ليل....الكلام ده بالحرف مش عايز حد فيكم ينسي منه اي كلمه مفهوووم.
الكل ..تمام..
ليل... وعشان نتمم الخطوه دي في خطوه قبلها لازم تتم..
بص الكل بترقب لليل...
ليل.... نور.....
بصتله نور. بترقب من اللي هيقوله..
ليل...تقومي تحضري هدومك عشان هتيجي معانا عالڤيلا الوقت..
نور....وقفت بصدمه..وهي باصه لليل... وثواني من الصمت وكأنه الهدوء الذي يسبق العاصفه...
شنطت ايه..اللي احضرها...انت تقصد ان انا اجي معاكم طب ازاي
ليل... لازم يحصل كده يانور..
نور...بانهيار متقولش لازم مفيش حاجه اسمها لازم وكملت وهي بتشاور علي نوح انا استحاله اعد في مكان واحد مع البني ادم اللي دمرني....
ازاي عايز بعد كل اللي حصل بكل سهوله كده يجمعني بيه مكان واحد...بعد اللي حصل انا بقيت اخاف منه ازاي اطمن وانا معاه في مكان واحد..
وكأن جملتها قسمت قلب نوح اتنين..وغمض عينه بوجع
ليل....اهدي يانور...لازم تيجي مينفعش تكوني في مكان وهو في مكان عشان الكلام اللي قولناه كله ادام الناس يبقي صح..
سهام...نور حبيبتي...ليل بيتكلم صح مفيش حل غير كده.
كل ده حاصل تحت انظار نوح اللي اعد يهز رجله بعصبيه شديده وبيضغط بأيده الاتنين علي بعض...وساكت تماما...
سراج....نور...اسمعي الكلام من فضلك وصدقيني اليومين الجايين كل حاجه هتكون احسن بس دي خطوه لازم تتعمل قبل خطوه الجامعه..
نور...تقدر تقوللي ايه اللي هيكون احسن اليومين الجايين...هرجع الجامعه هعلن جوازي الناس هتبطل كلام عليا الفضيحه اللي اتفضحتها هتتنسي. طب وبعدين. فين اهم حاجه راحت تقدر تقولي هترجع احسن ازاي..
عشق...وهي بتقرب منها نور حبيبتي اسمعي الكلام مفيش حل غير اللي ليل قال عليه متخافيش يانور..
نور....بيأس...انا مش خايفه مبقاش في حاجه اخاف عليها...ابويا وراح مني قلبي واداس عليه سمعتي وبقت فالارض... مفيش حاجه تخوفني خلاص...
ليل.....صدقيني يانور من اللحظه دي مفيش حاجه هتمسك تاني.ابدا... وكل حاجه هرجعها زي الاول... بس من فضلك اسمعي كلامي وخليكي واثقه فيا... وياريت تقومي يلا تحضري هدومك عشان تيجي معانا...
نور....بس انا مش عايزه اسيبب اخواتي...مش هقدر ابعد عنهم.
تمارا...احنا هنبقي نجيلك يانور...طب بعد اذنكم..
سهام...طبعا انتو تنوروني انشالله تيجو كل يوم وكل ساعه.
زهره....خلاص اهو يانور هنجيلك ومش هنسيبك..والله..
ليل....بصي يانور اعتبري نفسك هتأعدي معانا فتره مؤقته لحد ما كل حاجه تتصلح...وبعد كده لو حابه ترجعي محدش هيقدر يمنعك. ماشي.
هزت... نور راسها بقله حيله....
عشق... طيب يلا بقي يانور نحضر شنطتك بسرعه ومدتلها ايدها
مسكت نور ايد عشق ومشيت معاها ومن جواها دوامه ووجع ماسك قلبها وكأنها بتنزف حاسه انها في كابوس وفكره انها تروح مع نوح في بيته مخوفاها ايدها متلجه وشها ابيض...ضربات قلبها بتتصارع....حاسه بهبوط بقالها يومين مكالتش اي حاجه...شكلها بقي هزيل جدا.
خدت كام خطوه بطيئه في ايد عشق...ووقفت مره واحده
عشق...يلا يانور وقفتي ليه..
نور....بضعف وصوت يكاد بكون مش مسموع....عشق..الحقيني...وسقطت من ايد عشق..
عشق...بصرخه...نوووووووور..
اتفزع الجميع....وكان اولهم نوح اللي جري بسرعه البرق...عليها..
نوح....نوووور نووور... وشالها. من الارض...وراح بيها علي اوضتها.
ليل....ادم...اطلب الدكتور بسرعه...
سهام...ابعدو عنها طيب شويه عشان النفس.
مني والدت...جاسر...هاتو اي برفيوم بسرعه...
عشق...ببكاء. نور... نور نور والنبي فوقي..
تمارا..جابت البرفيوم وبتشممها.نور....نور اصحي بقي والنبي.
وابتدو البنات يعيطو... جامد...
ليل... مش عايز عياط...هتبقي كويسه.
ادم...الدكتور جاي
عدي الوقت وهما في انتظار الدكتور...وفي محاولاتهم المستمره انهم يفوقوها....ولاكن دون جدوي...مكنتش بتفوق...
مر...الوقت واخيرا اتصل الامن. بليل...وبلغه ان في دكتور تحت...
ليل....طلعه حالا
الامن...تمام ياباشا..
فتح جاسر الباب....واقل من دقيقه كان الاسنسير بيقف في الدور استقبله جاسر ودخله. علي طول...
الدكتور....مساء الخير...
ليل...اتفضل يادكتور..
ليل...يلا ياجماعه نستني بره.. عشق... خليكي مع الدكتور...
عشق...حاضر...
خرجو كلهم وفضلت عشق..ونوح واقف جمب نور....
ليل...يلا...
نوح....انا واقف مع مراتي...
بصله ليل بغضب...
جاسر... حاول يلحق الوضع بسرعه...يلا ياليل. تعالي سيبه معاهم..
خرج ليل وهو غاضب. من نوح...وقفل وراه....
ابتدا الدكتور يكشف عليها...
وواقف نوح...الحزن والقلق مسيطرين علي ملامحه..
عشق... بصوت واطي... هتبقي كويسه..
