دار الايتام

دار الايتام البارت الثاني والثلاثون

ليل.... تحبي تروحي مكان معين ولا اطلع انا علي مكان.
ريما....عايزه اروح المكان بتاعنا يا ليل...
بصلها...ليل...
ليل...حاضر
وطلع بالعربيه.....
........
وصل جاسر. ادام البيت...
حمدالله عالسلامه..
زهره...شكرا ياجاسر تعبناك...
جاسر...تعبكم راحه....
جاسر....عشق   مالك ساكته ليه...
عشق....لا ابدا مفيش بس مصدعه شويه...
شكرا يا جاسر
جاسر....علي ايه بس.
نزلت زهره...وعشق...
جاسر.هتروحو بكره لنور
تمارا...ان شاء الله هتروح ولا لا...
جاسر....اه ان شاء الله هتروحو امته...
تمارا....يعني هننزل بعد العصر بشويه..
جاسر...تمام..يلا اطلعو واول ما تدخلو طمنوني
تمارا... تمام... وانت لما تروح طمني..وخلي بالك من نفسك عشان خاطري...
جاسر...وهو بيغمزلها خايفه عليا..
تمارا...مش اوي🙄
جاسر...بقي كده طب مش هخلي بالي...
تمارا...خلاص خايفه عليك..اوي
جاسر...بحبك
تمارا...وانا بحبك اوي.
جاسر...طب يلا انزلي قبل ما اتهور...واعمل حاجه هموت واعملها..
ضربته تمارا...علي كتفه...سافل...فتحت الباب ونزلت...فضل جاسر يضحك عليها...
تمارا...يلا بااي.
جاسر...اطلعو يلا وطمنيني اول ماتطلعي عشان امشي.
تمارا...حاضر...
دخلت تمارا للبنات...وركبو الاسنسير وطلعو...ودخلو الشقه وقفلووو وكلمته تمارا.  طمنته ومشي.....
...........
ادم....مساء الخير..
سهام...مساء النور يا حبيبي حمد الله علي السلامه..
ادم... باس ايدها الله يسلمك يا امي..عامله ايه.
سهام...الحمد لله ياحبيبي.
نوح...اذيك يا امي وباس راسها...
سهام...بخير يا قلبي...
راحو اعدو
نوح...نور. عامله ايه...
سهام...صحتها احسن. بس نفسيتها وحشه اوي يا نوح...
نوح...شوفت. الحلقه..
سهام..اه شوفناها.....بس بردو هي مش تمام اوي..
نوح...وهو بيتنهد بحزن.ان شاء الله خير.
سهام...امال فين ليل..
بص..نوح وادم لبعض.
سهام...في ايه بتبصو لبعض كده ليه ليل كويس
ادم....بخير يا امي الحمد للله
سهام...امال في ايه مالكم...
نوح....ليل.  مع ريما يا امي...
سهام....ايييه ريما..ازاي...
ادم...جاتله الشركه وخدها وطلع بيها..
سهام...يعني ايه جاتله ويعني ايه خدها وطلع بيها اتجنن ده ولا ايه...
نوح...اهدي يا امي...من فضلك
سهام...اهدي ايه وزفت ايه...اخوكم هيموتني قريب بعمايله دي احنا مش كنا خلصنا من ريما دي ..ازاي ليها عين ترجع وازاي يوافق اصلا يديها وش..بدل ما يرميها بره يخرج معاها...
نوح...بعد الشر عنك يا ست الكل...متقوليش كده..
سهام....رجعت ليه وراح معاها فين.
ادم...ولله يا امي ما نعرف ده اللي حصل جاتله وخرج بيها واتعصب عليها لما سألناها نفس السؤال ايه اللي جابك مسكتش واتعصب وجه ادامنا كلنا خدها من اديها وخرج بيها..
سهام...ده اكيد حصل حاجه في عقله انا لازم اكلمه يجي فورا...ومسكت الموبايل..
نوح...استني بس يا امي ..
ادم...عشان خاطري انا بلاش اكيد هنعرف منه هي عايزه ايه بس خليه لحد ما يجي...
سهام....ازاي ازاي بعد كل اللي حصل ده يوافق اصلا يبص في وشها...
ادم...محدش عارف ليل بيفكر ازاي انتي هتوهي عنه يعني يا امي...انتي عارفه ليل دماغه محدش يعرف فيها ايه...
سهام...سترك يارب احنا مصدقنا ابتدا يتحسن هترجع تظهر في حياته تاني..
نوح....صلي عالنبي كده ياامي واهدي واكيد هنسأله ونعرف منه...
سهام...عليه الصلاه والسلام....قومو يلا حبايبي غيرو هدومكم لحد ما احضر العشا...
نوح...ماشي يا امي انا هطلع اشوف نور...
سهام...هات نور معاك انا قولتلها تنزل تتعشي معانا ووافقت..
نوح...حاضر يا امي..
وطلع نوح وادم...
خبط...نوح...عالباب....ومكنش في رد..
فتح..الباب...مكنتش في الاوضه... بس اطمن لما سمع صوت مايه جاي من الحمام....
اعد...نور بتعب... عالسرير...وسند راسه.. لحد ما تخرج...
فات حوالي عشر دقايق...خلصت نور... شاور   وكان لابسه بچامه بيتي  مرسوم عليها اشكال ديزني فتحت...نور الباب...واتخضت اول ما لمحت... نوح.. اعد عالسرير...لكن تنحت اول لما شافته نايم وهو اعد وساند راسه علي السرير...صعب عليها خصوصا انه صاحي من بدري راح عمل بلاغ ورجع خدها وراح الجامعه ورجعها وراح عالشغل وبعدين راح صور ورجع تاني عالشغل ...
حست انه مرهق بجد...وشكله لوحده كان بيأكد كده...فضلت واقفه بصاله من بعيد. ملامحه وحشتها كل حاجه في وحشتها...ثواني...وراسه فضلت تتزحلق براحه لتحت...وفجأه فاق نوح.  وعدل نفسه لمح نور واقفه ادامه بتبص عليه.  واول ما عينها جت في عينه... بعدت عينها بسرعه ..
نوح...اذيك.  يانور...اسف.  يظهر اني روحت فالنوم...وانا مستنيكي تخرجي...
نور.....مش بترد...
اضايق نوح انها مردتش عليه لاكن من جواه كان مبسوط انها واقفه ادامه بشعرها ولبسها   من غير ما تلبس ادامه حس ان عالاقل في امل...مشي...نوح... ناحيه الدرسينج...طلع غيار .ليه..و.خرج... راح من سكات علي الحمام ياخد شاور....
اعدت...نور...علي حرف السرير... وهي سرحانه...ومضايقه...من الفجوه الكبيره اللي حصلت بينها وبين نور...مسكت نور الفرشه..وفضلت تمشي الفرشه علي شعرها بشرود....
خرج...نوح بعد مده بسيطه...كان لابس تيشرت اخضر فاتح وبنطلون اسود...كان شكله يجنن..خرج...اتسرح...ورش من البرفيوم بتاعه....
واعد عالكنبه...مسك موبايله.  واتصل بجاسر...كل ده تحت نظرات نور...
جاسر...ايه يانوح
نوح...روحت..
جاسر...داخل عالڤيلا خلاص... انت فين و في جديد بخصوص ليل...
نوح....روحت...اه من شويه....ومفيش جديد لا كلمته ولا كلم حد فينا...
جاسر...انا كمان مكلمتوش ولا طايق اكلمه بعد اللي عمله....
نوح....انا مش مطمن يا جاسر.
جاسر...ومين سمعك ربنا يعدي اليومين دول علي خير. كل يوم مفجأه...الواحد زهڨ...
نوح...ربنا يسترها... المهم قربت انا اصلا بتصل عشان اطمن عليك...
دخل جاسر الڤيلا...اه انا وصلت خلاص ودخلت الڤيلا اهو.
نوح.....طيب كويس..يلا ادخل انت بقي
جاسر...تمام لو حصل حاجه قولي..
نوح....ماشي تمام...يلا سلام...
جاسر...سلام.....
قفل جاسر مع نوح. مسك موبايله واتصل علي تمارا...
تمارا...الووو.
جاسر...ايه ياحبيبي..انا وصلت خلاص.
تمارا...طيب الحمد لله..
جاسر...مالك قلقانه كده ليه بس
تمارا...انا فعلا قلقانه..
جاسر...لا ياحبيبي متقلقيش احنا اتفقنا نخلي بالنا بس مش لدرجه القلق والتوتر...
