အချစ်ဦး (အခ်စ္ဦး) (Completed )

part 15(z+u)

" မဟုတ်တာကွယ် အန်တီကအဖွားကြီးဖြစ်နေပါပြီ ။ လာ သားအထဲဝင်အုံး "

သူတို့ သုံးယောက်အား နံဘေးမှရပ်ကြည့်နေသည့် ကောင်မလေးက ခြံတံခါးကို ခပ်မြန်မြန်ဆွဲဖွင့်၍ သော်စစ်လက်ထဲမှ မုန့်အိတ်ကို ဆွဲယူလိုက်သည်။

" သွားနှင့် ငါကားထည့်လိုက်အုံးမယ် "

သော်စစ်သည် ဒီဇင်ဘာအား လှမ်းပြော၍ ကားကိုခြံထဲသို့ ထည့်လိုက်သည်။

ကားထဲမှထွက်လာတော့ အိမ်ထဲမဝင်ခင်မှာပင် ခုနက ကောင်မလေးက အနားရောက်လာပြီး ခပ်တိုးတိုးကပ်မေးသည်။

" ကိုကို အဲ့ဒါ ကိုကို့ကောင်လေးလား "

သော်စစ်သည် အနည်းငယ်တော့ လန့်သွား၏။ သူဂေးဆိုတာကို သူ့မိဘနှင့် ဒီကောင်မလေးသာသိသည်။ ဒီကောင်မလေး၏ နာမည်သည် ​လမင်းအိမ် ဖြစ်ပြီး အိမ်ခေါ်နာမည်က သဲသဲဖြစ်သည်။ သော်စစ်က သူမအား အသည်း (သို့) သဲတုန်လို့ ခေါ်လေ့ရှိသည်။ သူမသည် သော်စစ်၏ ညီမဝမ်းကွဲဖြစ်သော်လည်း သူမ၏ မိဘတွေကားမှောက်၍ ဆုံးပါးသွားသဖြင့် သော်စစ်၏ အမေက စာချုပ်စာတမ်းဖြင့် တရားဝင်မွေးစားလိုက်သည်။ ထိုအချိန်က သူမသည် အရမ်းငယ်လေးပြီး သော်စစ်မှာ ညီမလေးအရင်းတစ်ယောက်ရလိုက်သလို ပျော်ရွှင်၍ချစ်ရှာသည်။ သူမက မွေးကတည်းချစ်စရာမျက်နှာလေးဖြင့် ချစ်မွှေးပါသည်မို့ သော်စစ်တို့ တစ်မိသားစုလုံးက သွေးအရင်းလိုချစ်ရ၏။ သူမသည် အငယ်ဆုံး အဆိုးဆုံးလည်းဖြစ်သည်။

" ကိုကို ညီမလေးမေးတယ်လေ အဲ့ဒါ ကိုကို့ကောင်လေးလားလို့ "

သော်စစ်က မဖြေသဖြင့် သူမက စိတ်မရှည်စွာပင် အသံနည်းနည်းကျယ်၍ မေးလာသည်။ ထိုအခါ သော်စစ်က သူမ ပါးစပ်ကိုခပ်မြန်မြန်လှမ်းပိတ်လိုက်ရသည်။

" မေမေကြားသွားမယ်ဟ နင်ဘယ်လိုဖြစ်နေတာလဲ ။ သွား နင့်ယောင်္ကျားသွားခေါ် ဝယ်လာတဲ့ ကိတ်မုန့်ဘူးတွေလာသယ်လို့ သွား "

" ဟွန့် သူများယောင်္ကျားကိုပဲ ခိုင်းစားနေကြတယ် "

ဟုတ်ပါသည်။ လမင်းအိမ်က အိမ်ထောင်သည်လေးပါ။ ယောင်္ကျားနောက်လိုက်သွားတာ သူမလေးပါပဲ။ အသက် ၂၀ ကျော်သာရှိပြီး ငယ်ငယ်ရွယ်ရွယ်နဲ့ အိမ်ထောင်ကျသွားတာပင်။ သူမယောင်္ကျားကလည်း သူမနှင့် အသက်တူတူမို့ ငယ်ရွယ်ပြီး သည်းသည်းလှုပ်နေသည့် ထိုအိမ်ထောင်သည်ပေါက်စလင်မယားကို သော်စစ်နည်းနည်းမှ ကြည့်မရပေ။