أنياب الذئاب

٦٣ و الاخير

#أنياب_الذئاب البارت ٦٣ و الاخير
#بقلم_أم _مختار

"" وأصبر لحكم ربك فإنك بأعيننا""

:صخام بوجهج يا روانه لطمت ودكيت
هاي هسا تتخبل اختي هسا تمووت

_:كومي وياي شامخ بباهم واكف ما يعرف شيكلها

:شلون وصلك الخبر فدوه ايهاب تباهي تموووت لو درت

_:اجانه اتصال علي عبد الله البو صالح
من ضمن المستشهدين والجثث ساعات وتدخل البصره

:كملت على حيلي جريت بتي وطلعت

_:انا ما اعرف شحجي وشكول جبتج ساعديني

:شساعدك يا خويه اختي تتخبل هساا تباهي تتخبل

_:وصلنه يم بيتها شامخ واكف بس شاف ايهاب تحاضنوا وظلو يتباجون

.... نكسررر ظهري يا خويه

_:شد حيلك خلينه نشوف هاي كارثه الجوه

:دكينه الباب شوي وسمعت صوتها جايتك حبيبي
. باوعتلهم ما اكدر شحجي شكووول منتظره عبالها هو الوصل فدوه ردوني ال بيتي ردوووووني

_:اشششش
فتحت الباب شافتني كبالها

تباهي
هااا روانه صاير شي امي بيهاا شي

:لاا بس هذا دخلي دفعتها جانت مبدله و مكيجه لا اكدر اسكت ولا اكدر احجي

ردت باوعتلي
تباهيي :صايرشي موو فدوه شنو صاير؟؟

:دخلي تباهي
... تعال خويه دخلو للديوانيه

بدلت واجت يمنه
_: شصاير ما صاير شي موو؟؟
هو كلي ساعات واطلع للبصره
لزمت ايدي شبيكم خوفتوني احجو هو ما بي شي موو
اباوع الايهاب والشامخ كبالي يبجون
متصوب زين مكطوعه رجله ميخالف راضيه والله

: حضنتها خيه كلشي بهل دنيا مقدر ومكتوب
واصل خبر للولد المكان الجان بي علي مضروب والكل مستشهد
.. مسحت دموعي لا تبجون علي جان يتمنى الشهاده ونالها حبيبي لا تبجون هو اختار هل مكان باوعلي خويه شامخ لا تبجي هو جان يكلي دعيلي اموت شهيد وربي انطا الي يريده
خويه ايهاب لا تبجون فدوه رحتلكم

:تحجي وياهم ودموعها اصب مسحت مكياجها بطرف اردانها باوعتلي انا راح اربي ولده ومن يكبرون احجيلهم شلون حبني وشلون داراني وشلون شالني بعينه انا متأكده لو كبروا يصيرون بحنيته
ردت باوعت ل شامخ امانه الله لو وصل جثمان حبيبي خلوني اودعه
كام ايهاب باس راسها وطلع
وشامخ هم

كامت مشت الغرفتهم فتحت الباب هااا يا نور عيني بعد ما اشوفك بغرفتي ولا اشوف الضحكه الحلوه ولا واحد يكلي بهجه حياتي جا مو كلنه نكبر سوه و نشوف احفادنه مودع بالله يا نظر عيني ان شاء الله يلتم شملنه ب الجنه
... راحت توضت وصلت جابت القرأن وكعدت تقرا وتبجي
كل حسره اذبها تحرك كلبي حرك وترد تقرا قرأن
للساعه ١٠ صبح وهيه تقرا قران
امي ماكو ما تدري محد يدري