🌼ياسمين و ريان🌼كاملة

حلقة3💃

راني جييييت
تنساوش الفوط قمروشاتي
ايا بسملله

كي كملت راحت لعندو
ياسمين:نطفي الضو و لا راك سهران
ريان:طفيي ااه احححمم
ماكملش هدرتو بعد ما شافها واش لابسة
هي كانت السخانة تسما لبست غير بيستي غوز مع شورت يلحق شوية فوق الركبة لونو بيض تاع اديداس و طالقة شعرها لي كان شامخ
ياسمين:نطفييه؟؟؟
ريان:ريحي لهنا تشوفي

عقدت حواجبها و ريحت كيما قاللها و هو راح و رجع فيدو سربيتة و بدا ينشفلها في شعرها
ريان:هكا باش ما تمرضيش
ياسمين:امم خليني نكمل
ريان:نحي يدك خليني نكمل خدمتي
تبسمت بجنب و قعدت غايسة فيه
و كي كمل مشطهولها
ياسمين:هه خص غير تديرلي قردون
ريان:نن شعرك شباب بلا قردون و دوك ارقدي راكي راح تطفاي
ياسمين:امم نعست لدرجة لوكان تغطسني داخل الما مانفيقش و نكمل رقادي
تبسم لها بتخبية خاطرش كان وراها

تكسلت و هو تان بعد ما طفا الضو

ريان:امم مازالكي نايضة
ياسمين:امم
ريان:على واش درتلك انا ما
ياسمين:خلاص انسا ما تبقاش كل دقيقة تتفكر و تفكرني
ريان:اوكي بصح اسمحيلي
ياسمين:ارقد عندك خدمة
ريان:مانروحش
ياسمين:نشالله يحاوزوك
ضحك بصوت و هي دارت ليه و شعلت الضو
ياسمين:ايااه تعرف تضحك حسابتلي عندك اعاقة فحناكك و ماتعرفش
ريان:دصرتيني بلخف
قالها بعد ما زبط وجهو
ياسمين:اووف انا لي غالطة قلت بالاك راك حاب نولو صحاب 
دارت بعد ما شنفت في وجهو
ريان:خلااص ماتشنفيش امم مانتحاوزش انا
ياسمين:علاش فوق راصك ريشة
ريان:نن مي انا لي نحاوز الغاشي
و هنا ياسمين خبطت راصها
ياسمين:صح صح تفكرت شكون نتا انا نسيت
ريان:دوك ارقدييي خلاص راهي قريب الزوج
غلقت عينيها و هو بقا يشوف فيها

ريان يحكي
(علاباالي كامل راكم تسبو فيا وي انا ماشي بنادم كي ضربتها بصح هادا هو الديفو لي فيا نكره لي يعصيني و يعلي صوتو عليا و هي نرفزتني مي دوك خلاص و ديسيديت حاجة انو مادامنا تزوجنا ماكله نخلو هاد الفيظ بيناتنا يعني على الاقل لازم نكونو متفاهمين باش ماتصراش مشاكل بيناتنا
و يزيد راني حاس روحي والفتها و بلا مانفيق نلقاها تدور في بالي
مالقري ملي تزوجنا ماشفتش كامل فيها يعني قلييل بصح ليوم ماقدرتش نمنع روحي سيرتو كي شفتها واش لبست
السخانة طلعوهالي هه)

غدوا من داك ناضت شافت الساعة لقاتها العشرة تثاوبت و كي جات نايضة لقاتو حاكم على وسطها بيديه
شافت فيه شعرو طايح على عينيه و مخلط مع شفارتيه
بعدتلو على عينيه و بدات تنوض فيه
ياسمين:رياان ريااان نحي يديك خليني نوض

ريان:امم شش خليني راني نعسان
زير عليها و حط راصو فوق صدرها
و هي بدا قلبها يضرب و كيما سيات تبعدو هو كان يزيد يزير عليها حتى عيات و كملت رقدت ههه
فتح عينيه  و تم تم شرعهم بعد ما شاف يصدرها مقابلو
بلع ريقو و رفد راصو لقاها راقدة
تبسم و قرب ليها باسلها خدها
ريان:يااسمين نوضي
ياسمين:امم ولي ارقد كيما كنت خليني
ريان:رانا زدنا عليها اليوم راهي الوحدة نووضي
حلت عينيها و حمارت بعد ما شافت. قريب لوجها و يدو فوق كرشها لي راهي تبان
صبحت عليه و هربت تجري غسلت و لبست جبة زرقا كتافها طايحين و جاية بحزام عند وصطها
لمت شعرها كودشوفال و خرجت
ياسمين:دوك نديرو فطور و لا قهوا هه
ريان:راني جيعان ديرلنا الغدا
راحت دارت ڨراتان و هو خرج وحد الساعتين و رجع بالقضيان
دوك تقولو كيفاه مرفه و يقضي هو و عايش فدار ماشي في قصر بصح هو حاب هكا يعني دارو صح ماشي قصر بصح ڤيلا الله الله عليها