أنياب الذئاب

البارت الثامن عشر

#أنياب_الذئاب ١٨

"قلبي دق لرجل واحد لا يصلح لغيره"

سامح_ :شنييييي انتِ  ياهو اليجيج راح ترفضي

:ما اريد اتزوج بويه شني غصب

تسواهن
لو وصلت للغصب نغصبج

:انتِ مالج دخل اسكتتييي  لا بالعباس ابتلي بيكم انا ما اريد اتزوج شني حلال حرام تغصبني
... مسح ابوي على وجهه ليش ما تردين تزوجين

: ما اريد بويه انا شفت الضيم وي شامخ تريدني ارد للضيم

_:بس هذا الولد  مثقف ومهندس والولد رايدج

: بس انا ما اريد انا النكتلت وتعذبت و انهنت انا المريضة نفسياََ مو هو

_:انطيج مهله تفكرين

:لا ما اريد كلوله ما موافقه

_:شنيييييييي اكله ما موافقين شوووووو انتِ تلعبين يا بت رودينا...

:اتصل التليفون اشرلي سكتي
رد عليه گلوله  الحك امك طاحت و تصيح بس بأسم روانا

بدلي ننزل للبصره ع سريع لبست ملابسي طلعنا للكراج لكينه سياره جاي تقبط للبصره ساعه كامله بالكراج ومشت سياره

طيحت جدتي اجتني رحمه بالرغم كلبي وجعني عليها  سوده علي
طول طريق اكول ياررب بس هي الحنينه علينا يارررب بحق الامام موسى ابن جعفر ربي وهو ابو طلبه ما يردنا لا تردوني بس هي التحن عليه وتحبني الطريق صار شطوله وانا اكل بروحي اكل هنوب لازم يوكف يم المطعم وانا احس الماي مر بحلكي اتصلت على تباهي ما ترد
وصلت للبصره غاديه جنازه دخلت البيت عمي دخلت الغرفته هااا جده

الجده
وصلتي يا بعد طولي.

:اي اي وصلت يا بعد كل هلي يا بعد رويحتي يلا كوميلنه جا شني تدللين علينت

الجده
طلعو اريد احجي وياها

:الكل طلع بس تباهي ضلت جان تكوم جدتي اجيتي جده
... شني هاي

تباهي _:جا ما يجيبوج شنو نسوي لعبنه عليهم لعبة

:صدك خرب بليسج تباهي ولج غديت كركم طول الطريق

_:ميخالف اتحملي الخاطرنا

اسمع عمامي بره يتعاركون عمي عبد الله يكول ترد تكعد بيت الفلاح وياها امي ما مستعد اخسر امي

وثابت يكله ترد البيت ابوها شني ضلتها هنا

:هههههه ثابت يخاف شامخ يردني

جدتي
انا اكلهم انضل بيت البستان

:ياريت يا جده وشرديني مناك

_:شصاير

:خاطبني واحد

الجدة.
ليش ما توافقين يا يمه