تمارا...ربنا يستر....انت جوه الڤيلا خلاص.
جاسر...اه انا فالجنينه وداخل اهو بس قولت اكلمك علي طول عشان مطولش عليكي اكتر من كده وتقلقي...
تمارا...طيب يلا ادخل بقي.
جاسر...ماشي ياقلبي يلا روحي كلي حاجه وانا هاخد شاور واكل واكلمك..
تمارا...تمام. هستناك باي..
جاسر...باي ياحبيبي....
ودخل جاسر...الڤيلا...
.......  فضل نوح اعد.  عالكنبه...بعد ما قفل مع جاسر... مش باصص لنور ولا بيتكلم..
وهي... اعده عالسرير سرحانه  ماسكه الفرشه في ايدها وباصه عالارض..
قام...نوح.  وقف.مره واحده...بص نور ناحيته.  بسرعه وبعد عنها تاتي...
نوح....نور...العشا جهز وماما بتقول انها قالتلك تنزلي تتعشي تحت لو مش حابه او مش قادره.  هخلي الشغاله تطلعلك العشا هنا...
نور....لا انا هنزل..
نوح...تمام...طيب يلا عشان تنزلي معايا..
قامت...نور.  وقفت...واتحركت ببطئ. 
نوح...استني هنا...انتي راحه فين
نور...وهي بصاله بغضب...مش قولت هننزل تحت.
نوح...ايوه انا قولت هننزل تحت بس انتي نازله بمنظرك ده...
انتبهت...نور علي لبسها...  اللي ماسك عليها... وشعرها...
بس حبت تضايق نوح...
نور...ماله منظري..
نوح...بغضب...انتي بتتكلمي جد ولا بتحاولي تستفزيني..
نور...انا مش ههزر معاك واصلا مالئش دعوه بيك عشان استفزك...
نوح...نووور اتعدلي وبلاش تستفزيني اكتر من كده
نور...انت عايز ايه.
نوح...عايزك تغيري اللي انتي لبساه ده...
نور...اغيره ليه عاجبني..ولا جنابك شايف ان شكله مش حلو
نوح...عاجبك انتي مش عاجبني انا...وايوه شايف شكله مش حلو اظاهر حضرتك مخدتيش بالك ان في هنا رجاله معاكي فالبيت...وبعدين انتي نازله ازاي من غير طرحتك...هي هبت منك ولا ايه
نور...من فضلك وطي صوتك.. وبعدين انت ملكش دعوه بيا اصلا البس ايه وملبسش ايه دي بتاعتي مش بتاعتك اغطي شعري ابينه بردو بتاعتي شئ ميخصكش
قرب منها نوح...بغضب ومسك ايدها بعنف.....انتي كلك علي بعضي كده بتاعتي. انا اللي اقول تلبسي ايه ومتلبسيش ايه مش انتي انتي تنفذي وبس انتي فاهمه وقسما بالله يانور اسمعك تقولي الكلام ده تاني هتكرهي نفسك من اللي هعمله فيكي وشعرك ده لو شفت منه خصله بس.  يوم مش هيبقي فايت...طول ما ادم وليل موجودين.  لا اشوف جسمك ولا اشوف شعرك...
نور....انت مالك بيا اصلا انت فاكر نفسك هتتحكم فيا تبقي بتحلم.  وبعدين انا حره وبمناسبه شعري انا هريحك خالص. انا قررت اني هقلع الطرحه خالص...
نوح....مسكها نور. اكتر من ايدها...
صرخت نور..بوجع....
نوح...بتقولي ايه.  سمعيني كده تاني تقلعي الطرحه...بصي يانور... واضح. ان التعب اللي انتي تعبتيه مأثر علي دماغك وانا مش هتكلم معاكي غير لما تفوقي كده عشان وقتها لو نفس الكلام ده اتعاد وديني يا نور... هتزعلي مني بجد...
نور...انت فاكر انك جوزي بجد واني هسمع كلامك. انت جوزي مؤقتا فاهم.  يعني عالورق وشويه وهبعد عنك وارتاح منك.
نوح......الكلمه وجعته اوي بس محبش يبين حتي لو مؤقتا. بس بردو انا جوزك ومن هنا لحد ما ترتاحي مني يانور.  تنفذي كل حاجه بقولها مفهوووم..تروحي تغيري هدومك وتلبسي طرحتك...بسرعه. 
نور...بصتله.  بغضب...وراحت عالاوضه طلعت بنطلون چينس. وتيشرت.. بكم.  ولبست عليه طرحه. وخرجت......
بصلها نور وكأنه بيتفحصها.  من فوق لتحت... وفتح الباب...نزلت نور ادامه بغضب...ونزل وراها...
........
سحب..ليل الكرسي..لريما...
ليل...اتفضلي...
اعدت ريما عالكرسي...واعد ليل ادامها....
ليل...تحبي تشربي ايه..
ريما....عادي اي حاجه..
ليل....نادي الويتر...
الويتر...تحت امر حضرتك.....
ليل...عايز قهوه مظبوط..وعصي فراوله
الويتر...حالا الاوردر هيكون جاهز.
ليل...شكرا...
ريما....لسه فاكر اني بحب الفراوله..
ليل...اكيد...
ريما...شكلك متغيرش خالص ياليل.  مفيش حاجه اتغيرت فيك غير ملامحك ونظرتك..
ليل...ودول اتغيرو ازاي..
ريما...يعني.  ملامحك بقت جد.  وجامده...نظراتك بقت حاده..
ليل...وده احسن ولا اوحش..
ريما...مش حمايه احسن او اوحش...بس الاول كنت اهدي ملامحك ونظراتك فيهم هدوء. الوقت بقيت تخوف شويه..
ابتسم...ليل...مش يمكن اناكنت كده وانتي اللي مكنتيش واخده بالك.
ريما....استحاله
ليل...انتي كمان متغيريتيش .شكلك زي ماهو..وفضل باصصلها شويه...رجعتي ليه ياريما؟؟ايه اللي رجعك بعد 3 سنين..
ريما....عشانك ياليل...
ليل....عشاني انا...
ريما...ايوه عشانك انت...ايه مضايق اني رجعت..
ليل...بالعكس...بس مستغرب رجوعك وبعدين انتي جيتي امته من سويسرا..
ريما.يعني.   من فتره كذا شهر...
ليل...فين جوزك..
ريما...لا ما انا انفصلت من سنه تقريبا وفضلت هناك شويه كنت بصفي شغلي عشان ارجع..بس بعد الانفصال بشهر.. اتوفي.  واتفجأت انه كان كاتب كل ثروته بأسمي.. فأضطريت اني اعد الفتره دي عشان اصفي اي حاجه ليا هناك...وقررت اني اجي هنا وابدأ من جديد في مصر...
ليل...واضح انه كان بيحبك ..
ريما... اكتشفت ده بعد ما مات...
ليل...وقبل كده مكتشفتيش.
ريما...لا كنت عارفه انه بيحبني بس مكنتش اعرف انه بيحبني لدرجه انه يكتب ثروته بأسمي...
ليل...وعملتي بزنس هنا ولا لسه..
ريما....فالحقيقه لسه...بس طبعا مقرره هعمل ايه...
ليل...وناويه علي ايه بقي...
ريما...يعني.نفس النشاط اللي كان في سويسرا...هفتح مصحه تجميل  متكامله...
ليل...يعني ايه..
ريما...يعني هي فكرتها جديده بس اكيد معروفه ..الشخص اللي بيدخل بيفضل فالمصحه مده 10ايام 20يوم شهر وممكن اكتر والمده بتتحدد علي حسب اللي هو محتاجه... بيدخل شخص بيخرج شخص اصغر من سنه 10سنين.  صحيا وجسديا حتي المظهر الخارجي.   وبيتعمل جلسات نفسيه يعني لو خد عنده اضطرابات مأثره علي شكله ملامحه بيعاني من مشكله بيأعد معاه دكاتره نفسيين بيظبطوه خالص لو في سلوك مش حلو مش حابه في نفسك بيتعمله تعديل سلوك. يعني باختصار اللي بيدخل بيخرج واحد تاني خالص...من جوه ومن بره
ليل...حلو ده علي كده انا هكون اول كلاينت عندك...
ريما..بابتسامه...ياسلام احنا نطول ليل باشا بنفسه يشرفني...بس انت عايز. تصغر اكتر من كده. انت سنك مش باين عليك..
ليل...لا ما انا محتاج الجزء بتاع من جوه ده اوي...
جه..الويتر وحط القهوه والعصير ومشي..
