أسر العشق والهوى❤️💌

غيرتها🤫🤤

اسر العشق والهوى❤️☺️
{الكاتبه:-اسراء جابر}
البارت السابع عشر

قد حسمت أمرها وقررت أن تجعله يندم علي حبه لغيرها ....
كان ذلك تفكير وهدف نوران بعد أن انهارت وانكسر قلبها ....
مر يومان وهي تتجنب رؤيته وتذهب للعمل بالشركه دون أن تراه وهو وجدها فرصه ليتفرغ لعمله الذي تعطل بوجودها بجواره .
في صباح يوم جديد
{بغرفه نوران}
تفيق نوران كعادتها باكرا للعمل وتدخل المرحاض لتستمتع بحمامها الدافئ  وتخرج بعد دقائق وهي ترتدي روب الاستحمام وردي اللون قد أحكمت غلقه وتجفف شعرها بمنشفه صغيره بنفس اللون .
لتلمح هاتفها يضيئ لتتقدم وتمسك بالهاتف لتري رقم مراد هو الذي ينير شاشه هاتفها .
لتتركگ الهاتف كما هو وتكمل تجفيف شعرها وترتدي بنطال جينز اسود اللون وتيشيرت ابيض وضعته داخل البنطال وارتدت جاكيت اسود اللون .ورفعت شعرها لأعلي ووضعت بعض احمر الشفاه الذي زاد من جمالها وارتدت حذاء ذات كعب عالي اسود اللون واخدت حقيبه سوداء مطرزه بالفضه وارتدت نظارات سوداء والتقطت هاتفها الذي مازال يضيئ ب اسم مراد . لتفتح باب غرفتها لتراه أمامها بهيبته  وهيئته تلك الخاطفه لانفاسها يرتدي حله سوداء وقميص أبيض وكارفاته سوداء وينتشر رائحه عطره التي نثرها عليه منذ قليل ويرتدي حذاء اسود لامع ..
لتجدها فرصه لن تعوض وتجيب علي هاتفها وتقول بصوت عالٍ نسبيا:- ازيك ي مراد .
لينظر لها اسر وهو يمر بجانبها ولم يعقب علي ما قالت ذهب من أمامها لتجده فالاسفل يهدئ من نبضات قلبه الثائرة نتيجه الغيره المفرطه واشتياقه لها ليقول بصوت أجش مليئ بالعشق والخوف علي محبوبته:- علي جثتي ترجعيلوا انتي ملك لآسر وبس ي نوري .
لينتفض من مكانه فور سماعه لصوت صدر من خلفه صوت يعرفه جيدا صوت اخترق مسامع قلبه قبل أذنيه صوتها هي وهي تقول :- طب لي متعترفش بحبك ي اسر .؟؟؟
اسر وهو ينظر داخل عينيها ويقترب منها :- متبعديش عني ي نوري .
نوران وهي تبتعد وترجع للخلف بالمقدار الذي يقتربه منها :- لي ي اسر مقولتليش بحبك ؟
اسر وهو يقترب شيئا فشيئا:- بقولك متبعديش عني.
ويستمر فالاقتراب وتستمر هي فالابتعاد عن مرمي عينيه وتبعد بصرها عنه ولكن هيهات عيناها الخائنتين خانتاها ونظرت بمقلتاها داخل عينيه .لتؤسر من قبل عيناه
ليرتطم جسدها الضئيل الفاتن المهلگ بالحائط لتهم بالركض والفرار منه ولكن هيهات يديه وحركه جسده كانتا اسرع منها  ليصبح اسر محاصرها بينه وبين الحائط .
لتستمر هي بأبعاد عيناها عنه ليقترب أكثر منها ويهمس داخل أذنها بصوت هامس أجش :- بقولك متبعديش عني ي نوري .
ثم يحرك أصابعه علي وجنتها لتستقر أسفل ذقنها ليحرك رأيها ويدير وجهها تجاهه لتنظر له ويستمر هو بالنظر داخل مقلتاها .ويغرق داخل خضار عيناها .
ليقترب أكثر من شفتيها ليقبلها بشوق جارف يقبلها كمن يرتوي بعدما سار بصحراء قاحله دون ماء .ليجدها تتقبل قبلته وتبادله مثلها .ليدرك انها تعشقه مثلما يعشقها .