نوح...بالم يارب ياعشق
اخيرا خلص الدكتور كشف
نوح...خير يادكتور...
الدكتور...ضغطها واطي جدا...عندها انهيار عصبي حاد...
نوح...طيب محتاجه مستشفي.
الدكتور....لو حابين مفيش مشكله...بس ممكن تفضل من غير مستشفي بردو بس هي محتاجه تبعد عن اي توتر.
نوح...طب هي ليه مفاقتش..
الدكتور...هديها حقنه الوقت هتفوقها هي نبضها كويس الحمد لله... بس واضح انها مش بتاكل كويس جسمها بارد جدا وده معناه ان العقل بيبعت إشاره بأن الجسم محتاج غذا. كويس جدا... وهكتبلك علاج لازم تاخده بانتظام...دوا يظبط الضغط فالاول هيتاخد مرتين فاليوم وبعد كده مره واحده لمده اسبوع وبعدها عند اللزوم هكتبلها علي محلول كلوجوز يتاخد واحده الوقت وبعدها بساعتين واحده وبعد كده واحده كل اربع ساعات يعني تاخد اربعه..
لانها مش هتقدر تاكل الوقت خالص..وبعد ما تخلصهم ابتدو معاها بعصاير لبن...وبعدها بشوربه. حجات بسيطه وبعد كده هتقدر تاكل عادي...ودي حبوب مهدئه تتاخد عند اللزوم لو حسيتو انها تعبت مش قادره تنام في ارق.. في عصبيه يعني عند اللزوم...وطبعا رقمي معاكم لو حصل اي حاجه في اي وقت كلمني فورا...ولو الخاله متحسنتش بعد ما تفوق هنضطر ندخلها كستشفي عشان تفضل تحت الملاحظه..
نوح...تمام يادكتور...
الدكتور...انا الوقت هديها حقنه تفوقها... ومعلش محتاج محلول الوقت وكانولا لو حد يجيبهم بسرعه عشان اركبهالها...وبعد كده الموضوع سهل لما تخلص هتقفلوها احد معاد التانيه .وبتتركب عادي زي ما اتفكت.
عشق...متقلقش يادكتور انا هعرف...
الدكتور...طيب تمام جدا...ولو حصل والمانولا اتسدت تقدري تسحبي بالسرنجه من المحلول وتسلكي بيها المانولا وتركبيها.
عشق...تمام يادكتور... متقلقش انا عارفه. واقدر كمان اركبلها الكانولا.تقدر حضرتك تديها الحقنه وانا اركبلها الكانولا عادي..
الدكتور...متأكده..
نوح....انسه عشق... بتدرس طب وفاهمه كويس.
الدكتور...طيب كويس جدا وطبعا عرفتي الدوا يتاخد ازاي وبردو لو في اي حاجه ممكن تكلميني.
عشق....تمام شكرا يادكتور....
وبعد ما اداها الحقنه....دقايق بسيطه... وابتدت نور... ترمش بعينها كتير...وتفتح عينها ببطئ وتقفلها...
الدكتور....هي اسمها ايه
عشق...نور...
الدكتور....انسه نور...سمعاني....
نور...بتفتح عنيها وتغمضها...
الدكتور...مسك ايدها....لو سمعاني كويس ومش قادره تتكلمي اضغطي علي ايدي....
ضغطت..نور بضعف شديد علي ايديه.
الدكتور....تمام الحمد لله هي كده فاقت وبخير. المهم بقي الوقت المحلول يتركبلها علي طول...
نوح....حالا يادكتور
الدكتور...طيب استأذن انا بقي...وهطمن علبها بعدين بس لو في اي حاجه كلموني..
عشق...تمام يادكتور....
خرج..الدكتور ومعاه نوح.....وفضلت عشق جمب نور...
طمنهم الدكتور وعاد نفس الكلام اللي قاله لنوح وعشق...واستأذن
نوح...ادم. من فضلك عايز العلاج ده بسرعه.
ادم...خد منه الروشته حالا...
نزل...ادم بسرعه مع الدكتور. يجيب العلاج..
دخل البنات... وسهام ومني يطمنو عليهم.
فضل...ليل. بره... وجاسر ونوح... وسراج
ولع... نوح...سيجاره ووقف بعيد يشربها...
جاسر....ليل... خف شويه
ليل...مش شايف عمايله.
جاسر...انا شايف انه معملش حاجه حقه ياليل خصوصا ان احنا عارفين انه معملهاش..بتعاند معاه ليه بقي.
سراج...جاسر..عنده حق يا ليل..اهدي عليه شويه خصوصا الوقت يا اخي الموقف مش محتاج توتر اكتر من كده.
.............
سهام....نور..ياحبيبتي انتي كويسه..
غمضت نور .عينها بتعب وهزت دماغها براحه.
مني...سلامتك يا حبيبتي...متقلقوش يابنات هتبقي بخير وازمه وهتعدي والله
زهره.....يارب
مني...وانتي ياتمارا بطلي عياط بقي اهي كويسه الحمد لله وهتبقي زي الفل.
تمارا...يارب ياطنط...
سهام....تعالو نسبها ترتاح شويه لحد ما ادم يجيب العلاج.
مني....يلا يلا يابنات. تعالو سيبوها تنام شويه ده احسن ليها
خرجو. من الاوضه مع بعض... غطتها عشق.. وسابتها مغمضه عينها... فكروها نايمه...
واول ما خرجو...نزلت دمعه من عينها بحسره والم....
سراج....خير عامله ايه نور.
مني....نايمه...سبناها ترتاح شويه لحد ما ادم يجيب العلاج...
سراج...ان شاء الله هتبقي كويسه هي بس عشان انفعلت جامد مع قله اكلها بأمر الله هتكون كويسه...
مني....هي كده مش هينفع تقريبا تيجي معاكم الڤيلا ياليل...
ليل....لا اللي قولته هيتعمل نور هتيجي. معانا..
عشق...بس دي تعبانه ياليل. والمفروض تركب محاليل
ليل...لا هتيجي ياعشق انهرده...وهجبلها ممرضه تأعد معاها.
سهام...خليها ياليل عشان متتعبش حالتها متسوءش
تمارا...ايوه احسن لما تلاقي نفسها لوحدها تتعب اكتر
ليل....لا لازم نور تيجي خلاص
عشق...طب عالاقل تخليها لحد بكره بليل...
