الرتبه والحشمه

بارت (36_37)

البارت 36___37

البارت السادس والثلاثين

مرحبا 💕💕

( الرتبه و الحشمه )

أتمنالكم قراءة ممتعه حبايبي ❤

...............................................

أنته الحلو بيك شكد صعب وياي

واني الحلو بيه وياك مااصعب ❤

............................................

رحت رتبت الفراش مال جربايه وهوه شمر ملابسه وتمدد شلت هدومه ورحت للحمام بدلت بدشداشه خفيفه بعد ما خضيت جسمي بمي بارد شويه وطلعت لكيته كاعد ولازم تلفوني بيده وصافن علي شال راسه عليه شافني اباوعله مستغربه شبي قبل شويه جان مابي شي هسه ملامحه كلهه مكلبه صفن عليه وحجه بهدوء مثل ميكولون الهدوء اليسبق العاصفه

مصطفى. اكدر اعرف شنو معناته هاي رساله !!

سمر.شنو يارساله تحجي عنهه !!

مصطفى. هاج شوفي وياريت تفسريلي شنو معناهه

اخذت تلفون منه وجسمي كله يرجف ياربي معقوله اياد دز شي على تلفوني باوعت لرساله بستغراب بعدين طكيتهه ضحكه بدون وعي مني جانت من سحر كاتبه بيهه

💌 هااا سمسم بشري شلونه الملازم وياج كدر يخوض الحرب لو اعلن انسحابه ارجو الرد

سمر.ههههههههههههههههههههه لاياساقطه ياسحر

مصطفى. اكدر اعرف عليمن هلضحك هذا

سمر.لاهيج مو يمك سالفه شغلت بنات

مصطفى. منو هاي دازلج رساله خلاج ضحكين هيج

سمر.هاي سحر مرت اخوي عمر

مصطفى. ومرت اخوج مسميتهه المسحوله

سمر.ههههههههه طبعا مسحوله وذهابا وايابا

مصطفى. هههههه والله موصاحيه بعد هسه كليلي شبي الملازم وياج وعن اي حرب تحجي

يمه وجهي كام ينطي الوان بيش ادعي عليج سحر هسه شلون اشرحهه اله شكله

سمر. لا هيج موضوع بيناتنه مويمك سالفه

مصطفى. لحظه لحظه انتي هم حاجيه كدام البنات انج بعدج بنيه وربج سمر اجرم بيج اذا طلعتي حاجيه

سمر. لاااا والله محد يعرف مستحيل احجي مثل هيج شي

مصطفى. متاكده سمر

سمر.اي متاكده وداعت بابا محاجيه بهذا الموضوع لاكدام واحد ولاحتى بيني وبين نفسي

مصطفى. تمام يلا طفي ضوه وتعاي دلكيلي راسي خل انام كوه فاتح عيوني ترى

سمر.متاكد نعسان ومابيك حيل

مصطفى. شقصدج ست سمر

سمر.لاهيج بس قبل شويه جان بيك كل الحيل وتريد بس تتعارك هسه رجعت نعست