ليل...بس بردو انا معرفتش انتي رجعتي ليه ياريما خصوصا انك بتقولي انك واصله مصر من كذا شهر اشمعني ظهرتي الوقت...
ريما...انا من ساعت ماجيت.  كنت بدور عالمكان...المناسب لشغلي.  يعتبر كل حاجه خلصانه حتي الموظفين اللي هيشتغلو ولقيت المكان...يمكن من يوم ما جيت وانا بفكر فيك بس مكنتش قادره اخد الخطوه دي... لحد يعني ما شوفت اخبار الفتره اللي فاتت وشوفتك..انهرده فالتلفزيون....لقيت نفسي بلبس بعد نهايه الحلقه وجيالك..كنت خايفه الاقيك مش فالشركه.  لاني مكنتش هقدر اجي البيت انت عارف...
بس الحمد لله لقيتك...لما شوفتك فالتلفزيون مقدرتش امنع نفسي اني اشوفك فالحقيقه ياليل...كنت حاسه انك مضايق وحسي اني لازم اقف معاك...يمكن ده يكون مضايقك بس انا مقدرتش معملش كده...
ليل...مين قالك اني مضايق.
ريما..بابتسامه يعني مبسوط. انك شوفتني..
ليل...خد نفس بحزن...چدا وياريت كنت شوفتك من يوم ما جيتي...
ريما...اشمعني.
ليل...مش عارف... صدقيني.. بس انا الفتره دي تعبان اوي
ريما...لسه. زعلان من اللي حصل زمان ياليل..؟؟؟
ليل....بحزن....اوي يا ريما..   اللي حصل زمان عمري ما نسيته ولا عمري كنت كويس من بعده...اوقات كتير بحاول اقنع نفسي اني كارهك بسبب اللي عملتيه فيا... بس مبعرفش...
يمكن...لو كان حد سألني قبل ما اشوفك انهرده بثواني...وقاللي لو ريما رجعت هتعمل ايه..
كمت قولت هقتلها... بس لما شوفتك مقدرتش اعمل اي خاجه غير اني باخدك من ايدك وبمشي بيكي...وحشتيني يا ريما...وحشتني بنوتي الصغيره اللي كنت بلف بيها في كل مكان...وكأنها توأمي اللي لا يمكن امشي من غيره...
ريما...بدموع...انت كمان وحشتني اوي ياليل...كنت واثقه من ان رد فعلك هيكون غير كده خالص كنت عارفه انك هتثور وتتعصب وتغضب ومع ذلك مقدرتش مجيش اشوفك... بس انت خالفت كل توقعاتي ياليل...
ليل...بلاش دموعك دي ياريما... ومش يوم ما هشوفك بعد كل الوقت ده اشوف دموعك...ومد ايده مسك ايدها باسها...انا مش عارف اعمل ايه اخد في حضني زي زمان اقتلك عاللي وصلتينا ليه.. صدقيني مش قادر اعمل اي حاجه من بعد ما شوفتك .
ريما...سامحني ياليل... اللي حصل زمان كان غصب عني والله العظيم عمري ما قصدت اني اوجعك...يمكن غلط بس كنت عيله مكنتش فاهمه بعمل ايه ولا بتصرف ازاي...
بعد ما سبتني ياليل...اترجيت احمد انه يتقدملي بس رفض وبعدها اختفي...بعد ما اهلي عرفو حياتي بقت سوده ومع اول عريس اتقدملي اهلي وافقو عليه...وطبعا عملت عملبه عشان متفضحڜ...وفعلا اتجوزته وسافرت.معاه.  وكل اللي اعدتهم معاه سنه ونص.  وكان ديما في خلافات بينا...هو كان طيب بس كان اهم حاجه عنده شغله طول الوقت في شغل كان مهمل معايا جدا مكنش بيهتم بيا خالص.  بقيت اقارن كل حاجه بتحصل منه بيك...كمت ديما معايا وفالاخر قررت اني لازم انفصل وفعلا انفصلت وقولت هخلص كل حاجه خاصه بيا هناك وانزل كان ليا نفس الشغل ده هناك... كانت الحاجه الوحيده اللي تقريبا مسلياني وحبتها في سويسرا...ولما قررت انزل اتفجأت انه مات..وكتب كل فلوسه بأسمي...فضلت هناك شهور تاني لحد ما كل حاجه خلصت ونزلت..من كذا شهر ومن يوم ما نزلت وانا مش بعمل غير حاجتين اني افكر فيك واني ادور علي مكان لشغلي...
وانهرده بعد ما شوفتك اقدر اقول اني حققت الاتنين...
ليل...وهو مبتسم نورتي مصر ونورتي حياتي من تاني ياريما...
ريما...ابتسمت
ليل...هتبتدي شغلك امته
ريما...المكان لسه المفروض هيتبني... وصراحه دي حاجه انا لسه مش فاهمه فيها خالص...
ليل...متحمليش هم...سبيها عليا..
ريما...يعني ايه
ليل...انتي ناسيه...ان التأسيس ده شغلي ولا ايه...
ريما...لا طبعا مش ناسيه
ليل...خلاص يبقي سبيها عليا..ومن يوم السبت ياستي هنبتدي شغل علي طول...وهاجي انا بنفسي اشوف المكان...قبل ما نبدأ فيه رمي الاساس..
ريما...بجد😍
ليل...بجد..
ريما...طيب ممكن بقي توصلني عسان متأخرش..
ليل...عالڤيلا
ريما...لا انا مش اعده مع مامي وبابي انا اعده لوحدي...
ليل...طيب تمام يلا
قام ليل وريما... وركبو وبعد مده بسيطه...وصلها ليل للڤيلا بتاعتها....
ريما...ميرسي ياليل بجد
ليل...علي ايه بس..ريما انا عايز رقمك..
ريما...مسكت موبايلها ورنت علي موبايل ليل...
ليل..باستغراب... رقمي لسه معاكي ياريما... رقمك عمره ما اتمسح ولا هيتمسح يا ليل..
ليل...مسك ايدها وباسها... مبسوط انك رجعتي واني شايفك من تاني..
ريما...انا مبسوطه اكتر منك بكتير ...
ليل... هشوفك يوم السبت..
ريما... ان شاء الله... انا راحه بكره المكان وهبعتلك من هناك اللوكيشن.  وانت يوم السبت تيجي علي هناك علي طول..
ليل...تمام انتي بس عرفيني المعاد وهتلاقيني عندك..
ريما...ماشي...
ليل...يلا ادخلي بقي عشان الوقت ميتأخرش اكتر من كده.
ريما..حاضر...خلي بالك من نفسك وسوق براحه بلاش جنان..
ابتسم ليل.... حاضر هسوق براحه وهبطل جنان...
ريما...باي.
ليل...باي...
وفضل ليل واقف لحد ما دخلت... ودور عرببته بسعاده.  وطار.عالڤيلا بتاعته....
...........
سهام....كملي اكلك يا نور.
نور...شبعت والله ياطنط.
سهام...شبعتي ايه بس انتي مكلتيش كويس وبعدين انتي ناسيه انك لازم تاكلي كويس.
نور...والله كلت الحمد لله تسلم ايد حضرتك...
ادم...بابتسامه عامله ايه يانور احسن
نور...بابتسامه بخير الحمد لله يا ادم...
ادم...مش كفايه دلع بقي ويلا شدي حيلك عشان ترجعي الشغل...زهره محتاسه بيني انا ونوح...شايله شغلك وشغلها
نور...انا كمان الشغل وحشني اوي اناهنزل يوم السبت .
نوح..كان اعد يهز رجله ومتغاظ انها بتتكلم مع ادم بس كان ساكت. لاكن كلمتها... خليته اتكلم...
نوح...شغل ايه اللي هتنزلبه يوم السبت انتي محتاجه ترتاحي...
نور...وهي مش بصاله... انا كويسه
نوح...لا مش كويسه يانور... انتي محتاجه تأعدي شويه كمان وبعدين اصلا انتي مش هتنزلي شغل غير بعد الامتحانات امتحاناتك ناقصلك عليها اسيبوعين...
نور...انا عارفه انا بعمل ايه كويس... وبعدين مين قالك اني ناويه اروح الامتحان...
نوح...نعم اللي هو ازاي يعني..
نور....زي ما سمعت مش ناويه اروح...
نوح...بعصبيه...هو ايه اللي مش ناويه...
بصتله نور بغضب عشان زعألها بصوت عاللي ادامهم.
سهام...نوووح...وطي صوتك وانت بتتكلم...
نوح...انتي مش سامعه يا امي كلامها...
