ملذات محرمه

البارت :التاسع
الكاتبه : (((((زمرد وليد ))))
ايه :واكفه بالمطبخ ودخل عليه شخص
درت طهري وشفت واحد طويل وجماله يخبل لا بس تشيرت ابيض واسرول اسود
باوعت عليه وطلعت بدون ما احجي
هذا منو وشجابه اني عبالي البيت فارغ مابي احد بس هل مره
هذا منين طلع
............
اسمع المره تصيح ها قصي يمه كعدت
اي يمه كعدت مو تدرين اليوم عندي طلعه من وكت
حضريلي الغده خل اتغده واطلع ملابسي جاهزه يوم
اي يوم جاهزه
..........
قصي من بغداد عمري ٣١ سنه
صيدلاني طولي ١٧٥
عايش ويه امي ابويه متوفي من زمان
سنكل ما احب العلاقات والنسوان همي دراستي ونجاحي بس
فد يوم كعدت دخلت للمطبخ شفت وحده بالمطبخ
شفت بس ظهرها
لابسه دشداشه
دخلت باوعت عليه ومحجت شي حسيتها خجلت مني
وطلعت
.......
قصي : اكولج يوم هاي منو البنيه الي هنا
يوم ذني خطار يمنه من غير محافظه سالفتهم طويله
وابو خالد دزهم امانه يمنه
اهاا يعني من طرف ابو خالد
اي يوم بنات اخوه
تمام يوم اذا وجودي يزعجهم اني اروح الغير مكان
لا يوم شبيك هوه انته شوكت موجود شو بس بالمناسبات اشوفك
الصبح دوام والعصر صيدليه
..........
يله اني اكوم احضر نفسي اروح للصيدليه عندي ادويه لازم ارتبها
بسلامه يمه الله يوفقك ان شاء الله
.........
عمار: تنازلت على خالد علمود احصل زينب
اتفقت وياهم بس يطلع خالد زينب تجيني
اني اعلمكم بس خل اخذها يمي
ثاني يوم رحت البيت عمهن
دكيت الباب طلع ابو خالد
تفضل عمار شرايد
عمار :رايد المره الي عدكم
ابو خالد :دور ظهرك وامشي ابني ماعدنه مره الك
عمار : هههههههه صيح زينب لا. ادفنك هنا
ابو خالد : زينب ماكو بعد ولا ايه
عمار : دفعته ودخلت للبيت ادور عليها
ماكو زينب ولا ايه اكيد بيت ابوهن
طلعت واجه ابو خالد وراي
وصلت وكتلهم طلعو بناتكم
ماعدنه بنات بعد
يله روح منا هم دفعت الباب ودخلت
وماكو وحده بيهن
وين ذني ولن وين راحن اليوم احرك المنطقه عليكم
اخذت سلاحي ورحت لابو خالد حطيته براسه
وكتله كلي وين ضميتهم
ابو خالد : زينب وايه سافرو وذا تريد تكتلني اكتلني عادي بس مراح اكولك وين
عمار : احجي لا افرغه براسك
ابو خالد : فرغه يله شعندك شمنتظر
لا مراح افرغه راح اعرف هنه وين
بس وكتها راح افضحكم واكتلهن بيدي
عفته وطلعت والنار بصدري
معقوله راحت ايه ؟؟؟؟؟
يعني بعد ما اشوفها
مستحيل اني اريد ايه
اول مره بحياتي اريد شخص وما اريده يروح
كعدت ادخن وحتى اشرب وبالي يم ايه
اذا مطلعولي ايه احركهم
ايه متروح من بالي كل وكت وياي
ايه محترمه وجميله بس اني اذيتها
اذيتها علمود نفسي وشهوتي
بعد ماكو ايه
راح الكاها وراح ارجعها الحضني ما اخليها بعيده عني
ليش اني افكر بيهااا وهيه الي قتلتني معقوله ايه الهل درجه تكرهني
ايه الرقيقه الترفه تطعني شكد متاذيه وشكد اذيتج
متروح من بالي اشرب وهيه وياي
رجعت ع البيت وع غرفتي اتذكر شلون من جنت اكتلها
وشلون انام وياها غصب عليها
اذكر الكتل والزراك الي بجسمها
طاحت دمعتي اول مره بالتاريخ تنزل دمعتي
معقوله اني ابجي وعلمود مره
مستحيل اني القاسي الي ما بكلبي رحمه ابجي على مره
نزلت دمعتي وتمنيتها يمي حتى اعتذر الها
اني الانسان القاسي ضعفت اي ضعفت بسببج ايه
بسبب حنيتج وهدوئج ضعفت بسبب اخلاقج وتربيتج
اني ضعيف حيل كدامج ايه
راح ادور عليج ورجعج هنا راح تكونين زوجتي وام ابني
وعد مني
..............
