أسر العشق والهوى❤️💌

صفحه جديده بالحب❤️

اسر العشق والهوى ❤️💌
{الكاتبه:-اسراء جابر}
البارت الخامس عشر
خرجت ميمي بصحبه احمد ليصطحبها الي المطعم ولكن ليس كل ما نريد يجري كما نريده ليصدع رنين هاتف احمد لينظر إليه ليري أنها والدته لتذكر أنه وعدها بأن يأكل معها وجبه الغداء ليضرب جبينه بباطن كفه ويردف :- يييييه نسيت اني واعدها اتغدي معاها .كانت تري ميرال احمد وهو يتحدث بغموض عن انثي وعدها بالغداء معها ويجول في خاطرها اسئله كثيره الا وهي :- مين البنت دي ياترا  ؟؟؟ طب هيسيبني اتغدي لوحدي دلوقتي ويروحلها؟؟ ياترا هي حبيبتو ؟؟؟ يخساره طلع بيحب وبيكلم بنات ؟؟؟وانا الي كنت فاكراه محترم وملهوش ف سكك البنات ...
لتفيق من شرودها علي رد احمد علي الهاتف ليردف:- ايوه ي لولي والله ي حبيبتي نسيت خالص اني هتغدي معاكي .
لتردف ليلي :- انا زعلانه الفكره ولازم تاجي انا عملتلك اكل مخصوص ي حبيبي مينفعش كد طول اليوم شغل شغل ارحم نفسك ي قلبي .
لتسمعها ميرال التي تضع أذنها داخل الهاتف لتعرف هويه المتصله تلك لا تدري لم إصابتها وخذه بقلبها وقلق اثار نبضات قلبها .واضطرابات أنفاسها وهي تستمع الي صوتها لتتخيل أمامها صورت امرأه شابه فاتنه الجمال  هي لم تعلم لم كل هذا العناء لم تفعل هذا هو ليس يعني لها شي فمن هو احمد هذا لتفعل هذا لأجله لماذا لا تستطيع السيطره علي تصرفاتها .
احمد :- ي لولي ي حبيبتي والله معايا زميله ليا فالشغل وكنا هنتغدي سوا
ليلي:- طب م تجيبها وتيجي البيت ي حبيبي .
احمد :- طيب ي حبيبتي هقولها وان شاء الله هاجي .
ليغلق احمد الخط وهو ينظر لميرال ليقول :- انا كنت واعد ماما اتغدي معاها النهارده. وهي عازماكي كمان.
لتفتح اسارير فرحه ميرال لتردف :- يعني انت كنت بتكلم مامتك .
احمد :- اه امي امال هكون بكلم مين .
ميرال :- أصل كنت فكراها حبيبتك ف استغربت انك تخرج معايا وكد وبتقولها انك معاك واحده وعادي كد ..
احمد بتسرع وعدم ادراك لحديثه:- لما تعرفيها هتحبيها اوي وهي كمان هتحبك زيي .
ميرال :- نعم .بتقول اي
احمد :- هو انا قلت حاجه .
ميرال :- امممم طيب.
لتكون وجهتهم قصر ماذن عمر والد احمد .
🌺🌺🌺🌺🌺🌺🌺🌺🌺🌺🌺💙💙💙💙💙💙💙💙💙💙💙🌺🌺🌺🌺🌺🌺🌺🌺🌺🌺🌺
في مكان راقي جدا يتضح أنه مطعم مطل عالبحر من اشهر المطاعم بالاسكندريه
تجلس نوران وهي تنظر إلي  اسر وهو يتحدث ويطلب لهم الطعام .
وتسرح بذاكرتها لبضع دقائق أثناء اصطفاف اسر للسياره حينما أقبلت علي النزول وفتح الباب ليمسك بيدها ويجذبها إليه ليقول :- استني متنزليش .
لتردخ لما يقول لتقبع مكانها .لتراه يترجل من السياره ويتجه لبابها ليقوم بفتح الباب لها ويمسك بيدها ويساعدها علي الترجل من السياره .
نوران :- انا بعرف انزل لوحدي اي لازمه الي حصل دا .وبعدين ماسك ايدي لي انا مش هتوه وولا هتخطف .