سهام...ليه يانور مش عايزه تروحي عايزه تضيعي سنه عليكي
نور...مش مهم يا طنط انا مش مستعده خالص للامتحانات حاسه ان كل حاجه ذاكرتها مش بس السنادي كل السنين طارت من دماغي...ولو دخلت مش هقدر احل وهعيد السنه فا هي هي  مش فارقه كتير.
سهام...لا كبعا فارقه وبعدين مين قال ان اللي انتي ذاكرتيه طار من دماغك. انتي بس عشان مضغوطه بس لو ذاكرتي هتفتكري كل حاجه تاني.
سهام...معتقدش يا طنط خصوصا اني مش هقدر اصلا اروح الجامعه..
ادم....لا هتقدري يانور..ولازم تقدري ولازم تتحدي نفسك ولازم تقفي علي رجلك وتبيني للكل ان مفيش حاجه تقدر تأثر فيكي...وبعدين انتي ناسيه ان ده حلم عم محمد ولا ايه...
نور...عارفه ان حلمه انس اخلص دراستي ودي كانت حاجه هتفرحه..بس هو مش موجود خلاص ..
نوح...بس حاسس بيكي وهتدخلي الامتحان يا نور...ومن بكره هترجعي تذاكري تاني ولو محتاجه احسن دكاتره في كل ماده عندك. يشرحولك وينجزو معاكي هجبهملك بس هتدخلي الامتحان...
نور....شكرا... مش محتاجه حاجه
نوح....انا مبعزمش عليكي بعصير. علي فكره واللي قولته هيتعمل...
بصتله نور... بغضب.....ورجعت بصت لسهام وادم...معلش يا طنط انا هطلع ارتاح... بعد اذنك بعد اذنك يا ادم...
وطلعت .. وسابتهم... ونوح بيطلع شرار من عينه...
سهام...عاجبك كده انت يا ابني مش هتتغير هتفضل متسرع وعصبي كده...
نوح...مش شايفه طريقتها..
ادم...اهدي عليها يانوح شويه... وبعدين يا اخي راعي اللي هي فيه... انت مش قادر تستوعب اللي حصل ولا ايه يانوح...
نوح...لا قادر بس اللي حصلها ده حصلي انا كمان معاها ومأثر عليا زي ما هو مأثر عليها..ليه بقي بتحملني المسؤوليه
سهام....بعصبيه... هي مش بتحملك المسؤوليه يا نوح نور شيفاك انت السبب في مل اللي حصلها ..وهي معذوره ومهما حلفت وقولت هي صحيت لقيتك جمبها افهم بقي اللي هي بتمر بيه صعب...لازم تقدره...
نوح...سكت....عارف ان سهام كلامها صح...
ادم...نوح عشان خاطري اهدي ولو حصل ايه متحاولش تتعصب..وتقبل منها اي حاجه لحد ما اللي حصل ده يبانله اخر.متحاولش تبوظ اللي فاضل يانوح... خدها براحه بالهداوه. عارف انك مشدود ومضغوط بس هداللي انت فيه برده مش زي اللي هي فيه سايسها يا اخي... لاكن متبوظش اللي باقي..
سهام...اسمع الكلام يا ابني ربنا يهديك.. نور بتحبك اوي هي بنفسها قالتلي الكلام ده...قالتلي انها مش قادره تكرهك. بس بالعقل بردو مش هتيجي تترمي في حضنك يانوح اللي مرت بيه صعب. ومهما كانت بتحبك وواثقه فيك هي ليها باللي صحيت وشافته..فاهمني يا نوح.  نور مشوشه الوقت احاسيسها متخبطه.  خدها براحه زي ما ادم قالك..
نوح...وهو بياخد نفس بقله حيله ولانه عارف ان اللي بيقوله ده صح...حاضر.  حاضر يا امي..
ادم...متقولش حاضر وترجع تتعصب احنا قولنا عايزين طولت بال..
نوح...حاضر.  يا ادم...هعمل كده...انا هقوم بقي..عشان مش قادر هطلع انام
ادم...ايوه انت من الصبح وانت بره اطلع ريح يلا..
سهام...هنا البنات جايين بكره.
نوح...قالو جايين اه.
ادم...ايوه يا امي هيجو عشان يشوفو نور...وبعدين بكره احنا اجازه فا هيجو يأعدو معاها شويه.
سهام...ان شاء الله...
نوح...يلا تصبحو علي خير...
ادم...انا كمان هطلع معاك...مش هتنامي يا امي..
سهام...وهي بتبص بغموض... وليل هو اللي في بالها..لا انا شويه وطالعه.
ادم...تصبحي علي خير...
سهام...وانت من اهل الخير يا حبيبي.
نوح...تصبحي علي خير يا امي..
سهام...وانت من اهل الخير يا نوح...
طلع ادم ودخل اوضته.  ودخل.  نوح.  الاوضه من غير ما يخبط...لقي نور...غيرت هدومها... دخل من غير ما يكلمها...
راحت .. اعدت عالسرير...
نوح...عشق وزهره وتمارا هيجو بكره. عشان يشوفوكي ويأعدو معاكي.
نور...طيب
ولع نوح.سيجاره... واعد علي الكنبه
فضلت مراقباه من بعيد وهو مش باصصلها...خلص سيجارته...وسند دماغه وهو اعد عالكنبه بارهاق شديد...وغمض عينه...دقيقه وكان نوح... نايم وفدنيا تانيه..
فضلت نور بصاله وصعبان عليها نومته دي..والكنبه صغيره مينفعش ينام عليها عشان طويل..
فضلت...نور...تفكر.تعمل ايه...
لحد ما هي نفسها راحت فالنوم...
.........................
تمارا...عشق... عشق.
عشق...هااا.في حاجه يا تمارا.
تمارا...انتي اللي في ايه...اعده تلعبي في طبقك ومش بتاكلي..ليه
عشق...لا ابدا سرحت شويه... بس انا شبعت اصلا الحمد لله...
تمارا...شبعتي ايه.. انتي كلتي اصلا
عشق...انا مش جعانه اوي والله
زهره...مالك ياعشق...
عشق.. مفيش يا حبيبتي انا كويسه بس مصدعه شويه محتاجه انام...
زهره...لا تنامي ايه... انهرده الخميس احنا مش هنسهر .
عشق...معلش يازهره... مش قادره والله محتاجه ارتاح. وبعدين احنا بكره هنروح لنور وناعد مع بعض براحتنا ونعوض اليوم ده...
تمارا...متبقيش رخمه بقي
عشق...معلش والله ما قادره...
تمارا...ماشي حبيبتي
عشق...تصبحو علي خير..
مسكت...تمارا ايدها...عشق.  متأكده انك كويسه..
عشق...بابتسامه حزينه..اه والله يا تيمو هنام وارتاح وهصحي احسن.
زهره....ماشي يا قلبي يلا ادخلي نامي
عشق...تصبحو علي خير.
تمارا...وزهره...وانتي من اهله..
....دخلت عشق الباب....وقفلت وراها بالمفتاح واول ما دخلت انهارت... وكأن كان في حاجه علي رقبتها بتخنقها ومحتاجه تخرج منها....راحت عالسرير.. وفضلت تعطيت مسكت صورته بايدها... ونامت وهي في حضنها.من كتر ما تعبت من العياط.....
........
تمارا....عشق... مضايقه اوي
زهره... شكلها باين من واحنا فالشركه اصلا..
تمارا...طيب هنفضل ساكتين كده
زهره...احنا في ادينا ايه نعمله..
تمارا...معرفش بس هي صعبانه عليا اوي..ومش قادره اشوفها كده..
زهره....عشق .حبت ليل..بس محدش فينا يعرف ليل حبها ولا لا حتي هي نفسها متعرفش..
تمارا...ايوه بس ليل باين عليه انه بيحبها.. انتي
مبتشوفيش.. طريقته معاها هي بالذات عامله ازاي...
زهره...بس بردو احنا منعرفش هو ليه مشي مع اللي اسمها ريما دي ..
تمارا......معرفش بس واحد يكتشف ان اللي هيتجوزها تعمل كل ده المفروض لو مقتلهاش يفضل كارهها العمر كله..مش يشوفها ويتكلم معاها عادي ويجي ادامنا وياخدها من ايدها ويخرج بيها...صراحه نزل من نظري...بعيدا عن عشق يعني
زهره...هو تصرفه حقيقي غريب بس بردو هما بيقولو انه كان بيعشقها...واللي بيحب ياتمارا... مستحيل يكره...
عشق....معرفش بقي... انا مش هاممني اي حاجه الوقت غير عشق.
