အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]

CHAPTER 37 - You are pregnant!

စုန့်ရီကဆရာ့ကိုစိတ်ရင်းနဲ့ကျေးဇူးတင်ကြောင်းပြောလိုက်ပီး လက်ဖက်ခြောက်ကောင်းကောင်းတစ်ဗူး​လက်ဆောင်ပေးလိုက်တယ်။ နောက်တော့ထိုဥက္ကဌနဲ့တွေ့ဖို့ အချိန်ကိုလဲပြင်ဆင်ထားလိုက်တယ်။

စုန့်ရီကျန်းမာရေးစစ်ဆေးဖို့စီစဥ်ထားတဲ့ရက်​ကရောက်လာပီဖြစ်တယ်။ သူကစုန့်ကျဲကလေးမွေးမဲ့ဆေးရုံကိုပဲသွားစစ်လိုက်ပီး စုန့်ကျဲဆီကိုလဲအလည်ဝင်လိုက်တယ်။ စုန့်ကျဲမှာအခုတော့ ဖရဲသီးလိုဗိုက်လုံးလုံးလေးရှိနေပီ။ စုန့်ရီကကျန်းမာရေးတွေစစ်ဆေးပီးတော့ result စောင့်နေတုန်းမှာ သူမနဲ့စကားခနလောက်ပြောနေလိုက်တယ်။

ဆရာဝန်တစ်ယောက်ကလေးနက်တဲ့မျက်နှာထားနဲ့ တံခါးကိုခေါက်လာတယ် "မင်းကလူနာရဲ့သွေးသားရင်းလား?"

စုန့်ရီကမတ်တပ်ရပ်လိုက်ပီး​ ခေါင်းငြိမ့်ပြလိုက်တယ် "ကျွန်တော်ကလူနာရဲ့အစ်ကိုပါဗျ"

"သွေးသားရင်းနော်"

"ဟုတ်ပါတယ်ဗျ"

ဆရာဝန်ကသူ့လက်ထဲကဆေးစစ်ချင်ကိုကြည့်ပီးမျက်မှောင်ကြုတ်လိုက်တယ် "လူနာမှာ သွေးခဲစေတဲ့သွေးဆဲလ်တွေနည်းနေတယ် ကလေးမွေးပီးသွားရင်သွေးထွက်လွန်တာမျိုးမဖြစ်ဖို့အတွက် သူ့ကို့သွေးဆဲလ်တွေပေးရမယ်"

စုန့်ရီစိတ်ပူသွားတယ် "အရမ်းဆိုးလားဗျ?"

တကယ်လို့ဆိုးတယ်ဆိုရင် သူအများကြီးလှူလိုက်မယ် ဘာပဲဖြစ်ဖြစ်ဒါတွေက ပြန်ပီးတိုးလာမှာပဲလေ။

ဆရာဝန်ကပြောတယ် "အဆိုးကြီးမဟုတ်ပါဘူး ခင်ဗျားကိုမေးရတဲ့အကြောင်းအရင်းက ခင်ဗျားကသူ့ရဲ့သွေးသားရင်းဆိုလို့ပါ မိသားစုဝင်ဖြစ်တဲ့အတွက် လက်မခံနိုင်ခြေကနည်းမှာမို့ပါ"

စုန့်ကျဲကစိတ်လှုပ်ရှားစွာနဲ့သူ့အင်္ကျီကိုအကြိမ်အနည်းငယ်လောက်ဆွဲလိုက်ပီး မျက်နှာဖျော့ဖျော့နဲ့မေးလာတယ် "ကိုကိုငါအဆင်ပြေသွားမှာပါ ဟုတ်တယ်မလား?"

စုန့်ရီကသူမလက်လေးကိုပုတ်ပေးလိုက်ပီး ဆရာဝန်ကိုလိုက်ပို့လိုက်တယ်။ နောက်တော့ သူ့​ကုတင်ဘေးကထိုင်ခုံမှာထိုင်လိုက်ပီး ဆံပင်လေးကိုပွတ်သပ်ပေးပီး ပြုံးပြလိုက်တယ် "နင်ကဘာမှမဖြစ်နိုင်ပါဘူး နင့်မှာကလိမ္မာတဲ့ကလေးလေးရှိလာမှာ ငါကငါ့ရဲ့တူလေးမွေးလာဖို့စောင့်နေမယ်နော်"