طفلتي غيرت حياتي

الفصل السادس عشر

جاسم بعصبيه : والله بس اعرف انت مين وهوريك انت ازاي تلعب مع جاسم العمري
                            "عند همس "
همس : واخيرا يا مراد خلصنا بس جبت لبس الصراحه جامد
مراد بغرور مصطنع : عيب عليكي يا بنتي دا انا مراد مش اي حد يعني
همس بسخريه : لا ما هو واضح دي سيلين روقتك
مراد بتذكر : اه يا بنتي بتفكريني
وقاموا بالضحك وعندما استدارت همس قامت بالإصتدام مع شخص ما وكان يوجد بيديها كوب من القهوه وأنقلب على الشخص
همس بإعتذار : انا اسفه والله مكنش قصدي خالص
الشخص : طب واعمل اي بأسفك يعني هروح كدا ازاي
كانت ستتحدث همس ولكن قاطعها مراد وهو ينظر بصدمه ويقول : سيلين
سيلين : قول كدا هو انت تلاقيك انت الي قايل ليها تدلق عليا القهوه وبعدين هو انت بتراقبني ولا اي
وهنا فهمت همس أنها سيلين قلبه الذي خطفت عقله وقلبه
ونظرت لها بأسف وإعتذار مره اخرى : هو اولا هو ملوش  أي علاقه انا اسفه مأخدتش بالي وخبطت فيكي
وهنا جاء آدم وهو ينظر إلى سيلين ويقول لها ببراءه : سيلين يعني انتي بكرا كدا هتكونوا دكتوره بقا وتعالجي الناس بقا وكدا بس متديش لحد حقنه خالص على شان متبقيش دكتوره شريره
نظرت لها همس وهي تصطنع الصدمه والإستغراب : اي دا هو انتي دكتوره
نظرت لها سيلين وتقول لها : لا بس هخش كليه طب على شأن مجموعي جه عليها ودا حلمي
همس : اي دا يعني انتي قدي وانا بردو هخش كليه طب لاني طالعه الأولى على الجمهوريه
سيلين بمجامله لها : الف مبروك يا قلبي
همس بفرحه : الله يبارك فيكي يا قمر واي رأيك نبقى صحاب طلاما دكاتره زي بعض بقا وكمان تقبلي إعتذاري على الي عملتوا في البلوزه
سيلين بقبل إعتذارها وفرحه : خلاص حصل خير ومفيش حاجه يا روحي واكيد دا شرف أن احنا نبقى أصحاب
وقاموا بتبادل الارقام واتفقوا على أن يتقابلوا مره اخرى
وذهبت سيلين وآدم وتبقى همس ومراد
كان مراد ينظر لها بصدمه فهي في دقائق أصبحت صديقتها 
مراد بصدمه : اي دا هو الي حصل دا بجد
همس بإستغراب : اي الي حصل
مراد : دا انتي في دقيقه يا بنتي اخدتي رقهما ويا قلبي ويا روحي اه منكم انتو يا ستات عليكوا حاجات محدش بيفهمها
همس بضحك : عيب عليك يا بني
وقاموا بالذهاب كل منهم إلى منزله
                            "عند جاسم"
كان جاسم على احر من جمر كان ينتظر مجئ أكرم إليه
وبالفعل جاء إليه أكرم
وقام جاسم بالترحيب به
أكرم : اي الحاجه الضروري دي يا جاسم الي انت مستعجل عليها
جاسم : هو بابا ليه أي أعداء ممكن أنهم ياخدوا منه حاجه اغلى من روحه
أستغرب أكرم من سؤال جاسم هذا ولكن قام بالرد عليه : لا باباك رجل أعمال وكل حاجه عنده في السليم ومعندوش اي اعداء لا في السوق ولا في حياته الخاصه
جاسم : هو انا كان عندي اخوات
نظر اكرم بصدمه من سؤال جاسم ونظر بتردد ولكن حسم أمره : اه
نظر جاسم بصدمه فحديث ذالك الشخص المجهول اصبح حقيقه وقال ل أكرم : طب هما فين
أكرم : انت كان عندك اخت اصغر منك بتلت سنين يعني هي لو كانت عائشه دلوقتي كانت هتكون لسه مخلصه ثانويه عامه وداخله الجامعه بس مامتك لما ولدتها ماتت حتى محدش شافها غير في الدفنه من أهلك لأنها ماتت يوم ولادتها بالظبط
