Jenoက ခံစားချက်မရှိတဲ့လူလို .. အရူးတစ်ယောက်လို အဲ့ဒီ အပြုံးတုတွေနဲ့ နေပြတိုင်း သူကရော သဘောတကျ ပျော်ရွှင်နေတယ်လို့ ထင်ခဲ့ပါသလား ..။
ကြေကွဲနေတဲ့ အပိုင်းအစတွေက ကောက်မရအောင် ကျိုးပဲ့ပျက်စီးနေတာ .. သူတို့ရဲ့ဆက်ဆံရေးက အဲ့ဒီလိုမျိုး ။
Jenoက ဟန်ဆောင်ပြရင်း နာကျင်နေခဲ့ရ ၊
သူက အဲ့တာကို သိလို့ နာကျင်နေခဲ့ရ ၊
ဒီသံသရာထဲမှာ နှစ်နဲ့ချီအောင် လည်နေလည်း
သူဆက်တိုက်တွန်းထုတ်နေခဲ့တဲ့ တစ်ဦးတည်းသောသူက ထွက်သွားဖို့ ကြံစည်တာတောင် ရှိပုံမရ ။" ညနေကျရင် Mark Hyungက ဘတ်စကတ်ဘော ဆော့ကြမလို့တဲ့ မင်းရော လိုက်မယ်မလား .. "
" ... "
" Jaemin .. "
" ... "
သီချင်းသံ မလာသည့် နားကြပ်ကို တပ်ထားသည်မို့ Jenoပြောသမျှကို အကုန်ကြားနေခဲ့ရလည်း သူက ဒီအတိုင်း လမ်းကို ဆက်လျှောက်နေမိသည်မို့ Jenoက သူ့နားကြပ်ကို ဆွဲဖြုတ်ပစ်လိုက်သည် ။
ရုတ်တရက် ဒေါသထွက်စပြုလာသည့် မျက်လုံးသေတွေနှင့် Jenoကို ကြည့်မိတော့ သူမြင်ရသမျှက အဲ့ဒီ လခြမ်းကွေးလို မျက်၀န်းတွေ ။
အပြုံးအကြီးကြီးဆိုပေမယ့် မနည်းအားတင်းယူထားတာမှန်း ဒီလူကို ငယ်ငယ်လေးတည်းက သိလာတဲ့ သူက မသိဘူးလို့ သူထင်လေရော့သလား ။" ငါ ပြောထားတယ်နော် .. မင်းကို .. အဲ့လို "
" Mark Hyungက ညနေ ဘတ်စကတ်ဆော့မလို့ဆိုပြီး ခေါ်ထားတဲ့ အကြောင်း ပြောမလို့ "
တင်းတင်းဖက်ပစ်လိုက်ချင်စိတ်ကို ထိန်းချုပ်ထားရတဲ့ လက်တွေ ။
သူက နာကျင်စရာတွေ မပြောချင်သလို Jenoကလည်း ကြားချင်မှာ မဟုတ်ဘူးလေ ..။" မလိုက်ဘူး "
" ဒါပေမယ့် Mark Hyungက .. "
ဒါပေမယ့် Jenoက သူ့ကို ဒီအတိုင်း လွှတ်မထားခဲ့ပါ ။
" အဟက် .. Mark Hyungမဟုတ်ဘူး .. မင်းက "
အဲ့ဒီ ခြောက်ကပ်ကပ် ရယ်သံက သူ့အတွေးတွေကို ကြိုသိနေကြောင်း ထုတ်ပြောပြချင်ရုံ သက်သက်သာ ..။
Jenoက သူ့ကို ပြုံးပြလာသည် .. ပြီးတော့ ဇွဲမလျှော့စတမ်း ဆက်ပြောနေသည်မို့ သူက စိတ်ရှုပ်လာသည်မှာ အမှန် ။
![](https://img.wattpad.com/cover/272817046-288-k138028.jpg)
dystychiphobia
Comenzar desde el principio