"အဲ့တာသာ ကြည့်တော့သမီးရေ သူလေးက အိမ်မှာဆို အငယ်ဆုံးလေးလိုဖြစ်နေတော့ အပြောလေးတော့ နည်းနည်းဆိုးချင်တယ်ကွယ် ဒါပေမဲ့ စိတ်ရင်းလေးကတော့ ကောင်းရှာပါတယ်"
"ဟုတ်ကဲ့ပါ ခ နားလည်ပါတယ် အန်တီ"
"အေးအေးအေးပါကွယ်... အော် ဒါနဲ့ သမီးလေး...ဟို....ဟိုလေ ကြီးတော် သမီးကိုတစ်ခုလောက်မေးချင်လို့ရမလား"
"ဟုတ်ကဲ့ရပါတယ် အန်တီမေးချင်တာကိုမေးပါ ခကိုဘာမှအားမနာပါနဲ့"
" ကြီးတော်သားလေးက ဘာဖြစ်တာလဲဟင် "
ကြီးမားသောမိဘမေတ္တာက အဆုံးအစ
မရှိအောင်များပြားလှပေသည်။ ထိုမေတ္တာတို့က ရန်သူကိုပင် အရှုံးပေလောက်အထိ သက်ရောက်မှုအား ကြီးမားလှပေသည်။
ယခုလည်းကြည့်ပါချေ သူမအား အိမ်ထဲကနေ အမြန်ထွက်သွားဟူ၍ စောစောကပင် အသည်းအသန် မောင်းထုတ်နေသော ထိုအန်တီကြီးက ယခုအခါတွင်တော့ ထိုစကားများနှင့်ဆန့်ကျင်လို့သူမအား အောက်ညွတ်ခံ၍ မေးလာပါလေပြီ။
အော် မိဘမေတ္တာ...မိဘမေတ္တာ...သိပ်ကြီးမားလှပါလားနော်...
"အစားပြတ်ပြီး အားနည်းသွားရုံလေးတင်ပါ ကျန်တာဘာမှ မဖြစ်ပါဘူး ပြီးတော့ ဖျားတာလေးပါရော သွားတော့ အခုလိုမျိုးလေး ဖြစ်သွားတာပါ ဘာမှစိတ်မပူနဲ့ နော် အန်တီ ခ သူလေးကို ဆေးထိုးပေးထားပြီးပါပြီ ၊ နောက်နာရီဝက်လောက်ဆိုရင် သူပြန်သတိရလာမှာ..."
"အေးပါကွယ်... အခုနက ကြီးတော်ကြီး သမီးအပေါ်ပြောတာတွေကိုစိတ်မရှိနဲ့နော် သမီးလေး"
"ဟုတ်ကဲ့ ရပါတယ် ခ အားလုံးကို နားလည်ပေးပြီးသားပါ.... ဒါနဲ့ အန်တီ့ ကို ခ တစ်ခုလောက်တော့ အကြံပေးချင်တယ် ရမလားရှင့်"
"ရတာပေါ့ သမီးရယ်သိပ်ရတာပေါ့ ကဲပြော ဘာများပြောချင်လို့လဲ"
သူမခဗျာ ခွင့်ပြုလိုက်ပါသော်လည်း ပြောစရာ စကားများကို ဆက်မပြောသေးဘဲ သားငယ်ဘက်သို့ လှည့်သွားသော ထိုကလေးမကြောင့် ယခု သူမပြောမည်ဆိုသည့်စကားက သားငယ်လေးနှင့်တော့ တမျိုးတစ်ဖုံပတ်သတ်နေမည်ကို ဒေါ်အမရာတစ်ယောက် တွေးကြည့်တာနှင့်တင် သိနေလေသည်။
YOU ARE READING
❣❣အို...ဦးနော်❣❣
Horrorမင်းဆိုးချင်သလောက် ဆိုးစမ်းပါ သဲငယ်လေးရယ် တစ်ခုပဲ ဦးဆိုတဲ့ငါ့ကိုမေ့မသွားရင်ရပြီ 💗💗မုဏ်းစေတန်💗💗 ကမ္ဘာတွေ အဆက်ဆက်ပြောင်းသွားမယ်ဆိုရင်တောင် သားရဲ့ အချစ်တွေဟာ ဦးနောက်ကို အမြဲတစေလိုက်နေမှာပါ ဦးရယ် 💗💗ကမ္ဘာလွှမ်း💗💗
part-47
Start from the beginning