زهره...فعلا. بس متقلقيش عشق قويه ومش صغيره وهتعرف تتحكم في نفسها وتسيطر علي مشاعرها...
تمارا..ابتسمت
زهره...بتضحكي علي ايه..
تمارا...من يوم ما خرجنا من الدار.. وانا كنت شايله همك اكتر ما كنت شيلاه فالدار... وفعلا لما خرجنا كنتي خايفه اوي لحد من بعد ما اشتغلتي في محل خان الخليلي...
ابتديت اخسن انك ابتديتي تتأقلمي شويه...
ومن بعد وفاه بابا محمد وانا حاسه فيكي بتغيير عمري ما اتخيلت انك توصليله... طريقتك شخصيتك كلامك كل حاجه...اتغيرت...انا حتي مش مصدقه اني بقولك انتي الكلام ده يا زهره...حساكي واحده تانيه غير زهره اللي اعرفها.. واحده مختلفه وكأنك مولده بشخصيتك دي... يمكن لو حد سمعني هيقول اني ببالغ في وصفي ليكي مابين شخصيتك الاولي وشخصيتك الوقت بس دي حقيقه فعلا وبيتهيألي ان مفيش تشابه غير في اسمك وبس...انا اللي بقوله ده صح ولا غلط..
زهره...صح وصح جدا كمان.. انا نفسي مستغربه نفسي ياتمارا...وكل نا افتكر اني كنت زمان بالضعف ده أكرهه نفسي اوي..كل ما افتكر اللي كان بيحصل فيا فالدار واسكت من كتر ما انا خايفه. اخس اني بقوي اكتر...
تعبت يا تمارا من الضعف.. تعبت من الخوف تعبت من الظلم تعبت من حجات كتير اوي...عارفه يوم ما الولاد دول اتهجمو علينا...لما ضربت ولد فيهم بالسكينه انا مش بس كنت بضربه.. عشان يبعد عني. او صحابه يخافو ويبعدو عن نور وعشق...
انا كنت. بضرب...كل حد في حياتي آذاني...
اهلي اللي رموني...فالشارع...
حنان...والكلاب اللي كانو معاها...
بضرب ظلم وعذاب وكسره وقهره...
انا فعلا اتغيرت ياتمارا....
بقيت واخده تانيه...حاسه اني مش عايزه اعمل اي حاجه غير اني اشتغل وانجح واثبت نفسي واخد شهادتي وبس...
حتي اني ارتبط بشخص مش قادره اعمل كده ولا هقدر ولا بيتهيألي اني هحط حاجه زي دي في حساباتي..
حاسه. اني مش هقدر اعمل كده...
تمارا...ليه بتقولي كده بس يا زهره...انتي الف حد يتمناكي وادام قررتي انك تكوني قويه وتتغيري يبقي لازم تحبي وتعيشي وتعملي حياه..
زهره....انا هقولك علي حاجه بس من بعد ما هقولهالك انسيها ومتخاوليش تفتحيها معايا تاني..
تمارا.. قولي يازهره....
يمكن...اكون...انا اول واحده فيكم حسيت باعجاب....ويمكن مع الوقت كبر وبقي ارتياح وامان مع الشخص ده... بس انا من جوايا رفضت الفكره نفسها..
تمارا....تقصدي ادم صح...
زهره...اشمعني ادم...
تمارا...معرفش بس حسيت...
ويمكن...محستش منك انتي انا حسيت منه هو...انا كتير احسه مركز معاكي بس عشان انتي مكنش بيبان عليكي كنت بكدب نفسي واقول عادي يعني مفيش حاجه...
بس انا مش فاهمه ليه بتعملي كده يازهره...يمكن ادم يكون احسن واحد فيهم طيب وحنين ومؤدب جدا ومحترم... بحسه في منك لايق عليكي...ليه لا يازهره..ليه بتقولي انك رفضتي الفكره...
زهره...... عشان مش هينفع يا تمارا... ونزلت دموعها
تمارا...ليه ليه مش هينفع....
زهره... عشان من يوم ما شوفت ادم وحسيت اني بحبه... واناخايفه اتعلق بيه.....رافضه الفكره من ادم او من غيره عشان خايفه ياتمارا... خايف اورث قلب امي وابويا... خايفه ابقي. عندي نفس جحود قلبهم خايفه اكون قاسيه علي ولادي.  وخايفه من الچينات المشتركه بيني وبينهم اتمنيت كتير لو يكون في حاجه اسمها اختبار للحنيه يا تمارا.  عشان اقدر اعرف هكون رحيمه بولادي واحبهم ولا هعمل زيهم واسيبهم وامشي... خايفه معرفش اربيهم لاني واكون حنينه عليهم لاني معرفش يعني ايه امومه ويعني ايه حنيه ..
زهره...عرفتي يا تمارا..انا رافضه ليه...
مسحت تمارا دموعها. اللي نزلت من كلام زهره...
مينفعش تفكري بالطريقه دي...ومش شرط يا زهره انك تورثي قساوت قلبهم انتي مفيش اطيب من قلبك... بصي يمكن الظروف اللي اتحطينا فيها.خلت عند كل واحده فينا عقده مختلفه.  بس مينفعش يازهره العقده دي تأثر عليكي وفنفس الوقت مش ديما يازهره فاقد الشئ لا يعطيه... بالعكس انتي المفروض تدي اللي اتحرمتي منه ويبقي نفسك يكونلك بيت وعيله وولاد تربيهم وتعوضيهم باللي اتحرمتي منه وتعيشي معاهم طفولتك اللي معشتيهاش في وسط اهلك... وبعدين يا بت انتي هو انا وعشق مش اهلك.وكل حاجه ليكي
زهره...وهي بتمسح دموعها...طبعا. انتو كل حاجه في حياتي..
تمارا...فكي كده يازهره وعشان خاطري ادي لقلبك فرصه يعيش ويحب ويجرب...صدقيني ادم ابن حلال وهيصونك
بلاش تصديه.  بلاش تتعاملي معاه انه زي اخوكي او مجرد مدير في شغل
زهره....حاضر ياتمارا..
ورن...موبايل زهره...
زهره...😳
تمارا..في ايه يابت مالك بلمتي كده ليه..
زهره...ده..ادم..
تمارا...طب قومي ردي عليه بسرعه
زهره...بس...
تمارا...انتي لسه هتبسبسي قومي يلا اتحرك يا ابو الهول...
قامت زهره... راحت علي اوضتها...وفتحت الخط...
زهره....الوووو
ادم....الووو
زهره...ازيك يا ادم.
ادم....الحمد لله انتي كنتي نايمه.
زهره...لا انا صاحيه..في حاجه ولا ايه...
ادم....سكت. شويه..
زهره...ادم
ادم...معاكي
زهره...مالك با ادم انت كويس...
ادم...مش اوي...
زهره...في حاجه حصلت ولا ايه..
ادم...لا لا مفيش بس انا مش مظبوط شويه ولقيت نفسي بكلمك.
زهره...وانا موجوده انت ايه اللي مخليك مش مظبوط.
ادم...والله ما عارف بس لقيت نفسي مخنوق مش اكتر..
زهره....اكيد بسبب المشاكل يا ادم..
ادم....ممكن...بس اللي مضايقني اكتر اللي حصل انهرده...
زهره....تقصد علي ليل..
ادم...ايوه..
زهره ..بص انا من بعد اللي اتقال ده وحكيتوه...بصراحه مش قادره اعرف ليل اتصرف كده ليه..بس ليل مش صغير يا ادم وعارف بيعمل ايه..
ادم...عارف انه مش صغير... بس هو للاسف مش عارف بيعمل ايه..انتي مهما سمعتي مننا عن ليل وحبه لريما مش هتتخيلي ابدا...عارفه يا زهره...هقولك حاجه بس تفضل سر بيني وبينك.
زهره...طبعا يا ادم..
ادم...لما روحتي لعشق ولقيتك اتأخرتي روحت اشوفك خفت يكون في مشكله مع عشق او معاكي...
لما عشق...حكتلي هي عيزاكي ليه اعدت تحكيلي عاللي حصل من شاهي ..وفجأه ليل دخل علينا..
وحسيت..انه وشه اتغير عشان شافني اعد مع عشق..ومن كلامه كنت حاسس ان ليل بيغير علي عشق...ومش بس انهرده...لا كذا موقف وكذا مره نتكلم وتيجي سيره عشق.
ومش انا بس اللي حسيت بكده ..نو ح وجاسر كمان...
