وَ نسيتُ أَنني حُرَّةَ ♨️🔞♥️

بارت 10

- ثريا : دمعت عيونها من هذا الاسلوب ، هاي ومصارلنا شهر وهيج يتصرف الله يعيني على هالاسلوب ال... ؟؟ لا تبجين محد يستاهل دموعج ، وقف السيارة بالكراج ونزلوا سوا  فتح باب البيت ودخلوا  سلم الكل جان كاعد بالصالة

- فارس : هلا بيهم تعالي كعدي يمي بنتي

- ثريا : هلا عمو واقتربت من اسيل وباست راسها وقالت اني اعتذر اذا ضايقتج البارحة

- اسيل : لاتعيديها لان اني ما احب ام لسان طويل اكصلهيها فهمتي قالتها بصوت ناصب محد يسمعهم

- ثريا : ما ردت واجتي كعدت يم عمها

- سليمان : كعد يم حسام وطلع باكيت الجكاير وبدا يدخن 🚬 كدامه كاعده ثريا وابوه ويم وعلى جهة اسيل كاعده بكرسي وحدها وقنفه مزدوجه كاعد عليها زيد ورافع ايده ع القنفه ويمه حور

- اسيل : يمى احطلك عشا سليمان  ؟؟

- سليمان : لا يوم اكلت برا

- اسيل : مو انت حتى الغدا ماجيت

- سليمان : والله تدرين شوي شغل بالجامعة ويا اصدقائي الاساتذه الي اخذوا محاظراتي طلعت مناك كبل ع المول و انشغلت ...

- اسيل :  راح اكوم اسويلك القهوة مال الزعفران الي تحبها وكامت من مكانها وراحت على المطبخ ....

- فارس : ليش شصار البارحة حتى تعتذرين منها

- ثريا : يحجون بصوت ناصي والله عمو هي تبدي بس اكول هي مثل امي خليني امشي الموضوع

- فارس : تء تء متبطل سوالفها روحي ارتاحي ب غرفتج وعوفيها هي تخدم ابنها وغمز بعينه ..

- ثريا : ابتسمت لعمها و باوعت على سليمان الي جان يباوع عليهم ودار راسه من شافها تباوعله و حور كاعده شبه بحضن زيد ، ليش هو هيج يعاملني كدامهم، كامت من مكانها وقالت تصبحون على خير وطلعت صعدت فوق ، بلكت يجي وراي و يعتذر مني ... فتحت باب الغرفة نزعت الحجاب صفطته ورجعته بمكانه وطلعت ملابس نوم من الكنتور ومنشفه ودخلت الحمام غسلت حطت ملابسها بالسلة مال الملابس الوسخة الخاصة بيهم وحطت  المنشفه على راسها وطلعت من الحمام دخلت غرفتهم بعده ما اجى ، يريد يضوجني اكثر بهذه الطريقة ، هسه شيكولون عني عروسه وهيج مصخم حالها ويضل عايفها وسهران ضلت تروح وتجي بالغرفه وهي 💭 تفكر ؟؟ شنو ها الحظ الي اجاج يا ثريا .. اجتي يم المراية عطرت شعرها وشسورته اروح انام احسن حطت راسها على المخدة ، 📱وضبطت المنبه ونامت ...

- بدا الجميع يستاذن يروحون ينامون

- 
- فارس : شو اكو مشكله بينك وبين مرتك ؟؟

- سليمان : لا ليش هي كالتلك شي ؟؟

- فارس : لا ما حجت البنية لعد ليش متصعد لغرفتك ؟؟

- سليمان : اخلص هاي الجكارة واشر على يده و اصعد ..

- فارس : على كيفك وياها يا وليدي ترا بعدها متفهم شي

- سليمان : ي يابه على كيفي وياها اخذت شهيق عميق واخرج الزفير من حلكه

- فارس : كام من مكانه وكال تصبح على خير وراح على غرفته

- حور : شكلهم بعدهم زعلانين ؟؟

- زيد : احنا مالنا دخل بهاي المواضيع حور لا تدخلين بهاي الامور لا بين امي ولا بين مرت سليمان ترا يذبون اللوم عليك مابيج لا على امي ولا على سليمان كل شخص يحل اموره

-  
- حور : قالت ببعض الزعل حبيبي اني مالي شغل بيهم اهم شي عندي هو زيد

- زيد : اقترب منها وابتسامته العريضة تضهر فديت الي ادور رضاي ياعالم

-   سليمان : بقى بالهول يدخن ويقلب بالتلفون الى مقاربه وقت الفجر كام من مكانه وطفى الجكارة شكلي خلصت باكيت اليوم من وراها اخذ مفاتيحه حطها بجيبه هي والجداحة والباكين الفارغ ذبه بالزبل ، وفتح الشباك حتى تطلع ريحة الدخان لان صار المكان عبارة عن ضباب 🌫، وصعد الدرج فتح باب الغرفة ضلمه اكو شوي ضوا داخل مو فتحه البرده طلع محفظته ومفاتيحه وتلفونه حطهم على ميز المراية و فتح الكنتور طلع شورت وتيشرت راح الحمام يغسل و شمر الملابس الي جان لابسها بالسلة وطلع دخل الغرفة ماكو صوت شكلها بسابع نومه  حط راسه على المخدة وباوع عليها وهي نايمة مثل الملاك  متوقعت البدايه تكون هيج ؟؟ سمع صوت دك الباب كام وفتح الباب هلا يابه

- فارس : يله وليدي توضا حتى نروح ع الجامع

- سليمان : اي يابه هسه ، راح ابوه يكمل دك الباب على اخوته سد الباب و اقترب منها وقال بصوت عادي ثريا ثريا

- ثريا : هممم

- سليمان : يله كومي

- ثريا : وين و ليش

- سليمان : الصلاة

- ثريا : تتكلم وهي نائمة انا مجازة

- سليمان : سكت وضل يباوع عليها وطلع من الغرفة

- كعدت الصبح على صوت قرقشه يمي اممم اتثاوبت وحطيت ايدي على حلكي والله بعدني نعسانه فزيت بسرعه اتذكرت اليوم اريد اداوم ليش ما دك المنبه سحبت التلفون الساعة ب 7:10 بعد خمس دقايق يدك انداريت على الصوت الي وراي سليمان جاي يشتغل على الابتوب قلتله صباح الخير

- سليمان : صباح النور

-  ثريا : كامت دخلت للحمام غسلت وجها وطلعت توصلني وياك من تروح

- سليمان : رفع راسه من الابتوب وين تريدين من الصبح

شنو رايكم بويه بالبارت

وبحياة ثريا مع سليمان واسيل
🌸🌸
🌸
🌸🌸