စုန့်ရိကလက်စွပ်ကိုနီးနီးကပ်ကပ်ကြည့်လိုက်တယ်: ဒါလေးကရှန်းလီအကြိုက်ဆုံးပုံစံလေးပဲ။
ဒါလေးကလက်ထပ်ခွင့်တောင်းတဲ့လက်စွပ်ဖြစ်လောက်တဲ့အထိမကြီးကျယ်ပေမဲ့လဲ သူကအရေးတကြီးလိုနေတဲ့အတွက် အခုတော့ဒါလေးကိုပဲယူသွားရလိမ့်မယ်။
ဘာပဲဖြစ်ဖြစ်ပဲ အခုတော့ဒါလေးကိုပေးပီး သူတို့နှစ်ယောက်ရဲ့မင်္ဂလာနှစ်ပတ်လည်နေ့ရောက်ခါမှရှန်းလီကိုစိန်လက်စွပ်ကြီးကြီးတစ်ကွင်းဝယ်ပေးလိုက်မယ်။
"ဒါလေးကိုထုပ်ပေးပါအုံးဗျ"
အမျိုးသမီးက လက်စွပ်ကိုမြန်မြန်ဆန်ဆန်ပဲထုပ်ပိုးလိုက်တယ်။ သူတစ်ခါမှမတွေ့ဘူးတဲ့ စေ့စပ်ထားသောအမျိုးသမီးကိုအနည်းငယ်မနာလိုလဲဖြစ်ရင်းပေါ့။
စေ့စပ်လက်စွပ်လေးရွေးဖို့ သူ့ရဲ့အချိန်တွေမြှုပ်နှံထားတဲ့အမျိုးသားမျိုးကို သူမတစ်ခါမှမတွေ့ဖူးဘူး။ customer အမျိုးသားအများစုကလက်စွပ်အတွက်သူတို့ကငွေပေးဖို့ပဲတာဝန်ရှိတယ်လို့တွေးထင်ထားပီး ဒီလိုလက်စွပ်ရွေးတာမျိုးကို သူတို့ရဲ့ဇနီးသည်တွေကိုပဲလက်လွှဲထားလေ့ရှိတယ်။
သူတို့တွေက ဒီလိုအရာမျိုးလေးအတွက်နဲ့ စိတ်အနှောင့်အယှက်ဖြစ်မခံကြဘူး။ဒါကြောင့်မို့ပဲ ဒီမှာရှိနေတဲ့အမျိုးသားကတကယ့်ရှားပါးမျိုးစိတ်လေး။
စုန့်ရီက credit card နဲ့လက်စွပ်ကိုငွေပေးချေပီးသွားတဲ့အခါမှာ ဆိုင်ထိုင်အမျိုးသမီးကရိုးရိုးသားသားနဲ့ပဲ ပျော်ရွှင်စရာကောင်းတဲ့လက်ထပ်ပွဲဖြစ်ဖို့ ဆုတောင်းပေးတယ် "မစ္စတာစုန့်ရှင့် ရှင်နဲ့ရှင့်အမျိုးသမီးတို့ နှစ်ရာပေါင်းများစွာပျော်ရွှင်ကြည်နူးပီး ချစ်ခြင်းမေတ္တာကထာဝရရှည်ကြာဖို့ဆုတောင်းပေးပါတယ်"
စုန့်ရီကသူမရဲ့ချိုသာတဲ့စကားကြောင့်မျက်လုံးလေးတွေကအရောင်တောက်သွားပီးနှုတ်ခမ်းချွန်ချွန်လေးကအပြုံးတစ်ခုအဖြစ် ကွေးတက်သွားတယ် "ကျေးဇူးတင်ပါတယ်"
ထိုအမျိုးသမီးလေးဟာ 'တရားဥပဒေနဲ့တားမြစ်ထားသင့်တဲ့ထိုအပြုံး' ကြောင့် မိန်းမောပျော်ဝင်သွားပီး သူ့ရဲ့မျက်လုံးတွေကကဏန်းမျက်လုံးတွေလိုငေါထွက်လာပီး နှလုံးခုန်နှုန်းတွေကလဲ အရင်ကထက်ပိုမိုမြန်ဆန်သွားခဲ့တယ်။
YOU ARE READING
အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]
FantasyI don't own this novel. I just translate. Fully credit to original author and eng translator(s).
CHAPTER 1 - Go to the wrong room, wrong bed
Start from the beginning