اسر وقد ظهر شبح ابتسامه صغيره ليقول:- عارف انك بتعرفي تنزلي لوحدك وماسك ايدك لان انا عايز امسكها. وعلي أن حد يخطفك دي ف دا مستحيل  محدش يقدر ييجي جنب حاجه تخص اسر الاسكندراني
لتبتسم نوران وتقول بخبث :- انت بتتكلم ع الي يخصك مش عليا .
ليفهم اسر مغذي حديثها ليبتسم ويسحبها خلفه لداخل المطعم وهو يقول :- هنحط النقط ع الي الحروف جوا 
لتفيق وهو يحدثها ويقول:- نوري  ....انتي رحتي فين .
نوران :- انا موجوده اهو .
اسر:- مش واضح انك موجوده خالص.
عالعموم قولتي اي ف الي قلتهولك ؟
نوران :- اي الي قولتهولي ؟
اسر:- نسيتي الي قلتو🥺
نوران:- انت مقولتش حاجه اصلا.
اسر بنفاذ صبر:- ماشي ي ستي هقول تاني .عايز افتح صفحه جديده معاكي بدون خناق ومشاكل .خلاله اي رأيك ي ستي
نوران بتفكير :- امممممم سيبني افكر .
اسر:-نعم انتي لسه هتفكري .
نوران بثقه بالنفس:-اه طبعا هفكر .
اسر بعصبيه:- خلاص اعتبريني مقولتش حاجه .
نوران بتسرع :- لالا ي عم خلاص فكرت بلاها مشاكل خلاص.
اسر :- يعني هنفتح صفحه جديده خلاص ومش هتقولي سافل وقليل الادب 😂
نوران وقد تذكرت قبلته :- لا هقول سافل وقليل الادب ومجنون كمان .
ليضحك اسر بطرف فمه يتهكم ويقول :- لا ي عم احنا نلغي الاتفاق احسن ويتلغي الصلح دا 😂وننهي كمان جلسه الصلح دي .
اسر وهو يهم بالنهوض:- ابقي ادفعي حساب الغداء بقا ي نوري😂😂😂   
نوران :- خلاص ي عم انت قلبك اسود كد لي انا كنت بهزر بس ومش هقولك ي سيدي ولا سافل وولا قليل الادب هقولك ي مجنون بس😂😂😂
اسر وهو يجلس مره اخري :- يعني لازم اهددك عشان توافقي .
نوران:-اي دا انت كنت بتهدد بس يعني مكونتش هتنفذ وتمشي وتلغي الاتفاق .
اسر وهو ينظر داخل عيناها :- اه ي ستي كنت بهددك بس اصلا كنت هفتح معاكي صفحه جديده حتي لو موافقتيش كنا هنتصالح غصب عنك ي نوري .
لتضع نوران يدها علي الترابيزه وتهم بالنهوض وهي بتقول:- انا مفيش حاجه بعملها غصب عني وبالنسبه للصفحه الجديده انا قفلتها ورجعت القديمه .
لينظر لها اسر ويمد يده ويمسك يداها التي تضعها أمامه ليردف :- اقعدي ي نوري .
نوران بعتد:- لا مش هقعد .
اسر بهدوء :- بقولك اقعدي ومش هعيد كلامي والا رد فعلي مش هيعجبك .ومش هتقولي عليا سافل وقليل أدب وبس لا دي الناس هتقول كمان اننا متجوزين ف اي بالزوق كد اقعدي .
لتبتسم نوران ابتسامه بسيطه لتخفيها بسرعه قبل أن يلحظها كما تظن ولكنه كان يدقق في كل ملامحها ليطبعها بزاكرته . 
 
وتجلس نوران لتري اسر يضع احدي يديه داخل جيب الجاكيت واليد الاخري مازال ممسكا بيدها  ويخرج يده لتظهر لها علبه سوداء اللون ليفتحها ليظهر بداخلها خاتم من الالماس البيضاء الصغيره تتوسطهم ماسه بيضاء اكبر  امسك بالخاتم ورفع يدها له ليلبسها  ذلك الخاتم .ويطبع قبله رقيقه علي يدها ليقول :-دا هديتي ليكي عشان قبلتي  أننا نفتح صفحه جديده سوا .