واحنا كنا متأكدين من احساسنا ده.  بس بعد اللي حصل انهرده حسيت اني مش فاهم اي حاجه..
زهره...انا كمان عشق.  صعبانه عليا اوي من ساعت ما جينا وهي في الاوضه حتي مكلتش. ومودها مش تمام خالص ...
ادم...انا لاحظت انها كانت ساكته خالص فالمكتب...
زهره....فعلا.
ادم....هي عشق في حاجه من ناحيتها لليل يازهره..
زهره...بارتباك...ااا لا يعني اقصد..
ادم....يبقي في.
زهره..بص انا مليش دعوه...هو مش بالظبط بس يمكن.
ادم...لا هو اكيد وواضح اوي كمان مش منها هي بس من ليل كمان.
زهره...طيب لما هو من ليل تفتكر ليه عمل كده..
ادم...والله ما عارف يا زهره..بس عموما انا اللي قالقني ان ليل. يحن لريما...
زهره...ربنا يستر ان شاء الله خير عموما هو مش صغير وفاهم بيعمل ايه وعايز ايه...
ادم....المهم هتيجي بكره..
زهره...اه ان شاء الله
ادم...خلاص هستناكي يلا بقي روحي نامي عشان متتعبيش.
زهره....انت هتنام...
ادم...انا عايز انام وفنفس الوقت مش جايلي نوم.
زهره...بضحك عروستي..
ادم...بابتسامه...واللله بتتريقي
زهره...طب قولي انت اللي هو ازاي عايز انام ومش عايز دي..
ادم...والله زهقان جدا بفكر اخرج اسهر...
زهره...الوقت. هتروح فين.
ادم...اه الوقت هروح اي مكان من اللي بنسهر فيهم
زهره...لا مفيش سهر خليك فالبيت..
ادم...الله طب وانتي ايه اللي مضايقك بس
زهره...انا لا خالص بس الوقت اتأخر وبعدين ايه الاماكن اللي بتروحوها .
يعني نايت كلاپ في كافيه تحفه عالنيل كده يعني..
زهره....وختروح ازاي لوحدك حتي الخروجه هتبقي وحشه
ادم...لا ما اكيد هلاقي اي حد اعرفه الكل سهران يعني.
زهره...اه قولتلي بقي يعني حاجه كده فيها بنات..
ادم...يعني
زهره...طيب😔
ادم...ايه تيجي معايا
زهره...😳انا لا طبعا الوقت متأخر وبعدين انا عمري ما روحت مكان زي ده وصراحه محبش اروح..
ادم....ليه بس
زهره...يعني حرام.
ادم...حرام..
زهره...اه حرام..وعلي فكره بقي انت كمان مش هتروح..😡
ادم ..انتي شايفه كده..
زهره...اه.
ادم....وانا مش هخرج خلاص.
زهره...بجد😊😊😊اقصد🙄 يعني طيب.
ادم....بابتسامه...شكرا يازهره
زهره...علي ايه..
ادم...يعني عشان اتكلمت معاكي وخرجتيني شويه من الزهق والخنقه اللي كنت فيها.
زهره...بابتسامه...اي خدمه انا موجوده اي وقت واي وقت تحس انك محتاج تتكلم كلمني..
ادم...اكيد هعمل كده انا اصلا برتاح واناوبتكلم معاكي.
زهره...باحراج...بجد ولا مجامله
ادم...انا مش بعرف اجامل يازهره...وحقيقي برتاح وانا بتكلم معاكي والدليل اني كلمتك لما حسيت اني محتاج اتكلم
زهره....احممم.  علي فكره.  انا كمان برتاح لما بتكلم معاك..
ادم...بجد...ولا بترديهالي
زهره...لا بجد والله العظيم..
ضحك. ادم علي طريقتها..
ادم....طيب يلا روحي نامي بقي عشان ترتاحي واشوفك بكره..
زهره...حاضر.  وانت كمان نام
ادم...حاضر.
زهره...ومتخرجش.
ادم...حاضر..اي اوامر تانيه...يا برنسس
زهره...ابتسمت زهره مع نفسها بأحراج...لا كفايه عليك كده انهرده.
ادم....حاضر يا ستي...يلا تصبحي علي خير.
زهره....وانت من اهل الخير...
ادم...سلام.
زهره...سلام..
........
قفلت زهره وهي مبسوطه وضحكتها مش راضيه تفارق وشها...وكان نفس الحال عند ادم...
..........
تمارا.......كل ده
جاسر.....علي بال ما خدت شاور وكلت. واعدت معاهم شويه...متأخرتش اوي يعني ياحبيبي.
تمارا....لا اتأخرت😔
جاسر...طب حقك عليا..
تمارا...لا مخصماك. صالحني
جاسر...ياسلام بس كده اصالحك... وسعي كده خديني جمبك..
تمارا...بضحك....لا يا قليل الادب
جاسر...الله مش انتي زعلانه وانا مينفعش اسيب حبيبي زعلان لازم اصالحك....
تمارا...لا مش عايزه اتصالح خلاص..
جاسر....ضحك ..طب خلاص اصالحك ازاي..
تمارا...امممممم عايزه شوكلاته..
جاسر....بحب عيله...بزمتك ده صلح..
تمارا...اه انا بتصالح بشيكولاته عادي..
جاسر...ماشي ياستي عيوني ليكي احلي شوكلت.  هتكون عندك بكره...بس اعملي حسابك انتي بتتصالحي بشوكلت...لما ازعل انا بقي هتصالح بالطريقه اللي ترضيني
تمارا...بضحك...يبقي هتفضل زعلان ياروحي..
جاسر...واهون عليكي.
تمارا...لا متهونش بس هتفضل زعلان ومش هصالحك.
جاسر...وهو بياخد نفس... بحبك يا تمارا..
تمارا...حست ان. قلبها بيدق جامد...وانا كمان بحبك اوي
جاسر....بقولك ايه...
تمارا...قول
جاسر...انا هعدي عليكو بكره نروح سوا
تمارا....طب ليه تعب عليك هنروح مع السواق..
جاسر...ياستي انا هكون مرتاح كده
تمارا...خلاص زي ما تحب..
جاسر...وانا بتحرك من الڤيلا هقولك عشان تجهزو...
تمارا...تمام..يلا بقي نام عشان ترتاح شويه
جاسر...مش هتاخديني في حضنك طيب...
تمارا...طب ما احكيلك حدوته قبل النوم بالمره..
جاسر....ياسلام...ده كده يبقي تمام اوي..
تمارا...اتلم يا جاسر ونام يلا
جاسر...ياساتر...طيب هنام..
تمارا...جاسر.
جاسر...نعم عايزه مني ايه😏
جاسر...بحبك اوي
جاسر...بابتسامه.  وانا بموت فيكي يا قلب جاسر...
تمارا...تصبح علي خير.
جاسر...وانتي من اهلي❣️
ابتسمت تمارا علي كلمته.....باي
جاسر...بلي ياحبيبي..
.....................
فضلت سهام...اعده مستنيه... ليل يجي...الوقت اتأخر وهو كل ده لسه مجاش....كان جواها غضب منه وقلق وخوف عليه...طلعت موبايلها تكلمه...لاكن ثواني ولقت الباب بيتفتح......
دخل ليل... وعلي وشه ابتسامه وسعاده.مساء الخير يا امي..
سهام...قصدك صباح الخير.
ليل...دخل ليل باس ايدها ايه اللي مسهرك يا امي..
سهام...مستنياك ياليل
ليل...ليه يا امي ودي اول مره اتأخر فيها بره..
سهام...لا مش اول مره ...كنت فين ياليل...
ليل...ايه يا لمي انتي كويسه.
سهام...هو انا لما اسالك كنت فين ابقي فيا حاجه...
ليل...لا يا امي طبعا...بس يعني اول مره تسأليني بس عموما كنت في مشوار مهم..
سهام...مشوار ايه..
ليل...اعد ليل وهو بياخد نفس طويل...واضح من اسئلتك انك عارفه يبقي بتسألي ليه.
سهام...مش يمكن عايزه اتأكد اللي سمعته ده صح ولا لا..
ليل.....ايوه يا امي صح...كنت مع ريما...
سهام...بصاله بحزن...ليه يا ليل..
ليل.....هي جت وطلبت تتكلم معايا
سهام...وانت وافقت ياليل..وافقت بعد كل اللي حصل ده
طب ازاي قولي..ازاي. ياليل
ليل....عادي يا امي...مفيش حاجه حصلت مجرد مقابله
سهام...بغضب...لا مش عادي ياليل.  ومينفعش يكون عادي...وصدقني ياليل..دي مش مجرد مقابله.