ليل......بعصبيه.انا قولت مش هينفع خلاص في ايه بتجادلو كتير ليه...لاوم نتحرك في خطواتنا بسرعه.
نوح..اخيرا خرج من صمته واتكلم بعصبيه....هو في ايه ياليل..هو ايه اللي مش هينفع مش هينفع انت مش شايف شكلها عامل ازاي...
ليل....وهو مش باصصله انا قولت كلمتي...وخلصنا اللي حصل ده لازم يتلم ويخلص في اسرع وقت....هنستني ادم يطلع بالمحلول... عشق هتعلقلها واحد وبعد ما يخلص هناخدها ونمشي والباقي هنعمله فالبيت وهجبلها ممرضه تأعد بيها...خلص الكلاااام
سكت...الجميع من طريقه ليل المرعبه..
نوح....فضل باصصله بغضب تمام ياليل. اللي تشوفه انا هفضل معاك للاخر بس من بعد ماأثبت ادامكم وادامك انت بالاخص ان مش انا اللي عملت كده هيبقي فيها كلام تاني ياخويا. ولحد بقي مايجي الوقت ده انا ملزوم بمراتي ياليل مش محتاج ممرضه ولا محتاج حد يأعد بيها. نور مراتي وتخصني واظن مش هتتحكم في مراتي ياليل....
وسابه... ودخل لنور يشوفها...
وقف...ليل بغضب.
سراج...ليل اظن كفايه كده في ايه هتقف انت واخوك قصاد بعض...احنا بنقول نحل مش نعقد اللي بيحصل ده غلط. ولو متعاملتوش بعقل كلنا هنخسر بعض واحد ورا التاني...وبعدين انا مبقتش فاهمك انت واثق فيه ولا شاكك فيه...
سهام...ليل. ارجوك كفايه انا مش هستحمل اشوفك انت واخوك واقفين قصاد بعض انا كده هقع منكم
مني...اهدي ياسهام
سهام...اهدي ايه... بس انتي مش شايفه المصايب اللي بتحصل انا تعبت ليل بقي يشك فالكل مبيديش لاي حد فرصه يدافع عن نفسه كل الناس عنده بقو وحشين.. كلهم خاينين بيشك في اي حاجه بس المرادي مش هسمحلك ياليل تشك في اخوك مش هسمحلك تشكومن غير ماتتأكد مش هسمحلك تظلم من غير ما تتأكد... مالك جبت القساوه دي كلها منين...انت مكنتش كده بس واضح ان اللي حصلك زمان من ريما خلاك بقيت بالشكل ده..
ليل.....بص ليل لعشق...اللي كانت مش مستوعبه اللي بيحصل لحد ما اتنطق اسم ريما...😳
ليل... بغضب اعماه....اميييييييي...
سكتت...سهام وهي بتبصله بوجع...
تمالك ليل اعصابه....ارجوكي كفايه...ارجوكي بلاش السيره دي...
جاسر......ليل اهدي.... وكمل... بطريقه.. تلطف الجو...ايه ياسوسو مالك بس ياقمر.. مفيش حاجه خلاص... ليل معذور بردو الموضوع مش بسيط...بس خلينا متفقين ان نوح مزلوم مش هنسيب اللي عمل كده بقي ونفضل نتخانق احنا مع بعض ولا ايه...
سراج....فعلا اللي بيحصل ده مش وقته خالص...
جاسر...نصلي بقي كده عالنبي..
الكل عليه الصلاه والسلام...
ليل....بيمرر ايده علي وشه بعصبيه وبيحاول يهدي نفسه. وقرب من امه..حقك عليا ياامي لو اتعصبت.و.بعد الشر عليكي يا امي متقوليش كده ارجوكي..
سهام...بحنيه....انا اسفه يا ليل حقك عليا..
باسها ليل من راسها...ولا يهمك يا امي...
سهام...عشان خاطري خف علي اخوك لو انا غاليه عندك ممكن..
ليل...حاضر يا امي...
جاسر....تعالو بقي اعدو كده ياجماعه شويه واهدو كده شويه....
اعدو الجميع...ولاكن فضلت عشق... واقفه في مكانها بعيد...وسرحانه...
ليل....واقف يراقبها من بعيد...ويراقب ملامحها....
............ دخل نوح...لنور... اعد جمبها عالكرسي... مسك ايدها.....وهي نايمه...
حضن ايدها بايده....وقربها من شفايفه باسها من ايدها بوسه طويله....
نوح....وحشتيني يانور... مش قادر اشوفك كده مش قادر احس انك عامله كده بسببي. صدقيني يانور. مش انا اللي عملت كده مش انا اللي أئذيكي يانور...ازاي أئذيكي وانتي روحي....صدقيني يانور..اللي عمل فيكي كده انا مش هسيبه متهني في حياته لحظه واحده هخليه يتمني الموت وميطلهوش...هخليه يندم عاليوم اللي فكر يلمسك فيه....هعرفه دموعك اللي نزلت والحاله اللي وصلتلها دي اغلي بكتير من حياته... هندمه علي كلمه بكرهك اللي قولتيهالي دي يانور...وقتلتني.....
ارجوكي يانور... خليكي معايا وقومي وارجعي زي الاول واعرفي اني استحاله اعمل فيكي كده...ونزلت دمعه من عينه لاول مره يكون بالضعف ده...ارجوكي ارجعيلي... انا استنيت كتير عشان تكوني معايا... ودي مينفعش تبقي النهايه....ازاي صدقتي يانور اني اعمل كده فيكي...او حبتيني زي ما قولتي ازاي مسألتيش قلبك نوح يعمل كده فيكي ولا لا...بس انا مش زعلان منك ياعمري عشان اللي فيكي انا مقدره.. بس متقسيش عليا اكتر من كده... انا محتاجك...ومش عارف اداوي جرحك ولا اداوي جرحي...ارجوكي... ارجعيلي.....
وفاللحظه دي خبط الباب... مسح نوح دموعه بسرعه...ادخل...
فتحت عشق.. الباب...نوح... ادم جاب المحلول والعلاج ممكن ادخل اركبلها المحلول..