ليبتعد عنها بعد ثواني وهو يلهث من فرط مشاعره ويضع جبينه علي جبينها ويقول وهو مغمض العينين :- انا هكلمك والدك النهارده واخر الاسبوع كتب الكتاب
لتفيق نوران من عالمها الوردي وتقول:- ومين قالك اصلا اني هقبل بيك ي قليل الادب ي سافل .
ليبتسم اسر بعينه اليسري ويقول وهو يتجه لخارج القصر:- هتقبلي ي نوري .
لتبتسم نوران فور خروجه من القصر لتضع يداها علي وجهها واخذت تقفز من شده فرحها لتقع علي الارض وهي التي من فرط قفزها 
٭★٭★٭★٭★٭★٭★٭★٭★٭★٭★٭★٭
٭🌺🌺🌺🌺🌺🌺🌺🌺🌺🌺🌺٭
٭★٭★٭★٭★٭★٭★٭★٭★٭★٭★٭★٭
{بقصر يوسف الاسكندراني}
بغرفه ميرال
كانت تنظر لنفسها للمرآه وتقول بصوت خافت:- معقول بيحبك ي ميرال ؟!
معقول بيغير عليا..معقول 🤭
تنظر إلي نفسها بثقه وتقول اكيد بيحبني امال مامتوا عايزاني عروسه ليه لي يعني من بقيت البنات .
لتحمر وجنتها خجلا من تفكيرها به وبحبه لها وبأهتمامه بها المبالغ فيه .
ليرن هاتفها معلنا بأتصال من شخص ما لتنظر إليه لتجده احمد فتتسارع دقات قلبها وتخزو قلبها فرحه عارمه لتهم بالرد مسرعه :- السلام وعليكم ورحمه الله وبركاته
احمد:- وعليكم السلام ورحمه الله وبركاته .اتأخرتي فالرد لي .؟؟!
ميرال بأستغراب:- انا اتأخرت فالرد  ؟؟.
احمد:- اه مردتيش بسرعه .دي حتي الرنه كانت قربت تخلص .هاااه اعترفي كنتي بتعملي اي ؟
ميرال بمكر :- مبعملش كنت بقلب فالفون كد .
احمد بأنفعال:- يعني انتي ي هانم ماسكه الفون وبتقلبي فيه وشايفه الرنه وطنشتي قولتي لما قلبك حن ابقا ارد عالغلبان الي بيرن دا احسن م يقلق حرام .
ميرال:- وكل دا لي اصلا وتقلق عليا لي انت مش حبيبي أو جوزي ؟
احمد بسرعه :-لا جوزك وحبيبك .
ميرال بوجه احمر من كثره الفرحه الممزوجة بالخجل :- جوزي وحبيبي ازاي ي احمد !
احمد:- اعتبار ما سيكون يعني 😜
ميرال:- مين قال اني هوافق اتجوزگ اصلا
احمد بثقه:- هتوافقي وانا عارف
ميرال بعند:- احلم😛
احمد بهيام:- مهو فعلا انتي حلمي وهحققگ .
تحمر وجنتا ميرال لتسرع وتغلق المكالمه بوجه احمد
ليقول احمد بصوت جاهوري :- هبله ومجنونه ي ناس انا هتجوز وبحب هبله ومجنونه
ليجد من يرد علي كلامه وتقول:- وانت اجن منها علفكره .شبه بعض سبحان الله😂🤭
ليقف احمد من مقعده بالغرفه بخضه ويقول بأرتباكگ:- اي دا انتي هنا من أمتي ي لولو.
ليلي بخبث :-لا مش من بدري
ليطمئن قلب احمد
لتكمل ليلي :- بس من بدايه الو اتأخرتي فالرد لي😂😂
ليقول احمد :- اكيد لولو حبيبتي بتتمني انها تشوفني عريس كد وجنبي البنت الي قلبي دق ليها .
لتتأثر ليلي بكلامه وتقول:- طبعا ي حبيبي نفسي اشوفك عريس ونفسي اوي تتجوز الي ف بالي .وتتقدملها
احمد بعدم فهم:- مين الي ف بالك دي .مش قلتلك ي امي الف مره مش عايز واحده مبحبهاش انا لما هتجوز هتجوز وحده بحبها وبتحبني .
