دوى صوت طرقات نادين علي غرفة نوم عمر .. و تجلجل صوت صراخها عليه : اصحي يا باشمهندس يا محترم .. اصحي يا بيه ..
فتح عمر الباب علي حين غفلة لتندفع عاصفة غضبها من الغرفة و تقضى عليها .. صاح فيها بغضب شديد : ايه في ايه يا هانم علي الصبح ..
واجهة عاصفته بعاصفة غضب أعتى و اكبر و صاحت فيه : في أن عيشتك برا نستك الاصول يا بيه يا محترم .. بالزمة مش مكسوف من اللي انت عملته .. و لا عملت احترام لا لكبير و لا حد خالص ..
قبض عمر علي ذراعها بقسوة شديدة ثم قال بتحذير خرج بصعوبة من بين أسنانه : احفظى لسانك يا نادين و متخلينيش اتغابا عليكي .. و قولي للي رايحه تجرى عليكى تشتكي لك أن بدل الفرح اللي كنت هعمله لها في اكبر مكان فيكى يا مصر و الجنة اللي كنت هعيشها فيها .. قريب جدا هتجيني راكعة تتذللى ارحمها لما يوصلها حكم بأنها مطلوبه في بيت الطاعه .. و ساعتها هقلب حياتها كلها لجحيم .. و هوريها إذا كنت بتاع نسوان فعلا و لا لا...
أفلت ذراعها بعد أن انتهى من اخبارها رسالته ..
لتمسك مكان قبضته بآلم و ملامح مدهوشة مصدومة .. تهتف بصدمة : انا مش قادرة اصدق اللي انت بتقوله .. انت استحالة تكون طبيعي .. يا عمر دي ندى حبيبتك ..
زأر في وجهها بغضب : دي مش حبيبتي دي هتبقي جارية عندي ........................
رأيكم في الاقتباس حبيباتى 😍😍
عاوزه تفاعل كبير يشجعنى علي الكتابة 😍😍 حابه اعترف انكم كلكم بلا استثناء وحشتونى جدآ جدآ جدآ 🙌💖💖
بحبكم خيراااات الله كلها ❤️ 💓💖
الباشكاتبة
ايمان احمد يوسف
YOU ARE READING
مريض الحب للكاتبه إيمان أحمد يوسف
Romanceثلاثية مجنون ليلي " طبيب مريض و قلبه مشرأب بالبغض لكل النساء ، وقعت هي في طريقه فـ راهن علي إخضاعها لإرادته ... و لكنه انشغل بربح الرهان عن تأمين قلبه من فتنتها فـ أسره الغرام قسرا و أمسى بين عَشِيِّة و ضُحاها مجنون ليلى " #الجزء_الأول #مريض_الحب #...