نوح...طبعا تعالي يلا ياعشق...وياريت تعرفيني المفروض اعمل ايه... عشان انا اللي هعمله بنفسي بعد كده..
دخلت عشق... وابتدت تركب المحلول لنور....وتفهم نوح
عشق...بس كده. فهمت
نوح...يعني الكانولا دي مش هتتغير
عشق...هتتغير لو اتسدت خالص.
نوح...تمام...
عشق...تعالي بقي نستني بره ونسبها لحد ما يخلص المحلول....
نوح حاضر اخرجي جاي وراكي..
عشق...ماشي...خرجت عشق وفضل نوح جمب نور. ماسك ايدها..
نوح.....هتبقي كويسه ياعمري..هتتحسني مع الوقت عارف ان اللي فيكي مفيش كلام يقدر ينسيهولك بس انا موجوع زيك واكتر منك صدقيني. بس عارف انا هنعدي كل ده مع بعض طول عمري مبتمناش بنت غيرك في حياتي واستنيت اليوم اللي اسمك يتكتب مع اسمي. وتبقي مراتي وحبيبتي ادام كل الناس.بس مكنتش اعرف ان جوازنا هيكون بالطريقه دي حلمت اي اشوفك بالفستان الابيض واعملك فرح كبير وتكوني في ملكه.مكنتش اعرف ان حلمي هيتحقق بس وانتي كرهاني...اوعدك يا احلي نور فالدنيا ان كل ده هيعدي وهننسي كل ده مع بعض وهتلبسيلي الفستان الابيض والدنيا كلها هتشوفك وانتي ايدك بين ايديا علي اد حزني بس مش قادر اوصفلك السعاده اللي فيها عشان بقيتي مراتي...بحبك يا اغلي نور في حياتي...انا هخرج وهرجعلك تاني...
باسها نوح...من ايدها...وسابها بهدوء وخرج من الاوضه...
واول ماخرج..فتحت نور عنيها ببطئ بعد وقت من التظاهر بالنوم ادام نوح بعد ما سمعت كل حرف قاله..نزلت دموعها بغزاره... عقلها رافض.انه يصدقه لاكن قلبها.مش قادر يصدق.انه يعمل كده خصوصا بعد احساسها بصدق كلامه....
......
بعد ما خرجت. عشق ونوح... وقف نوح بعيد عشان ميحتكش بليل..
عدي الوقت... وكل الموجودين بيحاولو يخلقو حديث يغير من حده الجو... ولاكن كل من ليل... وعشق ونوح... في دنيا تانيه...ليل...نظراته مش بتبعد عن عشق..حاسس ان كلام والدته لاحظته عشق وملامحها من وقتها اتغيرت.عشق. متجاهله نظراته واول ما عينها تيجي في عينه. تبعدها...
مر..وقت بسيط...قامت عشق.. تشوف نور....
دخلت لقت المحلول خلاص في اخره....
طلعت شنطه نور...وابتدت تحطلها حاجتها بسرعه اللي هتحتاجها. وحطتلها كل ورق المحاضرات... قفلت الشنطه...وقامت شالت المحلول. وقفلت الكانولا...
لقت.. نور.. بتفتح عينها. بضعف..
عشق...نور. حبيبتي انتي كويسه..
نور...بصوت واطي ..الحمد لله
عشق . قلقتيني عليكي اوي
نور...متخافيش انا كويسه..
عشق...نور...حبيبتي اجمدي ده اختبار ربنا عايز يعرف غلاوته عندك..
نور...متقلقيش عليا بس خليكي معايا.
عشق...انا معاكي. وعمري ما هسيبك ابدا بس انا مش عيزاكي تتعصبي عايزه اقولك حاجه...انتي لازم تروحي معاهم يانور..صدقيني ده في مصلحتك عشان خاطري متقوليش لا..
نور...بحزن وتعب... مش هقول لا ياعشق...حاضر هروح.
عشق...قربت منها باستها...ربنا يخليكي ليا يارب.. ويطمني ديما عليكي....انا بكره هجيلك انا والبنات. ومتقلقيش مش هنسيبك وهنقرفك.وهنفضل علي قلبك..
ابتسمت...نور بحزن وتعب ربنا يخليكو ليا
نور...ويخليكي لينا يارب...
خبط الباب.. فالوقت ده...
عشق.. ظبطت الطرحه علي نور.. ادخل.
اتفتح الباب.. كان نوح... اتوترت عشق.. وخافت من رد فعل نور...لما تشوفه بعد ما صحيت متعرفش انها من ساعه ما الدكتور ما مشي وهي صاحيه وسمعت كل كلمه نوح قالها
لمحت نور... نوح... لفت وشها ناحيه عشق..
عشق...تعالي يانوح...
نوح....المحلول خلص..
عشق..اه خلص خلاص... وحضرتلها الشنطه.
نوح ..شكرا ياعشق..تاعبينك معانا
عشق...علي ايه بس متقولش كده
نوح...هي كويسه..
عشق...احممم اه اه بخير...احسن..
نوح...نور. هتقدري تيجي لو تحبي يعني تأعدي عالاقل لبكره خليكي وبكره تيجي
نور...وهي مش بصاله..مش هتفرق متير ادام كده كده هروح يبقي انا جاهزه
نوح....بحزن من طريقتها انا هخرج شنطتها. واديني معلش شنطه الدوا. وهرجعلها تاني...
عشق...اتفضل يانوح..
خد نوح شنطه نور. والدوا وخرج...
نوح....ادم...معلش خد الشنطه دي نزلها في عربيتك او عربيتي وخد العلاج ده كمان.
سهام....هي كويسه..
نوح...ايوه ياامي وفاقت ....
جاسر... طيب يلا بقي ننزل احنا....
ليل... انزل يلا ياجاسر. ووصل عمي وطنط مني.
جاسر... تمام هكلمكم.
ليل... تمام.
سراج... طيب نستني معاكم
ليل... ملوش لزوم ياعمي احنا ماشيين علي طول.
جاسر... يلا عايزين. اي حاجه...
الجميع ...شكرا....سلمو عليهم...
جاسر.... تمارا لحظه بعد اذنك...
قربت منه تمارا... نعم...
جاسر...هكلمك اول ما اوصل عشان نتفق علي بكره.
تمارا...تمام
جاسر...سلام...
