مقابلات مع مشاهير الواتباد

"رحمه نبيل" EO6

والسلام عليكم يا أحلي ناس في الدنيا❤️ 
إنها الحلقة المنتظره لدي بعضنا أو جميعا، الحلقه السادسه مع المبدعه إللي بسمتنا مش بتروح طول ما أحنا بنقرأ رواياتها

لنبدأ بسادس حلقتنا من برنامجنا العزيز الغالي
"مقابلات مشاهير الواتباد"

ومع بدايه الحلقة نضع لكم حساب الكاتبة رحمة👇
AnaZilzail

من أعاملها:
1. الإنفجار
2. بنت الشيطان
3. جميلة حد الفتنه
4. لعنة الفراعنة
5. روح ملاكي

▪️ممكن تعرفينا بنفسك ✨💙
◽رحمه نبيل
كمان شهرين هكمل 20 سنه
من الجيزه
وبدرس اللغه الصينيه

▪️أمتي حسيتي أنك خلاص بيقيتي متمكنه من القلم وهل كان فيه حد بيشجعك✨💙
◽أول مره كتبت رواية....
كان عندي افكار كتير قولت ليه مكتبش وبالفعل كتبت رواية وقولت أنزلها وكنت بهزر مش اكتر ومعرفش أن حد هيقرأها ليا اساسا
يعني من أول ما كتبت نزلت.

وكل إللي عرف بموضوع الكتابة شجعني جدا
وكانت بنت عمي اول واحده تشجعني انشر

▪️إيه أكثر المشاكل إلي وجهتك أول ما بدأتي وإتعملتي معاها إزاي ✨💙
◽عكس المتوقع في البداية مفيش مشاكل كتير واجهتني يمكن علشان مكنتش معروفه... المشاكل بدأت مؤخرا فيه بعض القراء كانوا بينتقدوا بأسلوب وقح شوية... وأنا إتعاملت معاهم بالسكوت لأن شئ متوقع أكيد رواياتي مش هتعجب الكل بس إللي يزعل هو الأسلوب مش أكتر

▪️كلنا بنحط مسار علشان نسلكه في أي حاجه في حياتنا، ليه سلكتي مسار الكوميدي، وده ميقلش منك طبعا في الغموض والدراما وأسلوبك الأكثر من رائع، طبعا إلي بعض النكد في جميع روايتك✨💙
◽مكنتش مخططه أني أنتهج أسلوب معين أو تخصص معين الموضوع جه صدفه في أول رواية ليا لقيت أن غصب عني المشاهد بتقلب معايا كوميدي يمكن علشان شخصيتي في الحقيقه بحب الضحك والهزار وغيرة ولقيت نفسي بكتب المشاهد الكوميديه بأريحيه أكتر وبحس نفسي أفكاري بتنتعش في الكوميديا اكتر من أي مجال الموضوع مجرد صدفه مش مخطط ليها

▪️أكثر رواية قريبة لقلبك✨💙
◽اكتشفت زوجي في إتوبيس لدكتورة دعاء عبد الرحمن

▪️وأكثر رواية بتحبيها ليكي ✨💙
◽كل رواية وليها مكانه خاصه وجزء خاص عندي بس ممكن يكون روح ملاكي ❤️
وجميلة حد الفتنه
▪️رحرح نشرتي روايه تالت يوم العيد والجزء التاني منها قريب، إيه إللي وصلك لكده، مخفتيش من الفشل✨💙
◽خوفت في الأول لأن مجال الورقي كبير والنقد فيه بيكون على كبير برضوا بس لما فكرت قولت هخاف من إيه لو هخاف هفضل لغاية أمتي أنا هعمل إللي بعمله في العاده مع شوية لمسات زياده واتوكل على الله يكفيني التجربه دي

▪️جهزتي نفسك إزاي للخطوه دي✨💙
◽جهزت نفسي إزاي بقا قرأت أكتر وعرفت شويه أساسيات في الرواية وغيرت من نفسي فيها لكن مازال الأسلوب هو هو والأفكار هي هي

▪️حسيتي بإيه بعد أرارء الناس في "براءة ظلمه" ✨💙
◽الحمد لله حتي الأن الأراء مشجعه أني أخلص الجزء التاني إللي بحضر لشويه مفاجأت قمر ♥️

▪️نصيحتك لأي كاتب/ة مبتدأ/ة✨💙
◽كل شخص يختار اللون اللي يليق عليه..... مش مجرد لون هو إللي سائد... محدش ييأس من أول محاولة لسه حاول مره وإتنين وتلاته وميه كمان... طبيعي هتلاقوا إنتقاد كتير بس الشاطر هو إللي يقدر ياخد الإنتقاد ده ويحولة لأداه جديده يستخدمها علشان يطلع بيها سلمة جديده

▪️مين قدوتك في الكتابه✨💙
◽دكتورة دعاء عبد الرحمن ♥️
بحب كل روايتها وكمان أمل القادري بحب أسلوبها وطريقة سردها جدا

▪️رواية بتتمني لو كنتي أنتي إلي كتبتيها✨💙
◽تقريبا مفيش.... أه فيه روايات بحبها جدا ومعجبه بفكر الكاتبة بتاعتها بس عمري في حياتي ما إتمنيت إن رواية معينه تكون ليا

▪️كلمه لنفسك تشوفيها بعد خمس سنين ✨💙
◽حابة بعد خمس سنين أشوف كلمتي دي وأقول ياااه عديت خمس سنين وعديت معاها حاجات كتير أوي♥️
مريت بصعوبات ولسه بمر وأتمني وقتها مكنش استسلمت.... وأفضل زي ما أنا بضحكتي ويكون نجاحي كبر.... حابة اقول لرحمه إللي بعد خمس سنين بلاش تضحكتك تتمحي خليكي دايما مبتسمه

▪️حابة تضيفي حاجه ✨💙
◽أيوا لو سمحتِ حابة إن أي واحده تفكر في يوم تخطي في طريق لازم تكون قده ولو حصل وخطت فيه متسمحش لأي حاجه ترجعها

طب جبنلكم رحمه نبيل يارب ألاقي دعم بقا
طبعا إستمتعت جدا جدا وفرحانه للمقابلة دي مع ألطف وأنجح الكاتبات وبتمنالها كل التوفيق يارب❤️

كل من يريد الضحك من قلبة والإستمتاع بقصه ولا أروع أنصحكم برواية لرحرح صدقوني هتستمتعوا❤️

أنتظروني في الحلقات المقبلة أن شاء الله☺️❤️