نظر له جاسم بشك : انت متاكده أنها ماتت
نظر أكرم بإستغراب : ايوا ماتت وروحنا دفناها
جاسم : طب فين المقابر بتاعتها
أستغرب أكرم كثيرا من جاسم والأشياء والدفاتر القديمه الذي يفتح فيها ولكن قال له على المكان وتركه وذهب
جاسم : مانا لازم اعرف في اي بالظبط واي الحكايه ولما اشوف واعرف مين المجهول الي كل شويه يتصل دا
وقام بالذهاب الي العنوان الذي قال له أكرم ووقف مقابل المقبره وكان ينظر لها ويقول : ياترا انتي لسه عايشه وهما الي اخترعوا موتك على شان يحرمونا منك ولا موتوكي ولا عملوا إي بالظبط بس هعرف مع الوقت هعرف
وقام بالذهاب إلى الڤيلا وهو يفكر في حديث أكرم و حديث الشخص المجهول
ولكن قاطع تفكيره هو رنين هاتفه وكان من صديقه محمد
جاسم : اي يا بني
محمد : جاسم حبيبي والله بقولك بكرا حفله تكريم اوائل الثانويه العامه وهمس الاولى وكدا تعالى مستنيك بكرا لما نروح متتأخرش
جاسم : تمام ماشي
وقام بإغلاق الهاتف وذهب في سباق عميق
                              "صباح الغد"
قامت همس بإرتداء ملابسها وكان جميع من في المنزل يتجهز
رن هاتف همس وكان من صديقتها ريم : هاي يا همس لبستي ولا لسه انا خمس دقائق وأبقى عندك
همس : اه يا ريمو لبست المهم انتي متتأخريش وكدا انا مستنياكي
ريم : متقلقيش خلاص انا داخله على العماره اهو
وقامت بغلق الهاتف وصعدت إلى منزل همس وقامت بإحتضان صديقتها وذهبوا إلى حفله التكريم
                        "عند حفله التكريم"
بدء الجميع يأتي واحد تلو الآخر حتى امتلأ المكان وبدؤا في أن يبدؤ كلامهم
المذيعه : النهارده معانا الطلاب الي كان بالنسبه ليهم الثانويه العامه مش عائق ولا أنها صعبه زي ما الكل شايف ولا إنها بتطلع ناس معقده ولا ضغط النهارده معانا اوائل الثانويه العامه وبدئت المذيعه بإعلان أسماء الاوئل وكان أسم همس اول اسم
المذيعه : معانا ومعاكوا همس يوسف'''''''''' الاولى على الجمهوريه كلها ممكن تتفلضي معانا
صعدت همس على المسرح وهي في قمه ثقتها
وقاموا بتكريمها وقبل نهايه لقائها قالت لها المذيعه : عايزين نسألك كام سؤال كدا واول سؤال انتي ازاي وصلتي لإنك تطلعلى الاولى كدا كنتي بتعملي اي واي نصيحتك الي تديها للي داخلين تالته ثانوي السنادي
همس بثقه : هو الحمد كل الي انا وصلت ليه دا توفيق من عند ربنا دا اولا ثانيا اهم حاجه اهم حاجه تنظيم الوقت لازم الواحد ينظم وقته ويعمل جدول يمشى عليه جدول مذاكره كل لما يذاكر ماده يعمل عليها صح ولما يلاقي أنه عمل على كذا ماده هو هيفرح أنه أنجز كل دا وثالثا والكلام دا للأهل ودا من ضمن أهم الحاجات و الأساسيات الضغوطات النفسيه سيبي ابنك او بنتك سيبيهم متضغطيش عليهم دا بيوترهم زياده وممكن النتيجه تيجي بالعكس وبردو اهم حاجه حاول تقرب من ربنا وفي كل صلاه وفي كل سجده بتسجدها ادعى أن ربنا ينولك حلمك وادعى وأستغفر بنيه أنك توصل لحلمك وإلجء لربنا وربنا مش هيرجعك غير وانت مجبور الخاطر  واخيرا ذاكر واجتهد واعمل الي عليك وربنا هيديك على قد تعبك
بحح يا حلوين نكمل الفصل الجاي 🌚❤️❤️