အလုပ်သွားရန်အတွက် ထမင်းချိုင့်ပြင်ဆင်နေတုန်း ဧည့်ခန်းထဲတွင် TVထိုင်ကြည့်နေသော
အမေ့စကားကြောင့် သျိုင်းဆက် အမေ့ဆီ
အပြေးသွားမိသည်။
ထိုင်ခုံပေါ်တွင် ထိုင်နေသော
အမေ့မျက်နှာကိုသေချာကြည့်လိုက်ပြီး" ဘာဖြစ်လို့လဲဟင်
အမေ နေမကောင်းလို့လား "" ကောင်းပါတယ် သားရယ်
အခုတလော သတင်းတွေက
မကောင်းတာတွေချည်းပဲ တက်နေတော့
သားအတွက် စိတ်ပူလို့ပါ "အမေ့စကားကြောင့် ကျွန်တော် Tvကိုကြည့်လိုက်တော့ တနေ့က clubတစ်ခုတွင် ဖြစ်ပွားခဲ့သော သတင်းကို ပြန်လည်ထုတ်လွင့်နေသည်။
ကျွန်တော် ပြုံးလိုက်ကာ TVကို ပိတ်လိုက်ပြီး
အမေ့ရှေ့ ဒူးထောက်ကာ ထိုင်ချလိုက်သည်။" စိတ်မပူပါနဲ့ အမေရယ်...
သားက အဲ့လို နေရာတွေ သွားတတ်တာမှမဟုတ်ပဲ အိမ်နဲ့အလုပ်ပဲ သွားစရာရှိတာ "" ဒါပေမယ့် အန္တရာယ်ဆိုတာ
ကြိုမမြင်ရဘူးလေ သားရယ်
ဘာပဲဖြစ်ဖြစ် သွားတာ လာတာ ဂရုစိုက်နော် သား...အဲ့လို လူတွေတွေ့ရင်လဲ
အတတ်နိုင်ဆုံးရှောင်နော် "အမေ့စကားကြောင့် ဇက်ဆိုသောလူနှင့်
ဟိုညက အဖြစ်အပျက်တွေကို
ပြေးမြင်ယောင်မိပြန်သည်။
ထိုအကြောင်းကို အမေမသိလို့
တော်သေးသည်။သိသာသိသွားခဲ့ရင်...
သျိုင်းဆက် ဆက်မတွေးဝံ့တော့" သား အမေ့ကို အရမ်းချစ်တယ်
သားမှာ အမေတစ်ယောက်ပဲရှိတာ
အဲ့ဒါကြောင့်ကျန်းကျန်းမာမာနေပေးရမယ်နော် "ကုလားထိုင်ပေါ်တွင် ခြေချထိုင်နေသော
အမေ့ပေါင်ပါ် မေးတင်လိုက်ရင်း
ပြောလိုက်တော့ ကျွန်တော့်ဆံပင်တွေကို
သပ်တင်ပေးရင်း အမေက ပြုံးသည်။" အမေလဲ ချစ်ပါတယ် အချွဲတုံးလေးရဲ့ "
" ဟင့်အင်း..သားက ပိုချစ်တာပါနော် "
" အမလေး သားအမိနှစ်ယောက်
ချစ်နေလိုက်ကြတာ အိမ်ထဲ လူဝင်လာတာတောင် မသိကြဘူးပေါ့လေ "
YOU ARE READING
Stay With Me
Romanceလြတ္ေအာင္ေျပးၾကၫ့္ Baby ဘယ္ေလာက္ေဝးအာင္ေအာင္ေျပးေျပး ဒီႏွလံုးခုန္တာ မရပ္သေရြ့ မင္းကို ကိုယ္ပိုင္တယ္။ လွတ်အောင်ပြေးကြည့် Baby ဘယ်လောက်ဝေးအာင်အောင်ပြေးပြေး ဒီနှလုံးခုန်တာ မရပ်သရွေ့ မင်းကို ကိုယ်ပိုင်တယ်။
Part(6)
Start from the beginning