حبايبي بجد بعتذر عن التأخير لان البارت كله اتحذف مني للاسف وانا ماكنتش لسة حفظته وضاع كله وضاع معاه وقتي وتعبي و بجد انا زعلانة اكتر منكم بس قدر الله و ما شاء فعل ..المهم انا عدت وكتبت اول مشهد من البارت بس وان شاء الله اعوضكم عن باقي البارت بس اكيد مش النهاردة لان ربي يعلم انا تعبانة ازاي ...واسفة تاني
(((سلسلة عشق الرجال الجزء الثالث من رحم للايحار)))
((حب الفرسان))
((الجزء الاول من الفصل الثاني والخمسون))
🌹بقلم ريحانة الجنه🌹
كانت فرحته ودقات قلبه بتتسابق مع خطاه ليها ...كل دقيقة في بعدها عمر بحاله...من وقت ما ركب الطيارة وهو بيحسب الوقت ثانية بثانية ودقيقة بدقيقة ...كل لحظة فيه خيال وسيناريوا مختلف بيرقص في عقله وخياله للحظة وصوله ليها وضمها لحضنه....وقت ما فتح الباب كأنه بيفتح ابواب الجنة وكأن النسيم اللي قابله لحظتها ده مش نسمات هواء عادية لا ده عبير عطرها وانفاسها اللي بتملي المكان...مع اول لحظة بعد ما قفل الباب عقد حاجبه بلهفة ودهشة هي فين !!؟ ليه مش منتظراه !؟ هو لسة مكلمها من دقائق وعارفة انه جاي ؟!!
لكن هو وقت بسيط لحظات ضئيلة وبدأت ملامحه تتحول للفرحة والدهشة...وهو بيسمع صوته بيصدع في المكان كله ...سمع تكرار لكل تسجيل لصوته وكلامها ليها في غيابه....ابتسم اكتر وهو شايف شموع كتيير بتملي المكان وشافها هي بطلتها اللي اسرت قلبه من سنين وهي بتقرب عليه....كانت جميلة وساحرة حقيقي بكل تفاصيلها حتي فستانها اللي من حظه ورفقها بيه انها مستحيل تخرج للناس بمثيل ليه لعريه الصارخ وكشفه لكل مفاتناها ومواضع انوثتها ..كانت بتخطط وترتب لخطوات ثابتة وناعمة ومثيرة لاستقباله لكن اوا ما عيونها لمحته كان صعب تتمالك حالها وتضبط ثباتها ...جريت عليه بسرعة وجنون بنفس المشهد اللي كانت بتجري فيه علي حضن ابوها بعد سفر...وغياب واحتياج....
استقبلها هو بلهفة وجنون ورفعها عن الارض بمسافة كبيرة وده لفرق الطول الواضح بينهم علشان بس تقابل حضنه وضمته....
ريان بلهفة وحنين: وحشششتيني ...وحششتيني اوي يا نوتيلا وحششتيني...
لمار بدموع ولهيب عشق وهي بتستمتع بضمته وقربه بقوة : لا لا انت وحشششتني اكتر يا ريان كدة!! كدة هونت عليك كل الفترة دي غايب عني!!؟ كل ده سايبني لوحدي!؟؟ كنت هتجنن يا ريان في بعدك هتجنن عليك بجد...اوعي تغيب عني تاني كدة..ولا علشان چواد ولا علشان اي مخلوق... ولو حتي الشغل ده هياخدك مني كدة سيبه...سيبه وخاليك جنبي انا بتعب اوي من غيرك يا رينو!!!!
كانت لهفتها عليه وتعلقها بيه وفي رقبته بالقوة والجنون ده مفرحه بشكل صعب وصفه...الدموع والخنقة والوحشة اللي في صوتها بتسرع دقات قلبه بجنون بتاثره بيها وبحبها ليه ...حبها ليه !! اللي لسة وبرغم كل اللي وصلوله في حكايتهم سوا لسة خايف منه...ولسة شاكك في صدقه...ولسة واهم ان الاستسلام منها ليه ده لمجرد تجنب المشاكل وقلة الحيلة ...والاصعب انه يكون استسلام شفقة عليه وعلي ضعفه وانكساره قصادها واعترافه بحبه ليها ...لكن مع اللهفة في الحضن والدموع الموجوعة من الفراق...والكلمات اللي رقص قلبه ليها فرحة وانتصار علي ظن وشك جاحد دي بردت نار شكه وظنه وضمها اكتر بإشتياق وضمته العريضة محاوطاها بإحتواء رهيب حنون...
