عشك الجود ( فصلية دمرتني ) 💯🔞

البارت الثاني 🥺🧸

كم تمنيت ان اكون بين ذراعيك الان
واشم ذالك العطر الذي الرجولي الذي يجعل من نيراني تشتعل
عطر سكائرك المختلط برائحة جسدك
وانفاسك الحارقه التي تحرق جسدي و لمساتك الجريئه التي تثير انوثتي
وشفتاتيك التي تنتهك حرمة جسدي
اشهد ان جسدي لا يسكن لا بين يديك
و نيران عشقي لا تطفىء الأ بشفتيك

سرى قيس علي

عشق الجود بقلم الكاتبة سرى قيس علي

عشق :- ضليت فاتحه حلكي من الصدمه😮هيج و كتله شنو

جود:- يي يي مثل مسمعتي اني اتزوجج وهاهيه ماكو غيري ومستحيل اقبل غيري ياخذج

عشق :- كتله وانت ليش تريد تتزوجني يعني

جود:- لح بابا افتهمي اني احبج

عشق :- ضليت صافنه بوجهه مثل الثوله ومادري شجاوب او شنو اكول جان يكلي

جود :- سدي حلكج راح اطب بيه ذبانه ( هههه جود قصفها بدالي )

عشق :- كتله انته صدك تحجي لو تتشاقه ؟

جود :- يي والله اني احبج كلش وماكدر اتخيل تصيرين لغيري بس جنت اكول بعدها صغيره وجنت خجلان من جدج خاف ياخذ عليه نضره موزينه

