ملذات محرمه

البارت ؛ العاشر
الكاتبه (((((زمرد وليد )))))
..........
ايه : شفت قصي وهوه يباوع عليه
ويكلي اش هاي اني لا تخافين
توني رجعت للبيت
ميل ايده وكلي اعتذر اذا خفتي مني
اكلي اني راح اطلع
عفته وطلعت محجيت شي بس حيل خجلت منه وخفت عبالي حرامي
.........
رجعت الساعه وحده للبيت واني دائمآ افوت من المطبخ
ضلمه بس شفت وحده صرخت وصاحت حرامي
حطيت ايدي وكتلها اش
شغلت الضوه وايدي على حلكها واباوع بعيونها
حيل خايفه وخجلانه مني
شفتها بدون حجاب والشعر مفتوح ولابسه تراك كولش حلو
كتلها لا تخافين اني اطالع
محجت شي عافتني وطلعت
حسيتها خجلت مني وراحت
............
ايه : شكد عيب منه هسه شيكول عليه
بس صدك عبالي حرامي وين ادري بي هوه
يله خل انام وبلا تفكير زايد
نمت واني افكر باهلي وبعمي
وكل الي صارلي
نمت ودموعي تصب
............
كعدت الصبح من وكت اني وزينب
لبست كلبيه وحجاب ورحت للصاله
منتظره ام قصي تنزل حتى نتريك وياها
اثناء ما اني كاعده نزل قصي والعطر مالته ترس البيت
نزل ولابس قميص ابيض وبنطرون اسود
شافني كاعده بالصاله اجه كعد يمي
قصي : اعتذر على الي صار البارحه
ايه : لا تعتذر اني هم غلطت مجنت اعرف انته
قصي : يله مصار شي وهم انتي راح تعرفين اني ارجع بهل وقت
ايه : شفت امه كعدت
صباح الخير خاله
هلا يمه ايه صباح الخيرات عيوني
ها يمه قصي راح تروح
اي يوم راح اطلع
تعال وليدي اكل لكمه ويانه
لا تطلع بدون اكل مثل كل مره
قصي : صار يوم راح اكل وياكم
ام قصي : تعالي يوم ايه خل نحظر الريوك
ايه : صار خاله جايتج
قصي : شفت امي تصيح الها ايه
عرفت اسمها ايه
اي حقها اسم على مسمى هل ايه جمال وادب واسم حلو
ايه : حظرنه الريوك واجه قصي كعد كبالي
ايه : شلون راح اكل وهوه كدامي عيب استحي
اشوفه يباوع عليه ايه لا تستحين مني اكلي
ام قصي ولج ايه اكلي يوم
احلي بنيتي لا تستحين من قصي
ايه : خاله اكل ممستحيه
قصي : هاي تباوع عليه ومتاكل شكد خجوله هل ايه
كتلها اكلي لا تستحين
...........
ايه خلصنه ريوك وهوه راح الشغله واني التهيت ويه خالتي بالبيت
ضلينه نرتب ونضف
........
زينب عازله نفسها بسبب الي صار متتواجد ويانه ابد
خليها نفسيتها تعبانه
الله يكون بعوني وبعونهاا
..........
خلصنه البيت وجهزنه للغده والعشه ومثل العاده
اني وخاله بالبيت يا نضف يا نام
.........
صار الليل وكلهم نامو ومثل العاده اني ابقى كاعده
.......
سمعت الباب نفتح عرفت قصي اجه
وخاله نايمه خطيه مراح اخلي يكعدها اني احضر اله العشه
...........
رحت للمطبخ وشفته دخل
ايه : الله يساعدك
قصي : هلا ايه هم كاعده
ايه : اي مجايني نوم
كلت انزل حضرلك العشه بدل خاله لان خطيه نايمه
قصي : لا لا ما اريد اتعبج
ايه : روح غير ملابسك واني راح اجهزلك العشه
قصي : يله ست ايه حضريلي شويه وجاي
ايه : كمت جهزت العشه اله وانتظرته ينزل
نزل وشاف الطاوله والترتيب
ضل يضحك هذا كله الي
ايه : هذا الموجود خليته
قصي : اشكرج ايه تعبتج
ايه : لا ماكو تعب اصلآ اني كاعده
اني بااصاله من تخلص كولي علمود انظف المطبخ
قصي : تعالي اكعدي اكلي وياي
ايه : لا شبعانه اشكرك
قصي : براحتج
قصي : شفت ايه كاعده اول مدخلت شفتها
تلكتني ودكولي الله يساعدك اول مره احد هيج يكولي غير امي
حسيت شي مختلف كتلها شعندج كالت احظر العشه لان خالتي نايمه خطيه نكعدها مردتها تحظر لان خطيه اكيد هيه هم تعبانه بس اصرت عليه
بدلت ورجعت لكيت الترتيب والاكل كتلها الي كله كالت اي الموجود خليته
..........
