ملاك: نفسي اعرف يارا دي بتعمل كدا ليه بس والله ان كانت هتغدر ما هرحمها تب ابعد عنها ومديهاش فرصه ولا اشوف هي ناويه علي ايه احسن حاجه خليني ماشيه معاها علي الخط لحد مااعرف هي ناويه علي ايه
وصلت ملاك الجيم واتدربت لما يقرب من ثلاث ساعات
ثم ذهبت الي بيتها
.................
في فيلا مجدي
فريده: هتبدا في الخطه امته
مجدي: خطه ايه
فريده: مش معقول تكون نسيت خطف البت بنت سليم
مجدي: اها انا هخلي رجالتي يراقبوها لحد ما تخرج
لوحدها وبعدين هناخدها
فريده: ابقي خلي بالك علشان هما مش سهلين
مجدي: بس مش عارف هي بتخرج لوحدها ولا ايه
فريده: معتقدش حد فيهم بيخرج لوحده بس ملك دي غيرهم ليها اصحاب وبتروح النادي يعني ممكن خطه كدا مع حد من اصحابها هتظبط الدنيا
مجدي: هشوف الموضوع ده بعدين علي رواقه لازم اروح الشركه دلوقتي
فريده: اوك
مجدي: باي
فريده: باي ان ما خليتك يا سليم تتجنن مبقاش فريده الشرقاوي
.....................
قصر الادهم
ملك: مامي هو انتي زعلانه ليه
منه: مفيش يا ملك
ملك: لا فيه زعلانه علشان ملاك صح
منه: يووه يا ملك ايوه صح
ملك: هو انتي بتحبي ملاك اكتر مني صح
منه: بلاش كلامك ده يا ملك انتي بنتي وهي بنتي فليه الكلام ده
ملك: انا بقول اللي شيفاه طول الوقت زعلانه عليها وفي الاخر منعرفش هي عايشه اصلا ولا لا
ساره: ملك ايه الكلام ده ان شاءلله ملاك عايشه وهنلاقيها
منه: يا رب
ملك: انا طاله اوضتي احسن من جو النكد ده
عائشة: ملك لسانك ميطولش اتفضلي اطلعي
ملك: هو انا قولت حاجه غلط
عائشة: قولت لسانك ميطولش اتفضلي
ذهبت ملك الي غرفتها وهي حزينه من والدتها التي لا تهمتم بها وانما تفكر في ملاك فقط
...........................
في الشركه
مراد كان يعمل علي صفقه كبيره جدا
دخل سليم الي مراد
مراد:خير يا عمي في حاجه حصلت
سليم:بطمن علي الصفقه بس
مراد:كله تمام الحمدلله
سليم:مش محتاج طبعا اقولك الصفقه دي مهمه قد ايه ولازم ناخدها ومجدي الزفت معانا فيها وهيحاول يعمل اي حاجه علشان يبوظها علينا
مراد:انشاءلله هناخدها هو مجدي دا اللي خطف ملاك
سليم:ايو هو زفت
مراد:عمي هو انت ليه سايبه عايش لحد دلوقتي
سليم:انا بس الاقي بنتي وساعتها مش هسيبه غير جسه
مراد:وهتبدأ تدور عليها من امته وهتدور في مصر ولا بره مصر
سليم:هندور في مصر وهبدأ من بكره
مراد:تب افرض هي بره مصر
سليم:هندور في مصر بس الاول وانشاءلله تكون هنا
مراد:انشاءلله
................
في الغردقه
يارا: مصطفى انا قولتلك ملاك دي مش سهله
مصطفى: هو ايه اللي مش سهله انتي اللي مش بتعرفي تعملي حاجه نافعه
يارا: بص يا مصطفى انا صحيح عايزه اكسر ملاك لاكن ده ميدكش الحق تكلمني كده
مصطفى: اطلعي انتي منها يا يارا وانا هتصرف
يارا: براحتك بس اهم حاجه يحصل اللي احنا متفقين عليها
ومتنساش تبقا تصور ههههه
مصطفى: شرانيه اوي يا حببتي هههههه
يارا: دي هتضفضح في الشغل والغردقه كلها ومش بعيد مصر كلها تشوف الفيديو ههههههههه
مصطفى: من عيوني يا قمر
يارا: تسلملي يا حبيبي
مصطفى: مش يلا نمشي ولا قاعده شويه
يارا: يلا
مصطفى: يلا
وذهب مصطفى ويارا
...............