تمارا...سلام
........
ادم...انا هنزل انزل الشنطه
سهام...استني يا ادم... نزلني معاك
ادم...يلا يا امي.
ليل...انا نازل وراكو...
ادم...تمام...
سهام...سلام يا بنات خلو بالكم من نفسكم وسلمو علي عشق...وهستناكم بكره
تمارا.....ان شاء الله ياطنط
زهره...خلي بالك من نور من فضلك
سهام..نور في عيني متقلقوش عليها حبايبي
.......
نوح....دخل علي نور... لقاها بتحاول تقوم...
نوح...نور. بتعملي ايه...انا هساعدك
عشق...تعالي يانوح شوفها عابزه تقوم وهي مش قادره اصلا..
نوح...انا هساعدك يانور.
نور...بضعف قوي... وهي بتقوم. مش محتاجه مساعدتك. وقبل ما تكمل جملتها كان شالها نوح بين ايده....مقدرتش نور تعترض ولا تجادل من كتر ماهي تعبانه..وعشان عارفه ان نوح مش هيسمع كلامها...
خرج... نوح.. وهو شايل نور.. بين ايده...
ليل...بصله...من غير ما يتكلم..
البنات واقفين مش عارفين يقولو اي حاجه فالموقف ده....
تمارا....خلي بالك منها يانوح...
وقف نوح ادام كنبه واعد عليها نور..
عشان يدي فرصه للبنات يسلمو عليها...
باسوها البنات وحضنوها وسلمو عليها وقالولها انهم هيروحولها بكره يطمنو عليها...
عشق... يلا يانوح عشان منتعبهاش...
نوح...وطي نوح. شال نور.ومن غير اعتراض او مجادله من نور اللي حاسه بتعب...
ليل راح قبله بسرعه فتحله الاسنسير...
ليل...جاي وراك علي طول متمشيش غير لما انزل...
نوح...تمام...
نزل نوح فالاسانسير...من غير ولا كلمه...نور حاسه بالاحراج من قربها منه بالطريقه دي...دفنت وشها في رقبته عشان تخبي عنيها عنه...
ولاكن مكانتش تعرف ان نفسها الساخن علي رقبته كان ليه وقوع خاص. علي نوح...
ليل.... رجع ليهم...كانو واقفين وعشق واقفه وراهم بعيد
تصبحو علي خير يابنات لواحتاجتو اي حاجه مش محتاجين اقولكم كلموني..
تمارا...طبعا ..
زهره...تصبح علي خير.
ليل...عشق.... عايزك ثواني...
تمارا. وزهره استأذنو ودخلو اوضتهم...
قربت...عشق...من الباب....
عشق....ايوه.
ليل....عشق. اسف لو اتعصبت عليكي فالكلام...انتي شايفه الجو كان عامل ازاي وكلنا متوترين.
عشق... بجديه...وبرود عكس اللي جواها..لا ولا يهمك ياليل انا مش زعلانه.مفيش حاجه تستاهل الاسف.
ليل...بعني انتي مش زعلانه
عشق...لا خالص عادي يعني محصلش حاجه.
ليل...عشق انتي في حاجه مضيقاكي؟؟
بصتله عشق ثواني ونزلت عينها...مفيش غير موضوع نوح ونور...
ليل...يعني انتي مش مضايقه مني في اي حاجه.
عشق....هضايق منك ليه هو في حاجه حصلت ولو تقصد عشان اتعصبت صدقني مش زعلانه وحقيقي زي ما قولت الموقف كان كله توتر وقلق. يعني مش زعلانه...
ليل...بس انا مقصدش عشان اتعصبت ياعشق...وبيتهيألي انتي فهماني.
عشق...بلعت ريقها بصعوبه...وبصتله...مفيش حاجه مضيقاني منك ياليل. ولو في حاجه تقصدها فا انا مش فاهمه تقصد ايه...
ليل...متأكده.
عشق...وهي بتبعد عينها عنه. بارتباك ملحوظ. لعبت في ايدها بتوتر. ورجعت بصت عالارض.. ورجعت عدلت الطرحه....
ليل....واضح انك متأكده فعلا..
بصتله عشق... قي نظرات طويله
فضل ليل باصصلها وساكت.شويه....
ليل....عشق..
عشق...نعم.
ليل...انا تعبان اوي..
عشق....بقلق ونسيت كل حاجه مضايقها ونطقت بسرعه..
مالك...حاسس بايه...في حاجه بتوجعك
ليل....اه قلبي !!قلبي واجعني اوي ياعشق..
عشق...وهي بصاله مش عارفه تقوله ابه بس حست من نبره كلامه انه فعلا مضايق وتعبان...
ليل....ممكن اطلب منك طلب..
عشق....هزت دماغها.
ليل....خليكي جمبي ياعشق...وكل ما اجي في بالك ادعيلي كتير...
عشق....ليل انت كويس...
ليل....هز دماغه. لا مش كويس
عشق....فيك ايه ياليل متقلقنيش.
قرب منها ليل خطوه. ومسك ايدها حست. عشق باحراج...وقفت متنحه دي تاني مره يعملها ...
قرب ليل ايدها من شفايفه وباسها بوسه طويله وهو مغمض عينه وبيستنشق ريحه ايدها الجميله...
رفع ليل وشه لعشق. اللي اتلون وشها باللون الاحمر..
ليل...متقلقيش...بس مش عايزك تبعدي عني انا محتاجك جمبي ياعشق...خصوصا الفتره دي...
وبدون إنذار او حسابات رفعت عشق...ايدها التانيه حطتها علي ايد ليل اللي قلبه دق من لمستها الحنونه....
عشق....انا جمبك ياليل.ومعاك ووقت ما تحب تتكلم اكيد هتلاقيني مستنياك وهسمعك لحد ما تحس انك مرتاح...
ليل.....بصلها بابتسامه... ورجع قرب ايدها تاني وباسها...
ليل...تصبحي علي خير.
عشق .وانت من اهل الخير.
ساب...ليل. ايدها...ولف ومشي ناحيه الاسانسير...كل ده عشق عينها عليه...وقف ليل مستني الاسانسير وهو باصص عليها من غير ولا كلمه...ولاول مره عشق تفضل باصه عليه ومثبته عينها في عينه من غير ما تتوتر وتبعدها وكأنها حاسه انه محتاجها تكون جمبه. وتطمنه
وقف الاسانيسير...سحب ليل الباب وقبل ما يختفي من ادامها...