ردتها تكعد تاكل مقبلت وخجلانه مني حيل
........
ايه كعدت بالصاله انتظر يخلص
وره شويه صاح عليه
كمت شلت المواعين وخليتهم ع السنكي جاي اغسل بيهم وسمعت واحد قريب مني ويحجي بصوت هادئ ايه عاشت ايدج ع الاكل
باوعت عليه وكتله الف عافيه شو ضل يباوع عليه
واني خجلانه
دنكت راسي وهوه راح للصاله
خلصت غسل ورتبت المطبخ وطلعت
شفته كاعد
......
تصبح على خير محتاج شي راح انام
قصي : اشكرج نامي تصبحين على خير
.........
ايه : بعد مخلصت رحت يم زينب
صافنه زينب تعقدت من الي صار
كتلها زينب مو كافي شوكت طلعين من هل جو
زينب : شطلع ايه واني خربت بيتج وخربت حياتج
اني ذنبي ولج وحقدي عليج وصلونه لهنا
ايه : كافي زينب اتعلمي مني اني شفت انوع العذاب يم اهلج ونوب يم عمار
محد رحم بحالي
زينب : اتمنى اكون نفسج ونفس قوتج ايه
انمنى ايه شسوي اريد اكون قويه مثلج
..........
ايه : حضنت اختي وكتلها انسي
هيه هم مالها ذنب ذاك لعب براسها
الله يسامحها
،،،،،،،،،
نمت وكعدت الصبح ونفس الروتين بس مرتاحين ويه ام قصي
نساعدها بالبيت ونضحك ونسوي حلويات نعتني بالحديقه
لازم نسوي هيج علمود نطلع من هل جو
مر اسبوع واني يمهم
مرات يجي قصي احظرله العشه مرات يتاخر واني انام
منشوفه قليل
ضلينه على هل حال اسبوعين تقريبآ
......
يوميه اسمع اخبار اهلي
فد يوم خابر خالد ويسأل علينه ويسأل على زينب وضعها
اني اطمنه واكوله زينه
خالد : اكولج ايه عمار مخبل ومحتار شيسوي واني خايف عليج وعلى زينب منه
ايه : اوف با خالد احنه منخلص من هل عمار والله تعبنه
خالد : اي ايه عمار متغيرر حيل وكل مره يجي يسأل ويكول ما اريد شي بس دلوني بايه واحنه نخاف عليج
ايه : خالد عمار بريد يذبحني ادري بي
اني شذنبي مدكولي
خالد : هذا عمار مخبل اذا محصلج اخاف يسوي شي باهلج ايه
ايه : لاتخوفني خالد الي بيه مكفيني والله ما اتحمل تعب بعد
ما اريد اضعف كدام اختي
خالد : ايه لا تحجين الزينب اي شي
ايه : لاخويه اني ما احجيلها
مع السلامه ايه
مع السلامه خالد
...........
