✨TAETAE ម្ចាស់បេះដូងបង✨ [Completed✨]

ភាគ១៨ : វាខ្ពស់ខ្លាំងណាស់

"ថេថេ!...."ពេលឃើញថេហ្យុងមិនឆ្លើយយល់ព្រម ជុងហ្គុកក៏ពេបមាត់ដូចចង់រកយំចេញមក ទើបរាងល្អិតឆ្លើយយល់ព្រមទាំងបង្ខំចិត្ត ÷

"បានៗ!...ខ្ញុំនាំបងទៅជិះក៏បានដែរ"ថេហ្យុងស្រដីឡើងទាំងមុខកំពុងស្លេកប៉ែ តែអ្នកដែលពេបមាត់មុននេះ បែរជាប្ដូរមកជារីកស្រស់វិញភ្លាមៗ ពិតជាមិនយល់ដល់ចិត្តមនុស្សខ្លាចខ្ពស់ដូចជាគេសោះ ។

"លោកជិះជាមួយគ្នាទេ?"ថេហ្យុងងាកទៅសួរស៊ូប៊ីន ទើបអ្នកខាងនោះក៏ប្រញាប់តបមកវិញភ្លាម÷

"មិនអីទេ! អ្នកទាំងពីរជិះចុះ ខ្ញុំចាំនៅខាងក្រោមក៏បានដែរ"ស៊ូប៊ីនញញឹមយ៉ាងស្រស់ ពេលបាននិយាយតបជាមួយរាងតូច គេលួចចាប់ចិត្តលើថេហ្យុង តាំងពីឃើញគេនៅផ្ទះមកម្ល៉េះ ប៉ុន្តែនាយមិនដឹងគួរធ្វើយ៉ាងណា ទើបអាចនិយាយជាមួយរាងតូចឲ្យច្រើនជាងនេះបាន ។

"អ៊ីចឹងពួកយើងទៅៗបងប្រុស"ថេហ្យុងនិយាយរួច គេក៏ចាប់កាន់ដៃនាយកំលោះដើរសម្ដៅទៅរកកន្រ្តកវិលតាមបំណងរបស់នាយ តែបើនិយាយពីទឹកមុខគេវិញ កំពុងស្លេកដូចខ្មោចងាប់ទៅហើយ ។

@ Skip

ពួកគេបានចំណាយពេលដើរលេងក្នុងសួនកំសាន្តជាមួយគ្នា តាំងពីល្ងាច រហូតដល់ម៉ោងជាង១០យប់ ជុងហ្គុកសុំទារទៅផ្ទះវិញ ទើបឈប់ដើរបន្ត ។

នៅតាមផ្លូវ ជុងហ្គុកមិនបាននិយាយឡូឡាអីច្រើនទេ ព្រោះពេលនេះនាយហត់ អស់កម្លាំង អស់ដៃអស់ជើង មិនចង់ធ្វើអីក្រៅពីសម្ងំបិទភ្នែកគេងលើស្មារបស់រាងតូច ។ ស៊ូប៊ីនតែងលួចដៀងភ្នែកមើលតាមកញ្ចក់ឡាន ទឹកមុខនាយមិនបានស្រស់ដូចពេលមុននេះឡើយ ព្រោះតែឃើញកាយវិការ ពាក្យសម្តី និងការយកចិត្តទុករបស់ថេហ្យុងទៅលើជុងហ្គុក ។

/*ងឺត...ផាំង/

សម្លេងប៉ះទង្គិចគ្នា បានលាន់ឮសូរតែផាំង ខណៈឡានរបស់ស៊ូប៊ីន ត្រូវបានរុលទៅបុកឡានមួយទៀតដែលបើកមកពាំងឡាននាយពីមុខ ធ្វើឲ្យអ្នកនៅក្នុងឡានទាំងជុងហ្គុកនិងថេហ្យុងបើកភ្នែកធំដោយការភ្ញាក់ផ្អើល និងភ័យខ្លាចមកជាមួយដែរ ។

"លោក! តើមានរឿងអី?"ថេហ្យុងសួរទៅស៊ូប៊ីន ខណៈដៃនៅឱបរាងកាយរបស់ជុងហ្គុកជាប់ ព្រោះតែពេលនេះខ្លួនរបស់ជុងហ្គុក ញ័រឡើងរួញខ្លួនអស់ទៅហើយ ។