ليل...لا يا امي صدقيني مجرد مقابله ودردشه عاديه. مش اكتر
سهام...وهي بتقف...عشان تطلع اوضتها...صدقني انت ياليل.  مش مجرد مقابله عاديه...ولا حتي دردشه لان مينفعش بعد ده كله يبقي في بينك وبينها كلام....وهقولهالك تاني ياليل صدقني مش مجرد مقابله انا ام...ياليل.  وقلبي بيقولي انها مش مجرد مقابله...وراحت .لا دي هتتكرر. تاني وتالت ورابع...وبكره هأكدلك كلامي. وشك وملامحك وابتسامتك اللي مفارقتش وشك من ساعت مادخلت بيأكدو كلامي بس صدقني ياليل لو حصل وريما رجعت لحياتك تاني اعتبر وقت دخولها هو وقت خروجي انا من حياتك....
وسابته ومشيت....
خد ليل نفس طويل بحزن...وفضل اعد مده طويله لحد ما النهار طلع..وطلع اوضته... خد شاور ونام....
............
في صباح يوم جديد...
صحيو ابطالنا....
وصحيت...نور...من نومها... كانت الساعه حوالي 12الظهر
قامت نور..من نومها واول ما فتحت عينها بصت علي نوح...لاكن لقت مكانه فاضي....بصت فالاوضه كلها براحه ملقتهوش...فكرت انه ممكن يكون تحت...
دخلت خدت شاور.  وطلعت...
خبط...الباب..
نور...ادخل..
سهام...صباح النور علي احلي نور.
نور...بايتسامه جميله...صباح الخير يا طنط..
سهام...وشك رايق انهرده...يارب تكوني كويسه
نور...الحمد لله ياطنط بخير..
سهام....انا قولت اجي اقولكم يلا عشان تفطرو...
نور....حاضر...هتسرح والبس الطرحه..واجي ورا حضرتك..
سهام...ماشي يا حبيبتي ...قولي لنوح ينزل.
نور...باستغراب...بس هو مش هنا
سهام...هو مش بياخد شاور
نور...لا انا صحيت مكنش فالاوضه. يمكن تحت.
سهام...باستغراب...تحت فين...لا مش تحت انا من ساعه وانا تحت مشفتوش.
نور...يمكن فالجنينه.
سهام...يمكن...عموما يلا متتأخريش وانا هشوفه..
نور...حاضر..
خرجت...سهام...وجهزت...نور...وفتحت باب الاوضه ونزلت...  كانت سهام وادم تحت...
نور...صباح الخير يا ادم.
ادم...بابتسامه صباح النور يا نور...
سهام....لادم...مقفول بردو. يا ادم
ادم...هيكون راح علي فين عالصبح كده
سهام...معرفش يمكن ليل قايله علي شغل يعمله...
ليل...جه من وراهم....صباح الخير.
الجميع صباح النور...
ليل...في ايه مالكم واقفين كده ليه...
ادم...مفيش بس نوح مش موجود فالڤيلا وتليفونه مقفول.
انت قايله علي شغل ولا حاجه..
ليل...لا شغل ايه احنا اجازه تلاقيه خرج يتمشي بره
ادم...يمكن..
سهام...نور حبيبتي مش قصدي اتدخل والله انتو اتخانقتو او حاجه...يعني عشان ابقي عارفه بس هو خرج ليه
نور...لا والله يا طنط.. انا مشفتوش من ساعت ما طلع امبارح...بعد ما طلعت..
سهام...بقلق هيكون راح فين.
ليل.. ايه يا امي هو نوح عيل. تلاقيه خرج يغير جو
سهام...وهي مش بصاله... خير ان شاء الله يلا عشان نفطر...
اعدو فطرو في صمت...ما بين قلق نور علي نوح... وشرود ليل. ونظرات ادم وسهام لليل ...
بعد مده بسيطه خلصو فطار...
سهام...انا هدخل احضر الفدا مع الشغاليين. عشان هنتغدا كلنا مع البنات...
نور...ممكن اجي اساعد حضرتك...
سهام....خليكي  حبيبتي عشان متتعبيش انتي لسه مخفتيش اوي.
نور...انا كويسه صدقيني بس انا زهقانه ومفيش حاجه اعملها..
سهام...لا في.  تطلعي تذاكري شويه عشان خاطري... افتحي الكتب كده حبه وفكري نفسك عشان تبتدي تذاكري
نور...بس..
سهام...مفيش بس الوقت بيجري يانور اسمعي كلامي..
ادم...ماما معاها حق يا نور اسمعي الكلام ذاكري شويه لحد ما البنات يجو..
نور...حاضر.....
سهام...بالتوفيق يارب ياحبيبتي..
نور...شكرا...بعد اذنكم...
طلعت..نور..  ودخلت سهام عالمطبخ...
ادم...باصص لليل.. من غير ما يتكلم...
ليل...خير
ادم...هو ايه اللي خير
ليل...يعني شايفك باصصلي وحابب تسأل ميت سؤال
ادم...كويس انك عارف..
ليل.....من غير ما اعرف باين في عنيك..
ادم...مش هتقولي كانت عايزه ايه...وليه وافقت اصلا
ليل...ادم.  انا مش فايق وصاحي مصدع واصلا منمتش كويس وهطلع انام تاني شويه...وقام وقف. وقبل ما يمشي
ادم...يبقي مش خير يا ليل...وقف ليل وبصله ...اي ه مش خير...ادام هربت من اسئلتي يبقي مش خير وشكل اللي خايف منه هيحصل وهتحن من تاني ياليل...بصله ليل وسابه وطلع علي اوضته من غير ولا كلمه....
ادم....يارب...
عدت الساعات بسرعه وراح جاسر... للبنات كانت الساعه 4.  وكل ده ولسه نوح مظهرش ولا حتي فتح موبايله...
وصل جاسر والبنات..الڤيلا..
سهام...اهلا اهلا بالقمرات عاملين ايه
تمارا...حضرتك اللي عامله ايه
سهام...بخير يا قلبي...اذيك يا عشق
عشق...بابتسامه...الحمد لله. حضرتك عامله ايه
سهام...بخير يا حبيبتي اذيك يا زهره..
زهره...الحمد لله بخير يا طنط
ادم...اهلا اهلا اهلا.. الڤيلا نورت
جاسر...اكيد عشان انا جيت.
ادم...انت لاجئ هنا علي طول هنمثل...
ضحك البنات عليه.
ادم...اخباركم ايه.
عشق...الحمد لله
تمارا...كله تمام.
زهره...وهي بصاله بنظرات مرتبكه...الحمد لله..
سهام...تعالو يلا ادخلو...
دخلو معاها جوه...
عشق ....امال فين نور..
سهام...هبلغها حالا. تنزلكم
ثواني وكانت نور... نازله عالسلم جري..
سهام...براحه براحه...هتقعي..
جريت. نور.. بابتسامه علي البنات وكانت اولهم عشق...
عشق...وحشتيني
نور...كده مشفكوش امبارح..
تمارا...وهي بتاخدها في حضنها...ما احنا قولنا كده كده هنيجي نشوفك انهرده
نور...وحشتيني..
وراحت لزهره... وحشتيني يا زهره ..
زهره...عامله ايه يا قلبي انتي وحشتيني اكتر..
سهام...لو اعرف انك هتفرحي لما تشوفيهم كده... كنت خلتهم جم من بدري...
اعدو البنات... جمب بعض...
ادم...عينه علي زهره...وهي اعده مرتبكه كأنها عامله عامله.
جاسر....امال فين ليل ونوح..
عشق...مترقبه الرد... من ساعت ما جت وهي بتدور عليه بعينها
ادم...ليل في اوضته...ونوح..منعرفش
جاسر..باستغراب...يعني ايه متعرفش..
ادم...من ساعت ما صحينا عالضهر وهو مش هنا
جاسر...يمكن ليل باعته لحاجه فالشغل..
تدم...ماهو ليل قال لا
جاسر...طيب كلمتوه
سهام...موبايله مقفول
جاسر...غريبه..
جالهم...صوت ليل.  من وراهم بكل ثقه..ولا غريبه ولا حاجه...اكيد خرج يغير جو...
وقف قلب عشق بمجرد ما سمعت صوته...كان نفسها تلف ضهرها بسرعه وتشوفه لاكن مقدرتش تجيب عينها في عينه....
ليل...مساء...الخير.
الجميع... مساء النور...فضلت عشق عينها بعيد عنه ومردتش...
