همام.. زين سمير احچيلي عندك دليل على كلامك هذا
- اي سيدي اصدقائي كلهم يشهدون چنت وياهم نتابع مبارات بـ بيت صديقنا إياد
بس ساعة الصار الحادث محد چان بالشارع والمنطقـة تقريباً خالية من البشر بسبب الحظر
همام.. بس هذا مو دليل كافي يا سمير حتى نگدر نرفع التهمة عنك
انتَ انمسكت بالجرم المشهود ومن الشرطة همْ
فـ كل كلامك ما طول بلا دليل عديم فائدة يعني لا راح يقدم ولا يأخر بشي سواء يمي أو بالمحكمة
- والله وكتاب الله سيدي اني بريء
- لا اله إلا الله لتحلف بابا تعرف شنو يعني لتحلف
- لعد شسوي حتى تصدگ اني بريء
- يلا خلي نگول صدگتك
اريد دليل انطيني دليل على كلامك مو لعبة حتى امشي ورى احساسي واطلق سراحك سمير
مخلد.. زين صاحب المطعم شسوة من عرف بالموضوع
سمير.. هو هم حاير بين المنطق وبين احساسة ببرائتي
همام.. أي حقة والله
الدنيا هسة متتأمن والضربة متجيك إلا من أقرب ناسك
داحچي اندگت الباب نعم تفضل.. دخل علي
- ها علي خير
- سيدي اكو ضابط واگف بالباب يريد يقابل حضرتك
- منو هو اعرفة شي ؟!!
- لا سيدي ما اتصور لأن خريج جديد حسب كلامة هو
- لعد خلي ينتظر شوية
هسة مشغول ويا المتهم بس انتهي من التحقيق اقابلة
- سيدي هو اصلاً جاي علمود هذا المتهم لأن يقرب الة
- يلا هاك استلم بدت رحمة الله وراح تشتغل الواسطات
- انتَ شبيك گبل حكمت ع الناس
بالبداية قابلة وشوف شيريد وعود بعدين اتصرف مثل متحب
- يا أخي مجالي واعرفـة لعبانـة نفسـي من هالسوالف
يلا يابة خلي يتفضل نشوف وين توصل
ثواني ودخل الضابط گمت صافحتة
- السلام عليكم
- وعليكم السلام ورحمة الله وبركاته تفضل استريح
صالح.. سيدي وياك الملازم صالح
خريج جديد دفعة هالسنة وتشرفت بـ معرفة حضرتك
- الي الشرف حبيبي
اهلاً وسهلاً بيك بيناتنا وان شاء الله تكون گد المسؤولية
- ان شاء الله سيدي
- اي صالح شعندك هنا الشرطي گال المتهم يقرب الك
- صح سيدي واني اجيتك علمود هالموضوع
- تفضل بشنو اگدر اساعدك
- سيدي سمير أخوية واعرف تربيتة مستحيل يسويها
- بس هالكلام ميوكل خبز صالح
انتَ رجل قانون وتعرف القانون بشنو يتعامل صح لو لا
- اعرف سيدي يتعامل بالأدلة
واعرف كذلك القانون فوق الجميع وأولهم النفس
- بالضبط لذلك كلامك هذا مو منطقي
اذا عندك دليل ملموس على براءتة تفضل اسمعك واذا لا ما عندك غير بس الكلام
فـ خليني اشـوف شغلي من وين ما توقفت لو سمحت
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 26
Start from the beginning