مصطفى وهو راجع بعد ما وصل يارا شاف ملاك ماشيه
مصطفى: ايه ده مش دي ملاك اما اروح اسحب معاها كلام
مصطفى: فى حاجه يا انسه
ملاك: هو ايه اللي فيه حاجه هو انا سالتك ولا ميكونش ماشيه في بيتكو وانا معرفش
مصطفى: سوري مش قصدي كده بس لقيتك ماشيه لوحدك فبسالك
ملاك: وسع كدا وملكش دعوه ماشيه ولا قاعده
مصطفى: تعالي اما اوصلك
ملاك: انت شكلك ضارب حاجه وجاي تطلعهم عليا ابعد يا عم كدا
مصطفى جه يمسك دراعها وهي ماشيه
مصطفى: تعالي بس هوصلك متخافيش
ملاك ضربته بوكس في وشه: انت ازاي تمسكني كدا انسان متربتش صحيح
ثم ذهبت ملاك وتركت مصطفى يتوعد لها
مصطفى: ماشي يا ملاك انا هعرفك بقا انا هعمل فيكي ايه والله ما هسيبك
وصلت ملاك الي بيتها
ملاك: انا فاكره اني شوفت الواد ده قبل كدا فين يا ملاك فين بس كدا انا فهمت كنت شيفاه بيوصل يارا الشركه قبل كده ممكن البت يارا بتقرب مني علشانه ولابلاش اظلمها
انا احسن حاجه اقوم انام بلا يارا بلا زفت
................
في قصر الادهم
احمد: عمر اطلع ناديلي محمود وسليم بسرعه
عمر: حاضر
احمد: وشوف مراد وفهد كدا هات اياد وحصلوني في المكتب
عمر: حاضر يا جدو دا عيزنا في ايه دا التجمع بتاع المكتب ده مش مستريحله شكلها كدا في مصيبه
اياد: رايح فين يا عمر
عمر: هنادي علي الرجاله
اياد: ليه طالع عاركه ولا ايه تب مش تقولي يا وحش علشان اجي معاك
عمر: عاركة ايه يلا دا اكتر من العاركه جدك عايز كله في مكتبه دلوقتي
اياد: ليه في مصيبه ايه يا صغير علي الهم يا اياد يا خبتي ياني
عمر: ياعم بطل وروح نادي لفهد ومراد يلا بسرعه
اياد: ماتروح انت تناديهم وانا هنادي اخوالي
عمر: اخلص روح يلا وانا هروح لمراد وفهد
في غرفه المكتب
احمد: انا جمعكم هنا علشان نشوف خطه ندور بيها علي ملاك
اياد: مش عارف هما مش بيزهقو كل فتره نروح ندور عليها وفي الاخر منلاقيهاش
عمر: مش عارف بندور علي ابره في كوم قش
اياد: وفي الاخر اللي يقول دا ماتت واللي يقول هربت ومحدش عارف طريقها
عمر: مش عارف احنا لو لقيناها هنعرفها اصلا
احمد: خلصتو كلام ولا لسه
عمر واياد: احنا
احمد: هو فيه غيركو بتقولو ايه
اياد: عمر بيقولي
عمرخبط مراد في رجله لا مفيش يا جدو بقول يعني لما نلاقيها هنعرف ان هي ازاي
احمد: هنعرفها لانها شبه ملك
اياد: ملك
عمر: اهي طلعت شبه حبيبة القلب
اياد: اسكت يا عمر
عمر: مش عارف انت بتحبها علي ايه دي مغروره ورخمه يا رب اختها متكنش زيها
اياد: عمر خلاص
عمر: زعلتي يا بيضه
اياد: عمر
عمر: خلاص يا عم خلاص
مراد: ما تسكتو شويه و اسمعو مش بتبطلو رغي
محمود: نفسي اعرف بتتكلمو في ايه وجدكو بيقول حاجه مهمه
احمد: خلاص كله يركز معايا وعمر واياد لو هتتكلمو اتكلمو بره مش هنا مفهووووم
عمر واياد: حا اضر
وشرح الجد الخطه التي سيبحثو بها عن ملاك
يا تري هتكمل الخطه ولا لا هنشوف
...................
ŞİMDİ OKUDUĞUN
ملاك الادهم
Kısa Hikayeهي فتاه قويه لا يهمها اي شئ اختطفت في العاشره من عمرها عاشت مأساه علي يد هذا الرجل ولاكن هي الان مهندسه ذكيه وبارعه في عملها.
