Before I Fall You[Completed]

အပိုင်း(၂၅)အသဲကွဲနေတဲ့ ဂေးတစ်ယောက်

ညဏ်းဧကရာဇ် သူ့အစ်ကိုပိုင်တဲ့ ကလပ်ဆီကိုကားမောင်းသွားလိုက်ပြီး သီးသန့်အခန်းတစ်ခုမှာ အရက်သောက်နေလိုက်တယ် ဘာခေါင်းစဥ်မှန်းအမည်မတပ်တက်တဲ့စိတ်အတွင်းပိုင်းရဲ့နာကျင်မှုတစ်ခုက သူ့နှလုံးသားကိုသိမ်းပိုက်သွားပြီး နေအဂ္ဂါဆိုတဲ့အမည်တစ်ခုသာ သူ့အတွေးထဲမှာပတ်ချာလည်နေတယ် အသိစိတ်လွတ်သွားတဲ့အထိ မူးပစ်ချင်ပေမဲ့ ဒီနေ့မှသူ့အရက်ခံနိုင်ရည်အားက တော်တော်လေးကိုကောင်းနေတယ် မတက်နိုင်တော့တဲ့အဆုံး ညဏ်းဧကရာဇ် ကားသော့ကိုဆွဲပြီး ယိုင်တိယိုင်ထိုးခြေလှမ်းတွေနဲ့ပဲ ကားဆီကိုသွားလိုက်ရတော့တယ် သူအရက်သောက်ထားတာကြောင့် သူ့အစ်ကိုကကားမောင်းဖို့စိတ်မချပဲ လူတစ်ယောက်ထည့်ပေးလိုက်တာကြောင့် ကားမတော်တဆဖြစ်ပြီး သူတစ်ခုခုမဖြစ်တာကိုပဲ ကျေးဇူးတင်ရမလိုလို
အိမ်ရှေ့မှာကားထိုးရပ်တာနဲ့ သူပထမဦးဆုံးလုပ်တဲ့အရာက သူ့အမေအခန်းတံခါးကို သွားခေါက်တာပဲ။
ညတော်တော်နက်​နေပြီဖြစ်လို့ဒေါ်နန်းနေခြည်နဲ့သူ့ခင်ပွန်း အိပ်မောကျနေကြတဲ့အချိန်ဖြစ်တာကြောင့် အချိန်အတော်ကြာမှ အခန်းတံခါးက ပွင့်ဟလာတယ်။

"ဘယ်သူလဲ"

"သားပါ"

ဒေါ်နန်းနေခြည်ကသူ့သားအသံကိုကြားမှ ကမန်းကတန်း တံခါးပြေးဖွင့်လိုက်​ပေမဲ့
သူတွေ့လိုက်ရတာက သူ့သားရဲ့နီရဲရီဝေနေတဲ့ မျက်လုံးတွေကိုပဲ

"ရှာရှာ.....သားအရက်တွေသောက်လာတာလား"

ညဏ်းဧကရာဇ် ပြန်မဖြေပဲ ခေါင်းကိုသာကြိမ်ဖန်များစွာငြိမ့်ရင်း ခေါင်းငိုက်ဆိုက်ကျသွားတာကြောင့် သူ့အဖေက အလျှင်အမြန်ပုခုံးကိုထိန်းပေးလိုက်ရတယ် ညဏ်းဧကရာဇ်သူ့အဖေလက်တွေကြားထဲကအတင်းရုန်းထွက်ရင်း သူ့အမေရင်ခွင်ထဲတိုးဝင်တယ်

"မာမီဘာလို့ သားအပေါ်အရမ်းရက်စက်တာလဲ သားလူမှန်းသိတက်စကထဲက မာမီစိတ်ချမ်းသာအောင် မာမီ့အလိုကိုလိုက်ပြီးအမြဲတမ်းနေခဲ့ရတယ် မာမီစိတ်ချမ်းသာအောင်လို့ အတန်းထဲမှာအမြဲတမ်း ပထမရအောင်လုပ်ခဲ့ရတယ် တက္ကသိုလ် တက်တော့လဲမာမီသဘောကျတဲ့မေဂျာကိုပဲယူခဲ့တယ် အမြဲတမ်းမာမီချမှတ်ထားတဲ့စည်းမျဥ်းတွေအောက်မှာရှင်သန်ခဲ့ရတာ မာမီ"ဘာလို့သားကိုဒီလောက်ရက်စက်တာလဲ