عشق....ليل...
رفع ليل وشه ليها بسرعه.
عشق....خلي بالك من نفسك...ومتقلقنيش مش عايزه اشوفك ضعيف...عشان انا بستمد قوتي منك!!!!!!ودخلت عشق بسرعه وقفلت الباب ووقفت ورا الباب بضهرها تصارع انفاسها المتضاربه بقوه بعد الكلمات اللي خرجت منها من غير ماتحس...
اما ليل...فاكلام عشق.وقع علي قلبه مش علي سمعه😳
وقف. باصص علي الباب كلمتها قلبت حاله في لحظات وحس بدقات قلبه بتتضاعف... حس بالمسؤوليه وانه لازم يفضل قوي ميضعفش ولا حتي يحس بالضعف....ابتسم ليل ابتسامه بسيطه...سحب باب الاسانسير وركب. ونزل....
ليل....كان جاسر وادم ونوح واققين
ليل...ممشتش ليه ياجاسر...
حاسر....مستنينك نطلع ورا بعض..
ليل...طيب يلا اركب..
جاسر...يلا انجزو بقي
راح..ادم ركب..
ليل....لنوح....نور كويسه.
كانت نور سانده دماغها عالكرسي وباصه من الشباك....
نوح...بخير.
ليل...طيب سوق براحه وانا هبقي وراك
نوح...تمام...
ركب ليل...وركب نوح...وانطلقو لڤيلا السيوفي.
............
طول الطريق كانت نور ساكته وشويه تغمض عنيها وشويه تفتحها بتعب...استغرب نور. سكوتها بس اتمني من ربنا عالاقل الفتره دي ميبقاش في شد فالكلام بينهم ...
فضل نوح طول الطريق يلمحها بطرف عينه...لاكن كانت في مكانها زي ما ركبت فالاول متحركتش...
لاكن لمحها. مغمضه عنيها ونفسها منتظم عرف انها نامت...مد ايده براحه دخل خصله شعرها اللي كانت باينه من تحت حجابها اللي لبساه بأهمال..
قرب ايده من ايدها. مسكها. بين ايديه. وفضل ماشي طول الطريق وهو ايده في ايدها...
بعد مده. وصلو اخيرا...الڤيلا وصلت العربيات ورا. بعض...ركن نوح عربيته... ونزل. راح فتح الباب بتاعها وشالها بين ايديه براحه فتحت عينها ثواني وغمضت تاني...باستسلام..مشي بيها نوح وسطهم كلهم...
نوح....ادم من فضلك دخل الشنطه جوه الڤيلا هطلع نور وانزل اخدها..
ادم...لا خليك انا هطلعهالك..مشي نوح. من ادامهم...دخل الڤيلا وطلع بيها علي فوق.
سهام....تعالو ادخلو وافقين كده ليه.
سراج لا هنروح احنا بقي...عشان الشغل.
ليل ..طيب اعدو شويه وبعدين امشو.
جاسر..لا يلا ادخلو انتو ارتاحو واحنا نروح انا مصدع اوي.
ليل...تمام.
جاسر...هشوفك بكره. فالشركه..
جاسر...عايزه حاجه ياسوسو..
سهام...بابتسامه لا يا حبيبي سلامتك.
جاسر...سلام يادومي.
ادم...سلام يا صاحبي.
مني بتسلم علي سهام...يلا سلام ياحبيبتي خلي بالك من البنت ياسهام.
سهام...دي في عيني..
مني...هكلمك الصبح اطمن عليكو.
سهام...ماشي ياحبيبتي
مشي جاسر بوالده ووالدته..
ودخل ليل...وسهام وادم بعد ما جاب شنطه نور...
سهام...ادم...ايه رأيك ممكن نوح ينام معاك فالاوضه.انا خايفه البنت تنهار تاني من وجوده معاها خصوصا ان الدكتور بيقول ان الفتره دي لازم اعصابها تكون مرتاحه
ادم...انا معنديش مانع يا امي بس نوح هيوافق.
ليل....لا مش هيوافق. وانا شايف انه يفضل معاها احسن عشان يمكن وجودهم مع بعض يخلي علاقتهم تكون احسن شويه... وترضي نور بالامر الواقع. وتتقبل وجوده معاها...
سهام...انا بس خايفه عليها..
ليل....متقلقيش يا امي كده احسن ليها...بس عشان هو نازل..
قرب عليهم نوح....
نوح...جبت شنطه الدوا. يا ادم...
ادم...اه اهي عالترابيزع انت ايه اللي نزلك.
نوح...هاخد شنطه نور.
ادم...ما انا كنت هطلعهالك.
نوح...مفيش مشكله واحد يا ادم...
وراح نوح مسك شنطه الدوا ورجع مسك. الشنطه.
ادم..طب سبها انا هطلعها انا اصلا طالع عايز انام.
سابها نوح من ايده..
نوح...تصبحو علي خير..
سهام...نوح.
نوح...بصلها ايوه يا امي..
سهام...كنت بقول يعني ياحبيبي ايه رأيك.. لو تنام مع ادم. وتسيب لنور الاوضه.
نوح...ليه يا امي.
سهام...يعني ياحبيبي عشان تاخد راحتها اكتر وعشان انت زي مانت شايف هي نفسيا مش متقبله اي حاجه فا يعني نسبها ترتاح..
نوح....لا يا امي... انا هفضل مع نور... ومتقلقيش انا مش هضايقها خالص..
بص ليل لسهام...تأكيدا علي كلامه
سهام...اللي تشوفه يا حبيبي..يلا اطلع نام انت تعبان.
نوح...تصبحي علي خير يا امي.
سهام...وانت من اهل الخير..
بص نوح لليل بوجع... تصبح علي خير
ليل....وانت من اهله..
ادم...تصبحو علي خير.
سهام..وليل. وانت من اهله
طلع نوح. وطلع وراه ادم بالشنطه..
ليل...يلا يا امي اطلعي انتي كمان.
سهام...انا قلقانه
ليل...متقليش يا امي كل حاجه هتتصلح يلا بقي اطلعي..
