المفروض ابنك كسرته ودمرت حياته فتره كبيره وانت اعد بتتفرج فضحته وفضحت بنت الراجل اللي كان شايل الشركه علي كتافه معاكم اللي كان بيحبكم من قلبه... طب قبل ما يموت لما وصاك علي بنته محستش بالذنب...يعني اشتركت في موته... وكمان فضحت بنته وابن اخوك وخليت اسم عيلتنا علي كل لسان محدش فيهم صغب عليك وهما حالتهم تصعب عالكافر ياشيخ..ومكفكش كل ده للاسف كنت عايز توجع قلبي علي ابني يا سراج...
عايز توجع قلبي علي ليل...
نسيت اخوك كان بيعامل جاسر ازاي...واضح انك حتي اخوك نسيته ونسيت الدم اللي بيربطكم وعشان ايه عشان شويه فلوس ومظاهر....ربنا يسامحك ياسراج.ربنا يسامحك..
مني....انتي بتكلمي واحد للاسف معندوش قلب.  انا فضلت سنين معاه احاول اغير تفكيره احاول احنن قلبه لاكن للاسف مكنش بيفكر غير فالفلوس... ولما تعبت كان سايبني ولا بيسأل عليا... كأن اللي تعبت دي كلبه مش مراته ده ماهنش عليه حتي يسافر معانا. واتحجج بالشغل..كنت حاطه ايدي علي قلبي يعمل حاجه فالفتره دي لاي حد فيهم...اللي زي ده خساره فيه الكلام...اللي زي ده الجحود ملا قلبه..وبقي شيطان. بس في صوره بني ادم.
سراج...خلاص كلكم بقيتو ملايكه وانا الشيطان اللي وسطكم....انا كنت بحافظ علي حقك وحق ابنك..
مني...بصوت غاضب...يا اخي ملعون ابو الفلوس اللي تخلي الاهل ياكلو في بعض...
ملعون ابو الفلوس والمنصب اللي يخلي عم يفكر في قتل ابن اخوه...اللي تخليه يفضح ابن اخوه ويلبسه مصيبه...
تغور الفلوس اللي تلغي القلب. وتحط مكانه حجر...
تغور الفلوس اللي تخلي البني ادم يتجرد من انسانيته..ويتحول شيطان...
جاسر...انا عمري ما هسامحك عاللي عملته ده...انت كسرتني كنت بفتخر بيك كنت قدوتي بس طلعت اهم حاجه عندك الفلوس حتي انا مفكرتش فيا...مشيت ورا الزباله دول لحد ما كنت هتدمرنا وتدمر عيلتنا كنت عايز تموت اخويا وصاحب عمري عشان الفلوس.
سراج...بحزن انا كنت عايز أمن مستقبلك كنت عايز اخليك انت الكبير من بعدي.. كنت عايز اسمك هو اللي يلمع مش اسمه هو...انا عملت كل ده عشانك انت يا ابني..
جاسر...بغضب...متقولش ابني دي... انا برئ منك ومن اللي عملته انت متعرفش تكون اب..انت مبتحبش حد انت مبتحبش غير نفسك وبس..عايز تأمن مستقبلي علي حساب ليل...عايزتخلي اسمي يلمع وتمحي اسم ليل من علي وش الدنيا انت فاكر لما تقولي كده هكون مبسوط وافرح بيك...انا كنت هسيب البلد كلها عشان بس ليل ميحسش اني معاك لاكن لو كنت عارف انك كنت ناوي تقتله...مكنتش هفكر للحظه وقتها انك ابويا..انا ميشرفنيش ان اسمي يكون جمب اسمك...
انت لازم تدفع تمن كل ده...وانا بنفسي هبلغ عليك وهشهد ضدك...
سراج....بص لليل بغضب ارتحت الوقت ارتحت لما بوظت كل حاجه. ارتحت لما خليت ابني كرهني وانا بعمل كل ده عشانه....وطلع من جيبه مسدس...انا هقتلك.
صرخ الجميع...وطلع الجارد مسدساتهم في وش سراج...
ووقفو ادام بعض....ليل واقف مستسلم وباصص بحزن..حاسس انه بيحلم...
وقف جاسر ادام ليل...ووجهه كلامه لسراج...اضرب لو عاوز تضرب اضربني انا... عشان طول ما انا عايش استحاله اسيب حاجه تمس ليل...واضح انك نسيت اني أفديه بعمري...اضرب لو تقدر...انا ادامك اهو...