عشق :- كتله يعني هسه شنو شراح تسوي

جود :- احبج وتصيرين الي بس اريدج تكبرين بعد وتكملين دراستج متفقين

عشق :- كتله صدك هذا لو حلم

جود :- وداعتج صدك و يله غسلي وجهج وتعالي لحد يشوفنا و ننفضح 😂😂

عشق :- بدت علاقاتنا وجان كلش حنون وياي وطيب كلش مايوم سمعني حجي موزين لو طلب مني شي عيب ابد جان كلش مودب وياي مره رجعت للبيت جان ابن عمي موجود بالبيت كلت اهووو شجابه هذا البومه جان يكلي هلا والله هسه يله نور البيت كتله يي موانته موجود اكيد مطفي ومصخم كلي يله بت عمي مقبوله منج هاي كلشي مقبول من تصيرين الي عود احاسبج بكيفي كتله شنو كلي اليوم حجيت ويه ابوج وكتله اريدج طكيت ضحك كتله والله مخبل انته روح بابا روح تعالج بيك خلل انته من كل عقلك اقبل بواحد مثلك طبعا هو جان دوم يشرب وعنده سوالف مكسره وطايح حظ استمرت علاقتي ويه جود لحد يوم قرر يجي يخطبني وجنت كلش خايفه ومتوتره اجوي اهله وحجو ويه اهلي جان ابويه يكول لامانطيها بعدها صغيره جان دكله ام جود لاعيني شنو بعدها صغيره لان لو صغيره مجان سوت علاقه ويه ابني وكتها ابويه تخبل وعصب عليه وكللهم مالكم مره يمي جود تخبل وضل يتعارك ويه امه جان ابويه يطردهم عفتهم وصعدت لغرفتي جان تلحكني امي اجتي يمي وضلت تصيح كالت احنا مأمنين بيه ونثق بيه وندخله بيتنا وتالي هيج يسوي علاقه وياج ولزمتني وشبعتني كتل بحيث ماعرف الدم منين بالظبط وجهي كله نترس دم بقيت يومين بهاي الحاله محبوسه بالغرفه لااكل ولاشرب وبس ابجي حتى جهازي اخذوه مني وماعندي احد اشكيله جدو ماموجود مسافر واهلي حابسيني ثاني يوم اجتي امي كالت كومي بيت جدج اهل ابوج عازمينا كومي بدلي ولاتبينين لاحد اكو شي كتلها ماروح عوفيني جرتني من شعري وكالت تروحين وغصب عنج مو بكيفج تبقين هنا حتى يجي ذاك الساقط يمج مو كتلها هاهيه راح البس واجي بس عوفوني كمت لبست ورحت وياهم وجان اشوف جود واكف بدايه الفرع ضعفان ووجهه تعبان وبيده الجكاره وكتها متت قهر تمنيت يجي جدو ويشوف حالتي بدونه نزلت لبيت جدي ضليت كاعده وكلها تسولف ومتونسين بس اني القهر مبين عليه امي جانت ملتهيه ويه النسوان جان اخذ تلفونها واطلع بالحديقه اخابر جدو بس سمعت صوته طكيت بجي هو تخبل بس يريد يعرف شكو واني بس اشهك وابجي دزيتله رساله وحجيت كلشي تخبل كال اني باجر اجي واريد اشوف منو يطخج بعد سديت الجهاز ورجعت يم امي وبعدين رجعنا للبيت وثاني يوم من الفجر فزيت على صوت عياط جدو يتعارك ويه ابويه وامي لان ضربوني وحابسيني اخذني يمه وضل يسكت بيه وحجيتله كلشي وبعدين العصر كاعدين وجان تندك الباب ويطب جود وعمامه وخواله وشيوخ كومه وسيارت نملت الشارع كله وطبو حجو ويه ابويه وبعد عياط وصياح وعركات واني واكفه اسمع وره الباب جان اسمع جدو يكول هاهيه موافقين بيها البركه أن شاء الله اني الفرحه ضليت ابجب واضحك ماعرف شسوي اجتي امي كالت شكو عفتها وصعدت مجاوبت وحددو بعد يومين تجي النسوان حتى يحددون سوالف الخطوبه وره يومين كعدت من الصبح تنظيف البيت وغسل وترتيب وخالاتي كلهن جني وطبيت سبحت ولبست فستان وردي وبيه ورد ناعم وسرحت شعري وخليت عطر اجتي خالتي كالت يله النسوان يردون يشوفوج اعضامي كلها كامت اطكطك من الخوف والتوتر كوه نزلت طبيت كلت السلام عليكم وكعدت ضليت متوتره وامي كل شوي تريد تتعارك وياهن وخالتي تسكتهن حددو الخطوبه بعد اسبوع وامي ضلت تتشرط عليهم وتريد تخربها وهمه اي شي دكللهم يوافقون ضليت بهذا الاسبوع بديت اني وخالتي اجهز وامي ماترضه تسوي شئ ومطنكره لحد خلص الأسبوع واجه يوم الخطوبه جنت حاجزه بصالون ومحضره البدله رحت اني وخالتي وامي للصالون اجتي ام الصالون رادت تحفلي جان امي تعيط بيها دكلها لاتحفيلها عوفيها خالتي كلتلها شلون ماتحف لعد تخلي مكياج على الوجهه بيه شعر جان دكللها يي هاهيه لو هيج لو هسه اخذها وارجع للبيت اخرب كلشي وضلت خالتي وام الصالون يقنعون بيها وهي قافله اخير شي كتلها راح نتأخر عاد خلتلي مكياج شلون مجان وكمت بسرعه بدلت لان تأخرنا كلش خالتي خابرت على جود يجي ياخذنا اجه واتصل على خالتي كاللها ممنوع يبين شئ منها غطيها من فوك لجوه غطتني خالتي وطلعنا صعدت بالسياره وهو ساعدني من كعدت جان يكلي ارفعي خلي اشوفج شوي جان امي تعيط يله عاد سوق راح نتأخر مووكتك اشرتله يسكت الخاطري وهو وجهه صار احمر من العصبيه كوه خلص الطريق طبيت للبيت وكعدت خالتي رتبتلي المكياج وشغلو الديجي وضلن يركصن ويهوسن وجان يكولون اجوي العريس كلبي صار يدك كلش سريع وضليت افرك بأيدي من التوتر وبنفس الوقت خفت جود مايعجبه المكياج لان مامرتب بسبب امي كالو لازم اطب للغرفه حتى يعقدون طبيت للغرفه وامي عافتني وصعدت اجتي خالتي خلت رجلي بمي ورد وخلت قرأن بأيدي ولبسوني شال العقد واجه هو كعد بصفي والسيد كبالنا كعد وضل يقره قرآن واحاديث عن الرسول وبعدين سالني اذا اقبل يصير وكيلي احس لساني انعقد اريد احجي ماكو جان خالتي تكرص بسرعه كلت نعم انت وكيلي وساله هو هم وكله نعم وبعدين خلص العقد وكله صارت حلالك امام الله جان احلا كلام اسمعه بحياتي من يكول صارت حلالك كلش فرحت وكلبي يرجف عاد طلعنا من الغرفه وطبيت الصاله كعد هو بصفي اجتي خالتي وشالت الشال وهو لزم ايدي جان يكول