ايه رحت للغرفه بعد مشفت الولد دخل
ضليت كاعده يم زينب واشوفها خايفه
زينب لا تخافين ان شاء الله اهلي مابيهم شي
هسه نشوف ونتصل عليهم نسمع اخبارهم وشصار وياهم
ضليت ساعه اني وزينب واجت المره
تعالو تغدو بناتي
شكد حلوه كلمه بناتي من حلكها حسيت بيها لمست قلبي
طول عمري محد كايلي بنيتي
ايه : اي خاله اجينه
رحنه يمها جاي نتغده وكالت ايه يوم هذا الي شفتي ابني قصي
ايه : خاله عبالي محد بالبيت بس احنه
لا خاله ابني وياي بس ممتواجد الصبح يروح للمستفى والعصر للصيدليه
يعني مموجود بس بلليل
ايه : الله يخلي الج خاله
اشكرج بنيتي
يله تغدو وتعالو نطلع شويه نغير جو
وهم نروح للصيدليه نجيب شامبوات وشغلات محتاجتهم
ايه :يا خاله وين نطلع
وياي لا تخافين يله كملو وجهزو نفسكم
ايه :كملنه غده وغسلت المواعين بدالها
ورحت احظر حتى العصر نروح للسوك
ايه : زينب راح اتصل بعمي اشوف شصار وياه
كلبي ممطمأن
زينب : اي اختي اتصلي حبابه اني كلبي هم نار
ايه : الو عمي شلونك
هلا بنيتي ايه شلونج
زينه عمي طمني شصار وياك
عمي اطماني مصار شي
اجه عمار وهددنه وراح مراح يسوي شي بنيتي اطماني
يعني عرف احنه طلعنه اي عرف بنتي ميكدر بعد يسوي شي
ارتاحي انتي هل كم يوم على ما نشوف النه صرفه
ان شاء الله عمي
اشكرك تعبتك
ماكو نعب بنتي اهم شي انتي واختج بخير
بخير عمي
مع السلامه
مع السلامه
........
ايه الحمدلله يارب هسه ارتاحيت لان عمار ما اذه عمي ولا خالد
الف شكر كمت حضنت زينب اشوفها تبجي ودكول ايه سامحيني غلطت بحقج اني
ايه : اسكتي زينب الي صار صار
ما بيدنه شي انسي اختي
زينب : شلون انسه ايه شلون انسه اذيتي الح وحقدي عليج
ايه : تعالي بحضني حبيبتي وانسي كلشي يله خل نبدل ونطلع
بلكي نغير جو وننسى الي صار
..........
زينب : يله راح ابدل
ايه بدلنه وطلعنه
اووو شنو هاي الناس شنو هل عيشه هنيالهم
شوف بناتهم يخبلن
شوف الشوارع
ليش احنه ماكو هيج يمنه
اباوع الزينب متعجبه ع الناس والشوارع
والسوك مالتهم شلونه
زينب شبيج
ايه ولج شوفي ذني مايلبسن مثلنه شوفي شكد حلوات
اي زينب ناس عايشه مو مثلنه اهلنه دفنونه لان احنه نسوان
شوفي شوفي هاي تسوق ولج
زينب : اي اختي تسوق وهيه مره
الله يسامح اهلنه على سوايتهم بينه
ايه : تعالي زينب خل نفتر ونشوف العالم شلون عايشه
زينب : امشي اختي امشي
ايه : اشوف المره تشتري تراكات
وملابس داخليه وكلبيات
حسيت جاي تشتري النه
شكد عيب منها
تعالن يوم شنو يعجبجن كولن لا تستحن
ايه : اشكرج خاله ممحتاجين شي والله
شبيج بنيتي اعتبريني امج وكليلي شنو تردون
ايه : من كلتلي اعتبريني امج نزلت دمعتي
وين امي جانت تشوفني عاله على كلبها ومتحبنه لان احنه بنات
اوف يا خاله امي وين وانتي وين الله يسامحج يمه
كتلها منريد شي خطيه ضلت تشتري عطورات ومكياجات وملابس
اخذت كد ٣٠٠ الف بس اغراض الي والزينب
يله يوم تعالن اكعدجن بمكان يرد الروح
تعالن يمه
اخذتنه المكان يخبل وهادئ شلون بنات بي وشباب وعالم مرتبه
وشلون يقدمون الضيافه للناس
