قراءه ممتعه
سمر طلعت من المستشفى وحالتها اكويسه هيا واصغارها
وعبد الواحد يقره ويخدم
احمد امه وافقتله على خطوبه بس
عند أحمد
امقعمزين فصط الحوش
محمود ...يام حتى اني بنخطب
محمد...حتى اني
امه. ..شن انوزع في حلوه وقلت من يبي
باهي عندكم وحده في بالكم
محمود...اني لا
محمد...اني ايه بس منعرفش ادا كانت مخطوبه والا لا منعرفش اعليها شي شفتها بس
امه...انشاء الله خير تو انشوف اني
محمود ومحمد...جديات
امه ..خطوبه والجواز لين اتكملو الحياش
محمود...اني انشطب خلاص
محمد...اني مزالي الحمام (حاشاكم)
بوهم... كيف
امهم...يبو يخطبو الشباب
بوهم...باهي واخيرا
امهم..اتأترو بعبد الواحد وسمر
بوهم... ايه بس احياشكم مش كامله
احمد ...اني بنسكن امعاكم بعدين ساهل
امهم...ايصير خير اني عندي صاحبتي عندها اربعه بنات تو انشوف الزوز الكبار
على روس بعض هما بس سمر ره لكن الاخلاق والادب والنقش معندك متقول
محمود...كيف سمر يعني
امهم ...مش هلبا هلبا لكن سمر
محمد...اني عادي ميهمش
محمود...حتى اني زي خوي
امهم...تمام غدوه تو انشوفها
عند سمر وعبد الواحد
سمر...حبي حبيبي جيبلي الحليب من المطبخ
عبد الواحد...رضعيه انتي
سمر...اعييت خلاص زوز راهم مش واحد
عبد الواحد. تمام باهي
دارلهم حليب وجابهم
عبد الواحد...هي حبيب بابا ايجي
سمر...هاك ونيس
عبد الواحد...هي كيف انحطه هكي
سمر...ايه بس بشويه اعليه
عبد الواحد ...هي ..ايرضع فيه محلاه منضره هوا وولده
سمر...محلاه منضركم ايهبل مشاء الله
عبد الواحد...ههه انتي احلى ..تي خيره ايبزع والله اعرفته زي بوه ميحبش الحليب
شن رايك انخلطله معاه قهوه ايغير الطعم
سمر... ههههههههه لالا امى قهوه اشبع شكله
عبد الواحد...حتى اللي عندك ارقد
سمر...ايه مسحتله فمه وحطاته في مكانه وعبد الواحد نفس الشي
(محلاه منضرهم ياحليلي وانشاء الله كل اللي يقره الروايا وايصوت ربي يرزقه يارب ❤️)
مع المنضر هادى اللي اتخيلتوه ومع كل القطات الرومنسيه الليبيه الي عشتوها واتخيلتوها انتو انتم الروايا
وطبعا احمد ومحمود ومحمد خطبو بس جواز لا مزال
والكل عايشين في خير وسعاده
واكيد حتصير هلبا مواقف ولقطات تانيه
وكان عجبتكم عادي نقدر نكتب تاني كأنها يوميات يعني ❤️❤️❤️
الهدف من الروايه
مرات انك تكره شي بس هوا ايكون خير ليك
زي عبد الواحد كان ميبيش يتزوج بس لما اتزوج اشبحتو شن صار معاه وكيف اتغير ونحى السكير وحب سمر يجنون وهيا كدالك
ولما تبو شي يتحقق اي شي ادعو لربي زي سمر اكانت تدعي ربي أن يرزقنا بحب راجل ايحطها في عينه واتجيب منه اصغار وتملى بيته وتحقق حلمها
والحمد لله ربي استجاب لدعوتها والحمد لله
ورد بالك متعدلش على اقرايتك زي عبد الواحد اللي ضيع سنتين واندم اعليهم
ومهما كانت حالتك الماديه اكويسه وبوك عنده افلوس اعتمد على روحك واخدم على روحك نحكي على الشباب طبعا لان بلادنا مفيش بنات يخدمو في اي حاجه
وهادي هيا روايتي
وديما انقلكم الحب مش عيب ولا حرام بس لما اتحب اعرف شن ادير وكيف تتصرف وشن اتقول
وديما اتفكر أن الدنيا دواره وراهو يوم ليك ويوم اعليك وزي مقالو ناس أزمان
اللي يعطي يلقى
وهادي روايتي انشاء الله تعجبكم ❤️
انحبكم في الله ❤️❤️❤️