كانت علامات الدهشه والفرحه المختلطه بمشاعر غريبه عنها تحتل ملامح نوران لتتشنج عضلات فمها ويشل لسانها وكأنها أصبحت طفله صغيره لا تدرك كيف تتحدث   .
لينظر بعينيها ويقول بصوت هامس :- مش هسيبك ي نوري .
لتشعر نوران بأن كلامه الهامس قد اخترق مسامع أذنها ليصل الي قلبها فينبض كلامه قلبها ليسير بكامل جسدها يشعرها بقشعريره لذيذه .
😇😇😇😇😇😇😇😇😇😇😇😇😇😇😇😇😇😇😇😇😇😇
{داخل المرسم بجوار قصر يوسف الاسكندراني}
حبيبه منسجمه في رسم منظر طبيعي بالامارات .
ليظهر أمامها طيف محمد لتبتسم بتلقائية وتكمل رسمتها
ليخطر ببالها فكره رسمه بورتريه لتنحني وتسحب لوحه جديده بيضاء وتبدي ودلق الالوان وتندمج مع الرسم لتنتهي مش رسمتها تلك بعد بضع دقائق
لنجدها قد رسمت ظل لمحمد وهو يمسك بيد فتاه لم تظهر ملامحهم ولكنها تدرك أن هذا محمد وتتفنن في جعل الصوره تحت اشعه غروب الشمس أمام امواج البحر لتبتسم برضي للوحه وتستعيد اللوحه الأولي لتكمل ما بدأت به .
ليصدع   بعد دقائق صوت رنين هاتفها ليقطع اندماجها لتمسك بالهاتف لتجده رقم محمد لتبتسم مره اخري
(كلمه الكاتبه اسراء الي هي انا :-ياااااااه علي تلاقي الارواح زي م بيقولو القلوب عند بعضها 🤭😂معلش قطعت عليكم القراءه نرجع تاني )
لترد علي مكالمته
حبيبه :- السلام عليكم ورحمه الله وبركاته
محمد:- وعليكم السلام ورحمه الله وبركاته.
عامله اي ي آنسه حبيبه .
حبيبه :- الحمدلله انا تمم وحضرتك
محمد :- حضرتك اي دي احنا مش اتفقنا نكون اصحاب ولا اي؟؟؟!
حبيبه بتوتر :- م انت قلت ي آنسه .
محمد:- خلاص ي ستي حصل خير مش هقول آنسه تاني وانتي متقوليش حضرتك قولي محمد علطول .
حبيبه :- تمام .
ليصمت محمد بضع لحظات دون حديث لتردف حبيبه:- هو حضرتك اسفه نسيت هو انت رنيت كنت عايز حاجه .؟؟؟
محمد:- كنت حابب أسأل عن ميعاد معرضك عشان اضبط مواعيدي واقدر اجي وقت افتتاح المعرض .
حبيبه :- أنا لسه برسم اللوحات ومحددتش ميعاد للمعرض لما احدد هخلي نوران تقولك .
محمد بتسرع:- ولي مترنيش تقوليلي انتي ؟
حبيبه بتوتر :- مش مشكله أني اكلمك بنفسي طبعا .بس انا قلت نوران لأنها اختك .
محمد :- انا هستني منك انتي المكالمه .
حبيبه :- أن شاء الله .
محمد :- يلا سلام عليكم .
حبيبه :- وعليكم السلام ورحمه الله وبركاته.
لتغلق حبيبه وهي مازالت ليست مستوعبه ب أنه مهتم لأمر لوحاتها ومعرضها بنفسه .
🌺🌺🌺🌺🌺🌺🌺🌺🌺🌺🌺 ❤️❤️❤️❤️❤️❤️❤️❤️❤️❤️❤️🌺🌺🌺🌺🌺🌺🌺🌺🌺🌺🌺
{بقصر مازن عمر والد احمد}
لولي (والده احمد):- خلصتي ترتيب السفره ي رجاء .
