اعذروني ما مراجعه البارت😘احبكم
#كواكب_امي
الجزء الثاني -البارت السابع
وشلّي بـ أخبار الحبيبة
الـ ما تحبّ ..
وشلّي بـ العين الوسيعة ؟
الماتشوف بـ عينّي نظرات المُحبّ .
.
.
قمر:اخر شي كامت تصيح
سعاد: خل يجي الكواد مالتج اليوم الا اخلي يشمرج على امج الي تدافعيلها واجيبلة وحده اغاتج وتسوى راسج عالاقل تجيبلة الولد الي يشيل اسمه مو مثلج لا علم ولا منفعة الا اخليج تتوسلين بيه حتى ما ازوجه لهمام بعيييني يبت ليلى صايرة مرة براسي ولسانج هالطولة مادته عليه..
قمر: انداريت عليها وحجيت بحرگة ،،مرة ونص عمة ليش اشايفتني زعطوطة بالبيت !! ولا مادة لساني ولا شي
شو اليحجي الحق يطلع ابو لسان وماعنده اخلاق ،تردون الواحد ينداس ببطنه ويبقى ساكت وهم ياريت يعجب !! درت وجهي وصعدت للغرفه لكيت بناتي كاعدات وعيونهن مفتوحه مخروعات من الصياح ، سديت الباب ورايه وحجيت
كومن لعبن هنا ماما ولتخافن ماكو شي ،بس رهف حبيبتي اني مو نبهت وكلت لا توصخون شي وتنتبهين لاختج هم
رهف: ماما والله معلينا جنا نلعب بره ويا جهال عمو زيد
قمر : اي لعد الجهال وينهم شو بس انتي واختج واكفات !
رهف ، جتي عمه وفاء اخذتهن حتى يغسلون ويبدلون وراحو واحنا بقينا نلعب
بعدين جتي عمة زينب تعيط علينا تكول وصخات
قمر: هااااا !! هسه افتهمت الخيسه والوصخ طلعت منين ،،بسيطة ..
اخذت البنات سبحتهم فوك وبدلو وبقن بالغرفه مدام عيني يلعبن ،
واني الوجع مال معدتي موتني وما اكدر اشرب علاج لان مماكلة ولا اريد انزل واشرف جهرتهن الجايفة
منتظرة همام وعمي يجون يلا انزل حتى اذا صار حجي يصير كبال عينهم
ولل3 يلى رجعو و البنات جاعو كلش اخذتهن ونزلنا اتلكيت عمي مثل كل يوم وصبيت غده اله ولهمام وكعدنا وياهم اني وبناتي
باوعلي همام بأستغراب لان اول مرة نبقى لهالوقت بلا غدة
همسلي وهو كاعد بصفي ..
همام: شعجب اليوم ويانا تاكلين ؟!
قمر : لتستعجل على رزقك ،انتظر نخلص غده وينام عمو وكل الحجي يصير بيدك
بقى صافن حتى اللكمة بالكوة بلعها
همام: ياساتر ياربي !
قمر : كملنا غده بينما لميت المطبخ وغسلت المواعين عمي راح لغرفته واني اتعمدت اتاخر بالمطبخ لما تطلع سعاد من غرفتها وتفك موضوع ويا ابنها
جانت اعصابي كلش باردة وحتى مالي نفس اني ابدي بالموضوع ويا همام..
بقيت انتظر وهمام بالهول هو والبنات يمه يلعبهن ،لحد ما سمعت صوتها تحاجي همام ماعرف بشنو ،،رحت بسرعه بالهول وكعدت يمهم وطلعت البنات بالحديقه هي شافتني كامت تخوزر وكطعت حجيها انوب اني ذبحتها بابتسامتي ..
سعاد: والله عينج كويه ،غير وحده عاللسان والمرادد مالتها والسوايه السوتها جان طمت روحها بغرفتها وتنتظر رجلها يجي يلصمها على حلكها ويتويها
أنت تقرأ
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
