ي جماعه ما تقطعو صله الرحم بالاخص الوالدين مهما معاملتهم في الاخر بعرفو قلطهم انت ما تزعل و تقو راسك عشان ما يكون عندك عقوق والدين ربنا ح يحاسب في الدنيا و الاخر المهم ما قدرته اوصل المعلومه زي الناس لكن بتمني انكم تكونو فهمتو القصد .....
الشباب اليوم عدهو فرح و احضان و دموع فرح و سعادة بعد سنين حتي حسو بالامان مهما لفو و دارو مافي احلي من احضان اهلهم ....»
بعد رجعته من غرفه محمد بتمتم دخلت غرفه قصي دووش مشيت المكتبه حقتو و بقيت افتش قام وسيم طلع من الحمام بي ترنيك بلا قميص او بلا فنيله 😳 غمضت عيوني و دايرة اطلع كدا مسكني😳من يدي وقال: المرة دي انت شفتني المرة الجاية دوري😏
انا دفرتو و طلعته
انا يعععع دا شنو اليوم دا ياخ ما معقول طاخ ضربته ياسر😩
(لالا كدا مامعقوله اليوم دا ما مشاي عديل🙂)
ياسر: كيفك
انا: تمام
ياسر: دايرك في المكتب تعال وراي
انا: تدور و ما تقيف😤
ياسر: قلته شي🤨
انا: مشيناا
مشينا المكتب
ياسر: اقعد ما باكلك
انا: داير شنو لاني مستعجل
ياسر: اول شي انت ليه ما في غرفتك و تاني شي بتدخل غرف غيرك ليه وهم ما موجودين وثالث
انا: اول شي مشيت افتش كراس كيمياء تاني شي كان في وسيم و محمد في الغرف يعني ما دخلت غرف فاضيه و ثالث شي انت مراغبني لي و داير شنو من اسالتك دي
ياسر: هههه فضول بس ثالث شي انتو ليه مامشيتو لي اهلكم زي باقي الشباب
انا: ما عندك دخل في الموضوع دا
ياسر: ليه ليه كيف ما عندي دخل
خلف رجلو ورجع راسو ورا وكمل
انا المدير في المدرسه دي ولازم يكون عندي كل التفاصيل عن الطلبه
انا: ويعني¿
ياسر بي ابتسامه: رامي احمد الغالي و انور عماد علي كيف تؤم
انا: بالرضاعه
ياسر: غير الاسامي دي ما عندنا معلومات عنكم تصدق يعني وين البيانات التانيه الرقم الوطني و غيرو كيف دخلوكم المدرسه يعني افهم شنو
انا: ماعندي اجوبة اسال صهيب ولا سلام
ياسر: عندي شعور غريب بس لو ما عرفت الحقيقه ما يبقي اسمي ياسر احمد ههه
طلعت من المكتب وراسي يودي ويجيب ي يربي ح يعرف ولو عرف ح يعمل لينا شنو ولو وريت نوسا ح نكون في حالة توتر اعمل شنو هسي
عند نوسا كانت بتتكلم مع الدكتورة النفسيه عن الخطه و متين ينفزوها
بعد مرور يومين الشباب جو و اتجمعو في الحديقه واي واحد بحكي عن اهلو و يضحكو و عيونهم فيها لمه انا ونوسا فرحنا ليهم و بقينا نتبسم انو كلامنا جاب نتيجه
مشينا اتصلنا لي امنا ياخ كل يوم بنشتاق ليها زيادة فقدنا حنانا احساس فاقدنها بي كلو 💔
قبل يوم الاحتفال 🔥
انا و نوسا كنا قاعدين في محلنا المعتاد اتونسنا مع البنات و كنا راجعين السكن لقينا ياسر و صهيب جاين علينا و اي واحد وشو ما بتفسر
ياسر: رامي دايرين مساعدك
انا: منو انا🤨
صهيب: اي ي رامي
انا: في شنو وكيف يعني
ياسر سلم لي ورقه فيها اربعه صفحات
ياسر: دايرنك تقول الكلام دا بكرة
انا: ليه و بكرة وين
صهيب: انت اصبر عشان تفهم
انور: وانا برضو داير افهم
صهيب: الكلام دا دايرنو مقدمه بكرة كان ح يقولا واحد بس تعب بي ازمه و مرقد مستشفي و صوتو رايح. ما في زول بقدر يحفظو بدون اخطا غيركم وانت ي انور ح تقول دا سلمو ورقه برضو من اربعه صفحات
انا: ماداير اقول شي و هاكم ورقتكم
