مخبز عُرفـــان. #اكتملت

" البارت الثالث "

(نهاية اليوم - بيت عرفان )

زاك يدق الباب : عرفان انا جيت
عرفان يفتح : حياك ... انت متأكد زاك من هالموضوع ؟ ترا مو ضروري اقدر اجهزهم لحالي
زاك : تمزح صح ؟ انا اصلا ساكن لحالي فالوضع هنا احسلي واسهل عشان نجهز كل شيء والمخبز قريب
عرفان : انا عارف انه احسن للمخبز والكشك بس انا اسألك انت احسن لك هالوضع متأكد؟؟
زاك يعصب : عرفان بلا هبل والله انه احسن لي وانت عندك غرفه فاضيه وين المشكله ؟
عرفان : مافي مشكله خلاص ادخل خليني اساعدك بالأغراض بس
ايثن يجي : شالسالفه ؟
عرفان : زاك بيسكن معنا عشان يساعدني بأمور المخبز
ايثن : كذا حلوين بتفكني من الفطاير وريحة الخبز والحوسه صار عندك اللي يساعدك ف ارجوك لا تزعجني
زاك بقرف : لا تحاتي ماراح نحتاج منك اي مساعده ولا نعرفك ولا تعرفنا وخلاص حفظنا هالاسطوانه والله وفهمناها مليون بالميه بعد
عرفان : ايثن ؟ انت اللي لا تزعجنا لو سمحت
ايثن يضحك : انا مش عارف كيف بتكملون ومن اول يوم وانتوا طايحين بهوشه
زاك : ويعني ؟ وبعدين ترا اللي انت خايف يعرفون اصلك هم اللي تهجموا مش احنا
ايثن : وانتوا ماتعرفون من هالناس يعني ؟ يا حبيبي نص اراضي ومشاريع يوتا لهم واطلع انا الخباز فالنص !!
زاك : الخباز عيشك لين ما صرت بهالعمر وتدرس وتسوي وانت جاي الحين تقلل منه ؟ لكن تعرف شو المشكله مش فيك فينا احنا اللي للحين نسمع ونناقش هالشكل عقليه
عرفان : خلاص زاك خلنا نكمل مافي فايده من هالكلام الحين
ايثن : هيه زاك كمل بالله اترك حياتك وكل شيء وتعال عيش لمخبز ما يقدر يدفع فواتيره اوكي حبيبي ؟؟
زاك يكمل ويسكت : عرفان بالله جيب الاشياء اللي عند الباب
ايثن يطلع معصب : ......