رجاء :-اه ي مدام رصيتلك كل الاكل زي م قوليلي عالسفره بس ي هانم عندي سؤال بسيط ممكن اسألوا
لولي:- اسألي ي رجاء عارفاكي  بتحبي ترغي .😂
رجاء :- انتي قولتيلي ي ست هانم ارتب السفره لثلاث أشخاص والاستاذ ماذن جوز حضرتك يعني مش بياجي الا المغرب وحضرتك لسه مكلمه سي الاستاذ احمد ابن حضرتك وهو الي هيتغذا معاكي  ف لمين الطبق الثالث ؟؟؟؟
لولي :- دا انتي بتتصنتي بقا عليا ي رجاء ؟
رجاء :- انا لا والله ابدا الهي انتص ف نظري لو اتصنتت  عليكي ي هانم .
انا بس سمعت حضرتك بالصدفه انتي وبتكلمي سي الاستاذ احمد وانا عارفه ميعاد جوز حضرتك المغرب  ف استغربت وسألت حضرتك ي هانم.
لولي برد صارم تنهي الحديث:- دا سؤال اجابتوا مش هتهمك ومش هتفيدك ف اشتغلي وراعي لشغلك عشان لو حصل وعرفت انك قصرتي ف حاجه هجيب غيرك .
رجاء وهي تهم بالذهاب للمطبخ:- لا لا ي مدام كفا الله الشر انا هشتغل اهو  .
لولي :- يكون احسن .
نجد بعد دقائق احمد يدخل من باب القصر ومعه ميرال .
احمد وهو يشير إلي ميرال :- دي ميرال ي ماما بتتدرب عندنا فالشركه .ودي ماما ليلي ي ميرال .
ميرال وهي تمد يدها لترحب بها :-اهلا ي طنط اتشرفت بمعرفتك .
لتمسك يدها لولي وتسحبها لتضمها لتقول عندنا السلام كد مش بالأيد .
لتبتسم ميرال بمحبه لتلك الام الحنونه .وكم شعرت بحضنها بحنان والدتها المتوفاه .
لتدمع عينا ميرال وهي تقول بهمس :- احلا حضن دا ولا اي 🙂بيفكرني بحضن مامي
لتبعدها عن حضنها لولي وتنظر لها لتلاحظ عيناها الزرقاء التي أصبحت كأمواج البحر وهي ممتلئه بالعبرات .
لتقترب منها لولي الذي استمعت لهمساتها لتردف:- اعتبريني مامي التانيه ي روحي🥺
لتهمس ميرال لها:- ليا الشرف ☺️
لينظر لهم احمد الذي ابتعد عنهم فور تعريفهم لبعضهم ليري ما أعد من أشهي الاكلات .ويقول:- بتهمسوا بتقولوا اي هااااااه عرفونى.
لتنظر له كلا من ليلي وميرال ليردفا  معا:- ملكش دعوه 😂
لينظرا لبعضهما إثر قول نفس الجمله دون اتفاق .ليضحكااا
تصتحب لولي ميرال للسفره ويبدأ كل منهم بتناول الغذاء بأنسجام .
حيث نري ميرال تأكل علي استحياء .من مجلسها مع احمد ووالدته .التي أخذت انطباع عنها بأنها ذات قلب ابيض وأخذت معالم وجهها تشق الطيبه .وأحمد الذي تلاحظ أنه يسلط نظره إليها وعيناه لم تحيد عنها وعن مراقبتها المستمرة.
ونري احمد ينظر كل حين وآخر الي تلك القابعه امامه قد لاحظ استحيائها واعجبه كثيرا ملامح وجهها عن قرب حيث أنه لم يقترب منها ويدقق بملامح وجهها بهذا الشكل .
ونري لولي تتابع نظرات ابنها احمد وقد لاحظت أنه معجب بها وتنظر كل حين للأخر لميرال لتراها كما هي لم تحيد عيناها عن طبقها وهذا من وجهت نظر لولي قمه الاخلاق وحسن التربيه .لتتمني من قلبها أن تصبح تلك الفتاه زوجه لابنها الوحيد .
🌺🌺🌺🌺🌺🌺🌺🌺🌺🌺🌺❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
وبكده اكون خلصت البارت الخامس عشر
اتمني اسمع رأيكم 🤭💌

٭★٭★٭★٭★٭★٭★٭★٭★٭★٭★٭★٭٭★٭★٭★٭★٭★٭★٭★٭★٭★٭★٭★٭٭★٭★٭★٭★٭★٭★٭★٭★٭★٭★٭★٭