الصقر المنتقب والقناص (مكتمله)

البارت الحادي عشر

أريج وهي بتجري وراه :هقتلك هقتلك ياريان
ريان وهو بيجري:أريج أهدي كدا السلاح يطول
أريج : وأنا عاوزاه يطول
ريان وهو بينهج:بت هو انا اول مره اصحيكي كدا يعني
ما تهدي
أريج بهدوء مريب:حاضر مصحيني ليه بقا
ريان:انا مش مرتاحلك بس يلا اخلصي عشان اللوا طالبنا نكون عنده الساعه 10 بالدقيقة
آريج وهي بتبص للساعه :والساعه كام دلوقتي
ريان وهو بيبص للساعه بإبتسامه مستفزه:الساعه 7
أريج بهدوء مخيف:ومصحيني الساعه 7 ليه ها ورفعت سلاحها عليه عايزه اعرف مصحيني من 7 ليه يخي حرام عليك انا راجعه الساعه 4الفجر
ريان بتمثيل:معلش ياحبيبتي اصل كنت جعان ومش عارف اعمل حاجه وبابا مش موجود
أريج بخبث:ياحبيبي خلاص روح انت اجهز وانا هجهز وأحضر الفطار
ريان بخبث لانه كل مره يعمل معاها كدا:أريج قلبي تسلميلي
بعد ما مشي أريج مسكت المسدس بتاعها :ماشي ياريان إن ما وريتك ما ابقاش انا اريج الحديدي

عند خديجه وصلت للمكان اللي بتحفظ فيه القرآن للاطفال فهي ختمت القرآن في ٩شهور بالتجويد وحبت تعلم الأطفال وصلت لاقت الأطفال بيتناقشوا ولا كأنه عندهم اجتماع راحت عليهم بشويش وهما مش منتبهين
خديجه:عوووووو
الأطفال بخضه:عااااااا
خديجه بضحك:اهدوا اهدوا دي انا بتعملوا اي بقي
علي طفل عنده ٨سنين :مفيش ياخديجه بس عمر(9سنين) سمع حاجه كدا وبيسألنا عليها واحنا مش عارفين
خديجه:واي بقي الحاجه دي ياسي عمر
عمر:وانا جاي هنا ياخديجه سمعت واحد بيقول وإن سألوك عن العدل فقل لهم قد مات عمر وهو كان بيبص علي واحد بيأكل كلب لحمه وفي ولد جعان اوي ياخديجه ومحدش راضي يديله أكل والراجل دا راح اشتراله اكل
خديجه بحزن:وهي تردد وان سألوك عن العدل فقل لهم قد مات عمر
مريم (٩سنين)بفضول :يعني اي الجمله دي ياخديجه
خديجه بحماس :طب اي رايكم أنه نخلص من ورد الحفظ والتسميع بعدين اقولكم
الأطفال بحماس اكبر:اتفقنا

عند أريج دخلت المطبخ عملت بيض وقهوه وكانت مخلصه لبس وحطت الفطار ونادت علي ريان
أريج بخبث:ريو ريو يابيبي
ريان بعد ما خلص لبس:مش مرتاحلك اي الدلع دا
‏أريج ببراءة وحزن مصطنع:أخص عليك انت بتشك فيا وانا اللي عملالك الفطار لا بجد زعلت الفطار اهو عندك
‏ريان بحزن : خلاص والله بهزر معاكي تعالي كلي
‏أريج:بالهنا ياحبيبي انا شربت القهوه بتاعتي وهنزل الشغل عشان في كام حاجه جديده لازم اخلصها
ريان:تمام وانا هخلص فطار واجي وراكي
‏أريج بإبتسامه خبث:سلام
‏بعد ما خرجت حطت ودنها علي الباب
‏أريج:1 2 3
‏ريان:أررررررررررررريج

عند خديجه خلصت تسميع وتحفيظ
مريم:يلا بقا ياخديجه قوليلنا
خديجه:بصي ياستي سيدنا عمرو بن الخطاب كان من اعدل الناس لدرجة أنه فيه حديث عن النبي _صل اللـّٰه عليه وسلم_ "لو كان نبي بعدي لكان عمر بن الخطاب "

عمر:طب ما تحكيلنا عنه أكتر ياخديجه
خديجه بحماس:مستعدين تسمعوا شوية قصص عنه
الأطفال بحماس:اكيد
خديجه:في عهد عمر بن الخطاب جاء ثلاثة أشخاص ممسكين
بشاب وقالوا يا أمير المؤمنين نريد منك أن تقتص لنا من هذا الرجل فقد قتل والدنا
قال عمر بن الخطاب لماذا قتلته؟
قال الرجل إني راعى إبل وماعز.. واحد من جمالي أكل شجره من أرض أبوهم فضربه أبوهم بحجر فمات فامسكت نفس الحجر وضربت ابوهم به فمات
قال عمر بن الخطاب إذا سأقيم عليك الحد
قال الرجل أمهلني ثلاثة أيام فقد مات أبي وترك لي كنزاً أنا وأخي الصغير فإذا قتلتني ضاع الكنز وضاع أخي من بعدي
فقال عمر بن الخطاب ومن يضمنك
فنظر الرجل في وجوه الناس فقال هذا الرجل
فقال عمر بن الخطاب يا أبا ذر هل تضمن هذا الرجل
فقال أبو ذر نعم يا أمير المؤمنين
فقال عمر بن الخطاب إنك لا تعرفه وأن هرب أقمت عليك الحد
فقال أبو ذر أنا أضمنه يا أمير المؤمنين
ورحل الرجل ومر اليوم الأول والثاني والثالث وكل الناس كانت قلقله على أبو ذر حتى لا يقام عليه الحد وقبل صلاة المغرب بقليل جاء الرجل وهو يلهث وقد أشتد عليه التعب والإرهاق و وقف بين يدي أمير المؤمنين عمر بن الخطاب
قال الرجل لقد سلمت الكنز وأخي لأخواله وأنا تحت يدك لتقيم علي الحد
فاستغرب عمر بن الخطاب وقال ما الذي أرجعك كان ممكن أن تهرب ؟؟
فقال الرجل خشيت أن يقال لقد ذهب الوفاء بالعهد من الناس
فسأل عمر بن الخطاب أبو ذر لماذا ضمنته ؟؟؟
فقال أبو ذر خشيت أن يقال لقد ذهب الخير من الناس
فتأثر أولاد القتيل
فقالوا لقد عفونا عنه
فقال عمر بن الخطاب لماذا ؟
فقالوا نخشى أن يقال لقد ذهب العفو من الناس