فاللحظه...دي مسك الجارد المسدس منه.....
بعدها بثواني...سمع الجميع صوت طلقته عملت صدي صوت فالڤيلا كلها...
بص الجميع علي صوت الطلقه اللي طلعت...
اتفاجأو بريما... مصوبه مسدسها وبتضحك...بجنان...وغل...
ليل....بص بسرعه علي مكان ماهي بتبص ..
شايف الكل واقف كويس..
لاكن...في اقل من لحظه.  كان الزهول...والصدمه احتلت ملامحه..
لما شاف عشق... حاطه ايدها الاتنين علي بطنها. وملامح الصدمه من اختراق الطلقه جسمها علي ظاهره بألم علي وشها....
ليل...بصوت مصدوم وهامس....عشق..
فاللحظه...دي ابتدت هدوم عشق...تتغرق بالدم...
صرخ ليل. بأسمها....عششششششق..
بصو الجميع علي عشق... اللي كانت خلاص بتقع...
لحقها ليل...بين ايده بسرعه...
ليل... عشق عشق... قومي ياحبيبتي قومي ياعشق مش هتموتي مش هسيبك تروحي مني
تمارا... ياعشق عششششق قومي  انتي مش هتسبيني صح...
زهره... بصريخ اطلبو دكتور بسرعههههههه..
نور... اعدت عالارض من غير ولا كلمه
ليل.... قوميييي ياعشق.
ريما... بضحك.... كان لازم اوجعك يا ليل كنت بفكر ازاي اموتك. بس صراحه انا الوقت عرفت اني كنت غبيه لما كنت هموتك واريحك.انت الوقت هتبقي عايش بس ميت يا ليل.  عشان لا تبقي ليا ولا لغيري عشان انتقم منك يوم ما سبتني
وفضحتني..اديني خدت حقي وشيفاك ادامي بتموت بالحياه
وفضلت تضحك بهيستريا...
وبحركه... سريعه من ليل.  طلع مسدسه.  وضرب ريما في قلبها... وقعت وفي لحظات كانت ميته...
قام ليل شال عشق... وجري بيها عالمستشفي...والكل وراه... والبودي جارد فضلو فالڤيلا متحفظييين عليهم عشان محدش فيهم يهرب...
وصل ليل بأقصي سرعه... المستشفي
ليل...دكتوووووور بسرعه ثواني واتجمع علي صوته الدكاتره وطقم كبير من الممرضيين خدوها منه...ودخلوا بيها بسرعه غرفه العمليات.... الجميع كان في حاله صدمه. يوم حول حيات الجميع الي كابوس...
وقف ليل ورا باب غرفه العمليات بقلق وتوتر..
الكل رايح.جاي القلق والتوتر مش سايب حد...
عدي الوقت عليهم كأنه سنين ...
زهره ببكاء....اتأخرو اوي... مفيش حد خرج يطمنا..
ادم .....ان شاء الله خير..
تمارا.... انا خايفه علي عشق اوي... عشق فيها حاجه..
عشق حست..باللحظه دي وعشق لايمكن احساسها يكدب..
ليل...بفزع....حست بأيه...
تمارا...وهي دموعها نازله .كانت خايفه وقلقانه ومتوتره جدااااا...وقالت انها حاسه ان انهرده كأنه اخر يوم ليها فالدنيا..
جاسر....مفيش حاجه هتحصلها ان شاء الله هي اكيد كانت متوتره واحساسها ده نتيجه الضغط اللي كان حاصل ...
ليل....مكنش لازم تحسي ياعشق المرادي...
نوح...اهدي ياليل الوقت حد يخرج يطمنا...
سهام...ادعولها يا ولاد....هي الوقت محتاجه اننا ندعيلها...
تمارا.... بأنهيار...يارب. نجيها يارب..يارب.انا مش حمل وجع...يارب انت عارف اني من غيرها اموت..
قرب منها جاسر...شدها لحضنه من غير كلام.وهي انهارت في حضنه...
واخيرا.. خرج الدكتور. فاللحظه دي بعد ساعات في غرفه  العمليات.....علي وشه ملامح الحزن..
جري عليه الجميع....
ليل...عشق كويسه العمليه نجحت صح..
تمارا... عشق بخير يا دكتور صح...
الدكتور.....للاسف الرصاصه اللي خدتها كانت. قريبه جدا من القلب. حاولنا كتير معاها بس للاسف. القلب مش بيستجيب البقاء لله...
