« انت حلمي»
_ البارت الثامن
_ بقلم آية علي
~~~~~~~~~~~~~~~
قبل ما نبدأ البارت صلو على من بكى شوقا لرؤيتنا
اللهم صلِّ وسلم وبارك على سيدنا محمد وعلى آله وصحبه اجمعين 💜🍂
~~~~~~~~~~~~~~~~~~
وصلت مليكة قسم الشرطة وكانت داخلة حاطة ايديها في جيوبها وبتصفر بإستمتاع
جاء العسكري طلبة يجري: يا باشا يا باشا
مليكة وهي تضربو على قفاه: عايز ايه يا وش السعد
طلبة وهو يفرك رقبتو: ايدك تقيلة على فكرة يا باشا
مليكة بنفاذ صبر: ما تخلص تقول عايز ايه ياتك نيلة
طلبة: اصل اللواء عزمي عايزك في المكتب
مليكة وهي تمشي من قدامو: خير يارب 🙆🏻♀️
دخلت مليكة مكتب اللواء عزمي بعد ما اداها الاذن
مليكة بمرح: عوزووومااااا ليك واحشة والله يا جدع
عزمي بغيظ: نفسي مرة تحترميني وتقدري اني قد ابوكي وفوق كل ده اللواء
مليكة: يا عم خليك استرتش كدا اومااال وبعدين انت عارف اني متربتش مش جديدة يعني 😁
عزمي بجدية: طب اقعدي عشان تعرفي المهمة الجديدة
قعدت مليكة بحماس: ايوة بقا مهمة ايه ها ها ها
عزمي: يابت اهدي ده انا اول مرة اشوف واحدة متحمسة على مهمة كدا، المهم المهمة هي انك والمقدم اسد المهدي هتقبضو على داغر اخطر رجال الماڤيا المصرية والخطة هي........... والتنفيذ النهاردة بعد الفجر في....... مش عايز غلطة يا مليكة
مليكة بجدية : تمام يا فندم إن شاء الله اكون عند بخ طز حضرتك ههههه
عزمي بغيظ وقرف مصتنع: كنت حاسس انك مستحيل تكملي جملة من غير القلش الرخيص بتاعك ده امشي يا بت من هنا
مليكة وهي تخرج برا المكتب: سلام يا عزوماااا
خرجت مليكة من قسم الشرطة وركبت عربيتها وكلمت باباها وعرفت انو لسة موجود في ڤيلا الحديدي ف راحت على هناك بعد شوية وصلت مليكة الڤيلا واول ما دخلت لقت ادهم بيجري عليها وبيحضنها: هيييييه ماما جات اتأخرتي ليه يا ماما
مليكة: كان شغل يا دومي
وبعدها بصت ل السيد: بابا عندي مهمة النهاردة بعد الفجر
السيد: مهمة ايه
مليكة: هنقبض على داغر
السيد بخوف عليها : طب هو لازم تروحي انتي
مليكة: متقلقش عليا يا بابا إن شاء الله هرجع صاغ سليم ، وبعد اذنكم بقا لازم امشي عشان ورايا تدريب وإن شاء الله هاجي بكرة
ادهم بزعل: ماما هو انتي هتمشي وتسيبيني لوحدي
مليكة بحنية: معلش يا دوما عندي شغل إن شاء الله اول ما تصحى هتلاقيني عندك اشطا؟!
ادهم: اشطا
مليكة: يلا سلام يا بطل
خرجت مليكة وراحت المكان اللي بتدرب فيه
~~~~~~~~~~~~~~~~~~~~~~~~
عند عائشة بعد مارجعت من عند بيت اهل مريم رنت على ملاك وحياة ( اصحابها التوأم اللي كانو موجودين اول بارت 😉) وعزمتهم على كتب كتاب زين ومريم ونامت
~~~~~~~~~~~~~~~~~
عدا الوقت بسرعة وجه معاد تنفيذ المهمة
كان اسد ومليكة وباقي العساكر مستخبيين في مكان قريب جدا من المكان اللي هيتم فيه العملية
اسد: ركزوا معايا مش عايزين اي غلطة هعيد الخطة تاني للمرة المليون................ تمام كدا
الجميع بصوت واحد: تمام يا فندم
فضلو مستنيين وفي الوقت المحدد بدأت عملية تسليم السلاح والمخدرات
اسد: استعدو هجوووووووم ( حاسة انهم في حرب 😂)
بدأ الضرب بين الطرفين وتم القبض على داغر ورجالتو ومليكة اتصابت في دراعها اليمين وجات الاسعاف واخدوها على المستشفى واتصل اسد بلغ ابوها وبعد نص ساعة جه والد مليكة واطمنو عليها واخدها ورجعو البيت
---------------------------