سهام..وانت مش هتنام...
ليل... انا هنام بس هروح ابص علي مهره وعشق واطلع انام.
سهام...ليل عشان خاطري اوعي تزعل من الكلمتين اللي قولتهم بس مستحملتش اشوفك انت واخوك تكونو كده مع بعض
ليل...قولتلك يا لمي مش زعلان والله ومتقلقيش انا ونوح مهما زعلنا من بعض بس ملناش غير بعض.
سهام....ربنا يخليكو لبعض يا حبيبي
ماشي ياحبيبي تصبح علي خير.
ليل... وانتي من اهل الخير....
.طلعت سهام وخرج ليل. يشوف عشق ومهره...
........
نوح...شمرا يا ادم تعبتك..
ادم..بس ياض بلاش عبط تعب ايه ومالك محترم كده ليه عمرك ما قولتلي شكرا.
ابتسم...نوح...ياعم مره من نفسك.
ادم...بضحك عشان نوح يفك علي رأيك..طول عمري مباخدش منك غير قله الادب...
وقرب منه ادم وحضنه...مبروك يا نوح..بعيدا عن كل اللي حاصل بس انا فرحان عشانك.
نوح....عقبالك بس في ظروف احسن من كده.
ادم....كله هيعدي واللي جاي هيبقي حلو عليك وعلي نور..
نوح...يارب.
ادم...يلا ادخل ولو حصل اي حاجه .او عوزتني تعالالي علي طول
نوح...ربنا ما يحرمني منك يا اخويا.
ادم...تصبح علي خير
نوح...وانت من اهله..
دخل نور...حط شنطه نور...وفضل باصص عليها شويه وهي نايمه..
راح .جمبها عالسرير...
قرب منها مد ايده وشال طرحتها...وابتسم لما شاف..شعرها الجميل...
نوح...نورتي بيتك يا احلي نور..
قام من جمبها غطاها كويس...وبص في ساعته... كان لسه فاضل شويه علي مهاد المحلول... راح خد غيار...ودخل خد شاور...فضل واقف تحت الميه شويه... يشيل التعب من عليه....
خرج. بعد ما لبس...كان لبسه عباره عن بنطلون بيتي. رمادي وعليه تيشرت بكم ابيض...
خرج...راح بسرعه علي شنطه الدوا...طلع منها المحلول..
فضل واقف يفتكر كلام الدكتور وكلام عشق حاسس ان كل حاجه راحت من دماغه واكتشف ان قلقه ساعتها علي نور..خلوه مش مركز خالص في اي كلام...وبدون تردد جري بسرعه علغالاي نوبايله واتصل علي عشق. رن كذا جرس وجه فالاخر الرد.
عشق....بصوت ظاهر عليه النوم....الوووو
نوح....ايوه ياعشق... انا اسف اني بكلمك الوقت واسف شكلي صحيتك...
عشق...لا لا انا لسه منمتش في حاجه ولا ايه نور كويسه.
نوح...اطمني هي بخير..بس يعني انا
عشق...في ايه يانوح قلقتني.
نوح... بصراحه انا حاسس اني نسيت كل حاجه قولتيهالي علي المحلول وجه معاده وخايف اعمل اي حاجه غلط...
عشق.....ولا يهمك انا هقولك واعمل معابا زي ما هقولك بالظبط..
نوح...تمام...ابتدت عشق تقوله وهو ظبط كل حاجه...وبعد كده مسك ايدها. ركب فيها المحلول. براحه عمل زي ما عشق قالتله بالظبط...
نوح...خلصت
عشق....هااا المحلول بينزل.
نوح...اه تمام
عشق...مش. بيقف
نوح..لا لا زي ما كان وانتي مركباه
عشق...طيب كويس جدا كده هو هيفضل شغال اول ما يخلص.. هتقفل المانولا وتسحبه من ايدها..بس كده.
نوح...تعبتك معايا ياعشق.
عشق..تعبك راحه يانوح. هي كويسه.
نوح...اه الحمد لله بخير والله
عشق...الحمد لله ربنا يهديلكم الحال واشوفكم مبسوطين.
نوح...انتي جدعه اوي ياعشق... ربنا يخليكي لينا. يا اخلي اخت فالدنيا...
عشق...بابتسامه...لو احتجت اي حاجه اتصل بيا اي وقت حتي لو نايمه...
نوح... حاضر يلا روحي نامي تصبحي علي خير
عشق...وانت من اهل الخير
.......قفل نوح... واعد ادام نور... عالكرسي...فضل باصصلها كتير مش مصدق نفسه انها اخيرا بقت معاه وفي اوضته...وابتدا النوم يسيطر عليه. وفضل يحاول يفوق نفسه عشان يقفل المحلول...
وبعد حوالي نص ساعه خلص المحلول وخلص نوح معاها من التعب...سحبه من ايدها وعمل كل حاجه زي ما عشق فهمته...غطاها كويس .ورجع تاني. عالكرسي سند راسه. واقل من دقيقه كان نوح طار فالنوم...وهو ماسك ايد نور بين ايديه....
.........
اما عند ليل...فا بعد ما اكل مهره وعشق.. فضل واقف جمب عشق يلاعبها ويطبطب عليها...
وسرح في دنيا تانيه افتكر لما كانت عشق بتولد مهره...افتكر لما نزلت عشق. وشاف فرحه عشق.
وفضل يفتكر كل موقف جمعه بعشق...لحد اخر جمله قالتها. وكانت مأثره عليه اوي...
بلاش تضعف عشان انا بستمد قوتي منك ياليل...
ليل...لنفسه....ياريتك ظهرتي في حياتي من زمان ياعشق ياريتك كنتي اول حد يدخل حياتي...يارتني شوفتك من زمان ومضيعتش ولا ثانيه بعيد عنك..
ليل... باستغراب.....هو انا حبيتك ياعشق..؟؟!
ليل...ايه اللي بيحصلي لما بشوفك ليه بكون مبسوط وحاسس اني مالك الدنيا كلها بايدي...ليه قلبي مبيبطلش دق لما عيني بتلمح عينك...ليه انتي الوحيده اللي مبقدرش ازعلها ليه بسيبك تقفي ادامي واسيبك تعبري عن غضبك براحتك من غير ما اعترض...ليه انتي الوحيده اللي بسمحلها انها تناقشني او تعترض او تتعصب... ليه انتي الوحيده اللي بكون مبسوط وانا. بتأسفلها لو غلط...