ايه سمعت كلام خالد ونهاريت وتعبت اريد ابجي
اريد اعاتب اريد اصرخ ما اريد اختي تشوف دمعتي
اختي تعبانه ما اريد قهرهاا
طلعت للحديقه والكل نايم
بس اني ولليل ورب العالمين راح يسمعني من اشكيله
دعوه مضلوم انضلم من الاهل والكرايب
طلعت واني اشهك وابجي وادعي ربي يخلصنه من عمار وضلمه
ادعي ربي بخفف عني الوجع والالم
ياربي ساعدني ماعندي قوه بعد
يارب اني عبدك الضعيف ساعدني يالهي وخلصني من هل هم
ابجي واشكيله الرب العالمين
الى ان احس احد حط ايده على كتفي
اويكول ايه
اباوع هذا قصي
كمت وكفت على حيلي وكتله مابيه شي
قصي : ايه ليش تبجين منو وياج
ايه : مابيه شي كتلك
قصي : تعالي هنا على هاي المرجوحه
اخذني وكعد بصفي ويكول احجيلي واني اكوله ماكو شي
قصي : ايه ليش دموعج هيج شصاير وياج سولفيلي
ايه : مابيه بس مشتاقه الاهلي
شلون اكولك شبيه وشلون اشرحلك
شلون اكولك اني متاذيه وجاي اشكي الرب العالمين يخلصني من هل اذيه
شلللون شلوون احجيلك اهلي دمروني واحتقروني ودفنوني لان اني ابنيه
شلون احجيلك وانته شاب دارس واصل شراح دكول علينه وعلى الي جنه عايشنه
اكتفيت بكلمه مشتاقه الاهلي
اي مشتاقه الاهلي الي عذبوني مشتاقه القساوتهم
شفته يباوع عليه ويكلي انتي ميلوكلج تبجين ايه
حرام دموعج تنزل كومي غسلي يله اذا شفت دموعج مره ثانيه تعرفين شسوي بيج لا تشوفيني صيدلاني وكيوت تره عصبي اني
ايه : كال هيج ضليت اضحك وكتله ماشي راح اغسل
قصي : نزلت اخذ مي وسمعت صوت وحده تبجي
بالحديقه طلعت شفتها ايه
تقربت عليها وشفتها تبحي بحركه كلب
رحت عليها وحطيت ايدي على كتفها كامت والدموع تارسه وجها
شبيج ايه ليش تبجين مقبلت تحجي
بس كالت مشتاقه الاهلي
طبعآ دموعها مو مال اشتياق لا مستحيل مال واحد متأذي واني ما اعرف قصتها هيه واختها ابد موضوع ميخصني ما ادخل بي بس عرفت همه ضيوف يمنه
باوعت عليها وكتلها غسلي ونكتت وياها باوعت عليه وضحكت
رجعت الغرفتي  ارتاح وراي شغل هواي
لازم انام
ضليت افكر بيها ليش تبجي ومهمومه
بعدين راح اعرف شبيها هسه نام قصي
.........
ايه غسلت وجهي
ورحت نمت
.........
كعدنه الصبح نتريك وام قصي كالت
عمب باجر الجمعه حنه بنت اخويه راح يجون بنات اختي ونروح سوه
كتلها خاله عيب منعرفهم انتي روحي
كالت باجر نطلع نشتري فساتين وملابس ونروح
تمام خاله
خلصنه شغل واجه الليل انتظرت قصي يجي علمود اجهز العشه لان خاله تعبانه
دخل قصي جهزتله العشه من ردت اطلع صاح ايه
ها قصي
قصي : اليوم تاكلين وياي متروحين
ايه : لا شبعانه الف عافيه
قصي : تعالي لا تخجلين مني
احنه بيت واحد راح يصير شهر بعد الشنو هل خجل يله تعالي
كعدت يمه احاول اكل بس استحي
خلصنه اكل وكل واحد راح المكانه
صار الصبح طلعنه للسوك
ويه ام قصي جهزتنه اني فستان واختي هم
فستاني ماروني كولش حلو
واخذت بناطير النه وقمصان
شكد ذوقها حلو ورمرتب هل مره
اشترينه وخلصنه ورجعنه للبيت
رحت شفت فساتني لبسته طلع يخبل
وزينب هم
كالت ام قصي ولجن يمه العيون عليجن شلون اضمحن من الناس
ضحكت وكتلها خاله عيونج احلى
.........
فرحانه باجر نروح العرس ونشوف ناس
وباجر يجون بنات اختها يمنه ونتعرف عليهن
شكد فرحانه
........
اجه ثاني يوم والعالم التمت اجو بنات اختها اباوع عليهن يخبلن وكلهن مهندسات ودكتورات
وكل وحده وسيارتها
دخلو يباوعون علينه بنضره غريبه
بس بيهم بنات حبابات كعدو ويانه وسولفنه سوينه غده وخلصنه ولازم انجهز نروح للحفله
........
ماضل وكت كلها ملتهيه مكياج ولبس
اجت بنت اخوها كلتلي تعالي احطلج مكياج
شويه خفيف
كتلها يله
خلتلي مكياج ويه لون البدله طلعت احلى وحده بالموجودين
اكو وحده احسها تريد تاكلني
وتباوع عليه
خلصت لازم ابدل
الغرف متروسه وماكو مكان
والعالم يردون يطلعون
خاله تصيح يله ايه يمه
اي خاله اجيت
دخلت على غرفه قصي
لان فارغه كلت ابدل واطلع
لبست الفستان واباوع الروحي شكد طالعه حلوه
اوف ايه شهل جمال كمت اتغزل بروحي واضحك
ما شفت الى احد فتح الباب
يتبع
ضيفوني فيس بوك زمرد وليد