"ဆံပင်ချထားရင်ပိုလှတယ် နင်ကအမြဲတမ်းအဲ့လိုမျိူးလှလှပပလေးနေသင့်တာ ဒီလိုနေရာမျိူးမှာ နင့်ဘဝနင်အနစ်မွန်းခံသင့်တာမဟုတ်ဘူး"
မမနိုင်ကသက်ပြင်းတစ်ခုကိုလေးလေးပင်ပင်ချရင်းပြောလိုက်တယ်
"မေမေနုနင့်ကိုဘာတွေပြောလိုက်ပြန်ပြီလဲ"
"နင့်ကောင်လေးက လက်ထပ်ဖို့မေမေနုကိုလာကမ်းလှမ်းပေမဲ့ နင်ကငြင်းလိုက်တယ်တဲ့ မေမေနုကသူ့ကြောင့်ဆိုပြီးစိတ်မကောင်းဖြစ်နေတာ"
"နင်လည်းသိတဲ့အတိုင်းပဲ မေမေနုကအသက်ကြီးနေပြီ ကလေးတွေရဲ့ဝေယျာဝစ္စကိုငါမှမလုပ်ရင်ဘယ်သူလုပ်ပေးမှာလဲ ငါထွက်သွားလို့မဖြစ်သေးပါဘူး"
"ငါရှိတာပဲ ဘယ်လိုပဲဖြစ်ဖြစ် ငါဒီမှာပဲအမြဲနေဖြစ်တော့မှာကို"
သူ့စကားကြောင့် မမနိုင်လေသံကမဆိုသလောက်လေး မာလာသည်
"နင်သူတို့ကိုထမင်းဟင်းချက်ပေးနိုင်လား အယောက်နှစ်ဆယ်ကျော်ရဲ့အဝတ်အစားတွေကို တစ်နေ့နှစ်ပြန်လောက်လျှော်ပေးနိုင်လား အငယ်ဆုံးလေးက ရှေ့လမှသုံးနှစ်ပြည့်မှာ သေးချီးကအစလုပ်ပေးနေရတာကို နင်ကအကုန်လုံးလိုက်လုပ်ပေးနိုင်မှာလား "
နေအဂ္ဂါကတစ်ခုခုပြောဖို့ ပါးစပ်ဟရုံရှိသေး မမနိုင်ကသူဘာပြောမှာကိုသိနေတဲ့အလား ဒေါသတကြီးလှမ်းဟောက်သည်
"ဘာလဲ နင်ကလူငှားဖို့စဥ်းစားနေတာလား နင်အဲ့လောက်တောင်ပိုက်ဆံချမ်းသာနေရင်လည်းနင့်ကိုယ်နင်ဘယ်အခြေအနေရောက်နေပြီလဲဆိုတာပြန်ကြည့်ဖို့မမေ့နဲ့ ဒီလိုပုံစံနဲ့နင်စုဆောင်းထားတဲ့ပိုက်ဆံတွေ တစ်နှစ်တောင်ခံပါ့မလား "
"မမနိုင် နင်ငါ့ကိုအထင်သေးလိုက်တာ ဘယ်လိုပဲဖြစ်ဖြစ် ဒီကလေးတွေရဲ့အနာဂတ်အတွက်တော့ ငါအာမခံနိုင်ပါတယ် သူ့တို့ကျောင်းပြီးတဲ့အထိတော့ ငါ့ပိုက်ဆံတွေကလိုတာထက်ပိုတယ်"
"နင်ချမ်းသာတာကိုငါသိပါတယ် ဒါပေမဲ့ ရှေ့ဆက်ရမဲ့နင့်အနာဂါတ်ကရှိသေးတယ်လေ နင့်ဘဝကို ဒီကလေးတွေအတွက်ပဲကုန်ဆုံးမနေသင့်ဘူး"
YOU ARE READING
Before I Fall You[Completed]
Randomအပြုံးတစ်စုံအောက် နစ်မွန်းသွားခဲ့ရတဲ့ဘဝတစ်ခုအတွက် "ချစ်တယ်"ဆို တဲ့စကားလေးတစ်ခွန်းက တရားမျှတမှုရှိတဲ့ အလျော်အစားတစ်ခု ဖြစ်နိုင်ပါရဲ့လား? Start#31.5.2021 End#26.8.2021 အၿပဳံးတစ္စုံေအာက္ နစ္မြန္းသြားခဲ့ရတဲ့ဘဝတစ္ခုအတြက္ "ခ်စ္တယ္"ဆို တဲ့စကားေလးတစ္ခြန္းက...
အပိုင်း(၂၈)လမိုက်ညတွေမကုန်သေးဘူး
Start from the beginning