لاحظ ليل. عشق... بس قرر انه يتعامل عادي.
جاسر...بيقولك خرج من بدري وموبايله مقفول..تقول ولا غريبه ولا حاجه.
ليل... عادي يعني ياجاسر... مكبر الموضوع ليه انت مش حاسس بالضغط اللي حوالينا وبالشغل ولا ايه...وبعدين انهرده اجازه اكيد حابب يغير جو...
جاسر...يمكن...
ليل....ايه اخباركم يا بنات...
زهره...بخير الحمد لله..
تمارا...تمام...الحمد لله..
عشق.............................
ليل... عامله ايه يا عشق.
عشق...باختصار... بخير.
بصلها ليل... وبعد وشه عنها... تعالو ناعد بره احسن..
جاسر...يلا....
خرجو كلهم بره فالجنينه....
كان الجو جميل.. بوجود تمارا وجاسر وادم وزهره حتي نور كانت حاسه انها فاكه خالص... وليل اللي كان غريب بالنسبالهم كلهم... كان بيضحك.. علب غير العاده وبيتكلم...
عشق...كانت ملتزمه الصمت... خالص...
فجأه جه تليفون لليل.. من ريما...
ليل... هستأذنكم ارد عالتليفون
قام...ليل بعد عنهم شويه...
هما قضلو يتكلمو ويهزرو ...لاكن عشق.. كان عينها علي ليل اللي بيبتسم ويضحك... وملامحه باينه... هاديه...
حست...عشق... بخنقه... فظيعه....قامت وقفت...
ادم...راحه فين ياعشق..
عشق...بارتباك...ابدا... بس يعني... كنت هروح اشوف مهره وعشق. بقالي كتير مشوفتهمش..
جاسر...خلي بالك... احسن دي عصبيه.
عشق...بابتسامه... لا متخافش.. احنا خلاص بقينا صحاب...
دخلت عشق... لمهره.. وعشق...
اللي اول ما شافوها كانو مبسوطين وفضلت مهره تلف حواليها تعبيرا عن فرحتها... فضلت عشق.. تطبطب عليها. وعلي عشق...ونزلت منها غصب عنها دمعه...
وانتبهت بصدمه عالسؤال....
حبتيه ياعشق..
عشق..😧😧😧🥺ادم.
ادم....مردتيش علي السؤال يعني
عشق....مش فاهمه تقصد ايه..
ادم...لا فاهمه ياعشق...وعارف انك حبتيه..
عشق...بصت بعيد وسكتت
ادم....بس اللي بيحب ياعشق... بيبقي عارف انه داخل حرب..ولازم يكون ادها...ويدافع عن حبه
عشق...مش صح يا ادم...ادافع لو في عالاقل شعور متبادل...
لاكن ادخل حرب وانا عارفه اني هطلع خسرانه مينفعش... وانا اصلا طول حياتي بحارب... تعبت من الحرب... وجه الوقت اللي ارتاح بقي شويه...قلبي تعب من كتر الوجع..
ادم...ومين قال ان مفيش شعور متبادل يا عشق... انتي مشوفتهوش  لما دخل علينا المكتب... ليل.  اخويا مش بس ابن خالتي... متخيله ان ليل يغير مني..
عشق...بيتهيألك..
ادم.. ولو اثبتلك ده هتدافعي عن الحب ده..
عشق...صدقني بيتهيألك يا ادم... وانا حقيقي مش عايزه اعلق نفسي بحاجه توجعني خليني كده احسن.
ادم...بردو مردتيش لو اثبتلك ده هتدافعي عن الحب ده؟؟؟؟؟
عشق....تثبتلي ايه..
ادم ..عايزك بس تشوفي رد فعل ليل لما يجي ويشوفنا معاكي... شوفي شكله وملامحه وطريقته... عشق... انا محتاج اتكلم معاكي ضروري جدا في حجات لازم تعرفيها ولازم نتكلم مع بعض..
عشق...امته.  وفين.
ادم...هظبط واكلمك انا..تمام.
عشق ..تمام...
ليل....خير واقفين كده ليه ... سايبنهم يعني وجيتو هنا..
ادم ..بص لعشق.. ورجع بص لليل...
ابدا... عشق جت تشوف مهره وعشق... وانا جيت اشوفها احسن مهره.. تتهور.
ليل.. بابتسامه غاضبه... لا متقلقش... مهره مبتعملهتش حاجه...بقولك ايه صحيح. جاسر كان بيسأل عليك..
ادم...تمام انا خارجلهم اهو...وبص لعشق...   هنبقي نكمل كلامنا وغمز لعشق..
ابتسمت.. عشق... تمام..
مشي... ادم...
اما ليل... كان غضب الدنيا فيه...
ليل...كلام ايه اللي تبقو تكملوه...
عشق....نعم..
ليل..سمعتيني علي فكره..
عشق...سمعتك بس معنديش رد.
ليل... اللي هو ازاي
عشق...زي الناس... عادي بنتكلم مع بعض في حاجه بيتهيألي احنا الوقت مش فالشركه.  واكيد مش هيضايق حضرتك...
ليل... قرب منها ومسك ايدها بعنف... عشق... اتعدلي معابا وبلاش طريقتك دي..
عشق... وهي بتنطر ايده بلاش انت طريقتك دي من فضلك وياريت انت اللي تعدل تصرفاتك معايا...
ليل... وهو بيمسك ايدها تاني... انتي متقوليليش.. اعمل ايه ومعملش ايه انا اللي بقوله يتفذ...
عشق...ليه ربنا...وانا معرفش..
ليل...لا مش ربنا بس كلامي هيتسمع يا عشق..ومتفكريش تعاندي معايا واللي قولته قيل كده هيتعمل مفهوم ملمحكيش تقفي مع ادم تاني...
عشق...ما تروح تقوله هو كده.
ليل... بس كده حاضر...ومشي ليل بغضب.  وقفت عشق... بزهول. من جنانه... جريت بسرعه وراه..ومسكت ايده..
عشق....ليل. من فضلك متعملش كده بلاش جنان...
ليل....انتي مش طلبتي مني اقوله
عشق...انت بتعمل كده ليه..
ليل...في ايه بينك وبين ادم...
عشق...ولا حاجه وحتي لو في انت مضايق ليه...ممكن اعرف..
ليل.... مينفعش يكون في حاجه بينك وبينه ياعشق انتي فاهمه مينفعش...وقسما بالله لو شوفتك واقفه معاه تاني هتزعلي مني ..بجد...
عشق...ليل متقفش في طريقي من فضلك وملكش دعوه بيا ولا بحياتي..
ليل....ليه مش انا اللي بتستدمي منه قوتك..
عشق...لا كنت بقول كده عشان انت كنت محتاج حد يقويك.
ليل...انتي كدابه يا عشق...عارفه ليه..
عشق..🥺🥺🥺🥺
ليل...عشان انتي بتحبيني يا عشق....
عشق....🥺🥺🥺🥺🥺🥺
سابها...ليل.  وخرج.  بسرعه
فضلت عشق.. واقفه. تعيط ومضايقه انها معترضتش علي كلامه وبانت ضعيفه ادامه....
فضلت واقفه شويه..

وخرجت بعد ما ظبطت شكلها....اعدت
فضل ليل... عينه عليها...
وفجأه.... سمعوه صوت فرمله عربيه..
انتبه الكل عالصوت...لقوه نوح...نزل وقرب منهم بسرعه.  تخوف..
سهام...نوح حبيبي انت فين وتليفونك مقفول ليه..
نوح...مش وقته يا امي...نور... تعالي معايا ..
نور...نعم.  اجي معاك فين .
ليل... في ايه يانوح. ومالك داخل كده وكنت فين..
نوح...انا قولت مش وقته..يلا بانور..
نور...انا مش هاجي معاك في حته..
نوح...نور..  اخلصي.. وبسرعه من فضلك
نور...قولتلك مش هاجي
نوح...مسكها بغضب من ايدها.  صرخت نور...
جاسر...نوح في ايه
ليل...انت اتجننت ولا ابه هتاخدها فين.
نوح...ايه ياليل باشا. نسيت انها مراتي ولا انا محتاج اخد الاذن..
ليل...لا منستش بس قولي واخدها فين...
نوح...لما نيجي هتعرفو.. وبص لنور... يلا ومتخافيش انا مش هاكلك..
ليل...روحي يانور..متخافيش
نوح...يلاااا
مشيت...نور...وراه...وهي خايفه...
وفضل الكل اعد مصدوم ومستنبن يعرفو نوح خدها فين. وليه جاي بالشكل ده🙄