✨TAETAE ម្ចាស់បេះដូងបង✨ [Completed✨]

ភាគ៥០ : កុំយំអីក្មេងចម្កួត

ពេលរសៀលឈានមកដល់ ក្រោយថេហ្យុងភ្ញាក់និងជួយសម្រួលគេខ្លះៗហើយ ជុងហ្គុកក៏បានរៀបចំខ្លួនទៅរកលោកប៉ានៅក្រុមហ៊ុន មុននឹងមក នាយក៏បានប្រាប់រាងតូចដូចគ្នា ។ មកដល់ក្រុមហ៊ុន នាយក៏សម្ដៅទៅបន្ទប់លោកប៉ាតែម្ដង ព្រោះមិនចង់ឲ្យលោកចាំយូរ ។

/*ក្រាក/

សម្លេងបើកទ្វារលាន់ឡើង ក្រោយជុងហ្គុករុញទ្វារចូលមក ។

"មកដល់ហើយហ្ហេសកូន?"

"បាទប៉ា"

"ហ៊ឹម!...អញ្ចឹងឆាប់ទៅ កុំឲ្យគេខាំយូរ"

"បាទ"ជុងហ្គុកតបរួចក៏ដើរទៅតាមក្រោយលោកប៉ា ទោះនាយមិនដឹង ថាលោកប៉ានាំនាយទៅជួបនរណា នាយក៏ត្រូវតែទៅដោយមិនអាចប្រកែកបានដដែល ព្រោះមិនចូលចិត្តសួរនាំតាប៉ែច្រើន គ្រាន់តែទៅជួបគេតើ លោកប៉ាមានឲ្យនាយទៅសម្លាប់មនុស្សឯណា?

@ហាងអាហារ

លោកចននិងជុងហ្គុកបានមកដល់ហាងអាហារលំដាប់ហាយសូមួយកន្លែងក្នុងទីក្រុង  ។ បុគ្គលិកទទួលទាំងអស់ក្នុងហាងស្វាគមន៍ពួកគេដោយស្នាមញញឹម ខណៈនោះលោកចនក៏បានប្រាប់ទៅបុគ្គលិក ពីតុដែលត្រូវបានកក់ដោយអ្នកម្ខាងទៀត ពេលប្រាប់រួច បុគ្គលិកស្រីម្នាក់ ក៏បាននាំពួកគាត់ទៅជាន់ខាងលើនៃហាងអាហារ ព្រោះនៅខាងលើ មានបន្ទប់ញ៉ាំបាយជាលក្ខណៈផ្ទាល់ខ្លួន មិនមានភាពអ៊ូអរ មានសម្លេងរំខានពីសំណាក់ភ្ញៀវដែលមកញាំដូចនៅខាងក្រោមឡើយ ។

"បន្ទប់នេះចាស៎"បុគ្គលិកស្រីស្រដីឡើង ដោយការឱនលំទោន លោកចនញញឹមតបបន្ដិច ក៏បើកទ្វារចូលទៅខាងក្នុង ដោយមានជុងហ្គុកចូលតាមក្រោយ ។

"សុំទោសដែលឲ្យរង់ចាំយូរ"លោកចននិយាយរួច អ្នកម្ខាងទៀតក៏ងាកមុខមក ធ្វើឲ្យជុងហ្គុកមានការភ្ញាក់ផ្អើលមិនតិចដែរ ។

"ជាអ្នកមីងទេហ្ហេស?"

"មែនហើយ!...គឺមីង"អ្នកស្រីគីមតបទៅកាន់ជុងហ្គុកជាមួយស្នាមញញឹមមិនរលុប សម្រាប់គាត់គឺមើលទៅធម្មតា ប៉ុន្តែជុងហ្គុកមិនបានធម្មតាជាមួយទេ នាយកំពុងឆ្ងល់ថាហេតុអីត្រូវមកជួបគ្នាស្ងាត់ៗបែបហ្នឹង? បើចង់ជួបនាយ ចាំនាយទៅដល់ផ្ទះរបស់គាត់ក៏បាន មិនមែនមិនស្គាល់គ្នាឯណា ។