تاني يوم الصبح صحي اسد اخد دوش وادى فرضو ولبس بدلة كحلي وقميص ابيض وجزمة سودا ونزل شرب قهوتو وفطر وبعدين خرج ركب عربيتو وراح الشركة ( شوفتو بختصر عليكم ازاي 🌚😂)
---------------------------------
عند عائشة صحيت وعملت روتينها اليومي وطلبت اوبر وراحت الشركة وصلت مكتب فريدة
عائشة: السلام عليكم
فريدة ببسمة: وعليكم السلام ازيك يا آش
عائشة وهي تجلس على المقعد: عايشة
فريدة: اممممم الظاهر فيه حوار كبير نبقى نتكلم فيه بعد الاجتماع عشان فاضل عليه خمس دقايق بس
عائشة: اشطا
وبعد شوية خرج اسد من مكتبو
اسد: يلا على الاجتماع
وراحو على الاجتماع وفجأة اسد لقا عائشة بتجري على شخص وبتحضنو ( اخوها سيف يا جماعة بلاش تفهمو غلط 😉😂)
سيف بحنان: عاملة ايه يا قلبي
عائشة بدموع: بخير طول ما انت بخير بس ليه مقولتش انك راجع من السفر النهارده
سيف وهو بيمسع دموعها: يا قلبي والله ما لحقت يدوب نزلت من الطيارة وجيت على الاجتماع على طول المهم بقا انتي بتعملي ايه هنا
عائشة: بشتغل
اسد بمقاطعة: عائشة تعالي هنااااا انتي ازاي تحضنيه كدا
عائشة بغضب: وانت مالك انت
سيف بهدوء: بس بس اهدو ايه يا عم اسد مش عارفني
اسد بغضب: لا والله مش عارفك هتكون مين يعني
سيف بضحك: انا سيف يا ابن عمتي 😂😂😂
اسد بصدمة وفرح: سيف!! يعني انتي ابن خالي واخو عائشة حبيبي تعالي في حضني
وحضنو بعض
فريدة: احم احم مش نبدأ الاجتماع ولا ايه يا اسد بيه
اسد: اه طبعا اتفضلو اقعدو ونكمل كلامنا بعد الاجتماع
وبعد ساعة انتهى الاجتماع وقعدو يتكلمو شوية وكل واحد خلص شغلو وراحو على بيت العم محمد ( ابو عائشة وسيف يا جماعة الاه 😂) ورنو الجرس واول ما والدة عائشة شافت سيف ( كان نفسي اقول اغمى عليها من الفرحة بس هيبقا اوڤر 😂) حضنتو وقعدت تعيط وبعد التحية والسلام و الاكل و الحلويات كل واحد راح لحالو ( بختصر في الاحداث الاه 😉😂)
وذهب الليل وطلع الفجر وجه يوم خطوبة اسد وفيروز وكتب كتاب زين ومريم 🥳
لبست عائشة فستان ابيض منفوش وبسيط وعليه خمار بيبي بلو وكوتشي ابيض رياضي ( الهيلز ده مش موجود عندنا اسكوزمي بقا واحدة هاتيجي تقولي ليه هقولها عشان فيه جزء من رجلها هيبان وده حرام يا قمر ☺️) طبعا عائشة ياقلب امها فاضلها تكة وتعيط 🙂
________________
عند اسد اهلو رجعو من السفر ( والدو و والدتو واختو وتين 😁) وقررو انهم مش هيسافرو تاني وهيستقرو في القاهرة
والد اسد: اسد انت متأكد ان اللي بتعملو هييجي لصالحك
اسد: ايوة يا والدي اصبر وهتشوف
والدتو: ربنا يسعدك يا ابني ويحفظك يارب
اسد وهو بيبوس ايدها: تسلميلي يا ست الكل
وتين:ابيه ابيه انا عايزة اروح لعائشة
اسد: هتشوفيها كمان شوية اهدي بقا
وتين: هي حلوة يا ابيه ؟
اسد بهيام: حلوة بس دي حورية ( الواد عنيه بقت بتطلع قلوب 😂)
وتين: تيرااااا رااااا تيراااااا 😂 ايه يا عم الرومانسي اهدى شوية مش كدا 😂
اسد: غوري ابت من وشي ياتك القرف
__________________________
ادهم: ماما انتي هتروحي فين
مليكة بحنان: انا رايحة خطوبة واحد زميلي في الشغل يا دومي
ادهم: طب خوديني معاكي
مليكة: مش هينفع يا بابا
ادهم: عشان خاطري يا ماما خوديني معاكي
مليكة بإستسلام: هاخدك معايا وامري لله
ادهم: هيييييييي انا هروح البس بسرعة
مليكة بضحك: ماشي يا ادهم روح
( ولكم ان تتخيلو شاب كبير بيتكلم زي الاطفال صوتو هيبقى عامل ازاي 🙂😂😂 انا كل ما اتخيل كدا بفطس ضحك والله 😂😂)
