لأول مرة من بعد سنين طويلة أنام مرتاحة هالشكل
فزيت الصبح بالسبعة
متعودة اگعد هالوقت علمود اسوي الريوگ الـ همام
باوعت يا اني وين ؟!! كل ظني بعدني يمة من الدوخة نسيت كل الصار التفتت عمة بعدها نايمة
باوعت الـ رحمة وضحكت
يا الله شگد حلو الشعور واني بيناتكم الله ليحرمني من وجودكم بـ حياتي يا كل حياتي وعمري انتم
رفعت موبايلي باوعت الساعة ورجعتة للميز
دوام رحمة ظهري
گمت بـ هدوء حتى ليگعدون بس صوت الچرباية فـزز عمة باوعتلي وابتسمت صباح العسل يا عسل
- هههههه ليش اكو عسل غيرچ عمة
صباحچ حلو مثل وجهچ الحلو يا الله شگد احبچ موت
- هههههه بعد گلبي گلبچ بنيتي الطيبة
- اسم الله على گلبچ... ليش گعدتي بعد وكت يلا كملي نومتچ
- لا هم يا الله اگوم اسوي الريوگ قبل ليطلعون للدوام
- ارتاحي انتِ اني الأسوي
- لا حبيبتي لتتعبين نفسچ غير جاية ترتاحين
- صدگ چذب شيرادلة قابل بعدين اني متعودة يوميا هناك اسويلهم الريوگ يلا ارجعي نامي.. وبستها
ابتسمت وغمضت عينها بـ تعب
سحبت حجابي لبستة وطلعت البيت هدوء الكل نايمين
دخلت للمطبخ
توني خليت الماي ع النار حسيت احد وراية
التفتت هذا صالـح واگـف مبتسم وبـ إيدة وردة حمـرة
باوعتلة وضحكت هاي شنو عود
- وردة شنو يعني
- اعرف وردة بس منين جبتها من الصباحيات
- من حديقتنا ما شفتيها تارسها ورد اني
- امم لا والله مشفت وين الحگ هو اني البارحة اجيت
- راح تشوفين هواي يلا تفضلي
- الية
- لعد الأمي بشرفچ
- هههههه والله اذا تريد الصراحة فـ تستاهلها أكثر مني
- طبعاً تستاهل
بس اني شلعتها بـ أسمچ هيَّ شبعانة ورد مني وسأليها
- اخذتها منة اشتميت عطرها مبتسمة
تدري أول مرة اشوف ورد يهدي الـ ورد ما صايرة ترى
- هههههه واني هم أول مرة اشوف وردة تشتم بـ وردة
- اممم أخوية صاير لسان خجلني واني مناوية اخجل
- وصل بسمارچ بس اجي وياچ ونشوف تاليها... المهم شنو انتِ راح تسولي الريوگ اليوم
- اسويلكم مو اسويلك يعني اكو فرق
- ههههههه يلا ما طول راح تسولينااااااااا ابدل واجيچ
- هههههه اخذ راحتك
بس حچيتها طلع ظليت اباوع ورى
يارب يگدر يتعايش ويا الحقيقة وميكرهني بسببها
ما اريد أخسر صالح هذا كل شي حلو بطفولتي وسندي الوحيد من أهلي ما اريدة يعاديني
زفرت نفس قوي والتفتت ع الطباخ
ما اعرف افكر بي لو بـ نفسي الراح أأذيها واني متأكدة هيَّ مو گد البعد عن همام تعبت والله العظيم تعبت
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 44
ابدأ من البداية
