🌼ياسمين و ريان🌼كاملة

حلقة4🤯

ياسمين:زعما تكفي الطوموبيل
ريان:راني عيطت لواحد يوصلو للدار حنا عندنا طريق
ياسمين:خلاص نروح للدار انا عييت و نتا لازم تريح
ريان:اطلعي و سكري داك لفم
ياسمين:هااه راني سكت
تنهدت و راحت ركبت معاه
حنى لحقو لوحد الفيترينا
ريان:امشي نهبطو
ياسمين ضحكت معاه و هبطت تجري

ريان:عجباتك هادي
ياسمين:هادي تزلق شوف هاديك الكحلة الفوق
ريان:امم هادي خير خويا اعطيني من هادي 42
ياسمين:ياخاهه رجلك قدي فالطول واش هادا
ريان:اسكتي و شوفي هادي ايدا عجباتك
ياسمين:بصح عندي
ريان:زيدي اشري
ياسمين:هه اوكي عجبتني هاديك الباج
ريان:شحال لابواتور
ياسمين:37
ريان:راكي سور
ياسمين:امم جبتها كبيرة باش ما تزيرش على رجلي
ريان:كبيييرة اودي طفل تاع بريمار يلبس قدك
ياسمين:واش راحلي فيه هو رجلو كبيرة

ضحك معاها و حكمها من يدها و خرجو
ياسمين:ااححم معليش تستناني نروح للفارماسي دقيقة
ريان:اصبري نجي معاك
ياسمين:ننن خمس دقايق و نرجعلك
ريان:امم ماطوليش

ركب و قعد يستنا فيها و كي رجعت راحو للدار

ياسمين:يارريان  نتا لي تفرس هاد القضيان انا طالعة نرقد متت
ريان:روحي بدلي و رجعي تستفي معايا هاياااا
كورت شفافها و طلعت لبست جبة قصيرة بيضة جاية ستيل تاع قبايل
و لمت شعرها بعد ما غسلت خفيف

ياسمين:روح تغسل و تبدل و انا راني نقس عليك
ريان:معليش نكمل و نطلعو نرقدو على جيه
ياسمين:اوكي

قعدو شحال و هوما يفرسو فداك القضيان  ياسمين شبعت ضحك شرا كلش تاع الصح
ياسمين:هههه دوك يرحم والديك كي جبت سيري تاع طناجر هادو لي قادر تكيبني انا لداخل علاش
ريان:عجبوني
ياسمين:الحاجة الكبيرة و الطويلة صامطة
و الصغيرة و القصيورة حلوة
ريان:زعما صح
ياسمين:بيانسور صح و الدليل حنا الزوج نتا طويل و صامط و انا قصيرة و حلوة
ريان:دصريتيني يا لالة
ياسمين:الحقيقة مرة و لكنها ستظل الحقيقة
طلع حاجبو و قرب لعندها يديه فجنابو
ريان:مليح كي جينا للحقيقة ..الحقيقة يا مدام انك مرتي و بصفتي زوجك الطويل راني نطالب بحقوقك
ياسمين:امشي امشي ماعندك حنى حق عندي غير اني نقوم بجنازتك وقت تموت
شاف فيها و قلب عينيه و كمل يفرس معاها
ريان:ياسمين حطيلنا حاجة خفيفة ناكلوها راني هلكت
ياسمين:اممم كاين شوية ڨراتان تاع مقبيل و دوك نقطع شلاظة و نقلي لبيض ولا كاش حاجة
ريان:ماكاله سخني برك ديك الڨراتان تكفي
تعشاو و طلع هو دوش و بدل و هي كملت غسلت الماعن و تبعاتو

دخلت لقاتو مكسل و مغمض عينيه
ياسمين:ديجا رقد ،هه عيا بزاف
غطاتو و تكسلت قدامو و هو تم تم جبدها عندو و عنقها(كيشغول ظهرها لاصق في صدرو)
ريان:ماتبوجيش خليني نرقد
هي خلاص ماكاش ياسمين ذابت و راحت خلاص تبخرت
رقدت و هي تضحك و هو شارد في ريحتها

ناض الصباح لقاها راقدة فوق صدرو و شعرها طايح عليها
ريان:ششش ياسمييين ،ياسمين هايا نوضي
قعد ساعة و هو ينوض فيها
ياسمين:امم صباح الخير
ريان:صباح النور نوضي من فوقي
شافت كيفاش راهي ابري ناضت و زعما شنفت
ياسمين:نتا كي رقدت فوقي ماقتلك والو و العكس قعدت تتشرط و خضيت راحتك
ريان:هههههه يخي شنايفية بصح راني مزروب عندي خرجة فليل ارقدي كيما تحبي
كمل هدرتو و غمزلها و ناض ،اما هي قعدت تتخبط فوق البونك
حتى عيطلها ملتحت
ريان:ياسمين راني خارج و ايدا بطيت ماتتقلقيش
راحت تجري لعندو
ياسمين:سيي ماتبطاش تعيش راني نستناك اوكي
ريان:مانعرف لبارح فليل لحقني ميساج ملخدمة كاين صوالح انورمال كي نفريهم نجي
ياسمين:امم بسلامة
تعنقشت فيه و سلمتلو على خدو
ابري طبعاتو و غلقت الباب في وجهو و خلاتو يضحك

لحق الليل و هي كانت تستنا فيه و تقلقت كي ماجاس خاطرش فاتت الوحدة و هو ماكاش
حتى غلبها النعاس و طلعت رقدت

غدوا منداك
ناضت لقات روحها وحدها و هو ماكاش
شافت الساعة لقاتها التسعة
ياسمين:علاش ماجاش اووف
ناضت تهز في روحها بسيف حتى باش تعيطلو ماكاش تلفون لانو قبل ما تتزوج باباها نحاهولها

زاد لحقت العشية و هي قاعدة تاكل في لحمها خافت عليه و يزيد.خايفة تبقا وحدها بزاف

كانت واقفة عند التاقة تستنا فيه حتى شافت طوموبيلتو دخلت للڨاراج
خرجت تجري لعندو
ياسمين:عالسلامة ،اامم ادخل ريح امشي معايا

كانت ناوية تبهدلو بصح كي شافتو ميت بالعيا ولات شداتو و دخلاتو
ياسمين:اغسل لحمك و انا نجيبلك تتعشا ابري ارقد ياك مانبطاش عليك

عطاتو حوايج باش يلبسهم و راحت وجدت العشا و طلعاتو

كان ياكل و عينيه يتغمضو
ياسمين:يااخااه ريان راك مليح نروحو للطبيب
ريان بصوت تعبان:حاب نرقد
حركتلو راصها و رفدت السنيوة تاع الماكلة
ياسمين:تصبح بخير
طفات الضو و كانت رايحة بصح هو جبدها لعندو
ريان:ارقدي نتي
ياسمين:امم بصح اصبر ندي الماكلة ظوك تبقا الريحة
ريان: ماطوليش
ناضت تزرب خرجت ديك النعمة و كي رجعت لقاتو مغمض عينيه
ياسمين:مسكين رقد
تكسلت قدامو. و قاعدة تمسد في شعرو
ريان:عنقيني
شهقت بخلعة خاطرش كان حسابتلها رقد و يزيد واش قال خلاها تحشم و تحمار

ياسمين:حسابتلي رقدت
ريان:راح نرقد
ياسمين:امم غدوا نوضك
ريان:نن و دوك ارواحي عندي
جبدها ليه و عنقها و رقد و هي قاعدة تستمتع بريحتو لي غرقتها حتى رقدت