« انت حلمي»
البارت الثالث
ذهب الليل وطلع الفجر والعصفور صوصو 😂
دخلت سهير مامت عائشة عندها الاوضة عشان تصحيها
الام: عائشة انتي يابت قومي يلا اصحي
عائشة: .......... 😴
الام: بكلم نفسي انا قومي يا اخرة صبري
عائشة: .......... 😴
الام حطت ايدها على دماغ عائشة لقت حرارتها مرتفعة جدا وجسمها بيترعش
الام بخوف شديد: يا ستير يارب عائشة قومي يا حبيبتي آش بعدها ندهت على ابوها يا محمد يا محمد
جه محمد يجري: فيه ايه يا سهير
سهير بخوف: الحقني عائشة حرارتها مرتفعة وجسمها بيترعش، اتصل ب زين ييجي بسرعة يشوف مالها
محمد وهو يخرج هاتفه: حاضر خاضر اهو بتصل عليه.
وبعد مدة جه زين يجري
زين: في ايه يا عمي عائشة مالها
محمد: مش عارف بابني سهير جات تصحيها مش بتصحى ولقت حرارتها مرتفعة وجسمها بيترعش
زين وهو يدخل الى غرفة عائشة: طاب انا هشوفها وان شاء الله خير، وبعد مدة خرج زين وسهير من غرفة عائشة
محمد: ها يا زين عائشة مالها
زين: ابدا يا عمي الظاهر انها اكلت حاجة فيها فروالة ف عملها حمى لانها عندها حساسية منها وكمان الضغط عندها مرتفع وده اكيد بسبب زعل او حاجة
محمد: طب هي دلوقتي عاملة ايه
زين: مش تقلق ياعمي انا ادتلها حقنة عشان تخفف الحمة وكلها نص ساعة كدا وتبقى زي الفل وهنزل اجبلها الدوا من الصيدلية
محمد بإمتنان: مش عارف اقولك ايه يا ابني
زين: متقولش حاحة يا عمي عائشة دي اختي، يلا انا هنزل اجبلها الدوا واطمن عليها وانزل الشغل
نزل زين يجيب الدوا من الصيدلية وطلع اداه لعائشة واطمن عليها وراح شغلو
ستوووووب ( زين احمد الهلالي شاب عندو ٢٧ سنة بيشتغل دكتور وعندو العيادة الخاصة بتاعتو شاب جميل عندو عيون رمادي وبشرة بيضة ولحية خفيفة و غمازة واحدة لطيفة 😂 وعضلات طبعا احم احم يبقى جار عائشة واخوها في الرضاعة و دايما اسرارهم مع بعض)
نروح بقا عند أسد صحي من النوم بنشاط قام اخد دوش ولبس هدومو وادى فرضو وخرج ركب عربيتو وراح الشركة بتاعت باباه خلص شغلو واجتماعاتو وراح على المركز عشان ينقا ورقو هناك وخلص وبعدها قال يعدي على خالو محمد يقعد معاهم شوية ( الصراحة هو اصلا كان عايز يشوف عائشة 😂)
عند عائشة واخيرا فاقت وبقت زي الحصان 😂
رجع زين من الشغل وراح عندها عشان يطمن عليها لقاها صحيت وبتصلي قعد يستناها لحد ما خلصت وراحت قعدت جمبو
عائشة: اهلا اهلا ب زين افندي
زين بقرف مصطنع: زين افندي!! جاتك القرف بقا فيه واحدة تقول لاخوها الكبير افندي، انا كدا اطمنت انك بقيتي زي القردة
عائشة: طب على فكرة انا زعلانة منك عشان من ساعة حفلة التخرج وانا مشفتش وش اهلك
زين بهزار: الشغل بقا يا إش إش اعمل ايه، طب اقولك ايه رأيك نخرج انا وانتي النهاردة
عائشة بفرحة طفلة: بجد
زين: جد الجد وشوفي انتي بقا عايزة تروحي فين
عائشة بحماااس: عايزة اروح الملاهي و بعدها تجبلي غزل البنات وكمان نتمشى ع الكورنيش وناكل حمص الشام
زين بموافقة: طب يلا يا طفلة روحي البسي وامري لله
عائشة وهي بتطلع زين برة الغرفة: طب يلا بقا يا زيزو اطلع برة عقبال ما اغير
زين: هي بقت كدا مااااشي
وقعد يشرب قهوة عقبال ما عائشة تخلص
لبست عائشة دريس بيبي بلو وعليه خمار اوڤ وايت وكوتشي رياضي وخرجت كان زين شرب القهوة ومستنيها
عائشة: يلا يا زيزو انا خلصت
زين وهو يمسك يدها: يلا قلب زيزو، سلام يا جماعة
محمد: زين خد بالك منها واوعو تتأخرو
زين: ما تقلقش يا بابا
وخرج زين هو وعائشة من العمارة وراحو ركبو عربية زين ومشيو
وفي تفس الوقت اللي هما مشيو فيه وصل اسد وركن عربيتو قدام العمارة وراح عند بيت خالو محمد
وبعد السلامات والحورات
اسد: احم اومال فين عائشة
سهير: والله يا ابني كانت تعبانة ولما خفت شوية اخدها زين يخرجها ولسة ماشيين من عشر دقايق
أسد بصدمة: إيه تعبانة مالها ومين زين ده وازاي تخرج معاه..
قاطع كلامهم صوت هاتف محمد فوجدها عائشة ف اجاب على الفور: الو إيه يا عائشة يا بنتي بتتصلي ليه فيه حاجة
عائشة بدموع:.......
الاب بصدمة:......😲😲
وستوووووووب هنا نكمل البارت الجاي 😁
