خادمة الشيطان

♡البارت الأول♡

نظر اليها بقرف ثم ذهب ليغتسل ولكن على من!! فتلك المشاكسة لن تتركه حتى تجعله يترك المنزل بيوم من الأيام ولن يعود له ابدا.

ثم استكملت حديثها:
_وبعدين مين نانسي عجرم دي اللي هتقارني بيها!!! انا صوتي جوهرة ثمينة يابني افهم.

رمقها بسخرية لازعة قائلًا بتهكم:
_انتي اخرك عجرم ذات نفسه انتي محسوبة انثي غلط اساسًا..

تطلعت إليه بدهشة مصطنعة:
_اااه يا عدو النجااح، بكرا تجيلي كدا وتتمني امضيلك على صرصور ودنك بس وقتها هتنك عليك ومش هعبرك يا دعسوق.

انتهي "ساهر" من غسل وجهه ثم دفعها بيده للخارج قائلا بنبرة صريحة:
_طيب ياست الفنانة طرقينا بقا عايز اغير ومش عايز اسمع صوتك النهاردة تاني، كفاية التلوث اللي حصل من شوية دا.

ثم اغلق الباب بوجهها جعلتها تتطلع إليه بصدمة:
_ اكيد مش قصده يطردني الباب هو اللي بايظ.

جاء صوته من الداخل قائلا بصوت عالي حتي تسمعه:
_لا طردتك يا عديمة الكرامـــــة.

نظرت للباب بغيظ فقررت الإنتقام منه ولكن لتدخل وتطمئن علي والدتها أولاً ثم ترى ذلك القذر، وعندما ولت للدخول لغرفة والدتها صرخت بخوف وصدمة:
_مامـــــــا!!!

♡شــــــــــــيــــــــــري♡
☆وقلبي يا الله أجبره مع المجبورين". ☆
•••••••••••••••••♡

عاد "يزن" الي فيلته الشاسعة بعد ساعتين من خروجه من المخزن، قابلته الخادمة فأخبرته بأن صديقه "مراد" بإنتظاره في مكتبه، اومأ إليها دون الرد عليها ثم ذهب لمكتبه.

عندما رآه "مراد" نظر إليه بغموض قائلاً:
_كنت فين يا صحبي!!

حدجه "يزن" بنصف عين قائلًا بنفس الغموض:
_ أكيد عرفت كنت فين مش معقول تجيلي الوقت دا علشان تسألني كنت فين!

صك "مراد" على اسنانه بغضب:
_امممم ومقولتليش ليه.

رد عليه "يزن" بهدوء:
_انت عارف إن أنا مبحبش حد يتدخل في شغلي.

نظر اليه "مراد" بحزن لم يظهره لـ"يزن" ولكنه استشف ما يشعر به، فهو صديقه منذ أمد بعيد ويعرف جميع أسراره هو و"عمر"، الضلع الثالث لمثلث الوحوش كما لُقبوا:
_وهو انا حد يا "يزن"!!

حاول"يزن" قدر المستطاع أن يتحدث بهدوء:
_ انت عارف كويس انت إيه بالنسبالي، وعارف كمان إن أنا مقولتلكش علشان دا إنتقامي لوحدي، وانا مش مستعد إني أخسرك في حرب انت ملكش ذنب فيها.