شكد راقين ذوله ومرتبين
هنيالهم على هل عيشه
اشوف بنات ويه صديقاتهم محد وياهم
اشوف وحده وحدها
اكول ليش احنه اهلنه حرمونه من هل شي
بالعافيه عليهم يله الله كريم
قدمو العصير شربنه
وطلعنه اخر شي كالت تعالو نروح الصيدليه قصي
زينب : منو قصي خاله
خاله وليدي تعالن يمه ناخذ كم شغله مرطبات شامبوات ونرجع للبيت
ايه : يله خاله
رحنه للصيدليه وكان اكو كم شخص يشترون وامه دخلت
اني وزينب بقينه بالباب مدخلنه
اسمع صوت خاله تصيح يمه ايه زينب تعالن بنياتي
دخلت وحيل خجلانه
تعالن يمه هذا قصي ابني
وهوه ابو الصيدليه
ايه : اهلآ وسهلآ
زينب : اهلآ وسهلآ
قصي : هلا بيكم كلولي شتامرون خل احطلكم
ايه شكرآ ممحتاجين شي
قصي : لا تخجلون مني احجي
ايه : اشكرك
يوم قصي اريد اثنين شامبو ومن هل مرطبات وليدي
قصي : صار يمه تدللين
بعد شنو تحتاجون سلامتك وليدي
...........
احنه راجعين للبيت محتاج شي يوم
قصي : بسلامه يوم
..........
قصي داشتغل ودخلت امي وكالت اريد شغلات للبنات
كتلها خل يجون شنو يردون اخليلهم
صاحت ايه زينب
عرفت وحده اسمها ايه والثانيه زينب
دخلو بنات اثنين لابسات عبايه
وحده دخلت بيضه تخبل اول مره اشوف وحده هيج حلوه بالعبايه
شهل جمال الي عدها نفسها الي شفتها بالمطبخ
بس بالعبايه احلى
دخلو وكتلهم شتحتاجون
نفسها كالت منحتاج شي
نوب امي اخذت شامبوات وطلعت
.........
ايه طلعنه للبيت وصلنه وكعدت ام قصي تفتح العلاليك
انطتني اثنين تركات وثنين كلبيات وعطورات ومكياجات وشامبو
ولاختي نفس الشي
حيل خجلت منها وكتلها خاله ليش كلفتي نفسح
لا خاله لادكولين هيج بالعافيه يوم
اشكرج خاله ما انسى وكفتج ويانه
ممسويه شي بنيتي لادكولين هيج يله كومو اخذو حمام والبسو تراكات
خل اشوف جمالهن عليجن
ايه : يا خاله احنه منلبس هيج
كومي بنيتي بس اني وانتو بالبيت وهم تغير شويه
ايه : صار خاله
........
رحت اخذت حمام ولبست تراك بنفسجي كولش حلو
مشطت شعري وكل شويه اباوع ع التراك شكد حلو عليه
حطيت كريمات وعطر ورحت يم خاله
شافتني وكالت عين البارده عليج يوم
شلون يخبل عليج هل تراك
عيونج الحلوه خاله
تعالي نحظر العشه
صار خاله
زينب راحت تسبح وهيه تعبانه عفتها ترتاح
ام قصي : ايه تدرين اني فرحانه بيجن
ايه : اشكرج خاله
والله يا يوم اني دوم وحدي بالبيت وهسه انتو تارسات البيت
ايه : بعد عمري خاله
خلصنه العشه وتعشينه
وضلينه نسولف على ضلم اهلي وضلم عمار
والمره تبجي على قصتي وتعاطفت وياي حيل
اني هم بجيت لان تذكرت اذيه عمار اليه
وتذكرت ضيم اهلي
وما اعرف شنو منتظرني بالمستقبل
شلون حياتي راح تخلص
..............
خلصنه حجي وبجي وكل واحد راح الغرفته
زينب نامت وخاله نامت صليت وحدي
محتاره شسوي
..........
جوعانه خل اكل بلكي الكه شي بالثلاجه
رحت للمطبخ وضلمه
فتحت الثلاجه
اطلع فاكه وشفت احد دخل
صرخت حرامي
ما اشوف الى واحد حط ايده على حلكي
وكلش اش اني مو حرامي لا تصرخين
اسكتي
حط ايده وشغل الضوه
وشفته قصي .......
يتبع
.......
تابعوني فيس بوك زمرد وليد