ليل..وهو باصص لعشق... الفرسه ومبتسم...
عشان . انا عشقتك ياعشق❣️🙈
يمكن تكوني فاكره ان انتي بتستمدي قوتك مني بس انا شايف اني انا اللي بستمد قوتي منك ياعشق... انا بقوي بيكي بقوي لما ببص في عينك لما بشوفك لما بسمع صوتك... لما بحس انك ادامي لما بلمس ايدك... لما بشم ريحتك انتي روح ياعشق. دخلت روحي ورجعتلي الحياه اللي كنت فقدتها... كنت كاره الحياه بس كنت متمسك بيها عشان امي عشان نوح وادم وجاسر لاكن بعد ما ظهرتي في حياتي بقيت متمسك بالحياه عشان انتي فيها. متمسك بالحياه... عشان افضل معاكي....
بحبك.. ياعشق.. بحبك يا عشق الليل❣️
بعد. وقت عدي علي ليل ميعرفش اد ايه... طلع اخيرا اوضته... خد شاور. وخرج رمي جسمه علي ليل. واستسلم لنوم عميق....
....
اما عند جاسر... فا تصل كتير بتمارا بس مكانتش بترد. كان مضايق انها نامت... بس كان مديها عذرها اليوم كان طويل ومليان احداث....واخيرا هو كمان استسلم للنوم وهو ماسك الموبايل في ايده....
............
الكل نام وكل واحد فيهم كان في عالمه الخاص بيه...
اما نوح... فا كان ظابط الموبايل صحي بعد اربع ساعات ركب المحلول تاني لنور.. اللي نايمه زي ما هي...
بص نوح في الموبايل كان فاضل ساعه علي معاد صحيانه للشغل... رجع تاني عالكرسي نام بتعب وجسم مكسر من نومته عالكرسي مسك ايد نور...وراح لتاني مره فالنوم...
......
وبعد ساعه... صحي ليل... يجهز للشغل..
وصحي ادم...ورن موبايل نوح بس كان غطسان في النوم..ومش سامع..
قلقت نور عالصوت اللي بيرن...فتحت عينها بفزع لما شافت الاوضه وشافت نوح جمبها ايده في ايدها...المحلول راكب في ايدها من تاني...نايمه عالسرير... هو نايم عالكرسي وواضع عليه الاجهاد من النومه...ثواني وابتدت نور تفتكر كل اللي حصل واحده واحده وانها جت مع نوح امبارح فضلت باصه عليه...لاول مره كانت تشوفه وهو نايم. هي وهو مع بعض في اوضه واحده. حلمها متحقق اه جزء كبير من حلمها فقدته بس قلبها مش قادر يكرهه مبسوطه انه جمبها..طلعها من شرودها صوت الموبايل تاني..غمضت عينها بسرعه..والمره دي نوح صحي...عالصوت... قفله بسرعه عشان ميقلقهاش..
قرب ايده من شفايفه... صباح الخير ياعمري...باس ايدها ورجعها تاني عالسرير غطاها كويس...
وقام عالدريسنج روم يغير هدومه...
فتحت نور عينها براحه...وابتسمت ابتسامه بسيطه.. علي اثر كلماته...دقايق وخرج نوح وهو لابس ملابس رسميه للشغل كان شكله يجنن.سرح شعره وحط البرفيوم بتاعه نور متبعاه وهو بيحاول يمشي براحع ويتحرك براحه عشان ميصحهاش..
خلص.. نوح... ورجع جمبها مسك ايدها... مش عايز اسيبك وقلقان عليكي بس مضطر اروح الشركه هرجعلك تاني...باسها من راسها ومن ايديها..بحبك يانور. وخرج وقفل الباب وراه براحه عشان ميقلقهاش...
ابتسمت... نور غصب عنها.....وانا كمان بحبك يانوح🥺🥺
نزل نوح... كان ادم وسهام وليل عالسفره...
نوح...صباح الخير..
الجميع صباح النور..
سهام...حبيبي ايه اللي صحاك شكلك تعبان ومنمتش كويس ماتخليك انهرده
نوح... لا يا امي انا كويس ومش هينفع اعد في شغل كتير..
ادم... خليك يانوح انا هخلص الشغل وزهره معايا هتساعدني...
نوح... مش هينفع يا ادم في شغل كتير كله هيبقي عليك وزهره لسه بتتعلم مينفعش..
ليل....اخيرا ..اتكلم...احمم لو عايز خليك يانوح.. ارتاح ومجتش من يوم.
نوح..وهو مش باصصله...لا انا تمام...
سهام... طيب مش هتفطر انت بتشرب قهوه بس
نوح... مش جعان يا امي
سهام... نور.. عامله ايه
نوح...بخير
سهام... ركبتلها المحلول.
نوح... اه ركبتهولها مرتين.
سهام... ربنا يشفيها وتقوم بالسلامه
نوح... معلش يا لمي هتعبك خلي بالك منها وشوفيها كل شويه.والمحلول التاني فاضل عليه حوالي 3ساعات...
ان شاء الله هحاول اجي اركبهولها بعد اذنك طبعا ياليل...
ليل... اكيد براحتك بس لو حابب ممكن نجيب ممرضه تاعد بيها عشان ميبقاش تعب عليك.
نوح... لا انا مش تعبان
ليل... زي ما تحب وقام ليل...تؤمريني بحاجه يا امي
سهام... سلامتك ياحبيبي..
قام نوح وادم... سلمو علي سهام... وخرجو ركبو عربياتهم وراحو للشركه...
............
أنت تقرأ
دار الايتام
Romanceلكل منا حياه ولكل منا قصه وجع ووجعي هو الحياه التي فرضت عليا. كل طفل منا يولد لا يحتاج سوا امه وابوه ولاكن امي وابي كان لهم رأي أخر لا يرغبو بوجودي ويتمنون موتي ولاكن إراده الله في مجيئي خالفت كل توقعاتهم وجئت الي الدنيا غصب عني وعنهم كل طفل يولد ي...