ليلي :- بس انا كلمتها ي حبيبي خلاص مينفعش ارجع ف كلامي لازم تشوفها .
احمد بأنفعال:- بس انا ي ماما مش عايز اشوف حد انا بحب ميرال وعايزگ تكلميها.
ليلي بأصرار :- بس انا قلت هتشوف الي اخترتهالك وهتقعد معاها يعني هتشوفها انا مش عيله هقول كلمه للبنت وارجع فيها .
احمد بيأس واستسلام :- حاضر ي امي هشوفها لكن متحطيش امل اني اخطبها أو يحصل م بينا تفاهم .
ليلي:- لما نشوف .
وهمت لتخرج من غرفته لتتذكر شيئ ما وتقول :- اه صح البنت هتيجي الساعه 6 المغرب اوعي تنسي تظبط مواعيدك عشان تكون فاضي علي 6 .
احمد بحزن:- أن شاء الله ي امي .
لتخرج ليلي من غرفه احمد وتغلق الباب لتدخل غرفتها لتجري اتصال
ليلي :- الو السلام عليكم ي حبيبتي
الفتاه :- وعليكم السلام ورحمه الله وبركاته  ازيك ي لولي .
ليلي :- الحمدلله ي حبيبي .برن عليكي عشان ائكد عليكي المعاد الساعه 6 تكوني عندي .
الفتاه :- أن شاء الله .
🌺🌺🌺🌺🌺🌺🌺🌺🌺🌺🌺😜😜😜😜😜😜😜😜😜😜😜🌺🌺🌺🌺🌺🌺🌺🌺🌺🌺🌺
{بمكتب اسر فالڤيلا}
يوسف :- خلاص انت قررت من دوني ف اي لازمه اني اعرف
اسر :- انا مش صغير عشان مقررش لوحدي   انا ف ال30
يوسف بصرامه :- برضو دا ميديلكش الحق انك تكلم والدها وتقولو انك هتكون عندهم بالامارات بعد يومين وانا زي الاطرش فالزفه معرفش وبعدين جاي تقولي لي اصلا كنت قولتلي عالفرح ي سياده اللواء .
اسر وقد ادرگ مدي انفعال والده ليردف مهدئا إياه :- كنت عايز اعملهالك مفاجئه كنت حابب انك تفرح وافرح روكا كمان معاگ
يوسف وقد هدأ قليلا :- اعمل الي تعملوا ي اسر طالما هتتحمل مسئوليه قراراتگ لوحدگ .
فجأه يتفتح باب المكتب وتدخل روكا وقد ظهر علي وجهها حبات اللؤلؤ(دموعها)كما يسميها يوسف
ليهم يوسف بالوقوف ليقترب منها ويأخذها داخل أحضانه ويقول :- انتي أه بتبقي جميله لما حبات اللؤلؤ دول ينزلوا لكن اللؤلؤ دا غالي عندي اوي مش عايزه اشوفوا الا فرحه .
لتردف روكا وهي توكزه في كتفه :- ومين قالگ أن دي مش دموع فرحه
لينظر داخل عينيها يوسف ويقول :- وفرحانه لي بقا .
روكا :- عشان ابني حبيبي ونور عيني خلاص هيتجوز وهشيل عياله🤭
يوسف يتصنع الحزن :- ولما هو حبيبك ونور عينك انا ابقا اي ؟؟!
روكا :- يووووسف بس عشان الواد موجود
اسر بدراميه :- اعتبروني هوا ولا موجود خدو راحتكم عالاخر😂
(كلمه من الكاتبه :- سوري قطعتكم شويه عن البارت يؤسفني اقولكم كد البارت خلص وكمان  بجد انا سنجله وهما بيغيظوووني🥺يرضيكووووا اتغاظ .ربي يكرم كل بنت تجاهد في طاعه الله بالزوج الصالح والحب الحلال ❤️)
رأيكم فالبارت ي حبايبي
عارفه اني اتأخرت جامد اوووووي جموده 😂ربنا يعلم ب الي مريت بيه ورمضان كريم عليكم بقا .
انا مش عارفه البارت الي بعدو هكتبو امت بس هحاول اكتب لأن انا مبكتبش أثناء الصيام بكتب بالليل وانتو عارفين بعد الفطار بنكون  ازاي 😂🤢