الجميع.....😳😳😳😳😳😳😳😳😳😳😳
ليل...مسكه من هدومه بغضب انت بتقول ايه..انت مجنون صح... انت عارف انت بتقول ايه قلب ايه اللي وقف.. عشق لا يمكن تموت....روحها قصاد روح كل واحد شغال فالمستشفي دي..
تمارا...عشق مماتتش انت بتكدب عشق لا يمكن تسيبني.  عشق.  مينفعش تسيبني
الدكتور....انا اسف...بس احنا حاولنا كتير
ليل...حدفه من ايده يبقي مشفتوش شغلكم كويس...عشق مماتتش دخل اوضه العمليات...واي حد من الدكاتره والممرضين كان بيمنعه كان بيحدفه بكل قوته عنه لحد ما وصل ادامها كانت نايمه عالسرير شبه الموتي.....وش شاحب وابيض شفايف زرقا..الدم باين في كل مكان كان المنظر بشع ومرعب... وكأنه حلم او كابوس..
ليل.... بصوت عاللي... اناقولتلك متسبينيش
ياعشششق... قولتيلي مش هسيبك ..قولتلك ان انتي قوتي عايزه تسبيني ليه يا عشق. الوقت عايزه تخلفي الوعد اللي بينا ليه ياعشق... انا علي جثتي اسيبك تموتيييييي انتي هتصحي الموت مش ليكي ياعشق... الموت مش ليكي
انتي دعيتي ربنا يشيل حبي من قلبك....انا موافق اصحي وفوقي وشيلي حبي من قلبك بس قلبك ميقفش يا عشق... وفضل ليل يدوس بعنف علي مكان الجرح...
ليل...مش هسيبك تموتي ياعشق... مش هسيبك تحرميني منك بعد ما صدقت لقيتك مش هسيبك تستسلمي ابدا...
يلاااااا قوميييي فضل اكتر من عشر دقايق كاملين يضغط
علي قلبها... بدون فايده...ولا استسلام من ليل..
ليل... سابها.  وبصلها.  ولاول مره. دموعه تخونه...
متسبينيش ياعشق ارجوكي..
متسبينيش. انا تعبت عشان الاقيكي...مينفعش يوم ما الاقيكي تروحي مني..
المرادي.ياعشق... انا هضيع. 
ليل مسك ايدها. وقرب منها... ارجوكي متبقيش انتي سبب موتي بالحيا. ياعشق....انا جيت الدنيا دي عشان اقابلك ويكون قدرنا واحد
دخل نوح وادم وجاسر ...حط جاسر ايده علي كتفه. كفايه يا ليل... مفيش فايده حرام عليك سيبها
بصله ليل...بوجع ودموعه نازله علي خده....ولاول مره يشوفوه بالمنظر ده... ولما اسيبها ياجاسر..هعمل ايه من غيرها..طيب هي هتسيبني وترتاح لاكن انا هفضل تعبان طول عمري....
ادم.....سيبها يا ليل...لو بتحبها خليها ترتاح..
ليل....راحتها كانت معايا يا ادم..
نوح....ادعيلها ياليل... ادعيلها... هي رايحه مكان احسن من الاحنا فيه ده بكتير...
جاسر...قوم معانا ليل..
ليل....مش قادر اسيبها..
جاسر...مش هنسيبها يا ليل...
ادم...تعالي يانوح انت وجاسر نبلغهم وسيبوه معاها شويه..
ليل...مسك ايدها باسها...بوسه طويله ودموعه نازله...
هشوفك تاني ياعشق..لازم هشوفك تاني.
هتوحشيني لحد ما نتقابل تاني ياعشق...
هستناكي...وهفضل مستني اللحظه اللي اشوفك فيها تاني
وكأن عشق سامعه كل حرف لاكن مش قادره تتكلم وكأنها بتغرق في بحر وبتصارع مع الموج عشان تقدر تطلع وتاخد نفسها وترجع للحياه من تاني او حد مانع عنها الكلام.ومأيد حركتها وكأن كل الحواس وقفت إلا السمع...دمعه فراق نزلت من عيونها...بوجع
مسح ليل الدمعه اللي نزلت منها...وبمجرد ما لمس وشها..كان جسمها ابتدا يتلج ودمها يتجمد💔💔💔💔
بحبك ياعشق ليل💔💔