- همام هاي عمتك يوميا تحچيلي نفس الأسطوانة
لأن بتها مخلصتها مناحة
الله يشهد حتى استحي افاتحك بالموضوع بس شسوي انجبرت مالي خلگ للنق ع الطالعة والنازلة
- گول عمي گول احنة أهل ماكو رسميات بيناتنا
- ليش متعالج نفسك اكو احلى من الخلفة عاجبك يعني وضعك ووضع مرتك دتشوفها تريد طفل
- اتعالج !!!
- أي تتعالج شبيك استغربت
- ليش شبية حتى اتعالج وضح كلامك اكيد اكو سالفة تعبانة من الاء
- ليش تحچي عليها
حقها تريد أطفال والله يسلمك مُصر متخلف منها بسبب المشاكل ليش أبني شلون تستقرون لعد
- وحدة وحدة عمي اني شبية ؟!!
- همام لتغشم روحك غير ميصير عندك جهال لتستحي مني اني هم مثل أبوك
- اني ميصير عندي جهال !!!
- اي ولتزعل من الاء لأن حچت النة تدري البنية ما عدها غير أمها تشكيلها همها وانتَ گلت احنة أهل
- هههههههه اذا ميصير عندي شلون حبلت لعد احچيلي
- ترى هي حچت كل شي ويجوز راح تزعل الكلامي
بس لازم نعرف حتى نساعدكم
مثل متشوف عمركم ما حليتوا مشكلة بدون متدخلونا
- اي شنو حچت اريد اعرف ولتشيل هم ما ازعل منها
- الاء مچانت حامل بس ما گالتلك حتى لتقهرك بيومها
- الاء مچانت حامل !!!!
- شبيك مستغرب چنك متعرف بالسالفة بس هي گالت الأمها بلغتك بالحقيقة ومن زمان لو اكو غير هالحچي
- عمي الله يخليك عوفك مني ومن الاء واحچيلي انتَ
- تدري لو متدري بس فهمني
- لا ولازم اعرف كل شي منك بعدين نحل مسألة الخلفة
- قبل خمس أشهر تقريباً
لمن چانت الاء حامل ومرتك الثانية وگعتها من الدرج
- اي اخذناها للمستشفى وبعدين
- دخلت للصالة هي وعمتك واجت الدكتورة فحصتها
گالت اصلاً ماكو حمل
الاء تخبلت لأن دتنزف تالي طلعت الشهرية نازلة عليها وهيَّ عبالها راح تطرح الطفل بسبب الوگعة
- والتحليل عمي بالمختبر السكرتيرة الي گالتلي حامل
- اي هو حللت والنتيجة حامل
بس طلع ماكو عادي تصير هواي مو أول مرة انتَ تدري حتى السونارات تخطأ غير عايشين بالعراق
- فركت راسي حيل كمل اريد اشوف وين توصل بعد
- لتضوج أبني انتَ سابقاً محلل وتعرف ما يصير عندك أطفال بس المفروض هالحمل يسويلك دافع تتعالج
- اني محلل ؟!!
- اي
- هسة عوف التحليل على صفحة وكمل سالفة الخاتونة
- اي گتلك ظلت تبچي لأن چانت متأملة بالحمل
أمها گالتلها يتعوض لتضوجين
هيَّ هنا انهارت أكثر وحچت وضعك الأمها بعدين طلبت منها تتكتم ع الموضوع حتى لتنقهر مثلها
ČTEŠ
أبي لم يكن إنسانًا
Beletrieالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 31
Začít od začátku