_______________________
بالليل في القاعة ( ثواني ثواني لازم اقول حاجة احم احم اتفضلو ع الكاعة 😂😂 فرفشو يا جماعة محدش واخد منها حاجه واللي باعنا مش هياكل من المحشي بتاعنا 😂😂) كان الكل موجود العائلات الكريمة والمعازيم الحلوين ورجال الاعمال وبلابلابلا
ما عدا مليكة وادهم لسة ماوصلوش 🙂
جه المأذون وبدأ في كتب كتاب زين ومريم وبعد شوية: بارك الله لكما وبارك عليكما وجمع بينكما في خير
قام زين من مكانو وباس دماغ مريم وقالها: مبارك عليا انتي خلاص بقيتي حلالي واتكتبتي على اسمي بحبك يا احلى مريومة في حياتي
مريم: وه وه وه وه هو مين اللي بيتكلم ده الدكتور زين لوح التلج 😳😂
زين بقرف مصطنع: ياتك القرف ياعني احنا لسة كاتبين كتابنا وبقولك كلمتين حلوين تقولي كدا فين الكلام حلو طب فين حضن كتب الكتاب حتى 🙄
مريم: اسرح يلا بلا حضن كتب الكتاب بلا بطيخ
زين بصدمة: نعم!! ايه ده فين مريم الرقيقة لاء احنا لسة ع البر انا اروح اقول للمأذون يطلقنا، يا عمي
مريم وهي بتمسكو من جاكت البدلة: لا بقولك ايه انت لبست يعني لبست البضاعة لا ترد ولا تستبدل فاهم ولا لاء 👊🏻
زين بخوف مصطنع: فاهم يا باشا فاهم وفي سرو حسبي الله ونعم الوكيل 🥺😢
عائشة وهي بتزق زين بعيد وبتحضن مريم: اوعى يا باشا كدا اما ابارك للبت مش هتطير على فكرة
حضنت مريم وبتقولها: مبارك يا قلبي صبرتي ونولتي يا بنت الإيه
مريم: ايه حيلك حيلك هنبتدي قر من اولها امشي ابت من هنا
عائشة: بقا كدا مااااشي
وبعدها باركت لزين وحضنتو
اسد في نفسو: ماشي يا عائشة الكلب ربع ساعة بالكتير وابقي وريني هتحضني اخواتك ازاي بعد كدا
وبعد المباركات والتهنئات كان المأذون هيمشي وقفو حمزة : استنى يا مولانا عشان انا كمان هكتب كتابي
ومسك ايد فيروز وقالها بتحدي: قولتلك مش هتبقي لغيري وبعدين بص للمأذون وقال: اكتب يا مولاناااا
وبعد شوية المأذون قال: بارك الله لكما وبارك عليكما وجمع بينكما في خير
اسد لعائشة: إش إش
عائشة ببرود: نعم
اسد: زي ما انتي شايفة حمزة اخد مني عروستي ولو انا مكتبتش كتابي النهاردة هيبقا شكلي وحش اوي اوي
عائشة بجمود: والمفروض ان انا اجبلك عروسة يعني ولا ايه؟
اسد: لا
عائشة: اومال ايه
اسد: تتجوزيني
عائشة بصدمة: ايه
اسد: تتجوزيني؟
عائشة: هتعيني على طاعة الله؟
اسد: وهلبسك النقاب كمان لو عايزة
عائشة: مش هتقسى عليا؟
اسد: عمري ما اعمل كدا
عائشة: هتجبلي كتب وروايات؟
اسد: وهقراهم معاكي كمان
عائشة: و هاتوديني الملاهي؟
اسد: وهاجبلك غزل البنات وشكولاتات كتيرة
عائشة: وهنعمل عمرة؟
اسد: كل سنة لو عايزة
عائشة بمرح: حيث كدا بقا احم احم زوجتك نفسي واكلتك شبسي وشربتك بيبسي 😂
محمد ابو عائشة بضحك: انا من رأيي يا اسد يا ابني تعيد حسباتك من تاني
اسد: لاء انا عايزها زي ما هي كدا بهبلها وتفاهتها 😂 يلا يا مولانا ( انا عايزة واحد من ده يا حزومبل 😂😂)
المأذون : يلا يا ابني في يومكم اللي كلو جوازات ده
وبدأ كتب الكتاب وانتهى بجملة المأذون الشهيرة: بارك الله لكما وبارك عليكما وجمع بينكما في خير
قام اسد ولسة هيحضن عائشة لقى اللي بيحضنو هو وكان زين وسيف حضن عائشة 😂
في الوقت ده جات مليكة ومعاها ادهم اللي اوصل ما شاف عائشة واسد انصدم وخرج يجري برا القاعة ومليكة استغربت ده وجريت وراه وفجأة........
ستووووووووب اشوفكم البارت الجاي «انترظوني» ( بصوت شاروخان في برنامج رامز تحت الارض 😂😂😂😂)
