همام.. وصلت البيت أهلي گاعدين بالصالة ع التلفزيون
سلمت شو ذولة يوزعون ابتسامات
باوعت الأمي هاا خير شبيكم ردت وين صرت يمعود مو ظل بالنا عليك
- مريت اني ومخلد الـ بيت جد طيبة
تعشينا وگعدنا نسولف شوية ما حسيت بالوقت شلون مر ونسيت اتصل عليكم
خديجة.. شنو هاي خوية
صاير متتحمل فراگ الحبايب لازم جرعة الصبح وجرعة بالليل اي يمعود من أول هيچ تحرك وفرحنا
- باوعتلها وسكتت اكيد طيبة حاچية مبين من كلامها
بتول.. اموعن على بطة يا عااالم
خديجة.. موعي حبيبتي شـ منتظرة موو شلعتي گلوبنا
همام.. صاعد أنام گعدوني عود بالسبعة لتخلوني نايم
بتول.. اشرد عمو اشرد
بس ميفيد بعد لقد وقع الأسد في شباك الحب ضحية
خديجة.. وشلون أسد من اروح فدوة الـ هالوجه الحلو
الحجية.. روح يمة
نااام نوم العوافي ان شاء الله معليك بذني المسودنات
صعدت فوگ دخلت للغرفة صورتها بعدها ع الچرباية
شلتها اضحك
لحد هاللحظة ممستوعب الصار بيناتنا
لأن متوقعت راح تتخذ قرارها وتظل وياية مـن غابـت گلت هذا هو نستني وتعودت على صالح بعد
بس ثبتتلي قبل الكل حبها مو طيش وبالعافية علية كل هالحب
غيرت ملابسي وتمددت فجأة اشتاقيت الها كلش
سحبت الموبايل اتصلت عليها
نص المكالمة ورفضتني !!! انصدمت من تصرفها شگاعد يصير معقولة ضاجت لأن گلتلها ابقي ببيت جدچ
كررت الأتصال همْ رفضت ابتسمت نتحمل ليش لا
صفنت ويا نفسي
من عيوني حبيبي اني اعرف شلون اجيبچ للدرب اخذي
طيبة.. دخلت الـ غرفة عمة نزعت الحجاب وتمددت
ما اتصل بعد
حضرته عنده كرامة بس طيبة لااا
عادي تسحل كرامتها بالگاع المهم الأفندي يظل خشمه بالسما اني الك همام إلا اطلعلك گلب يم گلبك
بعدني ادردم ويا روحي
دگ جهازي رسالة طفرت سحبته ع السريع اااكيد همام
💌 جاوبيني يولي لتصيرين طفلة
ضحت ضحكة الأنتصار وشمرت الموبايل ليفوگ
رجع وگع بـ حضني
اكلها استاذ همام اذا ما ارجعلك كل السويتة بية ما اطلع اني طيبة بس اصبرلي شوية بدت الحرب
فزيت على صوت الموبايل رجع يدگ
رفضتة وگمت افتر بالغرفة واوزع ابتسامات شوية ودز رسالة باوعت من الأشعارات
💌 ظلي لتردين على راحتچ
عموماً چنت ناوي احچيلچ من رجعت للبيت منو لگيت هنا بس الظاهر مالچ نصيب تعرفين يلا تصبحين على خير حبيبتي
بس قريتها تخبلت شنو هالرسالة يربي
منو شاف معقولة أبو الاء رجع جابها حتى يتوسل بي مثل العادة انجلط والله كل شي ولا هالسالفة العوجة
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 47
Start from the beginning
